Samuɛlə dɔlɔɔ 6:3 - Yálá laawoo hɛɓɛ (dc)

³ Ɉaláá laa həli nuą diɛ diɛ: «Ka kɛ bɔ ka Yálá nwɔ kəhii pənə ka dɛɛ ɓɛi ə həɠə laa, ka hvo dɛɛ lɔ tii kpɛli-kpɛli, kɛlaa, mąąnɛ̨ɛ̨ ka ká pɔɔ ŋą pɛli haláá kulɔ mąą mɛ̨nį hu, ə gɛ ka nwun mąą ə ɓo, ɛlɛɛ, mɛ̨nįi kɛi gɛ yɛ mɛ̨nį ɲąąnwąnąą laa kaa, ka pɛli kɔ́lɔn ɉii.»

Yálá laawoo hɛɓɛ

³ Ɉaláá laa həli nuą diɛ diɛ: «Ka kɛ bɔ ka Yálá nwɔ kəhii pənə ka dɛɛ ɓɛi ə həɠə laa, ka hvo dɛɛ lɔ tii kpɛli-kpɛli, kɛlaa, mąąnɛ̨ɛ̨ ka ká pɔɔ ŋą pɛli haláá kulɔ mąą mɛ̨nį hu, ə gɛ ka nwun mąą ə ɓo, ɛlɛɛ, mɛ̨nįi kɛi gɛ yɛ mɛ̨nį ɲąąnwąnąą laa kaa, ka pɛli kɔ́lɔn ɉii.»

Bible

³ Dîyɛɛ dîai, “Kà kɛ̀ dɛ̂ɛi, káfe dɛ̀ɛ kpɛ́ni-kpɛni. Ka sama-sɛŋ pɛlɛ ma ká dɛ́ɛ Eezuɛ-ŋai Díɣâlai pɔ́ a kásɔnyɔ̂ŋ fela fêi. À kɛ̀ tí, ka pâi ƃâloi, ka m̀ɛnii kɔ́lɔŋ gɛ̀ Ǹuu-namui kɛ́ mɛni kpɔ̂lui ŋí làa kâai.”

Samuɛlə dɔlɔɔ 6:3 Iomraidhean Croise

Zôo 10:2

Gáá pai kɛi Yálá ɓa: Hvo ɉón yɛ ŋį́ ɉɔ́n gɛ. Hɔn ŋį́ gɛ, nɛ mą́ą́.

Lɛɛ gbɔwɔ ɓa 23:15

Lɛɠɛi dɛ hɛn və ɉu, ka mąą hɛli pu, hvóló mɛ̨ihveelɛ yee mu, lɛɠɛi dɛ hɛn və ɉu, ka mįi, yɛ bələi ŋą́ Dɔ́n naa laa ka mɛ̨i, gɛ́ guu hee a Abibə ɲąnin, mąąhɔlɔɓo, nąąlɔwai ɓə ka kulɔ la Eziptə lɔi hu. Mąą hvo nɛ̨ɛ̨li, nuą da kɛi pa nííla, nu ta hvo pa a ɲee howolo.

Lɛɛ gbɔwɔ ɓa 34:20

Kɛlaa, hoohvaalən non dɔlɔɔ nwɛi, yá nwun mąąɓo a ɓɛlaa, yá wala nwun mąąɓo, ə́ gɔn ɲali. Ka ka lon ɉinąą tɔlɔɔɠaa nwun mąąɓo. «Mąą hvo nɛ̨ɛ̨li ka hvo pa Nííla a ka yeehvowolo.

Lɛɛ gbɔwɔ ɓa 8:15

Bənən gɛ nuą diɛ tɔɔmun ma: «Yii nwɛi, Yálá kɛ mɛ̨nį ka.» Ə mą kɛ tii, tɔɔmun ə gili walawala, mɛ̨nįi ŋɛ̨i Moisə da Aarɔn di ɉu hvɛli mą, hvo gɛ, yɛ pələi Yai-Laa ə gbɛa mo la.

