Tɛsalonikə dɔlɔɔ 2:1 - Yálá laawoo hɛɓɛ (dc)

¹ Ną́n nonnii, káá kpinįi ká gbaɠala kɔlɔn, káá, ká hvo kɛ ká yee hee li ku mu ká pɔɔli kpɛli-kpɛli.

Yálá laawoo hɛɓɛ

¹ Ną́n nonnii, káá kpinįi ká gbaɠala kɔlɔn, káá, ká hvo kɛ ká yee hee li ku mu ká pɔɔli kpɛli-kpɛli.

Bible

¹ Kpɛ́ni fêi, ŋánûa, káa kpîŋ ka gɔ́lɔŋ a gɛ́ɛ kúnaa-kaa-siai ku gɛ̀ kápɔ naai, ve kɛ́ ni nɔ́ kpɛni-kpɛni;

Tɛsalonikə dɔlɔɔ 2:1 Iomraidhean Croise

Zôo 39:16

Ɲɛ̨i walawalaa nonnii diɛ, yɛ da wala kɛ a nonnii, hva niihɛlɛn a di mąą mɛ̨nį, a lɛ̨ą diɛ.

Mąątɛ̨nɛ̨ 127:1

Ɲee mąąhɛɠɛɛ tɛ wələ. Salomɔn nwɔ wələ. Pɛlɛ́i Yai-Laa laa hvo dɔɔ mɛ̨nį hu, dɔɔ nuą kaa kpɛli kɛlɛi. Yai-Laa a wala ɲɛ̨i kɛ taa ɓa, nuąi mąąkpɛi, di kaa yíikpəlin ɉəɠəi kpɛli-kpɛli.

Mąątɛ̨nɛ̨ 73:13

A tɛ̨ą, kpɛli kpɛli kpɔ ka ti ŋą́ gɛ, gɛ́ nį́i laahɔnmo mąąhəɠəlaa hu, gwə́i kwəlɛɛ gɛ́ mɛ̨nįɠaa hu.

Azaya 49:4

Kɛlaa, nwɛ́i, ŋį́ kɛi kɛ diɛ: «ŋą́ą́ gbɔ́wɔ́ hviikpɛɛ lɔ kpɛi kpɛli, ŋą́ą́ vą́ŋą́ kəlee hu kala lɔ hvąŋą pulu, dɔlɔ hvo mą, ya pa nwɔ́ tɛ̨ą mɛ̨nį ə kɛi lɔ mą́ą́ kpɔn, Yai-Laa kwɛlɛ!» Vɛ́la ə ɓo nwɔ́ Yálái yəi.

Azaya 65:23

Di hvo kɛa pai di kpɔwɔ hvii kpɛɛi, yii dɔlɔ hva kɛ mą, di hvo kɛa pai lon gaai a kámą nwɔɔ. Mąąhɔlɔɓo, di kaa pai kɛi a Yai-Laa nwɔ lúwɔ lonnii, ɛlɛɛ, di mąnin ni kaa pai kɛi di pɔ.

Habakukə 2:13

Kɛlaa nwɔ̨n gɔ̨nɔ̨n mə nuą da gwɛli diɛ mɔ̨nɔ̨ mįi kpɛli kpɛli yili kəlee a həɠə Mɛ̨nį Kəlee ŋą Hééɓomun Yai-Laa pɔ.

Korɛntə dɔlɔɔ 15:10

Kɛlaa, laai kələi gáá ɉu ŋɛ̨i, Yálá ŋą mɛ̨inɛ̨ɛ̨ halai li; ɛlɛɛ, ŋą mɛ̨inɛ̨ɛ̨ tii ə gɛ mą́ą́, hvo lɛɛ li a kpɛli. Kɛlaa yaamun, ŋą́ą́ kólo kɛ aa tɛɛ gɛlaɠaa kəlee diɛ, ɲą́ą́ hvə li, Yálá ŋą mɛ̨inɛ̨ɛ̨i gaa ɲə́i, ya ɓə.

Korɛntə dɔlɔɔ 15:2

ɛlɛɛ, yai ɉaalai ɓə ka káá pai ɓaloi la, akɛ ka ká yee kanąn mą, yɛ bələi ŋį́ naa həli la kaa; ka wala yili kɛ tii, ká wɔɔ laa na laa a lɛɛ a kpɛli.

