Samuɛlə dɔlɔɔ 7:6 - Yálá laawoo hɛɓɛ (dc)

⁶ Di di ŋąąkpɔn Mispa daai, di ɲálaɠi laa da Yai-Laa ni di lɔwai, di hinnɔ a volói tii, di mo gɛɛnąą tii, diɛ kɛ diɛ: Kwaa nɛ̨ŋɛ̨n ɉəɠə Yai-Laa ɓa. Di Samuɛlə hee a Israɛlə ɲąąwooɓomun Mispa.

Yálá laawoo hɛɓɛ

⁶ Di di ŋąąkpɔn Mispa daai, di ɲálaɠi laa da Yai-Laa ni di lɔwai, di hinnɔ a volói tii, di mo gɛɛnąą tii, diɛ kɛ diɛ: Kwaa nɛ̨ŋɛ̨n ɉəɠə Yai-Laa ɓa. Di Samuɛlə hee a Israɛlə ɲąąwooɓomun Mispa.

Bible

⁶ Díkelee dí díŋaa tɛ̀ ma Mêepa Samia kɛ́ ƃò a dílaa-tuɛ nuu. Dí yá kùla ziŋ-yai su dí bú Ǹuu-namui ŋɛ́i-tuɛ a sama-sɛŋ Ǹuu-namui mɛni ma. Maa ɣelei tí núu tɔnɔ da fé mii-sɛŋ da mii ní. Nya ƃe dí mò dîɛi, “Kwa sɔnyɔ̂ŋ kɛ́ a Ǹuu-namui.”

Samuɛlə dɔlɔɔ 7:6 Iomraidhean Croise

Zɛnɛse 31:49

Da kɛ nwɔ̨nɔ̨ nąą laa ɓaa: Mispa, mukulaa ɓaa: «Ɓɛi ɲɛ̨i kɛ mąą mun a tɔɔ laa.» Mąąhɔlɔɓo, Laban ə mo, yɛ diɛ: «Yai-Laa ɓə gaa kɛi gu mɛ̨i kaai, ɓɛlɔwai gu ɲɛ̨i hvo pai kɛi la gu kee ɓa.

Samia Veerɛi 14:14

A kɛ tii gu kaa mɔ̨ɔ̨ pai haai a hvoló tɔ̨nɔ̨, yɛ yai daa bu lɔi ɓa hva pɛli kɛa yɛɠɛi. Kɛlaa, Yálá hva giliŋąhiɛ a ɲɔ̨nwɔ̨ɔ̨ nu ɓa, ə lɛɛ, aa gɛ pələ kwɛli mą, nui di gbɛ, mąą hvo kwɛa ma a mɔlɔɔ.

Tɔɔɓɛlaa dɔlɔɔ 8:47

nɔi da kɛ ɉu luwɔlaa hu, da lɛɛ laa, da di kiliŋąhiɛ, da di túwɔ́ pələ mąąhvalin, da nɛ̨ɛ̨mąą hvə yɛ́, ɓɛi tii di kaa laa nuwɔlaa hu, diɛ kɛ mą: ‹Nɛ̨ŋɛ̨n ɉəɠə nuą ɓaa kuɔ, kwaa ku ɉon gɛ, kwaa nɛ̨ŋɛ̨n ɉəɠə›.

Kɔlɔnikɔ Maa-ŋuŋ 11:18

Gɔkuláá haaɓai tii nɛɛ mą, di pili Filisti nuą di wɔ kɔ́ ɓuwui la, də li, ɲálɔwai ŋɛ̨i kɛ Bɛtleɛmə daa kpala, di da haɠa di paa la Davidə pɔ. Kɛlaa, hvo gɛ hvo da kpələ, ə bu nɔi ɓa, ə gulɔ Yai-Laa ɓa a haláá.

Kɔlɔnikɔ Veerɛi 20:3

Ɉosafatə ə ɲɔw, ə tinɛ̨n yɛ li Yai-Laa mąąnin gɛi; ə hin nolo ɓo Ɉuda lɔi hu nąą kəlee, di hin nɔ.

