Samuɛlə dɔlɔɔ 3:1 - Yálá laawoo hɛɓɛ (dc)

¹ Nokolo Samuɛlə yee ə kɛ Yai-Laa nwɔ kólói ɓa, Eli yee mu. Yai-Laa hvo kɛi hvaa kɛlɛ-kɛlɛ nuą pɔ, ə lɛɛ hvo kɛi gbɔwɔ lɛ nuą diɛ nąąlɔwai.

Yálá laawoo hɛɓɛ

¹ Nokolo Samuɛlə yee ə kɛ Yai-Laa nwɔ kólói ɓa, Eli yee mu. Yai-Laa hvo kɛi hvaa kɛlɛ-kɛlɛ nuą pɔ, ə lɛɛ hvo kɛi gbɔwɔ lɛ nuą diɛ nąąlɔwai.

Bible

¹ Ŋ̀ele-ŋai tí ma Yâwɛɛ fa kâa lòno nɔ́ tí núu da pɔ́ kpaa máŋ é kúla núu da ŋɛ́i seêi pere. Tãi tí ma Samia è kɛ̀ tíi kɛ̂i Yâwɛɛmì Ilai yée mu.

Samuɛlə dɔlɔɔ 3:1 Iomraidhean Croise

Mąątɛ̨nɛ̨ 74:9

Ku hvo kɛa ku kɔ́lɔn ɉɛnŋąą kaai, Yálá kwəi mɛ̨nį hu kulɔ mun da hvo kɛa laa, ə lɛɛ, ku ta hvo mɛ̨nįi ŋɛ̨i kpɛɛ yələ kɔ́lɔn.

Hanwon 29:18

Kwɛaa la kaamun a wala kɛ lɔi, lɔi lonnii da di yɛli tee. Kɛlaa, nwun na nɛ̨ɛ̨ lon maa nui aa tɔ́n ɉon.

Azaya 13:12

Gáá pai nuą lɛɛi tɛi tɛi, a nɛ̨ɛ̨ mąn hɛni laa tooɔi, a nɛ̨ɛ̨ mąn Ofirə hɛni tamąąi.

Izikiɛ 7:26

Kɛɛ lɔ ɓə pai kɛi kalai diɛ, wɛlɛɛ ɲɔ̨nwɔ̨ɔ̨ lɔ ɓə pai kɛi həlii diɛ; di ka mɛ̨nį kwɛlii Yálá kwəi mɛ̨nį hukulɔ mun na, ɉaláá laa həli mun və kɛa pai kɛi kalan gɛi diɛ, galanɉonŋaa di hva kɛa nwun dɔɔ kɛ.

Samuɛlə dɔlɔɔ 2:11

Ɛlkana ə li bɔɔli Rama, nokolo nwɛi, ə kɛi tí Yai-Laa ɓa, ɉaláá laa həli mun Eli ɲɛ̨i ɓa.

Samuɛlə dɔlɔɔ 2:18

Samuɛlə nwɛi, ə kɛi nwɔ kólói kɛ Yai-Laa lííla, ə kɛ kɛa a hulɔnon, kilɛn ɉəɠə kwɛlɛɛ ə ɓo mą.

Samuɛlə dɔlɔɔ 2:35

Yili pulu, gáá pai nwɔ́ hala laahəli mun nɛlɛɛ həɠəi, gaa pai túwɔ́i a nííɓa, yɛ bələi gáá la bɔ. Gáá pai pɛlɛ́ tɔɔi mą, vilɛn ŋąą kpilin, gaa pai kɛi hiɛi a yələ kəlee nwɔ́ nui ŋɛ̨i ŋą́ mąątí a dɔɔ wulɔ, nií la.

Samuɛlə dɔlɔɔ 2:36

Ɛlɛɛ, ə́ yəi bɛlɛ́ nuą gbəliɠaai pai lɛɛi, di kaa pai kɛi pɛlɛi nií la, wali logolo mɛ̨nį ɓa, da kɔ̨nɔ̨n nogolo mɛ̨nį ɓa, diɛ kɛ mą: Nán! Dɔ́ɔ́ ɉaláá kulɔ kóló ta ɓa, gɛ́ kɔ̨nɔ̨n ɉɔlɔɓo, gɛ́ mįi.›»

Samuɛlə dɔlɔɔ 3:15

Samuɛlə ə lɛɛ laani, ə lɛɛ ɉu yələ ə ɓɔ. Yili pulu ə li ə Yai-Laa nwɔ pɛlɛ́i laa ɓo. Ə kɛi ɲɔw mɛ̨nįi ə gaa ɉukulɔi Eli ɓa.

Samuɛlə dɔlɔɔ 3:21

Yai-Laa ə kɛi lɔ nii gbɔwɔ lɛ Silo daai, mąąhɔlɔɓo, Silo ɓə ə kɛi gbɔwɔ lɛ laa Samuɛlə ɓa.