Samuɛlə dɔlɔɔ 6:17 - Yálá laawoo hɛɓɛ (dc)

¹⁷ Ɲɔ̨n tii pɛlɛ Filisti nuą diɛ, yai di mąąnįnįn ɉəɠə a hɛni, di nɛ̨ɛ̨mąą hvə la Yai-Laa ɓa; diɛ ka: Dɔ̨nɔ̨ ə kɛ a Asdɔdə nwɔɔ, dɔ̨nɔ̨ Gaza, dɔ̨nɔ̨ Askelɔn, dɔ̨nɔ̨ Gatə, dɔ̨nɔ̨ Ɛkrɔn.

Yálá laawoo hɛɓɛ

¹⁷ Ɲɔ̨n tii pɛlɛ Filisti nuą diɛ, yai di mąąnįnįn ɉəɠə a hɛni, di nɛ̨ɛ̨mąą hvə la Yai-Laa ɓa; diɛ ka: Dɔ̨nɔ̨ ə kɛ a Asdɔdə nwɔɔ, dɔ̨nɔ̨ Gaza, dɔ̨nɔ̨ Askelɔn, dɔ̨nɔ̨ Gatə, dɔ̨nɔ̨ Ɛkrɔn.

Bible

¹⁷ Zama-sãai ká ŋí Felesia-ŋai díkâloŋ-ŋai dí dɛ̀ɛ a dísɔnyɔ̂ŋ maa sâla kulâi. Dí gôo pala pɔkɔɔŋ lɔ́ɔlu tɛ̀ɛ. Dí dɔnɔ tɛ̀ɛ Asɔdɔ mɛni ma, dí dɔnɔ tɛ̀ɛ Geza mɛni ma, dí dɔnɔ tɛ̀ɛ Gâa mɛni ma, dí gbéli tɛ́ɛ Ɛkulɔŋ mɛni ma.

Samuɛlə dɔlɔɔ 6:17 Iomraidhean Croise

Samia Veerɛi 1:20

Ka hvo bələ taɠa Gatə daai, Ka hvo ɉukulɔ Askelɔn bələɠaa pɔ. Ə gɛ, Filisti nɛ̨ąą di hvo pa ləi maa kwəinɛ̨ɛ̨ kulɔ, gɛ́nɛ kpolɔwaɠaa lonnii nɛ̨ąą di pa nee kɛ pili yələi a kwəinɛ̨ɛ̨.

Samia Veerɛi 21:22

Nuą nąąn tii kəlee di kɛ a Gatə mun a Harafa nu huwu. Davidə da ɲee pɔ nuą di di kəlee di paa.

Tɔɔɓɛlaa veelɛ 1:2

Yələ ta, tɔɔmun Akaziasə ə kɛ ɲəi dɔɔ pɛlɛ́ ɲimąn mu ɲələi, Samari, ə kulɔ vaŋą pili ə too, ə mąą nwąną kpɔ kɛnɛ̨. Tɔɔmun ə nɛɛ mą ə nuą tɔɔ, diɛ li Baalə-Zebubə mąąni gɛi. Baalə-Zebubə tii ɓə kɛ a Ɛkrɔn nuą di wɔ hali.

Kɔlɔnikɔ Veerɛi 26:6

Oziasə ə kɔ́ pɛlɛ Filisti nuą diɛ, ə Gatə ŋɛ̨i kɛ Yavne da Asdɔdə, mąą kpɛ hįį wolo. Yili pulu, ə taaɠaa tɔɔ Asdɔdə lɔi hu Filisti nuą pɔ lɔi.

Ɉeremi 25:20

Voló tooi pələ kəlee, Usə lɔi dɔɔɓɛlaa kəlee, Filisti tɔɔɓɛlaa kəlee: Askelɔn, Gaza, Ɛkrɔn da nu kpəlii aa lɛɛ Asdɔdə;

Levetekɔ 5:7

«Hɛn a wala kɛ nu yəi yɛ pɛli taatɛlɛɛ hɔlɔɓoi, mąą nu a nɛ̨ŋɛ̨n ɉəɠə, a pɛli mą ə pa Yai-Laa pɔ a lɔwɔ tonwələn veelɛ, bɔɔŋą pɛli mɛ̨nį ɓa. Awala kɛ tii, kwii tonwələn veelɛ, da dɔ̨nɔ̨ kɛ a mąąhvaalɛɛ haláá hɛn, di dɔ̨nɔ̨ kɛ a haláá hɛn yii da gəlee kələn Yai-Laa ɓa.