Nehemi 9:27

Yili ɓə gɛ, 'di too di yowo yee kɔ́nma, a di mɔ̨nɔ̨ laa di mɛ̨i, da kɛ tii mɔ̨nɔ̨ hu, di kɛi tomą ə́ pɔ pələ, ə lɛɛ, yɛ́ lɛɛ yələi pələ, yɛ́ di woo mɛ̨n. Ə lɛɛ, ə́ wɔ ɲɛ̨imąąwɛli kaa hu ə́ kɛi di nwun mąąɓo nuą tɛɛ di pɔ, yiliɠaai diɛ di kulɔ di yowoɠaa yəi.

Zôo 16:20

Mə́laa kaa yɛlɛ kulɔi ɉu, Kɛlaa, Yálá ɓə gáá wɔlɔi mą.

Zôo 3:24

Gɔ́nɔn mąą mɔ̨nɔ̨, nwɔ́ woo laa wooɠaa diɛ tɛɛ yɛ ya lee.

Zôo 33:27

Yɛ́ tomą nuą ɲɛ̨i ɓa, yɛ kɛ diɛ: «Ŋą́ kɛi nɛ̨ŋɛ̨n ɉəɠə, ŋą́ kɛi túwɔ́ pələ ɲɔ̨n gulɔ, Kɛlaa Yálá nwɛi, hvo ɉón ni yɛ pələi ŋą́ túwɔ́ la.

Zôo 40:4

Lə kɛ hɛn mąą ɲą́ą́, yaai ŋą́ ə́ woo pulu pənə? Ŋą́ą́ ɲéé pɛlɛ ná, və́ kɛa hvaai.

Zôo 42:6

Yili ɓa, nwóó ka ti kpoloon ɉú, Ŋą́ą́ ɉɔ́n gɔlɔn bɛ́lɛɛ ka!

Mąątɛ̨nɛ̨ 106:6

Kwaa nɛ̨ŋɛ̨n ɉəɠə lɔ yɛ bələi ku nąnni di ɉəɠə la yɛ́i, kwaa lan, kwaa ku hɔn gɛ.

Mąątɛ̨nɛ̨ 119:136

Ɲɛ̨́iyá kpɔ kpɔɔ kaa tooi mą́ą́, mąąhɔlɔɓo, di hvo ə́ wɔ tɔn nwooi pɔ yíiɓoi.

Mąątɛ̨nɛ̨ 42:3

Yálá ə́ mąą pulu aa ɉón, Yɛ́i a Yálá hvulúmąą. Lə yələ ɓə ŋą́ pai lɔi la, gɛ́ tɔɔ Yálá lííla?

Mąątɛ̨nɛ̨ 6:6

Hvo gaai, haamun va kɛa pɛli giliŋąhiɛi yɛ vilɛn yɛ́, gbɛɛ ɓə pai ə́ laa mąąwiɛi ɲąmuątaa?

Mąątɛ̨nɛ̨ 62:8

Málo mɛ̨nį, da ɲɛ̨́i pɔ̨nɔ̨ mɛ̨nį, gəlee kaa Yálá yəi. Yálá ɓə a mą́ą́kɔ̨nwɔ̨ kwɛni walawala, a mą́ą́kilɛi.

Ɉeremi 31:19

Ŋą́ búlu tɔɔ kɛ yɛ́, kɛlaa, ŋą́ą́ ɉɔ́n mąą hvalin: Pənəi ŋą́ mo gɛ́ gbɔ́ɔ́ kɛ pələ kaa, ŋą́ kɛi níí pɔ kɛlɛ. Kwəi pili mąą da nwumɛ̨ daa ɉón. Mąąhɔlɔɓo, gáá nwɔ́ hulɔnon naai ŋį́ gulɔ, bulu mɔ̨nɔ̨ mįi.