Levetekɔ 5:6

Yili pulu, mąąnɛ̨ɛ̨ ə pa a bɔɔŋą pɛli hɛn a ɓɛlaa haa Yai-Laa lííla, awala kɛ tii ɓolu haa, a yili kɛ tii nɛ̨ŋɛ̨n tii ə ɉəɠə mąą hvaalɛɛ mɛ̨nį ɓa. Ɉaláá laa həli mun a nɛ̨ŋɛ̨n mąąhvaalɛɛ kóló kɛ mą.

Levetekɔ 6:6

Mąąnɛ̨ɛ̨ hvóló kəlee nwɔ̨n ə kɛ a dɔɔ ɉaláá kulɔi, mąą hvo nɛ̨ɛ̨li hvo luwun.

Dutɛrɔnome 16:16

Kwɛlan dɛitɛi ye mu, hinąą kaa pai kɛi lii Yai-Laa ka wɔ Yálái lííla gee mɛ̨i haaɓa; gɛɛnąą tii gaa pai ɲeekpiɛ lɛi laa, ɓɛlɔwai ka káá pai kɛi lɛɠɛ yii dɛ hɛn və ɉu nwɔ hɛli pui la, da nɔwɔ mɛ̨ihveelɛ tɛɛ pulu hɛli, ɛlɛɛ, da gələ hɛli pu yələ. Nu ta lɔpee hvo kɛ gaa pai Yai-Laa ka wɔ Yálá lííla a ɲeehowolo.

Samuɛlə dɔlɔɔ 5:11

Di Filisti tɔɔɓɛlaa təli, di di ŋąąkpɔn, diɛ diɛ: «Ka Israɛlə nwɔ Yálái ŋą kəhii pənə ka dɛɛ ɓɛi ə həɠə laa, yili hvo mą, kwa nwɔ́ lɔi hu nuą kəlee ku nwun na hvo pa pili.» Ɲɔw ə lɔ nɔi nuą kəlee hu, diɛ kɛ di haa, ɛlɛɛ, Yálá yee aa kɛ wiɛ di mɛ̨i kpɔ a nwalawalaa.

Samuɛlə dɔlɔɔ 5:7

Yili nąą kaai Asdɔdə nuą di mo, diɛ mą: «Mąą hvo nɛ̨ɛ̨li, Israɛlə nwɔ Yálái nwɔ mįnɛ̨ kəhi hvo lɛɛ ku pɔɔli. Mąąhɔlɔɓo, aa ɲee wiɛ ku mɛ̨i a mɔlɔɔ; kuɔ mąn, ku wɔ yálá Dagɔn mąn.»

Samuɛlə dɔlɔɔ 5:9

Lii di mo la Gatə, Yai-Laa yee ə wiɛ daa nuą mɛ̨i, ɲɔw kɛnɛ̨ ə pili daa nuą hu. Yai-Laa ə mɔ̨nɔ̨ laa diɛ nɛapɛlɛ mąn, nu kpɛa-kpɛa mąn pulu kulɔ kpan ə pɛlɛ gəlee diɛ.

Samuɛlə dɔlɔɔ 6:8

Ka Yai-Laa nwɔ kəhii həɠə, ka ɉee nwotolo hu. Ɉɛnŋaa tii ka di pɛli a ɉɛni, ka pɔɔ ŋą pɛli mɛ̨nį ɓa, ka di laa kəhi lon da hu, ka ɉee Yálá nwɔ kəhii kwɛlɛ; ka nįŋɛ̨ɠaa lɛɛ laa də li a ɉɛnŋaa tii di kpɔwɔ ɓa.

Samuɛlə dɔlɔɔ 6:9

Ka gaa nįŋɛ̨ɠaa da Israɛlə pələ həɠə diɛ li Bɛtə-Sɛmɛsə pələ, a kɛ tii, ya ka tii ɲee ə kɛ guɔ, kɛlaa, da wala ɉon a bələ, a kɛ tii, naa hvo kɛ gu wɔ laanɔ̨nwɔ̨i ŋɛ̨i hu.»