Samuɛlə dɔlɔɔ 4:3 - Yálá laawoo hɛɓɛ (dc)

³ Nuą di pənə də li di pulu, Israɛlə kalanɉonŋaa diɛ kɛ diɛ: «Lə ɓə kɛ yaai, Yai-Laa ə ku lɛɛ laa, Filisti nuą yee yɛ tɛɛ kuɔ? Ka gwə li gu Yai-Laa nwɔ mįnɛ̨ kəhii həɠə Silo, ə kɛ gu lɔwai, a kɛ tii, a gu kulɔ gu yowowɠaa yəi.»

Yálá laawoo hɛɓɛ

³ Nuą di pənə də li di pulu, Israɛlə kalanɉonŋaa diɛ kɛ diɛ: «Lə ɓə kɛ yaai, Yai-Laa ə ku lɛɛ laa, Filisti nuą yee yɛ tɛɛ kuɔ? Ka gwə li gu Yai-Laa nwɔ mįnɛ̨ kəhii həɠə Silo, ə kɛ gu lɔwai, a kɛ tii, a gu kulɔ gu yowowɠaa yəi.»

Bible

³ Eezuɛ-ŋai kɛ́ɛ da pá pôlu díƃûui sui, dínuu pɔlɔ-ŋai dí mò dîyɛɛi, “Yâwɛɛ aâ gɛ́ Felesia-ŋai da kúsu pú ŋí sâa lé mɛni ma? Kwaa kú Gbanaŋ-woo-kɛɛ gãlai kúla Silo kú pá la a gɛ́ɛ é kúla kúkpɔara-ƃelai yêei é kɛ́ kúsama.”

Samuɛlə dɔlɔɔ 4:3 Iomraidhean Croise

Samia Veerɛi 15:25

Tɔɔmun yɛ Sadɔkə ɓa: «Pənə ə́ li a Yálá nwɔ kəhii taai. Yai-Laa a kɛ bɔ a ɲɛ̨i lɛlɛɛ hee mą́ą́, gaa pai pənəi ə pa a ɲą́ą́, ə hvaa mą ŋą́ pənə ŋą́ gaa da mąąwiɛ pɛlɛ.

Kɔlɔnikɔ Maa-ŋuŋ 17:1

Ɓɛlɔwai Davidə ə kɛ kɛa la ɲəi bɛlɛ́n, ya ɓə a kɛ Yálá kwəi mɛ̨nį hukulɔ mun Natan ɓa: «Ɓɛ kaa ləi! Ɲą́ą́ gá pɛlɛ́n, dɔɔ a kpitili wulu, ɛlɛɛ, Yai-Laa nwɔ mįnɛ̨ kəhii ə ɓo kələ mu, mɛ̨i kɛɛ a həɠə. Ə́ wɔɔ kiliŋąhiɛ kaa ləi?»

Mąątɛ̨nɛ̨ 74:1

Asafə nwɔ nu mąąkwɛli woo. Yálá! Ə́ ku pili kpɔ ti kwɛaa la lə mɛ̨nį ɓa, lə liiholi ɓə ə́ ɉee ə́ wɔ lɔi hu taatɛlɛɛ kpului ɓa?

Mąątɛ̨nɛ̨ 74:11

Lə ɓə kɛ yai ə́ ə́ yee yali bulu, yɛ́ ə́ ɓa-mįi-yee laa lɔ tii kpɛ ə́ kəŋə mɛ̨i?

Azaya 50:1

Yai-Laa woo ka: Vulú taɠa hɛɓɛ́ wɔɔ? Yai ŋį́ ka lee kulɔ la lɔwɔi? Awala kɛtii, gbɛɛ ɓə ŋą kwələ kaa mą́ą́? Yai ŋį́ ka lɔwɔ́tɔɔ mą? Deąi laa ya ka: Ka wɔ nɛ̨ŋɛ̨nŋaa ɓə gɛ, diɛ ka lɔwɔ́tɔɔ, ka wɔ kulɔ nwoo mu laa ɓə gɛ, diɛ ka lee kulɔ lɔwɔi.