Ɉeremi 36:9

Ɉosiasə lon Yoyakimə, yai kɛ a Ɉuda tɔɔmun, nwɔ tɔɔlaa gwɛlan nɔɔli naa, ɲąnin mɛ̨inąąn nɔwai, di Ɉerusalɛmə nuą da Ɉuda taaɠaa hu nuą kəlee təli Ɉerusalɛmə, hin nɔ mɛ̨nį ɓa Yai-Laa lííla.

Ɉeremi 9:1

'Əkə! Gbɛɛ ɓə a gbáán dee kələ tɛɛ pɔ? Nɔi pun ɉu! Ə gɛ, ŋį́ kulɔ nwɔ́ nuą lɔwai, ŋį́ li ŋį́ mą́ą́kilɛ di yəi kwɛa la. Di kəlee di kaa a wɛli hon nuą, a ɲaba lɔ nuą.

Woolaa 2:11

Ɲɛ̨́iyá aa ɲɛ̨́i-kwəleen mɛ̨i pu, góólon ɉu aa kɛ tukpu-tukpu nwáná aa yɛɛ a gɔ́wɔ́, mąąhɔlɔɓo, nwɔ lɔi lɛlɛɛ hu aa kala. Lɛapɛlɛɛ da ɲįnį kpələ lonnii diɛ haa a kpələ wɛli gwəli hąąiɠaa ɓa.

Woolaa 3:49

Ɲɛ̨́iyá hva kpala ɲɛ̨́i, mąąhɔlɔɓo, kpɛla bələi hvo nwɔ́ mɔ̨nɔ̨i ɓa.

Woolaa 5:16

Ku wɔ tɔɔlaai aa pu. Oo kə! Kpalo aa ɓɛla kuɔ, Mąąhɔlɔɓo, kwaa nɛ̨ŋɛ̨n ɉəɠə.

Izikiɛ 20:4

Kɛlɛi yɛ́ ɓə mąąnɛ̨ɛ̨ ə́ di kiti tee. A tɛ̨ą hulɔnu lon, di kiti tee. Di nąnni di wɔ kilikpɛɛgwəi mɛ̨nįɠaai hukulɔ diɛ.

Osia 5:1

Kaai a ɉaláá laa həli nuą, 'ka ka wəli tɔɔi ə́ wəli tɔɔ a nɛlɛɛ, Israɛlə nwɔ pɛlɛ́i, Kaai a dɔɔ pɛlɛ́ mu nuą, 'ka ka wəli tɔɔ a nɛlɛɛ! Kaa ɓə kiti kaa ka mɛ̨i; mąąhɔlɔɓo, ɓɛ kaa kɛ a hɛlɛn Mispa, da ɓaaləi daa dɛ Tabɔrə yee nwuɔ̨.

Zooɛ 2:12

Yii hu kɛa! Yai-Laa woo li: Ka pənə ka pa bɔ́ ka kwəi tɔ̨nɔ̨ mɛ̨i. Ka hín nɔ, ka wɔlɔ, ka ka woolaa.

Levetekɔ 16:29

«Ka hiɛ pələ ka tii a yələ kəlee. Ɲąnin mɛ̨ihveelɛnąą nwɔ hvóló pow yələ, mąąnɛ̨ɛ̨ ka hin nɔ, ka hvo kólói lɔpee ta kɛ, ə kɛ a nɔi lon ə mą kɛ a nwɛ̨ąi heeni ka kɔ́wɔ mɛ̨i.

Levetekɔ 26:40

«Kɛlɛɛ, di kaa pai hvaai di hɔn ma, da di nąnni, diɛ kɛ daa nɛ̨ŋɛ̨n ɉəɠə mą́ą́, daa tɔɔ Ná.

Lukə 15:18

Yili ɓa, gáá pənəi ŋą li ną́n bɔ. Gáá lii kɛi mą: «Ną́n, ŋą́ą́ nɛ̨ŋɛ̨n ɉəɠə Yálá ɓa, ə lɛɛ, ŋą́ą́ nɛ̨ŋɛ̨n ɉəɠə yɛ́!

