Samuɛlə dɔlɔɔ 4:5 - Yálá laawoo hɛɓɛ (dc)

⁵ Pai tii di mo a Yai-Laa nwɔ mįnɛ̨ kəhii ɓɛi gɔ́ ə kɛ laa, Israɛlə nuą di tomą a kwəinɛ̨ɛ̨ a di woo kɛnɛ̨, lɔi yɛ kpɛlin.

Yálá laawoo hɛɓɛ

⁵ Pai tii di mo a Yai-Laa nwɔ mįnɛ̨ kəhii ɓɛi gɔ́ ə kɛ laa, Israɛlə nuą di tomą a kwəinɛ̨ɛ̨ a di woo kɛnɛ̨, lɔi yɛ kpɛlin.

Bible

⁵ Díkɛɛ da pá la m̀ûui sui, Eezuɛ-ŋai dí làɣi kpɔ́ a zu kɛ́tɛ ǹɔii é kpɛ̃lîŋ.

Samuɛlə dɔlɔɔ 4:5 Iomraidhean Croise

Samia Veerɛi 15:24

Sadɔkə kpɛli mąn ə kɛ laa Leviteɠaa kəlee di ɓo bɔ Yálá nwɔ mįnɛ̨ kəhii ə ɓo di kalan ŋą. Di Yálá nwɔ kəhii laa Abiatarə kwɛlɛ, ə lɛɛ la ɉu nuą kəlee di kulɔ daai di tɛɛ.

Tɔɔɓɛlaa dɔlɔɔ 1:40

Nuą kəlee di hvilɛn Salomɔn pulu, diɛ túlú hvɛɛ, diɛ mąną. Nɔi ə kɛ yɛ a kɛi kpɛlin di kɔ́wɔ mu.

Zôo 20:5

nu ɲɔ̨nwɔ̨ɔ̨ɠaa di wɔ yeetɛɛmąą laa kaa lɔ a hvóló tɔ́nɔ̨ mɛ̨nį, mɛ̨nį ɲɔ̨n gɛ nuą di wɔ kwəinɛ̨ɛ̨ kaa lɔ a gbuɔ.

Ɉeremi 7:4

Ka hvo ka kpɔɔ ɓowo a lɛɛ wooɠaa kaa kɛ diɛ: «Yai-Laa hee pɛlɛ́i ka! A Yai-Laa hee pɛlɛ́ yoo! Yai-Laa hee pɛlɛ́i, ɓɛ ɓə!»

Amɔsə 6:3

Gaa ka kwəi kaa, ka káá mɛ̨nį ɲɔ̨n mąą kwɛai kaa, kɛlaa, kaa toomɛ̨i maa kpuɔ kaa.

Mise 2:11

Ə li kɛ nu a pɛli hɔlɔɓoi, yɛ gilɛ həɠə hvaŋą pulu, lɔɔ pulu, yɛ kɛ diɛ: «'Ka lɔɔ tɛɛ bɔ́, a lɔɔ kpəɠiɛ ŋį́ Yálá kwəi mɛ̨nį ɓo yɛ́ a ə́ kwəinɛ̨ɛ̨ mɛ̨nį» mąą nu lɔ ɓə li kɛ a nu huwui ŋɛ̨i nwɔ kalan gɛmun.

Zasua 6:20

Israɛlə nuą di tomą a kɔ́ mɛ̨i woo, di mɛlaa mįnɛ̨ hvɛɛ. Ɓɛlɔwai di mɛlaa mįnɛ̨ woo mɛ̨n na, di tomą kpɔ a kɔ́ mɛ̨i woo, daa mąą kpɛ hįį ə nɛ̨ɛ̨ mą ə pu. Israɛlə nuą di tɛ daai, nu kəlee ə ɲɛ̨i haɠa dɔwɔ, di daa hon.

Zasua 6:5

Ɓɛlɔwai mɛlaa mįnɛ̨ tulu woo a tɔɔ la, ka nwoo mɛ̨n, Israɛlə lonnii kəlee da tomą kpɔ kɛnɛ̨ a kɔ́ mɛ̨i woo, nąąlɔwai, daa mąą kpɛ hįį a pu, ɲąąɓa, nuą kəlee da tɛ daai, nu kəlee ə ɲɛ̨i haɠa dɔwɔ.»

Nwun mąąɓo 15:14

Ɓɛlɔwai di həli la Lɛhi daai, Filisti nuą di pa naakwiɛn ɉii, diɛ tomą a kwəinɛ̨ɛ̨. Kɛlaa, Yai-Laa nwɔ Kilii ə too ɉu, ɲɛli tii di ɲili la, ə kɛ lɔ yɛ nwɔ̨n a yeekali kələn, ə tee ɲeeɠaa diɛ.

Samuɛlə dɔlɔɔ 4:6

Filisti nuą di di domą woo tii mɛ̨n, diɛ mą: «Lə tomą ɓə Hebreuɠaa kaa moi?» Di kili ə pu ɉu diɛ kɛ, Yai-Laa nwɔ mįnɛ̨ kəhii ka tii a pa di lɔwai,