Samuɛlə dɔlɔɔ 27:1 - Yálá laawoo hɛɓɛ (dc)

¹ Davidə ə mo gwəi pələ, yɛ kɛ mą: «yələ ta, ə kɛ a pələ lɔpee, gbəli hu, Saulə kaa pai báái, mɛ̨nįi ŋɛ̨i hon bələ takpɛli hvo laa, hvo kɛ li lɔ ŋą́ mą́ą́kilɛ Filisti nuą pɔɔli, Saulə kaa pai kpɛlai gwɛ́liɛ ɓa Israɛlə lɔi kɔ́lɔ kəlee, gúlɔ pələ lɔ ka tii ɲəi.»

Yálá laawoo hɛɓɛ

¹ Davidə ə mo gwəi pələ, yɛ kɛ mą: «yələ ta, ə kɛ a pələ lɔpee, gbəli hu, Saulə kaa pai báái, mɛ̨nįi ŋɛ̨i hon bələ takpɛli hvo laa, hvo kɛ li lɔ ŋą́ mą́ą́kilɛ Filisti nuą pɔɔli, Saulə kaa pai kpɛlai gwɛ́liɛ ɓa Israɛlə lɔi kɔ́lɔ kəlee, gúlɔ pələ lɔ ka tii ɲəi.»

Bible

¹ Kɛ́lɛ Deeƃé è lòno goi-pere ǹyɛɛi, “Sɔ̂ɔ a pɔri ḿbâai a ŋ̀ele-ŋai ŋí da. Berei nɔ́ ŋa pɔri pûi la ǹyêei ƃa ŋá lí Felesia. Gɛ̀ ní ŋa pâi kulâi Eezuɛ, ǹyaŋ gɛ̀ ní víi a pâi kpɛɛ̂i a gɛ́ɛ é kɔ́ é ńzoŋ.”

Samuɛlə dɔlɔɔ 27:1 Iomraidhean Croise

Tɔɔɓɛlaa dɔlɔɔ 12:26

Yii kɛa Ɉeroboamə ə kɛ a Israɛlə tɔɔmun, ə mo gwəi pələ, yɛ diɛ: «Bələi nuąi ŋɛ̨i ɲɛ̨i tɔɔ pələ kaa la, nwɔ́ lɔi kaa pai pənəi ə li Davidə nwɔ pɛ́lɛ́i pɔ pələ.

Tɔɔɓɛlaa dɔlɔɔ 12:28

Giliŋąhiɛ taaləi tii kɛi ə mo, ə nįŋɛ̨ lon mąąnįnįn veelɛ pɛli a hɛni. Yɛ nuą diɛ: «Kaa wɔlɔ lamun lii Ɉerusalɛmə, Israɛlə nuą. Yálái ka kulɔ Eziptə, ya ka.»

Tɔɔɓɛlaa dɔlɔɔ 19:3

Bələ mɛ̨n Eli ə mo, ə pu, ə bɔmun nɛɛ laa, yɛ li mąąkilɛi Beɛrə-Seva, yai kɛ a Ɉuda taa ta.

Kɔlɔnikɔ Veerɛi 25:17

Ɉuda tɔɔmun Amasiasə nwun dɔɔ takpɛli kɛ, ə nuą tɔɔ, diɛ li kɛi Israɛlə tɔɔmun Yoakazə lon Ɉehu nwɔ lon Ɉoasə ɓa: «'Pa gu gɔ!»

Mąątɛ̨nɛ̨ 116:11

Ɉú pu pələ mą́ą́, ŋį́ kɛi kɛ diɛ: «Nu kəlee kaa a lɛɛ nuą.»

Mąątɛ̨nɛ̨ 55:7

Ya ɓə gɛ gɛ́ kɛ diɛ: «Ə li kpɛli kɛ góón gaa mą́ą́ yɛ tonwənən, ŋą́ li kɛ koon, gɛ́ li mą́ą́kilɛi,

Lɛɛ gbɔwɔ ɓa 14:12

Ku kɛɛ Eziptə lɔi hu, kɛlaa nwooi ku mo yɛ́, ya ka; ku kɛ yɛ́: ‹Ku lɛɛ ɓɛ ku koló kɛ Eziptə nuą diɛ. Mąąhɔlɔɓo, ku lɛɛ di yee mu hviɛlaɓoɔi, ku haa nɔi pun ɉu ɓa.›»

Hanwon 13:12

Hɛn nu líí laai mɛ̨i, da kɛi kuu hee ɉɔlɔɓo yələ ɓa, a ɲɔ̨n bɛlɛ nu líí ɓa. Kɛlaa, nu líí ɓa mɛ̨nį laa a hon, a kɛ yɛ yíipoo wulu.

Azaya 51:12

Ɲą́ą́ ɓə, ɲą́ą́ ɓə ka hvaŋą lɔi, gbɛɛ ɓaa yɛ́ yai ya ɲɔw nui gaa a haa mun mą, a Adamə lon yai gɛ pələ kaa yɛ kala tiliin?

Lonon mo 14:3

Lə mɛ̨nį ɓa Yai-Laa ə li tɔɔi ku mu, yɛ pa a kuɔ nɔi ŋɛ̨i hu? Kɔ́ yɛ ku paa, ku nɛ̨ąni da ku lonnii diɛ pa lɛɛi a luwɔɠaa! Ka gu pənə gwəli Eziptə lɔi hu, yili hviɛlaɓoɔi.»

Maafîu 14:31

Ŋąąɓa Jesus ə Ɉon a ɲee yɛ mą: «Éé kə Piɛrə! Ə́ wɔ laa na laa tiikpəɛ ɓee. Lə mɛ̨nį ɓa ɲį́nɛ̨n-ɲį́nɛ̨n ə too ə́ hu?»

