Samuɛlə dɔlɔɔ 7:3 - Yálá laawoo hɛɓɛ (dc)

³ Samuɛlə yɛ Israɛlə nuą diɛ: «Akɛ ka káá pai Yai-Laa pɔ a ka lii kəlee, ka ká yee kulɔ ɉaliɠaa tii hu, ka gulɔ ka lɔwai, da ɉaliɠaa ŋɛ̨i a Astarteɠaa; ka ká kilitɔɔ Yai-La ɓa, ka kóló kɛ mą yaa tɔ̨nɔ̨, gaa ka kulɔi Filisti nuą yəi.»

Yálá laawoo hɛɓɛ

³ Samuɛlə yɛ Israɛlə nuą diɛ: «Akɛ ka káá pai Yai-Laa pɔ a ka lii kəlee, ka ká yee kulɔ ɉaliɠaa tii hu, ka gulɔ ka lɔwai, da ɉaliɠaa ŋɛ̨i a Astarteɠaa; ka ká kilitɔɔ Yai-La ɓa, ka kóló kɛ mą yaa tɔ̨nɔ̨, gaa ka kulɔi Filisti nuą yəi.»

Bible

³ Samia è mò Eezuɛ-ƃelai dîa ǹyɛɛi, “À kɛ̀ ká ŋ̀wɛ̂lii ká tínaŋ Ǹuu-namui pɔ́-naa pere, gɛ̀ ní ka ǹɛ́ ma. Ká ŋ̀âla da kpɛ́ni-ŋai kélee kúla kásama da ŋ̀âla nɛnii Atarɔ pɔɔkɔ̂ŋ. Ka tínaŋ Ǹuu-namui pɔ́-naa pere a kálii kélee ká vɛli. Gɛ̀ ní a pâi káŋuŋ ma ƃôi Felesia-ŋai yêei.”

Samuɛlə dɔlɔɔ 7:3 Iomraidhean Croise

Zɛnɛse 35:2

Ɉakɔbə ə mo ɲəi bɛlɛ́n nuą diɛ da bɔ nuą, yɛ diɛ: «Ɉaliɠaai ka yəi, ka ka yee kulɔ gəlee hu, ka ka mąąhəɠə, ka ka mąą həɠəɠaa mąąhvalin.

Tɔɔɓɛlaa dɔlɔɔ 11:33

Daa nɛ́ɛ́ laa, diɛ pɛlɛ Astarte lííla, yai gaa a Sidɔn nuą di wɔ hali nɛ̨ɛ̨nu, da Kemɔsə Moabə nuą di wɔ hali, da Milkomə Amɔn lonnii di wɔ hali. Di hvo hiɛ li nwɔ́ pələɠaai mɛ̨i, mɛ̨nįi ɉaŋąą ɲɛ̨́i ɓa, di hvo gɛ li. Di hvo hvilɛn ni nwɔ́ tiɓoɠaa pulu, yɛ bələi di nąn Davidə ə gɛ la.

Tɔɔɓɛlaa dɔlɔɔ 8:48

Da pənə da pa ə́ pɔ di kwəi tɔ̨nɔ̨ mɛ̨i, a di lii kəlee, nɔi tii di yowoɠaa di li a diɛ ɉu, da kɛi ə́ hvɛli di ɲɛ̨i tinɛ̨n ŋąą di wɔ lɔi pɔ pələ, yai wɔlɔ ə́ dɛɛ di nąnni pɔi, da daai ə́ ɉəɠə ɉu bɔ pələ, da bɛlɛ́i ŋą́ dɔɔ ə́ laa ɓa, bɔ pələ,

Tɔɔɓɛlaa veelɛ 17:39

Yai-Laa ka wɔ Yálái ɓə mąąnɛ̨ɛ̨ ka ɲɔw mą. Yaa tɔ̨nɔ̨ gbən mə a pɛli ka kulɔi ka ɲowoɠaa kəlee yəi.»

Tɔɔɓɛlaa veelɛ 23:15

Ɉaláá kulɔi yii Nevatə lon Ɉeroboamə ə dɔɔ Betɛlə, yɛ Israɛlə lonnii yee lɔ la nɛ̨ŋɛ̨n ɉu, Ɉosiasə ə nąą wolo; ə nwɔ̨n nɔ ɉaláá kulɔi tii ɓa, ə nąą taɠa; nwului ŋɛ̨i di dɔɔ laa diɛ ɉaláá kulɔ mu, ə nwului tii pili nwɔ̨n ɉu; nąą ə lɛɛ a muluun gbala.

