Samuɛlə dɔlɔɔ 8:3 - Yálá laawoo hɛɓɛ (dc)

³ Kɛlaa, non ɉinąąi tii, di hvo hvilɛn bɔɔ ŋą, hɛn nwɛlilaa ə di kili kala di kwəi, diɛ nɔgwəi mɛ̨inɛ̨ɛ̨ɠaa hon, diɛ tɛ̨ą mąą mɛ̨nį pili ɉu.

Yálá laawoo hɛɓɛ

³ Kɛlaa, non ɉinąąi tii, di hvo hvilɛn bɔɔ ŋą, hɛn nwɛlilaa ə di kili kala di kwəi, diɛ nɔgwəi mɛ̨inɛ̨ɛ̨ɠaa hon, diɛ tɛ̨ą mąą mɛ̨nį pili ɉu.

Bible

³ Kɛ́lɛ dítûa pere fé kɛ́ ní yɛ̂ɛ dínâŋ. Dífe kɛ́ ní a teniŋ-ƃo-ƃela. Da kâa yee-pɛlɛ ǹá-sɛŋ sòŋ, nyíi gɛ̀ dífa kâa mɛni-saa ŋá tèe a tɔ̃yâ perei.

Samuɛlə dɔlɔɔ 8:3 Iomraidhean Croise

Samia Veerɛi 15:4

Yili pulu, Absalɔn yɛ diɛ: «Ə li kɛ gáá a kiti tee mun nɔi ŋɛ̨i hu nwɛi! Nuąi kpɔ mɛ̨nį kaa diɛ, də li kɛ pai bɔ́, gɛ́ di wɔɔ mɛ̨nįɠaa ɓo a ɉaŋąą.»

Mąątɛ̨nɛ̨ 15:5

Hva kwələ tɔɔ a tɔ̨nɔ̨ hɔlɔɓo pələ ɉu, hva kwəi kwələmun ŋą hɛn gulɔ ɲəi, əgɛ, yili yee ə lɛɛ ɉu. Nui a túwɔ́ tii, dɔɔi lɔ gbilin a yələ kəlee, hva dumo dɔɔi.

Mąątɛ̨nɛ̨ 26:10

Hɛn ɲɔ̨nwɔ̨ɔ̨ kaa di yəi ɲą, di ɓa-mįi-yee laa hvɛɛi a nu hu kala mɛ̨inɛ̨ɠaa.

Lɛɛ gbɔwɔ ɓa 18:21

Ɛlɛɛ, ə́ ɲɛ̨i laa nuą lɔwai, ə́ nu ɓɛlɛmąąɠaa həɠə, diɛ ɲɔw Yálá ɓa; nuą diɛ pɛli laai di la, di hvo kɛ a nɔ gwəi hɛn ɉon nuą, ə́ di hee nuą nwun na. Ə́ daɠaa hee nu waa tɛitɛi nwun na, ə́ daɠaa hee nunwun dɛitɛi nwun na, ə́ daɠaa hee nu pow lɔɔli lɔɔli nwun na, ɛlɛɛ, ə́ daɠaa hee nu pow pow nwun na.

Lɛɛ gbɔwɔ ɓa 23:6

«‹Hvó mąąwɛlimun vulu kiti hu.

Lɛɛ gbɔwɔ ɓa 23:8

Hvó ə́ yee hee nɔgwəi hɛn mu. Mąąhɔlɔɓo, nɔgwəi hɛn a mɛ̨nį kɔ́lɔnmun ɲɛ̨i kpinį mą, yɛ tələnmo nuą di wɔ tələnmolaa kpəlaan.

Ikilisiati 2:19

Mąą nu kaa pai kɛi a kilimąą mun, a wala kɛ tii, kilikpɛɛgwəi mun? Nu ta hvo yili kpaɠala kɔ́lɔn. Kɛlaa, hɛn kpɔ ŋą́ gwɛli gɛ́ kóló hu da nwɔ́ kili mɛ̨nį hu, gəlee kaa pai lɛɛi nui pai mą́ą́hvalin ɉi ɲəi. Yili kəlee kaa a kpɛli-kpɛli mɛ̨nį.

