Samuɛlə dɔlɔɔ 7:12 - Yálá laawoo hɛɓɛ (dc)

¹² Samuɛlə ə kwɛni həɠə, ə vilɛn Mispa da daa ɲɛ̨i da kɛ ma: Ɲin, di ɲɛ̨n ma. Ə gɛɛnąąi tii laa hee a Ɛvɛn-Ezɛrə, yii mukulaa ɓaa: Mąąkɔ̨nwɔ̨ kwɛni, yɛ diɛ: «Yai-Laa a ku mąąkɔ̨nwɔ̨ a lɛɛ ɉu kwaa həli gɛɛnąąi ŋɛ̨i ɓa.»

Yálá laawoo hɛɓɛ

¹² Samuɛlə ə kwɛni həɠə, ə vilɛn Mispa da daa ɲɛ̨i da kɛ ma: Ɲin, di ɲɛ̨n ma. Ə gɛɛnąąi tii laa hee a Ɛvɛn-Ezɛrə, yii mukulaa ɓaa: Mąąkɔ̨nwɔ̨ kwɛni, yɛ diɛ: «Yai-Laa a ku mąąkɔ̨nwɔ̨ a lɛɛ ɉu kwaa həli gɛɛnąąi ŋɛ̨i ɓa.»

Bible

¹² Nya ƃe Samia è kɔni sîɣe é dɔ̀ɔ Mêepa da Sĩiŋ díloai a kili-too-ŋa, ǹyɛɛi, “Ǹuu-namui a kpɔ̀ŋ kûa a pere sîi kélee.” È ǹaa láa sèe a “Gbɔŋ-ḿâa Kɔnii.” Nyíŋi è kɛ̀ a kili too-ŋa é ǹɛ́ Eezuɛ-ŋai dîa berei Ǹuu-namui è kpɔŋ ḿâa tɛ̀ɛ la dípɔi.

Samuɛlə dɔlɔɔ 7:12 Iomraidhean Croise

Zɛnɛse 22:14

Abrahamə ə gɛɛnąą tii laa hee, yɛ mą: «Yai-Laa a gili lɛɛ ɉu.» Mɛ̨nįi gɛi, háá ɓa háá, da kɛ gɛɛnąą tii laa ɓaa: «Yai-Laa a gili lɛɛ ɉu yee ɓa.»

Zɛnɛse 35:14

Ɉakɔbə ə kwɛni laa gɛɛnąąi tii, ə wulɔ pu mą da lɔɔ, ə gɛ, a haláá.

Mąątɛ̨nɛ̨ 71:17

Yálá, yɛ́ ɓə gíli too yɛ́, ə həɠə kpɔ ɉúlɔnon ɲələ ɓa, aa lɛɛ ɉu yiihu aa həli la, ə́ kɛ mɛ̨nį ɲɛ̨i kɛnɛ̨ɠaa lɔ ɓə gáá noloɓoi.

Mąątɛ̨nɛ̨ 71:6

Ə həɠə gáá yələ ɓa, yɛ́ lɔ ɓə ŋą gílitɔɔ yɛ́, ŋį́ lɛɛ néé kwəi, ə́ ɉəɠə ɉu a dee; yɛ́ lɔ ɓə ə́ mąątɛ̨nɛ̨ woo kaa ná.

Lɛɛ gbɔwɔ ɓa 17:15

Moisə ə haláá kulɔi ta pɛli, ə nąą la hee a: «Yai-Laa nwɔ́ kɔ́kuláá.»

Azaya 19:19

Mąąi yələi tii, Yai-Laa nwɔ haláá kulɔi ta kaa pai kɛi Eziptə lɔi hɛ̨ąi, Yai-Laa kɔ́ kwɛni ta ə ɓo nɔi ɲɛ̨n ɉu.

Gɛlaɠaa 26:22

Kɛlaa, Yálá tɔɔi mɔ̨ɔ̨ búlú a nwalawalaa, ə mą kɛ, háákələi hvólói yee mu, yili ɓə gɛi, ɲéé kaa lɔ ni gɛla hvaa ti ɓoɔ ɓa, lɛapɛlɛɛ, da nu kpɛa-kpɛaa ɲɛ̨i ɓa. Mɛ̨nįɠaai kɛ mąąnɛ̨ɛ̨ di kɛ, Yálá kwəi mɛ̨nį hukulɔ nuą, da Moisə, di di lɛɛ tɔwɔ di di ɓo; ɛlɛɛ, və́ mɛ̨nį ta ɓoi yɛ laŋįn di woo mɛ̨i.

Korɛntə veelɛ 1:10

Yaa tii ɓə ku kulɔ ɉaa taa ləi tii yəi, yaa lɔ ɓə nwɔ̨nɔ̨ pai ku kulɔ ɲəi kɛi; yaa tii ɓə ku wɔɔ kilitɔɔmąą laa kaa mą, ya lɔ ɓə pai ku kulɔ ɲəi kɛi.

Zasua 4:9

Ɉosue ə kwɛni kpuwulu pow kɔ́w hveelɛ kpɔn gee ɓa Ɉurdɛn hąąi ɓɛi tii mįnɛ̨ kəhi həɠə nuą kɔ́wɔ ə kɛ laa hvilɛn ni, háá ɓaa háá, di kaa ni laa.

Samuɛlə dɔlɔɔ 14:35

Bələ ɓə Saulə ə haláá kulɔi pɛli la Yai-Laa ɓa, ɉaláá kulɔi dɔlɔɔ tɔlɔɔ ka tii yii Saulə ə bɛli Yai-Laa ɓa.

Samuɛlə dɔlɔɔ 4:1

Samuɛlə yaan, nwoo ə kɛi həli Israɛlə nuą kəlee diɛ. Israɛlə nuą di kulɔ diɛ li kɔ́ pɛlɛi Filisti nuą diɛ. Di di wɔ kɔlaɠai pɛlɛ Ɛvɛn-Ezɛrə kwɛlɛ; Filisti nuą di tɔɔ Afɛkə.

Samuɛlə dɔlɔɔ 5:1

Filisti nuą di Yálá nwɔ mįnɛ̨ kəhii həɠə Ɛvɛn-Ezɛrə, də li la Asdɔdə.

Samuɛlə dɔlɔɔ 7:11

Israɛlə nuą di kulɔ Mispa, di hvilɛn Filisti nuą pulu, diɛ di paa, ə lɛɛ kpɔ ɉu di həli la Bɛtə-Karə kwɛlɛ.