Kɔlɔnikɔ Maa-ŋuŋ 22:19

Akɛtii kani, ka ká kili, da ka wɔɔ yɛnɛ̨ɛ̨ kɛ a Yai-Laa ka wɔɔ Yálái kwɛliɛ. 'Ka ká muhəɠə, ka Yai-Laa Heeɓo kəlee Nąmu nwɔ pɛlɛ́i tɔɔ, əgɛ, ka pa a Yai-Laa nwɔ mįnɛ̨ Kəhii, ka ɉee mu, da Yálá kɔ́ hɛn ɲąŋąɠaa, ka ɉee nwɔɔ pɛlɛ́i mu, yaai ka dɔɔ Yai-Laa laa ɓa.»

Kɔlɔnikɔ Maa-ŋuŋ 28:9

Yɛ́i ɓaa a nón Salomɔn, 'ə́ nąn nwɔ Yálái kɔ́lɔn, 'ə́ tí mą a ə́ kwəi kwəlɛɛ, da ə́ kwəinɛ̨ɛ̨. Gbala ə tɔɔ Yai-Laa a nu kwəi kili kəlee hu kaa, yɛ kiliŋąhiɛ kəlee hu kpɛ. Yá gwɛli, a gbɔwɔ lɛ yɛ́, ə́ laa ə́ gaa. Kɛlaa yá həɠə bulu, a ə́ lɛɛ laa a yələ kəlee mɛ̨nį.

Kɔlɔnikɔ Veerɛi 19:3

Kɛlaa, ə mą kɛ tii, mɛ̨nį lɛlɛɛɠaa kaa ə́ túwɔ́ pələ hu; hvo gaai, nwuluɠaai nuą di dɔɔ diɛ gɔ́, yáá gəlee kələn nɔi, ɛlɛɛ, yáá tɔɔ a ə́ nwąnąi, yɛ́ Yálá woo hon.»

Kɔlɔnikɔ Veerɛi 20:33

Kɛlaa, bələi mąn ə kɛ la tii, hali kɔ́iɠaa di hvo kpɛɛ nɔi, ɛlɛɛ, nɔi lonnii kili kəlee hvo lɛɛ a ganąnŋąą di nąnni di wɔɔ Yálái ɓa.

Kɔlɔnikɔ Veerɛi 30:19

Nuąi tɔɔ a di nwąnąi di Yálá liiɓa kwɛli, a di nąnni di wɔɔ Yálái Yai-Laa, ə mą kɛ di mąą hvo həɠə li, di pɛli lɛɠɛi ɉɛn mąąhəɠɛɛɠaa diɛ: «Yai-Laa, yai nwɔ mɛ̨nį lɛlɛɛ, ə di mąąhvaalɛɛ!»

Hanwon 16:1

Nu a mɛ̨nįɠaa mąą kili tee gwəi, Yai-Laa ɓə a ɉeegbąɲą.

Azaya 55:7

Nu ɲɔ̨nwɔ̨ɔ̨ ə həɠə dúwɔ pələi tii pulu, mɛ̨nį ɲɔ̨n gɛ mun, ə həɠə gwəi kili ɲɔ̨nwɔ̨ɔ̨ɠaa pulu. Ə pənə ə pa Yai-Laa pɔ pələ, yili kaa pai nwɔ wɛlikɛmąąlaa lɛi mą, ə pənə ə pa guɔ Yálái pɔ, gwəinɛ̨ɛ̨ ɓə kɛnɛ̨ nu mąąhvaalɛɛi.

Ɉeremi 24:7

Gáá pai kili tɛɛi di pɔ, diɛ pɛli gɔ́lɔn ɉii la, diɛ kɛ diɛ: Ɲą́ą́ ɓə gáá a Yai-Laa diɛ ɓo a nwɔ nuą, ɲą́ą́ ɓə a di wɔ Yálá; mąąhɔlɔɓo, da pənə di pa bɔ a di kwəi kwəlɛɛ.»