Azaya 58:3

«Kuɔ hín nɔɔ nwun mąą lə, akɛ ə́ ɲɛ̨i hvo laa, kuɔ ku kpɔwɔ mąąyɛɛ lə mɛ̨nį ɓa, akɛ hvo gili kɔ́lɔn ɉii?» Ka wɔ hín nɔ yələɠaai, ka kɛ tɔ̨nɔ̨ kwɛlii, ɛlɛɛ kaa ka wɔ kóló kɛ nuąi mɔ̨nɔ̨ ɓo.

Azaya 59:1

A tɛ̨ą, Yai-Laa yee hu hvo haa li, nuą ɓalo mɛ̨nį ɓa, nwəlii hvo kpɔlɔ li, mɛ̨nį mɛ̨n mɛ̨nį ɓa.

Azaya 59:2

Ka wɔ nɛ̨ŋɛ̨nŋaai ɓə, daa ka lɔwai laa, ka ka wɔ Yálá li; ka wɔ túwɔ́ pələɲɔ̨nŋaa ɓə, ɲɛ̨́i looii kaa kpɔ kwɛala, hva pɛli kɛa ka woo mɛ̨n ɉii.

Ɉeremi 3:16

Yai-Laa yɛ diɛ: 'Ka pa, əgɛ, ka ɓuwu ə ɓo nɔi; nąąlɔwai di hva kɛa kɛ diɛ: Yai-Laa nwɔ mįnɛ̨ kon nwɔɔ? Gili hvo kɛa pai kɛi nu ta ŋą, di hvo kɛa pai mąą mɛ̨nį ta ɓoi, di hvo pai gbaɠala kaai diɛ kɛ hvo laa, dakpɛli pɛli kili hva too di gwəi.

Ɉeremi 7:4

Ka hvo ka kpɔɔ ɓowo a lɛɛ wooɠaa kaa kɛ diɛ: «Yai-Laa hee pɛlɛ́i ka! A Yai-Laa hee pɛlɛ́ yoo! Yai-Laa hee pɛlɛ́i, ɓɛ ɓə!»

Lonon mo 10:33

Da diɛni di həɠə Yai-Laa nwɔ yeei ɓa, di hvóló haaɓa hiɛ kɛ. Yai-Laa nwɔ mįnɛ̨ kəhii ə kɛ di tɔwɔ diɛ li voló haaɓa hiɛi tii hu, ə gɛ ɓɛi mąąnɛ̨ɛ̨ diɛ daa pu laa, yɛ nąą lɛ diɛ.

Lonon mo 10:35

Ɓɛlɔwai mąąnɛ̨ɛ̨ kɛ di li la a mįnɛ̨ kəhi, Moisə a kɛ mą: «Yai-Laa ə́ muhəɠə Ə́i yowoɠaa hu taɠa, nuąi diɛ di tɔɔ Ə́ la, di pu di həɠə Ə́ ɲɛ̨itɔwɔ!»

Lonon mo 31:6

Moisə ə di tɛɛ gɔ́ ɓa, huwu tɔ̨nɔ̨ nu waa tɔ̨nɔ̨; ə di tɛɛ gɔ́ mɛ̨i da ɉaláá laa həli mun Pinasə, Eleazarə lon; ya ɓə bɛlɛ́ mąąhəɠɛɛ mu hɛnŋąą di kɛ ɲəi, da nuą təli túlúɠaa.

Dutɛrɔnome 29:24

Da di woo pulu pənə, diɛ kɛ diɛ: ‹Həɠəi di mo Yai-Laa di kalaɓɔlɔni di wɔ Yálái nwɔ mįnɛ̨i pulu ya ɓə; a yaai da diɛni di ɉəɠə, ɓɛlɔwai Ə di kulɔ la Eziptə lɔi hu.

Dutɛrɔnome 31:26

«Gəhi lon tii Yai-Laa ka wɔ Yálá nwɔ mįnɛ̨ kwɛni ɓɛlaɠaa kaa laani ɉui, ka dɔ́n ɉɛɓɛ́ həɠə ka naa gwɛlɛ. Yili ɓə pai kɛi a kɛla.

Timote veelɛ 3:5

di ɲɛ̨ilai kaa pai kɛi yɛ Yálá kɔ́lɔn nuą, kɛlaa diɛ lənə laa na laa hvaŋą ɓa. Nu taaləɠaa tii diɛ kpɛlimąn, ə́ mąą kwɛa diɛ!

