Tɛsalonikə dɔlɔɔ 3:11 - Yálá laawoo hɛɓɛ (dc)

¹¹ Yálá kpinįi, gu Ną́n, ɛlɛɛ, gu Ną́mu Jesus di pələ kulɔ a kuɔ, ku pa ká pɔ.

Yálá laawoo hɛɓɛ

¹¹ Yálá kpinįi, gu Ną́n, ɛlɛɛ, gu Ną́mu Jesus di pələ kulɔ a kuɔ, ku pa ká pɔ.

Bible

¹¹ Mɛni ma Kúnâŋ Ɣâla ǹyaa kpîŋ da Kúnuu-namui Zîsɛ Kôrai dí kútenîŋ tɔ̀ɔ kâa;

Tɛsalonikə dɔlɔɔ 3:11 Iomraidhean Croise

Azaya 63:16

Yii mą: Ku Nąn mąą a yɛ́, Abrahamə nwɛi, yii mą, hvo ku kɔ́lɔn, Israɛlə yaa kpɛlimąn, hvo kpɛli ku kɔ́lɔn, Yɛ́, Yai-Laa, Yɛ́ lɔ ɓaa a ku Nąn, Ə́ laai yɛ́ a yələ kəlee, ya ɓaa, ku Nwun mąąɓomun.

Ɉeremi 31:9

Di kaa pai ɲɛ̨iyá hu, diɛ kɛ mą: «Kookwəi!» Ɛlɛɛ, gáá pai tɔɔi di tɔwɔ, gɛ́ li a diɛ lɔiɠaa ya kaa di hu kɛnɛ̨. Diɛ tɛɛ a pələ hu pɔ̨nɔ̨ɔ̨, di hva kalin. Gáá kɛi a Israɛlə nąn, Ɛfraimə kaa a nón nu pɔlɔ laa mun.

Malasi 1:6

Ɲą́ą́ Yai-Laa Mɛ̨nį Kəlee ŋą Hééɓomun, mɛ̨nįi gáá moi ɉaláá laa həli nuą diɛ, ya ka, gɛ́ diɛ: «Lon a nąn mąąwiɛ, luwɔ yɛ nąmu mąąwiɛ. Akɛtii, ɲą́ą́, və́ mɔ̨ɔ̨ a ka nąn, da ka Nąmu? Gɛ pələ kaa ləi, yai, ka hva mą́ą́wiɛ? Ka kɛ mɛ́lɛkpɛɛi mą́ą́, kaa kɛ mą: ‹Lə mɛ̨nį ɓə ku ɓɛlɛkpɛɛ yɛ́ ɉu?›

Maafîu 6:14

«Yili ɓa, akɛ nuąi da kɛ mɛ̨nį ɲɔ̨n gɛi a kaa, ka kɛ di mąąhvaalɛɛi, bələ lɔ ɓə, ka Nąn yaa kpɛli a ka mąąhvaalɛɛ la.

Maafîu 6:18

Ya ɓə a gɛ, nuą kili hva pu ɉu, diɛ ə́ kaa hin ɉu. Kɛlaa ə́ Ną́n a loo mɛ̨nį hu kaa, ya ɓɛ pai ə́ woo ŋąąpənəi.»

Maafîu 6:26

Ka nwɛ̨niɠaa kaa, di hva hihɛn ɉi, di hva hɛn da laaikɛ kələi. Kɛlaa, ka Ną́n gaa yələi a di kɔ̨nɔ̨n gɛ! Gu hvo mun kɛ, kaa, ka hviala hvo ɓo li hvo tɛɛ nwɛ̨niɠaa diɛ?

Maafîu 6:32

Nuąi di hvo Yálá kɔ́lɔn, diɛ ɓə mąąnɛ̨ɛ̨ di yiliɠaai niihɛlɛn ɉee. Ka Ną́n gaa yələi, ə ka kpaan mɛ̨nį kəlee kɔ́lɔn.

Maafîu 6:4

Ya ɓə a gɛ, ə́ wɔ kɔ́ɓo hɛn ə lɛɛ a nooɔ. Ə́ Nąn Yálái a loo mɛ̨nį hu kaa, ya ɓə pai ə́ hvɛla kulɔi.»

Maafîu 6:6

Kɛlaa, yɛ́ ə́ wɛi, yá kɛi Yálá hvɛli, lɔ ə́ yəi bɛlɛ́n, ə́ naa kpulu; ə́ Ną́n Yálái gaa laa ə́ pɔ loo hu, vɛli. Yaa tii a loo mɛ̨nį hu kaai, ya ɓə pai ə́ hvɛla kulɔi.

Markə 1:3

Yili mąą nui tii ka tii nwoo kaa tɛi nɔi pun ɉu yɛ kɛ mą: ka Nąmu nwɔ pələi pɛli, ka nwɔ pələ pɛlɛɛɠaa kəlee haŋąn.»

Lukə 12:30

Nuąi di hvo laa li Yálá la, diɛ ɓə da yiliɠaai kwɛli mɛ̨nį niihɛlɛn ɉee. Kɛlaa, ka wɛi, ka nąn ə ka mąą kpaan gɔlɔn.