Korɛntə dɔlɔɔ 15:58

Yili ɓa tii, nwɛ́li kɛ mąą nuą, ka tɔɔ kpąą, ká mąą hvo kpɛlin, gu Ną́mu nwɔ kóloi hu, káá tɛ tɔwɔ a yələ kəlee. Ká gɔlɔn káá: Mɔ̨nɔ̨i ka káá mįi, hvo pai lɛɛi a kpɛli Ną́mu hu.

Korɛntə veelɛ 6:1

Yii kani, ku kaa Yálá ŋą kóló ɓa, ku kaa ká liɛwoo kɛi, kuɔ; Yálá ŋą mɛ̨inɛ̨ɛ̨ ŋɛ̨i ka ɉɔlɔɓo, ka hvo hee ɉu kpɛli-kpɛli.

Galatə 2:2

Yaan mɛ̨nį ta ɓə di nɛ mą́ą́ pono ɲą, yili ɓə gɛ, gɛ́ li laa, ɛlɛɛ, Nwɛlɛɛ lɛlɛɛi ŋį́ kɛi naa həli huwu takpɛliɠaa lɔwai, ŋą́ nɛ diɛ, ŋą́ pənə nwɔ̨nɔ̨, ŋą́ nɛ nu mąą nwumąąɠaai kɛ laa, kwa diɛni ku hee, ŋį́ ɉukulɔ diɛ; ə gɛ, və́ pa gilɛ gbɛli həɠə.

Galatə 4:11

Ɲɔw kaa ɉú ká mąą mɛ̨nį ɓa, akɛti góló kɛnɛ̨i ŋį́ gɛ káá, ə lɛɛ mɔ̨ɔ̨ a kpɛli!

Filipə 2:16

Káái ɓalo woo kaa ká yəi, ka kɛi túwɔ́ ti, gu Ną́mu pai lɔwai, ɲɛ̨́i a pono. Yili ɓə a nɛ yɛ, mɔ̨nɔ̨i ŋą́ mįi, da gólói ŋą́ gɛ, və́ gɛ li kpɛli.

Tɛsalonikə dɔlɔɔ 2:13

Yili ɓə gɛ, ku wɛi, ku pɔ pələ, kwa hva kpɛla Yálá mąmąɓo a yələ kəlee; ɓɛlɔwai ká Yálá laa woo hɔlɔɓo la, a yai kwa kɛ ká wəli tɔɔi mą, ká ká yee hee mu, ká hvo gɛli yɛ nu kan vaa woo, kɛlaa, yɛ bələi lɔ tii gaa la, a Yálá laa woo, yai gɛ-mɛ̨nį kɛi ká hu, káái a laa na nuą.

Tɛsalonikə dɔlɔɔ 3:5

Yɛ bələi vá pɛli kɛ níikpələ la, və́ nąą mąąkpɔn, ŋą́ nu tɔɔ ə pa ə ká wɔ laa na laa mąą wɛlɛɛ həɠə, ə paa la, ŋį́ kɛli ɲɔw, gɛ́ kɛ, ɲąąhɛn kɛmun hvo pa ká ɲąąhɛn, mɔ̨nɔ̨i ku mįi, hvo pa lɛɛ a kpɛli.

Tɛsalonikə veelɛ 1:10

a ɓɛlɔwai gaa pai pai la, mąą yələi tii, a mąąwiɛlaa hɔlɔɓo ŋą nu mąąhəɠɛɛɠaa yəi, ɛlɛɛ, ə kɛnɛ̨laa hɔlɔɓo nuąi laa na di yəi; ɛlɛɛ yaan, káán, ká wɛi, káá laa ku wɔ kɛla woo la.

Tɛsalonikə veelɛ 3:1

Yii kɛa aa lɛɛ ną́n nonnii, ya ɓaa, ká Yálá hvɛli kuɔ, ə gɛ, Yálá laa woo ə taɠa-taɠa kɛɛnąą kəlee, mąą ə wiɛ yɛ bələi gaa la ká pɔɔli,