Samuɛlə dɔlɔɔ 3:2 - Yálá laawoo hɛɓɛ (dc)

² Yələ ta, Eli ə kɛ laani ɓɛi ə kɛi laa a bɔlɔ; ɲɛ̨i hvo kɛi kɛa kɛɛ mąąkpɛɛ dədən, hvo kɛi pɛli hɛn ta mąąkpɛɛi.

Yálá laawoo hɛɓɛ

² Yələ ta, Eli ə kɛ laani ɓɛi ə kɛi laa a bɔlɔ; ɲɛ̨i hvo kɛi kɛa kɛɛ mąąkpɛɛ dədən, hvo kɛi pɛli hɛn ta mąąkpɛɛi.

Bible

² Maa tãi tí, Ilai è kɛ̀ bɔlɔɔ ŋ̀ɛ́i fa ŋɔ́nɔ kwaa kâa a ǹɛ́lɛɛ. Kpíni tɔnɔ da Ilai è kɛ̀ lâani ŋɔgbìŋ ŋá gɛ́ nyìi.

Samuɛlə dɔlɔɔ 3:2 Iomraidhean Croise

Zɛnɛse 27:1

Isaakə ə kɛ kɛa a hulɔgolo, hvo kɛa kɛi kɛɛ kaa. Ə non dɔlɔɔ Esau təli, yɛ mą: «Esau!» Yili yɛ mą: «Ɲą́ą́ ga.»

Zɛnɛse 48:10

Israɛlə ə pɔlɔ kpɔ ɲɛ̨i hvo kɛi kɛɛ mąąkpɛɛ a nɛlɛɛ. Ɉosɛfə ə nonnii mąąlɛɠɛ di kálá ɓa, yili ə di nɛ̨nɛ̨ɓo, ə di hee gɔwɔ mɛ̨i,

Zɛnɛse 48:19

Kɛlaa, nąn ə lənə mą, yɛ mą: «Nón, gíli ka ɉu. Yaa kpɛli mąn gaa pai kɛi a huwu nwun gulɔi. Kɛlaa, ə mą kɛ tii, nəɠə kaa pai kɛnɛ̨i ə tɛɛ mą.»

Tɔɔɓɛlaa dɔlɔɔ 14:4

Ɉeroboamə nɛ̨ą ə gɛ tii, ə muhəɠə ə li Silo; ə həli Ahiya yəi bɛlɛ́n, Ahiya ɲɛ̨i hvo kɛi kɛɛ mąąkpɛɛ, bɔlɔ pələ ɓa.

Mąątɛ̨nɛ̨ 90:10

Ku wɔ lamun yɛnɛ̨ɛ̨ kaa lɔ a kwɛlan bow mɛ̨ihveelɛ, ɉu a kwɛa, kwɛlan pow mɛ̨ihaaɓa, yili kəlee, ka gɛ lɔ laanɔ̨nwɔ̨ da mɔ̨nɔ̨ di hu; hvó gaai, da tɛɛ ɉa, kwaa mąn li.

Ikilisiati 12:3

A ɲələ tii, ə́ mąąkpɛ nuą hu a haa la, di mąą yɛ kpɛlin. Gbakoloɠaa hu yɛ haa, diɛ yɛɛ pulu. Gwənąi hiɠɛ nɛ̨ąą hvįi yɛ kpɛɛ mąąhɔlɔɓo, di ɓɛlaa daa kulɔ di pɔ. Ɓɛlɔwai, kwɛala kaa da nɛlɛɛ kaa, di hu kaa tɛɠii la.

Samuɛlə dɔlɔɔ 2:22

Eli pɔlɔɔ kɛa kɛ kɛnɛ̨, dúwɔ́ taaləi nonnii di kɛ gɛ a Israɛlə nuą kəlee, ə kɛi bələ mɛ̨n; Ə mą kɛ laai ŋɛ̨i di kɛi mo a nɛ̨ąąi ŋɛ̨i kɛi pa gee kaa kələ laaləi.

Samuɛlə dɔlɔɔ 4:15

Eli kaa kwɛlan ə kɛ a kwɛlan bow mɛ̨inąąn kɔ́w mɛ̨ihaaɓa, ɲɛ̨i kwəleen ɉeɛ lɔ kɛ, hvo kɛi kɛɛ mąąkpɛɛ.