Hebreu 9:4

Nąą ɓə lansan kələn ə kɛ laa a hɛni, ɛlɛɛ, mįnɛ̨ kon yɛ ɓo laa mɛ̨ikpulɔɔ a hɛni. Gon ti hu, hɛn ɲąŋą ə kɛ laa, manə yɛ ɓo ɉu, ə mą kɛ, Aarɔn nwɔ tunwɔ̨n kɛ ɲəi, yai powa; da mįnɛ̨ gwɛni ɓɛlaɠaa.

Zasua 4:7

Ka di woo ɲąąpənə, kaa diɛ: ‹Ɉurdɛn yá ə tɔɔ, ɓɛlɔwai Yai-Laa nwɔ mįnɛ̨ kəhi ə kɛi tɛɛ la ɓɛ Ɉurdɛn yá hu, gwɛniɠaai ŋɛ̨i kaa a gbalo mɛ̨nį tii gili lɛɛ ɉu hɛn.›»

Zasua 6:6

Nąąlɔwai, Nun lon Ɉosue ə ɉaláá laa həli nuą təli, yɛ diɛ: «Ka taɠaa di Yai-Laa nwɔ mįnɛ̨ kəhi həɠə, nu mɛ̨ihveelɛ di tɛɛ dɔwɔ, ɓɛlaa mįnɛ̨ tulu ə ɓo di yəi.»

Zasua 7:7

Ɉosue yɛ Yai-Laa ɓa: «Ee! Ną́mu Yai-Laa! Lə mɛ̨nį ɓa, ə́ hvaa mą ə́ Ɉurdɛn yá teen a nuą ŋɛ̨i? Yɛ́ ku kwɛlɛ Amɔrə nuą ŋɛ̨i diɛ, diɛ ku paa? Akɛ yili ə kɛ tii, kwa kɛ kani kɛ ku lɛɛ Ɉurdɛn yá pulu pələi!

Zasua 7:8

Nɛ̨ɛ̨ yɛ́, nwɔ́ mɛ̨nį Nąmu! Mɛ̨nį a kɛ ŋɛ̨i, lə ɓə ŋą́ pɛli moi, ɓɛlɔwai kɛa Israɛlə lonnii daa di pulu tɔɔ la di yowoɠaa diɛ?

Piɛrə dɔlɔɔ 3:21

Ɲąi tii kaa a mąąwaaɓoi aa ká ɓalo yiihu, gɔɔn mąą, hvo a kɔhɔɓoi ká kɔlɔ ɓa, nwaa hɛn, kɛlaa, yili kaa a nu kpɔwɔ kwɛlɛɛ Yálá ɓa, ə́ kili hu pələ, a ká ɓalo, Jesus Kristə nwun ə mo haa yəi ɉáálai,

Zûu 1:5

Bələi Yálá ə nwɔ nuąi nwun mąąɓo la yɛ di kulɔ Eziptə, ka ɉukulaa kɔ́lɔn kpɔ kɛnɛ̨. Ə mą kɛ tii, gáá ka kili pui ɉu gɛ́ kaa: yiiɠaai di di kili walawala, ə gəlee nwun napili.

Samuɛlə dɔlɔɔ 1:24

Yii kɛa ə naa kulɔ ɲįnį ɓa, ə ɉəɠə ə bɛlɛ kwɛlan ɉaaɓa nįŋɛ̨ hilɛ tɔ̨nɔ̨ ɓa, da lɛɠɛ hunwɔ̨ gəgən ɉu tɔ̨nɔ̨ ɓa, da lɔɔyá ləɠi tɔ̨nɔ̨, ə nokoloi lɔ Yai-Laa hee pɛlɛ́ mu ə kɛ laa a naa tíɓo kɛ mun da.

Samuɛlə dɔlɔɔ 14:18

Saulə yɛ Ahiya ɓa: «Yai-Laa nwɔ kəhii lɛɠɛ ɓɛ!» Volói tii Yálá nwɔ kəhii ə kɛ Israɛlə lonnii pɔ.

Samuɛlə dɔlɔɔ 4:2

Filisti nuą di tɔɔ Israɛlə nuą tɔwɔ, gɔ́ ə kpɔlu, Filisti nuą yee ə tɛɛ Israɛlə nuą diɛ, di nu waa nąąn ɲɔ̨nwɔ̨mąn baa ɲɛɛ kɔwɔ hu.