Samuɛlə dɔlɔɔ 30:16 - Yálá laawoo hɛɓɛ (dc)

¹⁶ Ɉulɔnui tii ə tɔɔ Davidə tɔwɔ, də li Amalɛkə nuą daa kɛ taɠa taɠa nɔi nąą kəlee diɛ kɔ̨nɔ̨n mįi, diɛ di kpələ, diɛ kwəinɛ̨ɛ̨ kɛnɛ̨ kulɔ a ɉɛn gɛnɛ̨i tii di ɉɔlɔɓo Filisti lɔi hu da Ɉuda lɔi hu.

Yálá laawoo hɛɓɛ

¹⁶ Ɉulɔnui tii ə tɔɔ Davidə tɔwɔ, də li Amalɛkə nuą daa kɛ taɠa taɠa nɔi nąą kəlee diɛ kɔ̨nɔ̨n mįi, diɛ di kpələ, diɛ kwəinɛ̨ɛ̨ kɛnɛ̨ kulɔ a ɉɛn gɛnɛ̨i tii di ɉɔlɔɓo Filisti lɔi hu da Ɉuda lɔi hu.

Bible

¹⁶ È berei kùla a Deeƃé é lí la Amɛlɛka-ŋai pɔ́-naa. Dí kɛ̀ a dítaa-taa díkɛ̀ lii-nɛ̃ɛ kùla, díkɛ lɔɔ kpêle, díkɛ dílaa mii, kpɛ́ni fêi, zãai dí zìɣe Felesia-ŋai da Zuda-ŋai dílɔii sui zu è kɛ̀ a gɛ́tɛ.

Samuɛlə dɔlɔɔ 30:16 Iomraidhean Croise

Samia Veerɛi 13:28

Absalɔn yɛ ɲəi bɛlɛ́n góló kɛ nuą diɛ: «Ka gɛ a nɛlɛɛ, ɓɛlɔwai ka Amnɔn kaa la nɔɔ aa ɉon, ŋą́ kɛ kaa: ‹Ka Amnɔn kɛlɛ›, ka baa. Ka hvo ɲɔw, ɲą́ą́ ɓə ka tɔɔ la ka ká liikpələ, ka gɛ a hulɔnu laa.»

Kɔlɔnikɔ Maa-ŋuŋ 4:43

Di nɛ̨ɛ̨mą, di Amalɛkə huwu kpəli woloi kɛ laa, di di paa; diɛi tii di hee laa. Háá ɓaa háá, di kaa ni laa heeni.

Zôo 20:5

nu ɲɔ̨nwɔ̨ɔ̨ɠaa di wɔ yeetɛɛmąą laa kaa lɔ a hvóló tɔ́nɔ̨ mɛ̨nį, mɛ̨nį ɲɔ̨n gɛ nuą di wɔ kwəinɛ̨ɛ̨ kaa lɔ a gbuɔ.

Mąątɛ̨nɛ̨ 119:162

Gwə́inɛ̨ɛ̨i, ə́ wooi ə́ gwɛlɛ mąą mɛ̨nį ɓa, lɔ yɛ, nu a kulɔ hɛn gɔw kɛnɛ̨ mɛ̨i ə́ tɛɠii.

Lɛɛ gbɔwɔ ɓa 32:6

Mąą yələ laa ɓoɔ, yələwala pɔ, nuą di haláá kulɔ nįŋɛ̨ lon tii ɓa, yii da gəlee kələn, da nɛ̨ɛ̨laa haláá. Nu kəlee di hee kɛa, diɛ di laa mį́i, diɛ di kpələ, yili pulu, di di muhəɠə diɛ kwəinɛ̨ɛ̨ kulɔ.

Azaya 22:13

Ya ɓə, ka tɔɔ kaa kwəinɛ̨ɛ̨ kulɔ, kaa hɛli pu! Diɛ nįŋɛ̨ɠaa paa, diɛ ɓɛlaaɠaa nwun dee, diɛ huwɔ mįi, diɛ lɔɔ kpələ, kaa kɛ diɛ: ka gu gu laa mįi, ka gu gu kpələ; mąąhɔlɔɓo, gwa tínąą haa.

Azaya 9:3

Mąąhɔlɔɓo, nuwɔ laai di kɛ ɉu, gbɔn kɛ di mɔ̨nɔ̨ɓomun ɲəi, yɛ di kɛlɛ la di pulu, Yáá yiliɠaai kəlee hu yali, yɛ bələi wɔlɔ Ə́ gɛ la a Madian nuą.

Tɛsalonikə dɔlɔɔ 5:3

Ɓɛlɔwai nu kəlee kaa pai kɛi la diɛ: «Liilaa, wəlipululaɠi», nąąlɔwai kpɔlɔ ɓə nwun napili a kulɔ la di tɛɠii, ə yɛɛ di mɛ̨i, yɛ bələi kwəinwąną a nɛ̨ɛ̨nu hon na; ɛlɛɛ, di nwun hva kulɔ ɉu.

Zasua 22:8

Yɛ diɛ: «Ka káá pənəi ka li ka wɔ pɛlɛ́ɠaai mu a hɛn gɔw kɛnɛ̨, da taatɛlɛɛ kpulu kɛnɛ̨, a wali, hɛni, ɓala kwɛli, kwɛli leelee, da həɠəɠaa, kpɔ tamąą. Ɉɛnŋąąi ka ɉɔlɔɓo a kɔ́ pulu hɛn ka yowoɠaa yəi, ka ɲąąkwɛlɛ, ka ka nąn nonnii ka lɔwai, 'ka di kɔ́.»

Nwun mąąɓo 8:11

Ɓɛ pələi ŋɛ̨i doonwunma nuą da kɛ tɛɛi la, nąą bələ ɓə Zedeɔn ə tɛɛ la, Nova taa da Yogboha taa voló həɠəi pələ, nuąi tii di kɛi di kpɛ, daa ta kɛ di wɔ kɔ́ ɓuwui pɛlɛ laa, di wɔ kwəi, daa kulɔ ɉu. Zedeɔn ə pɛlɛ diɛ.

Samuɛlə dɔlɔɔ 30:14

Kuɔ ɓə li doo mɛ̨i kɛi Kereti lɔi ɉɛɠɛɛ pələ, Ɉuda lɔi, da Kalɛbə nwɔ lɔi ɉɛgɛɛ pələ; ɛlɛɛ, kuɔ ɓə nwɔ̨n bili Siklagə.»

Samuɛlə dɔlɔɔ 30:15

Davidə yɛ mą: «Yá pɛli tɔɔi dɔ́wɔ gu həli nu kpului tii ɓa?» Ɉulɔnui tii yɛ mą: «Yá ə́ kwɛla a Yálá, yɛ́ diɛ hva báá, ɛlɛɛ hva dɛɛ nwɔ́ luwɔ nąmu pɔ a nįnɛ̨ ŋą́ tɔɔ ə́ tɔwɔ.»