Azaya 1:23

Ə́ nwun nąmįną daa di pulu tɔɔ mą́ą́, da nwuɔ̨ kuláaɠaa daa di yee pili gee hu, di kəlee, nɔgwəi hɛn mə nwɛli kaa diɛ, di hvilɛn ŋąą nɔgwəi hɛn gɔw pulu diɛ gwɛli, di hva mɛ̨nį haŋąą kɛ a təlilon, kalanin a mąą kanąn naa həli diɛ, diɛ di yee lɔ di wəlii.

Azaya 33:15

Nui a túwɔ́ a tələnmolaa, yɛ hvaa, lɛɛ hva kɛ ɉu, yɛ lənə hvulu hɛn ɉɔlɔɓo mɛ̨nį ɓa, yɛ ɲee kulɔ nɔgwəi mɛ̨inɛ̨ɛ̨ mu, yɛ nwəli laa kpulu, ə gɛ hvo pa nu paa nwun dɔɔ hu woo mɛ̨n; yɛ ɲɛ̨i laa kpulu, ə gɛ hvo pa mɛ̨nį ɲɔ̨n gaa.

Mise 3:11

Ɲɛ̨itɔwɔ nuą, da kiti tee a hvulu, mąąhɔlɔɓo, da nɔ gwəi hɛn ɉon, ɉaláá laa həli nuą, da nu mąąkwɛli, a tɔ̨nɔ̨ hɔlɔɓo pələ, Yálá kwəi mɛ̨nį hukulɔ nuą, diɛ mɛ̨nį hukulɔ nuą diɛ, wali ɓa, ɛlɛɛ, Yai-Laa ɓə di kilitɔɔ mą, diɛ kɛ diɛ: «Yai-Laa hvo mɔ̨ɔ̨ ku lɔwai? Lɛɛ li, mɛ̨nį ɲąąnwąnąą hva pɛli ku hɔlɔɓoi.»

Dutɛrɔnome 16:19

Mąą hvo nɛ̨ɛ̨li, ka hvo tɛ̨ąą mɛ̨nį pili ɉu, ka hvo tɔɔ hulu mun da pulu. Ka hvə ka yee hee nɔ gwəi hɛn mu. Mąąhɔlɔɓo, nɔ gwəi hɛn a mɛ̨nį kɔ́lɔn nuą ɲɛ̨ipu, yɛ tələnmomun nwɔ tɛ̨ąą mąą mɛ̨nį pili ɉu.

Timote dɔlɔɔ 3:3

hvo kɛ a lɔɔ kpələmun, hvo kɛ a kpilɛn gɔmun, kɛlaa, nwɔ mɛ̨nį lɛlɛɛ, hvo kɛ a hvaa kɛmun, hvo kɛ a hɛn nwɛlimun.

Timote dɔlɔɔ 6:10

Mɛ̨nį ɲɔ̨n gəlee ɉamu ɓaa a, wali lii. Gɛ mɛ̨nį nuą diɛ di kpɔwɔ kwɛlɛ mą, daa lan, daa di mąą kwɛa laa na pələ ɓa, ɛlɛɛ, daa di kpɔwɔ liikələn di kwəi, a kiliŋąhiɛ huwu tamąą.

Samuɛlə dɔlɔɔ 12:2

Ə həɠə yiihu ɓa, dɔɔmun tii ɓə pai kɛi tɔɔi ka ɲɛ̨i tɔwɔ; nwɛ́i, ŋą́ą́ pɔlɔ, kɔ́lɔ hvo kɛa mą́ą́, nónnii kaa ka pɔ, di kaa nu kpalaan ɉeɛɠaa. Ɲą́ą́ ɓə kɛi tɔɔ ka ɲɛ̨i tɔwɔ, ə həɠə náŋą yələ ɓa, ə həli la háákələi ɓa.

Samuɛlə dɔlɔɔ 2:35

Yili pulu, gáá pai nwɔ́ hala laahəli mun nɛlɛɛ həɠəi, gaa pai túwɔ́i a nííɓa, yɛ bələi gáá la bɔ. Gáá pai pɛlɛ́ tɔɔi mą, vilɛn ŋąą kpilin, gaa pai kɛi hiɛi a yələ kəlee nwɔ́ nui ŋɛ̨i ŋą́ mąątí a dɔɔ wulɔ, nií la.