Ɉeremi 36:3

Gbəli hu, Ɉuda nuą di kaa pai di wəli tɔɔi, mɔ̨nɔ̨ɠaai gɛ́ ŋį́ naa diɛ mąą mɛ̨nį ɓa, di tɛitɛi di di pulu tɔɔ di túwɔ́ pələ ɲɔ̨n diɛ; gɛ́ di kɛ nɛ̨ŋɛ̨nŋąą, da di wɔ huwu la mɛ̨nįɠaa mąą hvaalɛɛ.»

Ɉeremi 4:1

Yai-Laa yɛ di: Israɛlə! Ya kɛ bɔ ə́ yali ə́ pului, ɲą́ą́ ɓə mąąnɛ̨ɛ̨ ə́ pa bɔ́. Akɛ, yá ə́ wɔ haliɠaai tii pili ɲɛ̨́i hvo kɛa tɔɔ mą́ą́, hvo kɛa pai həɠəi nííla a nwumɛ̨, yɛ́ ə́ loo mą́ą́.

Izikiɛ 14:6

Yili mąą mɛ̨nį ɓa, 'mo Israɛlə nwɔ pɛlɛ́i ɓa, yɛ́ mą: Hééɓo kəlee Nąmu Yálá woo ka, yɛ: 'Ká pənə ka pa, ka ka pulu tɔɔ ka wɔ haliɠaai diɛ; ka həɠə kɛa ka wɔ ɓowo mɛ̨nįɠaai ti kəlee pulu.

Izikiɛ 18:31

'Ka ká yee kulɔ ka wɔ kulɔ nwoo mu laa kəlee hu, 'ka kiliŋąhiɛ nįnɛ̨ həɠə, 'ka too ka nįnɛ̨ kɔ́lɔi, lə mɛ̨nį ɓa ka káá bɔ ka haa, Israɛlə nwɔ pɛlɛ́i mu nuą?

Osia 14:1

Mąąnɛ̨ɛ̨ Samari ə pa gwələ kulɔ, mąąhɔlɔɓo, aa nwun gulɔ nwɔ Yálái woo mu, di kaa pai tooi kɔ́ kɔ́ ɓɔwa ŋą; diɛ di lon dalaɠaa kiin, diɛ koo nɛ̨ąɠaa kwəi ɓɛla.

Maafîu 15:8

«‹Nu huwui ŋɛ̨i a mą́ą́wiɛ lɔ a naaləi, Kɛlaa, di wɔ kiliŋąhiɛ mąą kwɛaa mą́ą́.

Maafîu 4:10

Jesus ə nwoo ɲąąpənə yɛ mą: «Ɓilihi həɠə búlú! Mąąhɔlɔɓo, bɛ̨ɛ̨i Yálá laawoo hɛɓɛ́ hu, diɛ mą: ‹Kwɛli hvilɛn ə́ Ną́mu Yálá yaa kɔ́w tɔ̨nɔ̨ gbən ɓa, ə́ mąąwiɛ tɛɛ bɔ.›»

Maafîu 6:24

«Nu hva pɛli tíi tɔɔmun veelɛ ɓa a gee. Ya dɔ̨nɔ̨ wɛli la kɛ, dɔ̨nɔ̨ wɛli ə kpɛɛ yɛ́. A wala kɛti, yá lɛɛ dɔ̨nɔ̨ woo mu, ə́ dɔ̨nɔ̨ hviiɓo. Ka hva pɛli kɛi a Yálá nwɔ tí mun, kaa ɓo nwɔ̨nɔ̨, a wali nwɔ tí mun.»

Lukə 4:8

Jesus ə nwoo pulu pənə yɛ mą: «Bɛɛn Yálá laawoo hɛɓɛ́ hu yɛ mą: ‹Kwɛli hvilɛn Ną́mu Yálá yaa tɔ̨nɔ̨ ma. Ə́ tiɓo kɛ mą.›»

Ɉaan 4:24

Yálá kaa a Kili. Ya ɓə gɛi, nuąi da kwɛli hvilɛn mą, da vilɛn mą a nwɔ Kilii da tɛ̨ą.»

Dutɛrɔnome 10:20

Yai-Laa ka wɔ Yálái ɓə mąąnɛ̨ɛ̨ ka ɲɔw mą, kaa tí mą, ya ɓə ka ka kwɛla a naa.