Lukə 12:32

«Kaai ka káá a nu kpulu logolo, ka hvo ɲɔw. Mąąhɔlɔɓo, ə laa a ka Nąn ə tɔɔlaai tɛɛ ka pɔ.

Ɉaan 20:17

Jesus yɛ mą: «Hvó kanąn mą́ą́, mąąhɔlɔɓo, və́ nii tɛ li Ną́n bɔ yələi. Kɛlaa, li ya Ną́n nonnii kaa ə́ mo diɛ, yɛ diɛ: Gáá li Ną́n da ka Nąn bɔ, nwɔ́ Yálá da ka wɔ Yálá pɔ.»

Lomaŋ 1:3

Nwɛlɛɛ lɛlɛɛ ti hvilɛŋąai non ɉulɔnu ɓa, yai hɔlɔɓo kɔ́lɔ hu Davidə huwu hu.

Korɛntə veelɛ 6:18

Ŋą́ kɛ a ká nąn, ka kɛ a nónnii. Hééɓolaa kəlee Nąmu Yálá woo li!»

Galatə 1:4

gu Nąmui tii ɓə gbɔwɔ kulɔ a haláá gu wɔɔ nɛ̨ŋɛ̨nŋaa mąą mɛ̨nį ɓa, ə gɛ, ə gu kulɔ ɲɛnɛ̨ɛ̨ ŋɛ̨i hu mɛ̨nį ɲɔn ɲee kɔnma, yɛ bələi Yálá liiɓa kaa la, yai a gu Nąn.

Kolosə 1:2

kuɔ ɓə ɉɛɓɛ́i ŋɛ̨i tɛɛi Yálá nwɔ nuą diɛ, diɛi di kaa a ku nąn nonnii, di tələnmoɔ Kristə laa hu, diɛ ɓo Kolɔsə daai. Kuɔ gu Ną́n Yálá ə mɛ̨inɛ̨ɛ̨ da liilaa tɛɛ ka pɔ.

Tɛsalonikə dɔlɔɔ 3:13

Ə ká nii huwalawala lɔ tii mąąhəɠəlaa hu, mąąkulɔi hvo kɛ mą Yálá gu Nąn ɲɛ̨i ɓa, a gu Ną́mu Jesus pa yələ, da nu mąąhəɠɛɛɠaa kəlee.

Tɛsalonikə dɔlɔɔ 4:16

Gbala ə tɔɔ, malaka kɛnɛ̨ ɓə pai nwoo pilii, ɛlɛɛ, Yálá nwɔ túlúi woo ə tɔɔ, gu Nąmu yaa kpinįi, a yɛɛ yɛ həɠə yələi, a kɛ tii, nuąi haa Kristə hu, da gbɛa nwun,

Tɛsalonikə dɔlɔɔ 5:23

Liilaa Yálá yaa kpinįi, ə ká mąąhəɠə kpɔ tɛ̨ɛ̨tɛ̨ɛ̨, ɛlɛɛ, ká kili, ká nįį, ká kɔlɔ, ə lɛɛ kpɔ a nɛlɛɛ, mąąkulɔi hvo kɛ mą, ə lɛɛ ɉu gu Nąmu Jesus Kristə pa yələ ə ɉəli mą.

Tɛsalonikə veelɛ 2:16

Gu Ną́mu Jesus Kristə yaa kpinįlee da gu Ną́n Yálá, diɛi gu wɛlila kɛ, ɛlɛɛ, ə gu liilaa, a yii kpɛɛ hvo mą, da kilitɔɔmąą laa lɛlɛɛ,

Tɛsalonikə veelɛ 3:16

Gu Ną́mui a liilaa nąmu, yaa kpinįilee, ə ká kɔ a liilaa, a yələ kəlee, a pələ huwui lɔpee. Gu Nąmu ə kɛ ká kəlee ká pɔ.

Tɛsalonikə veelɛ 3:5

Gu Ną́mu ə ka lii tənən dɔɔ Yálá nwɔ wɛlikɛmąąlaa ɓa, ɛlɛɛ, káá tɔɔ a ká nwąnąi Kristə mąą mɛ̨nį hu.

Zɔ̂ŋ Maa-ŋuŋ 3:1

Nwɛlikɛmąą laa kɛnɛ̨i Nąn ə gɛ a guɔ, 'ká gaa tai, da gu təli a Yálá lonnii; ɛlɛɛ, gu kaa kpɔ tii la! Yili ɓə aa gɛ, yɛnɛ̨ɛ̨ hva pɛli gu kɔlɔn ɉii; gbala ə tɔɔ, di ɲɛ̨i hvo ni pono li Yálá ɓa.

M̀ɛni-lɛɛi 21:3

Ɛlɛɛ, ŋą́ woo kɛnɛ̨ ta mɛ̨n yɛ həɠə dɔɔkpəlin ɉu, yɛ kɛ mą: «Yálá heei ka, da nu kanŋaa! Da diɛni di kaa pai heei kɛɛnąą tanɔ̨n. Di kaa pai kɛi a nwɔ nu huwu, ɛlɛɛ, yaa kpinįi ə ɓo a di wɔɔ Yálá, yɛ ɓo di pɔ.