Amɔsə 1:6

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą la Filisti nuąi ŋɛ̨i Gaza lɔi hu diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nįi ŋį́ gbən dee, və́ pai ɉəɠəi mą. Mąąhɔlɔɓo, di nu kpulu kɛnɛ̨ həɠə taaɠaa hu, diɛ di lɔwɔ́tɔɔ Edɔmə nuą diɛ.

Amɔsə 6:2

Ka li Kalne daai, mɛ̨nįi kɛi laa, ka gaa. Ka həɠə laa, ka li Hamatə daa lee hu, Yili pulu, ka yɛɛ Gatə daai Filisti nuą pɔɔli. Ka li, ka nąą kəlee mąąkpɛɛ. Kɛlɛi ka wɔ lɔi kɛnɛ̨i dɛɛ di wɛi ɓa ee! Ɛlɛɛ, ka hviɛlaɓoɔ diɛ.

Dutɛrɔnome 28:27

«Yai-Laa kaa pai munwɔ̨ɠaa da nwɔ tɔɔ hɛnŋąą pɛlɛi kaa; da lɔ́wɔ́ ɲɔ̨n, ə mą kɛ tiha yɛ bələi ə gɛ la a Eziptə nuą; ɛlɛɛ, ka nwun va kulɔ ɉu.

Nwun mąąɓo 1:18

Yili pulu, Ɉuda ə Gaza da gwɛlɛ lɔiɠaa hon, Askelɔn da gwɛlɛ lɔi, ə mą kɛ Ɛkrɔn da gwɛlɛ lɔi.

Nwun mąąɓo 14:19

Yai-Laa nwɔ Kilii ə too Samsɔn hu nąąlɔwai, ə həɠə, yɛ li Askelɔn. Ə hinąą pow haaɓa paa, ə di mąą həɠəɠaa kulɔ diɛ, ə dɛɛ ɉanwon mukulɔ nuą pɔ. Yili pulu, níi ə kələn gwəi, ə pənə ə li nąn bɔ.

Nwun mąąɓo 16:1

Yələ ta, Samsɔn ə li Gaza daai, ə wɛlikɛ nɛ̨ɛ̨nu ta kaa laa; ə li ə yíi bɔɔli.

Nwun mąąɓo 16:21

Yili pulu, Filisti nuą di ɉon, di ɲɛ̨i wolo. Di ɉəɠə də li la Gaza daai, di ɲili a ɓala kwɛli yɔwɔn veelɛ. Samsɔn ɓə kɛa kɛ laa, yɛ gaho nąmįną kɔ̨nɔ̨n ɉiɠɛ.

Samuɛlə dɔlɔɔ 5:1

Filisti nuą di Yálá nwɔ mįnɛ̨ kəhii həɠə Ɛvɛn-Ezɛrə, də li la Asdɔdə.

Samuɛlə dɔlɔɔ 5:10

Di nɛɛ mą di Yálá nwɔ kəhii həɠə də li la Ɛkrɔn. Kɛlaa, di lɛɛ lɔ pai a gəhi, Ɛkrɔn nuą di tomą diɛ kɛ: «Daa pa ɓɛ a Israɛlə nwɔ Yálá ŋą kəhii, ku kəlee ku paa mɛ̨nį ɓa.»

Samuɛlə dɔlɔɔ 5:8

Di Filisti tɔɔɓɛlaa təli di di ɲąąkpɔn di diɛ diɛ: «Kwa pɛli Israɛlə nwɔ Yálá nwɔ kəhii kɛ pələ kɛi ləi?» Yiliɠaai diɛ diɛ: «Israɛlə nwɔ Yálá nwɔ kəhii, ə li Gatə.» Də li a Israɛlə nwɔ Yálái nwɔ kəhii Gatə.

Samuɛlə dɔlɔɔ 6:4

Nɔi lonnii diɛ diɛ: «Lə ɓə kwa pɛli gɛi a ku pɔɔ ŋą pɛli hɛn?» Ɉaláá laa həli nuą diɛ diɛ: «Bələi lɔ nɔi tɔɔɓɛlaa kaa la lɔɔli, ka pulu kulɔ kpan mąąnįnįn bɛli lɔ tii lɔɔli a hɛni, kpəɠəi mąąnįnįn nɔɔli a hɛni. Mąąhɔlɔɓo, mɔ̨nɔ̨ huwu tanɔ̨n tii ɓə naa ka mɛ̨i ka ká wɔ tɔɔɓɛlaai.