Markə 4:40

Yili pulu, yɛ diɛ: «Lə mɛ̨nį ɓa ka ɲɔ̨w kpɔ tii kɛnɛ̨? Akɛti, laa na laa hvo ka yəi?»

Korɛntə veelɛ 7:5

Hvo gaai, bələi mąn ku paa la Masedoanə, ku hvo hvįįtɔɔ hɔlɔɓo, kɛlaa mɔ̨nɔ̨ huwu lɔpee ə həli kuɔ; di kɔ pɛlɛ kuɔ ɲɛnɛ̨ɛ̨ pələ, ɲɔw yɛ ɓo ku hu pələ.

Samuɛlə dɔlɔɔ 16:1

Yai-Laa yɛ Samuɛlə ɓa: «Ə kaa pai lɛɛi Saulə mąą wɔlɔ ɓoi, ə lɛɛ la ɉu mįnɛ̨ lɔwai? Ɲą́ą́ gbinįi ɓə nɛɛ laa, hvo kɛa a Israɛlə tɔɔmun. Ə́ wɔ huwɔ mįnɛ̨i həɠə, ə́ wulɔ pu vɛɛ. Gáá ə́ tɔɔi Ɉɛse pɔɔli, yai gaa a Bɛtleɛmə daai mun; mąąhɔlɔɓo, nonnii lɔwai, ŋą́ą́ da kaa laa, yii mąąnɛ̨ɛ̨ ŋą́ gɛ a tɔɔmun.»

Samuɛlə dɔlɔɔ 16:13

Samuɛlə ə nɛɛ mą, ə nwulɔ həɠə, ə ɉulɔnon tii mąątí la niɛni lɔwai, Yai-Laa nwɔ Kilii ə pa Davidə pɔ a volói tii, ə həɠə ɲələ ɓa yɛ li la tɔwɔ pələ. Samuɛlə ə həɠə ə hvilɛn bələ ɓa, yɛ li Rama daai.

Samuɛlə dɔlɔɔ 20:3

Davidə ə gwɛla ma, yɛ mą: «Ə́ nąn gili kaa ɉu, yɛ gwa yɛ́ gu nɛɛi. Gaa giliŋąhiɛ yɛ kɛ diɛ: ‹Maa hvo nɛ̨ɛ̨li Ɉonatan gili hvo pu ɉu; a nee ɉukulɔ Davidə ɓa.› Kɛlaa, gáá gwɛlai a Yai-Laa laa, da ə́ wɔ yii yɛnɛ̨ɛ̨ kpɔ-kpɔ, ɉáá mɛ̨nį mąą hvo kwɛa li mą́ą́ kpɛli tiikpə.»

Samuɛlə dɔlɔɔ 22:5

Yələ ta, Yálá kwəi mɛ̨nį hukulɔ mun Gadə yɛ Davidə ɓa: «Hvo lɛɛ ə mąąkilɛ pələi, pənə ə́ li Ɉuda lɔi hu.» Davidə ə pənə ə lɔ Ɉuda lɔi hu, ə li ə hee Hɛrɛtə nwɛla hu.

Samuɛlə dɔlɔɔ 23:17

yɛ mą: «Hvo ɲɔw, ną́n Saulə yee hvo pai pɛlii yɛ́; yɛ́ ɓə pai kɛi a tɔɔmun, gɛ́ ɓo ə́ pɔ, ną́n gili kaa tii ɉu.»

Samuɛlə dɔlɔɔ 25:30

Ɓɛlɔwai Yai-Laa kaa pai mɛ̨nį lɛlɛɛɠaai ə vaa ɓo ə́ mąą mɛ̨nį hu, a gəlee kɛ, gaa pai ə́ heeii Israɛlə nwun na.

Samuɛlə dɔlɔɔ 26:19

Nwɔ́ mɛ̨nį nąmu tɔɔmun, ə́ wəli tɔɔ yiihu ə́ wɔ tí mun woo ɓa: ‹Akɛ Yai-Laa ɓə ə́ ɲąątɔɔi mą́ą́, ə hvaa mą, haláá hɛn di kaa dɛɛi bɔ, yili ə niilaa. Kɛlaa, akɛ nuą ɓə, mąą nuąi di kɛ a nɛ̨ŋɛ̨n naa nuą Yai-Laa ɲɛ̨i ɓa. Hvo gai, daa gbɛ́ háákələi, yɛ́ gulɔ Yai-Laa nwɔ lɔi hu, diɛ kɛ mą́ą́: Li ə́ tí haliɠaa diɛ.›

Samuɛlə dɔlɔɔ 29:2

Filisti tɔɔɓɛlaa di kɛi lia tɛɛ gɔ́ laɠaɠaa ɲɛ̨itɔwɔ, gɔ́ laɠa kpɛa-kpɛaɠaa da bɛlɛɛ-pɛlɛɛɠaa mąn. Davidə da nwɔ nuąi ɓə kɛi pa a gbəlan mąą, da Akisə ni.

Samuɛlə dɔlɔɔ 29:3

Filisti tɔɔɓɛlaa diɛ Akisə ɓa: «Gbɛɛ nuą ɓaa Hebreuɠaai ŋɛ̨i?» Akisə yɛ diɛ: «Davidə ka tii yai a Israɛlə tɔɔmun Saulə nwɔ kɛla, gwɛlan dɔ̨nɔ̨ veelɛnąą ka, gaa gɔ́wɔ́ mɛ̨i, ə lɛɛ, yii kpɔ ə pa ɓɛ, ə lɛɛla ɉu, háákələi ə həli, və ta ɉɔn gaa li mą.»