Dutɛrɔnome 13:4

Mąą hvo nɛ̨ɛ̨li, ka hvo ka wəli tɔɔ mɛ̨nį hukulɔ mun tii ɓa, a wala kɛ tii, ɉįi kaamun tii. Mąąhɔlɔɓo, Yai-Laa ka wɔ Yálá ka tii pai kɛi ka hukɔɔn ɉii, ə gɛ, ə ka káá a nuąi da Yai-Laa ka wɔ Yálái wɛlilakɛ a di kwəi tɔ̨nɔ̨, a di nwąnąi kpɔ-kpɔɔ.

Dutɛrɔnome 4:29

Nąąlɔwai, ka káá pai Yai-Laa ka wɔ Yálái kwɛlii nɔiɠaa tii hu, akɛ, ka gwɛli a ka lii kəlee, a kwəi tɔ̨nɔ̨ laa, ka gaa.

Dutɛrɔnome 6:13

Yai-Laa ka wɔ Yálái ɓə mąąnɛ̨ɛ̨ ka ɲɔw mą. Ya ɓə mąąnɛ̨ɛ̨ ka tí mą. Naa hu ɓə mąąnɛ̨ɛ̨ ka ka kwɛla la.

Zasua 13:31

Galaadə lɔi bələ tɔ̨nɔ̨ Astarotə da Ɛdrɛi, diɛi kɛ a Ogə nwɔ lɔi hu taaɠaa, yii kɛ Basan lɔi hu, di lɛɛ Manase lon Makirə nwɔɔ lonnii yəi. Makirə lonnii bələ tɔ̨nɔ̨ a gwəli laa.

Zasua 24:14

Ɉosue yɛ diɛ: «Ə həli kɛa kaa! Ka ɲɔw Yai-Laa ɓa, ka tí mą a ka kwəi kwɛlɛɛ, ka lɛɛ nwoo mu. Ɉaliɠaai ka nąnni di kɛi mąąwiɛ Efratə yá pulu pələ, da Eziptə lɔi hu, ka di kulɔ ka lɔwai, ɛlɛɛ, ka tí Yai-Laa ɓa.

Zasua 24:23

Ɉosue ə mo kɛa diɛ, yɛ diɛ: «Yii hui ŋɛ̨i, ɉaliɠaa tii gaa ka yəi, ka ka yee kulɔ ɉu, ka gulɔ ka lɔwai, ɛlɛɛ, ka ka lii tínɛ̨n Yai-Laa Israɛlə nwɔ Yálá pɔ pələ.»

Nwun mąąɓo 10:16

Yili pulu, ɉaliɠaai kpɔ kɛ Israɛlə nuą yəi, di di yee kulɔ gəlee hu, di tínɛ̨n di kwɛli hvilɛn Yai-Laa ɓa. Mɛ̨nį ɲąąnwąnąąi tii kɛ naa di mɛ̨i, Yai-Laa hvo pɛli gili kulɔi ɉu.

Nwun mąąɓo 10:6

Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, Israɛlə ə pənə nwɔ̨nɔ̨ ə ɲee lɔ ɉu ə gɛ. Ɉaliɠaai ŋɛ̨i da kɛ diɛ Baalə da Astarteɠaa, ə mą kɛ Aramə nuą di wɔ haliɠaa, ə mą kɛ Sidɔn nuą di wɔ haliɠaa, da Moabə nuą, ə mą kɛ Amɔn lonnii di wɔ haliɠaa, ə lɛɛ da Filisti nuą di wɛi, di kɛi kwɛli hvilɛn diɛ, di di pulu tɔɔ Yai-Laa ɓa.

Nwun mąąɓo 2:11

Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ya ɓə Israɛlə lonnii di di yee lɔ ɉu, di kwɛli hvilɛn Baalə haliɠaa diɛ.

Nwun mąąɓo 2:13

Di lɛ̨ą Yai-Laa ɓa, diɛ kɛa kwɛli hvilɛn Baalə ɓa da hali Astarteɠaa.

Samuɛlə dɔlɔɔ 31:10

Di Saulə nwɔ kɔ́ kɔ́ hɛnŋaai laa Astarteɠaa hvɛli pɛlɛ́ mu. Di Saulə powa hɛlɛn Bɛtə-Sean ɉįi kpoloon ma.