Zasua 18:26

Mispe, Kefira, Mosa,

Nwun mąąɓo 10:10

Di nɛɛ mą di di woo tɛ Yai-Laa ɓa, diɛ mą: «Yai-Laa kpɔnmąą tɛɛ ku pɔ, kwaa nɛ̨nŋɛ̨n ɉəɠə yɛ́, mąąhɔlɔɓo, kwaa ku pulu tɔɔ yɛ́, yɛ́i ə́ kaa a ku wɔ Yálá, kuɔ ə́ lɛɛ, kuɔ kwɛli hvilɛn Baaləɠaa diɛ.»

Nwun mąąɓo 10:15

Israɛlə lonnii diɛ Yai-Laa ɓa: «Ku wɔ Yálá, kwaa nɛ̨ŋɛ̨n ɉəɠə yɛ́, pələi kpɔ a nɛ̨ɛ̨ la yɛ́, ku hon di, kɛlaa, ku nwun mąąɓo háákələi.»

Nwun mąąɓo 2:4

Ɓɛlɔwai Yai-Laa nwɔ malaka ə kpɛɛ la a nwooɠaai tii ɓoɔ, Israɛlə lonnii kəlee di di woo kulɔ, diɛ wɔlɔ.

Nwun mąąɓo 20:23

Israɛlə nuą di tɛɛ, də li di wɔlɔ Yai-Laa ɓa, ə lɛɛ la ɉu, yələwulii pɔ. Di Yai-Laa mąąni kɛ, diɛ mą: «A kɛ tii, mąąnɛ̨ɛ̨ kwəli ku kɔ́ pɛlɛ Bɛnɉamɛn nu huwu ɓa nwɔ̨nɔ̨, diɛi di kaa a ku kayɔwɔɠaa?» Yai-Laa yɛ diɛ: «'Ka li.»

Nwun mąąɓo 20:26

Israɛlə nuą kəlee, da nɔi nuą, di tɛɛ də li Betɛlə, diɛ wɔlɔ Yai-Laa lííla, di hin nɔ a volói tii, yələwulii pɔ, di haláá huwu hveelɛ kulɔ Yai-Laa ɓa, yii da gəlee kələn, da yii gaa a pɔnaa kulɔ haláá, da Yai-Laa ni di lɔwai.

Nwun mąąɓo 3:10

Yai-Laa nwɔ Kilii ə kɛ ɲəi, ə Israɛlə ɲąąwooɓo, ə kɔ́ pɛlɛ Kusan-Riseataimə ɓa, yai kɛ a Aramə tɔɔmun, Yai-Laa ə yeetɛɛmąą laa tɛɛ bɔ Kusan-Riseataimə mɛ̨i.

Samuɛlə dɔlɔɔ 1:15

Anə yɛ mą: «Nwɔ́ mɛ̨nį nąmu, və́ ɓaa wəlii kpɔlɔ mun, nɛ̨ɛ̨nu mąąwɛliɛ ɓaa a ɲą́ą́, və́ lɔɔ kpələ li, da hɛn a nu kɛlɛ. Gwə́i pili mąą mɛ̨nį ɓə gáá moi Yai-Laa ɓa.

Samuɛlə dɔlɔɔ 10:17

Samuɛlə ə nɔi lonnii ŋąąkpɔn Mispa Yai-Laa lííla.

Samuɛlə dɔlɔɔ 12:10

Israɛlə ə kɛi wɔlɔ Yai-Laa pɔ pələ a mąą yələɠaa diɛ kɛ mą: ‹Kwaa nɛ̨ŋɛ̨n ɉəɠə, mąąhɔlɔɓo, kwaa Yai-Laa lɛɛ laa, kuɔ kwɛli hvilɛn ɉaliɠaa ŋɛ̨i da kɛ diɛ Baalə da Astarteɠaa diɛ. Yii hu, ya ku kulɔ ku yowoɠaa yəi, kwa tí yɛ́.›

Samuɛlə dɔlɔɔ 7:15

Samuɛlə ə Israɛlə ɲąąwooɓo nwɔ yɛnɛ̨ɛ̨ kəlee hu.