Tɛsalonikə dɔlɔɔ 2:17 - Yálá laawoo hɛɓɛ (dc)

¹⁷ Yii ɓaa ku wɛi, nąn nonnii, gu mąą kwɛai lɔ gu kee ɓa lɔ tíikpə, gu ɲɛ̨i hvo hee li gu kee ɓa, kɛlaa gu nąą kili kaa gu kee ɲą. Kwaa tɔɔ kpɔ a ku nwąnąi, kuɔ ku pa, ku ku ɲɛ̨i tɔɔ káá, mąąhɔlɔɓo, yili nąą wɛli kaa kuɔ kpɔ kɛnɛ̨.

Yálá laawoo hɛɓɛ

¹⁷ Yii ɓaa ku wɛi, nąn nonnii, gu mąą kwɛai lɔ gu kee ɓa lɔ tíikpə, gu ɲɛ̨i hvo hee li gu kee ɓa, kɛlaa gu nąą kili kaa gu kee ɲą. Kwaa tɔɔ kpɔ a ku nwąnąi, kuɔ ku pa, ku ku ɲɛ̨i tɔɔ káá, mąąhɔlɔɓo, yili nąą wɛli kaa kuɔ kpɔ kɛnɛ̨.

Bible

¹⁷ Kɛ́lɛ, ŋánûa, tãi kúkponôi fe kɛ́ ni la kákɔlɛ a tãi kpua-loŋ, kɛ́lɛ, kúlii fei, kú kɛ̀ káwɛ̂lii a gbanaŋɔɔ a gɛ́ɛ kwa kaa-ni ku kúŋɛi pu gîei;

Tɛsalonikə dɔlɔɔ 2:17 Iomraidhean Croise

Zɛnɛse 31:30

Ə́ həɠə mɛ̨nį ɉa, yɛ́ ə́ pulu pənə, ə́ gɛ tii, mąąhɔlɔɓo, ə́ wɔ nuą wɛli aa ə́ hon, mɛ̨nį ɲɔ̨nwɔ̨ɔ̨ hvaa a yili. Kɛlaa, lə mɛ̨nį ɓa ə́ nwɔ́ haliɠaai nwuɔ̨?»

Zɛnɛse 45:28

Israɛlə yɛ kɛa diɛ: «Ɉosɛfə kɛ mɛ̨nį a vulú, gaa a kwəi pili mąą; nón Ɉosɛfə kaa kpɔ ni yɛnɛ̨ɛ̨, akɛtii tɛ̨ą li! Gáá lii ŋį́ ɲɛ̨́i tɔɔ mą, gɛ́ tɛɠa haa.»

Zɛnɛse 48:11

yili pulu, yɛ Ɉosɛfə ɓa: «Gílí hvo kɛa kɛ mą gɛ́ kɛ, ŋą́ ɲɛ̨́i tɔɔ yɛ́, kɛlaa, ya ka, Yálá aa hvaa mą, ŋą́ą́ ə́ kaa, ŋą́ą́ nwɔ̨nɔ̨ ə́ lonnii kaa!»

Samia Veerɛi 13:39

Tɔɔmun nwɔ líiholi kɛ ɉu Absalɔn pɔ, gɔlɔ ə haa ma, mąąhɔlɔɓo, nii aa kɛ laa Amnɔn paa mɛ̨nį hu.

Tɔɔɓɛlaa veelɛ 5:26

Kɛlaa, Elise yɛ mą: «Ɓɛlɔwai hulɔnu ta ə kulɔ la nwɔ wotoloi hu, yɛ pa ə́ laakwiɛn ɉii, gaa ə́ kwəi nį́i hvo kɛ laa? Gaa ə́ kwəi wali hon ɉii lɔwai ɓəi, da həɠəɠaa, ɛlɛɛ, olivə da viɲə, ɓɛlaa da nįŋɛ̨ŋąą, luwɔ hinąą da luwɔ nɛ̨ąą, da hon ɉii lɔwai hvəi.

Mąątɛ̨nɛ̨ 63:1

Davidə nwɔ wələ. Ɓɛlɔwai ə kɛ la Ɉuda lɔi pun ɉu.

Lukə 12:58

Akɛ, ya mɛ̨nį ta kɛ a nu ta, kaa li moi kiti tee mun nií la, gɛ pələ kwɛli mą, ɓɛlɔwai ka kɛ la bələ pɔ, ka yaa ka ka lɔwai woo ɓo; əgɛ, hvo pa ə́ mąą ɲąbalɔ kiti tee mun ma; kiti tee mun hvo ə́ tɛɛ holahi pɔ hvo ə too gaho ŋą.

Lukə 22:15

Yɛ diɛ: «Ŋí kɛ kpɔ bɔ, gwa kaani gu gbɛa pakə kɔ̨nɔ̨n ŋɛ̨i mįi mɛ̨nį gee ɓa, gɛɛ və́ kɛ pai mɔ̨nɔ̨ mįi.

Gɛlaɠaa 17:10

Yii kɛa kpinį ə pɛlɛ, kalan nɛa di Polə da Silasə di tɔɔ bələi diɛ li Bere, di həliɛ laai, də li Ɉuifəɠaa di wɔ Yálá hvɛli pɛlɛ́ mu.

Lomaŋ 1:13

Nąn nonnii, gáá bɔ ka gɔlɔn kaa diɛ: ŋį́ kɛ kpɔlɔɔ ka pɔɔli kiliŋąhiɛ kɛi a yələ kəlee. Kɛlaa, mɛ̨nįɠaa da kɛ kpɔlɔɔ kpɛ̨ąn ɉii ɉu. Ŋą́ kɛ bɔ gɛ́ kólo dɔlɔ ə kɛ mą ka yəi, kaai ka hvo a Ɉuifəɠaa, yɛ bələi gaa kɛi la huwu takpɛliɠaa pɔɔli.

Lomaŋ 15:23

Yiihu kɛa, yɛ bələi ŋą́ą́ kpɛɛ la a nwɔ́ hiɛɠaai ti kulaa nɔiɠaa hu, aa kɛ kpɔ a kwɛlan damąą ŋį́ kɛ kpɔ bɔ ŋį́ pa ŋį́ ɲɛ̨́i tɔɔ kaa.

Korɛntə dɔlɔɔ 5:3

Nwɛ́i, bələi mąn ti gbį́nį hvo la laa, kɛlaa, gili kaa laa; nui mɛ̨nį taaləi tii kɛ, ŋą́ą́ gbɛa giti tee, yɛ ŋą́ kɛ kɛ laa ká lɔwai.

Kolosə 2:5

Ə mą kɛ, gbínį hvo ka lɔwai, kɛlaa, gáá laa a gíli, gɛ́ ká yee kɛ mɛ̨nį ka kɛ tíi ɓa kpɔ tii kpąą, a laa na laa Kristə ɓa, gwəinɛ̨ɛ̨ kulɔ.

Tɛsalonikə dɔlɔɔ 3:6

Yiihu kɛa, Timote aa həɠə ká pɔɔli aa pa, ɛlɛɛ, aa ká wɔ laa na laa da ká wɔɔ wɛlikɛmąą laa mąą mɛ̨nį hukulɔ kuɔ, yɛ kuɔ, ku nąą kili lɛlɛɛ kaa ká ɲą, ɛlɛɛ, ku kaa wɛli kaa ká hon ɉii, yɛ bələi lɔ kuɔ kpɛli ká kaa wɛli kaa ku ho ɉii la.