Samuɛlə dɔlɔɔ 7:10 - Yálá laawoo hɛɓɛ (dc)

¹⁰ Ɓɛlɔwai Samuɛlə ə kɛi gwɛli hvilɛn ɉaláái tii kulɔ la, Filisti nuą, di kɛi kɛa pa kɔ́ pɛlɛi Israɛlə nuą diɛ, kɛlaa, volói tii Yai-Laa ə nwɔ yələgbąnąąn ɓɛla Filisti nuą mɛ̨i a nwoo kɛnɛ̨, ə ɲɔw too di hu, gɔ́ ə kala diɛ, ə nɛ̨ɛ̨ Israɛlə ɓa.

Yálá laawoo hɛɓɛ

¹⁰ Ɓɛlɔwai Samuɛlə ə kɛi gwɛli hvilɛn ɉaláái tii kulɔ la, Filisti nuą, di kɛi kɛa pa kɔ́ pɛlɛi Israɛlə nuą diɛ, kɛlaa, volói tii Yai-Laa ə nwɔ yələgbąnąąn ɓɛla Filisti nuą mɛ̨i a nwoo kɛnɛ̨, ə ɲɔw too di hu, gɔ́ ə kala diɛ, ə nɛ̨ɛ̨ Israɛlə ɓa.

Bible

¹⁰ Samia kɛ́ɛ zâla-laa soŋ-nuuii kulâi, Felesia-ŋai díkɛ̀ pâi a gɛ́ɛ dí pɛ́lɛ Eezuɛ-ŋai dîa. Kɛ́lɛ Ǹuu-namui è gɛ̀ ŋ̀ele-gbana é pɛ́lɛ láɣiɛɛ a maa félaa. Felesia-ŋai dí pɛ̀lɛ yaôi ma díkɛ pù pôlu.

Samuɛlə dɔlɔɔ 7:10 Iomraidhean Croise

Mąątɛ̨nɛ̨ 18:15

Ə nwɔ mɛ̨ɛ̨kɔwɠaai pili pələ kəlee pɔ, yɛ mąlą-mąlą kulɔ kɛɛnąą kəlee.

Mąątɛ̨nɛ̨ 29:3

Yai-Laa woo aa hiɛ yá kəlee mɛ̨i, Yálá mąąwia kaa tomąi yɛ yələgbąnąą; Yai-Laa kaa heeɓolaa kɛi yá kpɛa kpɛa kəlee mɛ̨i.

Mąątɛ̨nɛ̨ 29:4

Yai-Laa woo tɔɔi, Yai-Laa woo ɲąąnwąnąąi,

Mąątɛ̨nɛ̨ 78:66

Ə ɲowoɠaa kɛlɛ di hɛ̨ą, ə nwumɛ̨ tɛ a diɛ, yii di hva pɛli lɛ̨ąi mą.

Zakari 4:6

Ə pənə, yɛ mą́ą́: «Mɛ̨nii Yai-Laa ə mo Zorobabɛlə ɓa, ya ka, yɛ: Yee walawala mɛ̨nį hvə li, huwalawala mɛ̨nį hvə li, kɛlaa nwɔ́ Nį́į ɓə. Yai-Laa Mɛ̨nį Kəlee ŋą Hééɓomun woo li!

Dutɛrɔnome 28:7

«Ɓɛlɔwai ka yowoɠaa da di muhəɠə la diɛ pɛlɛ kaa a kɔ́, Yai-Laa ka wɔ Yálái a di too ka kɔ́wɔ mu. Di kaa pai pai a pələ tɔ̨nɔ̨ diɛ wolo kaa, kɛlaa da pu ka tɔwɔ diɛ li a pələ mɛ̨ihveelɛ tee-tee.

Zasua 10:10

Yai-Laa ə gɛ, di pu Israɛlə nuą ɲɛ̨i tɔwɔ, ə gɔ́ kala diɛ kpɔ hɔwɔ-hɔwɔ, Gabaɔn daai, ə hvilɛn di pulu Bɛtə-Horɔn yee ɓa pələ, ə hee di hu, ə lɛɛ kpɔ ɉu di həli Azeka di həli kpɔ la Makeda.

Nwun mąąɓo 4:15

Yai-Laa ə ɲɔw too Sisera kɔ́lɔi, ə pu Barakə tɔwɔ, da nwɔ kɔ́ kɔ́ wotoloɠaai kəlee, da nwɔ kɔlaɠai kəlee, gəlee di lɛɛ a kɔ́ kɔ́ ɓɔwa kɔ̨nɔ̨n. Sisera ə kulɔ nwɔ kɔ́ kɔ́ wotolo hu, ə hvilɛn gɔwɔ ŋą, ə pu.

Nwun mąąɓo 5:20

Yələkɔlɔn ɉu pɛmɛ̨lɛ̨n-gɔwɠaa, di di wɔɔ nąą kɛ gɔ́ mɛ̨nį hu, bɛmɛ̨lɛ̨n-gɔwɠaai tii di hvilɛn bələ ɓa di kɔ́ pɛlɛ, kɔlaɠa nwun nąmu Sisera ɓa.

Nwun mąąɓo 5:8

Nąąlɔwai tii, Israɛlə nuą di kɛi hali nįnɛ̨ɠaa pɛli. Nąąlɔwai lɔ ɓə, kɔ́ ə kɛi too la diɛ. Yili a kɛ tii, nu ta hvo kpɛli kɛi kpala da hə́mə́ di hɔlɔɓo, Israɛlə hinąą waa pow nąąn mąą mɛ̨nį ɓa.

Samuɛlə dɔlɔɔ 12:17

Kɛlɛi mɔ̨nun deei lɔwai ka kɛa-e, gáá Yai-Laa hvɛlii, yələgbąnąą tulɔ ə pu, mɛ̨nį ɲɔ̨nwɔ̨ɔ̨i ka gɛ, ka a gɛnɛ̨ pələ kaa, gɛ mɛ̨nį ka tɔɔmun vɛli yɛ hee ka nwun mɛ̨i.»

Samuɛlə dɔlɔɔ 14:15

Nuą di ɲɔw, gɔ́ ɓuwu la, da ɲɛɛkɔwɔɠaa hu, ə mą kɛ nɔi kəlee hu, nuą tii kɛ bələ nwun na da nɔi huwolo nuą diɛ kpɛli, di ɲɔw kpɔ kɛnɛ̨, nɔi ə kpɛlin, Yai-Laa a nuą hu pu diɛ a ɲɔw.

Samuɛlə dɔlɔɔ 2:10

Yai-Laa ɲowoɠaa hu kaa pai yalii. Gaa pai lɛɛi yələkɔlɔn ɉu yɛ nwɔ yələgbąnąą ɓɛla di mɛ̨i. Yai-Laa kaa pai lɔi pilɛɛ gee mɛ̨i kiti teei, gaa pai heeɓo laa tɛɛi nwɔ tɔɔmun bɔ. Nui a dɔɔi, ə́ mąątí a dɔɔ wulɔ, yɛ ɲɛ̨i pɔ̨nɔ̨.

Samuɛlə dɔlɔɔ 7:11

Israɛlə nuą di kulɔ Mispa, di hvilɛn Filisti nuą pulu, diɛ di paa, ə lɛɛ kpɔ ɉu di həli la Bɛtə-Karə kwɛlɛ.