Samuɛlə dɔlɔɔ 26:8 - Yálá laawoo hɛɓɛ (dc)

⁸ Avisai yɛ Davidə ɓa: «Yálá aa ə́ yowo lɔ ə́ yee ŋą háákələi. Hvaa kɛa mą, ŋą́ gbɔn nɔi ɓa a kpala pilii tɔ̨nɔ̨; vá veelɛnąą too mą.»

Yálá laawoo hɛɓɛ

⁸ Avisai yɛ Davidə ɓa: «Yálá aa ə́ yowo lɔ ə́ yee ŋą háákələi. Hvaa kɛa mą, ŋą́ gbɔn nɔi ɓa a kpala pilii tɔ̨nɔ̨; vá veelɛnąą too mą.»

Bible

⁸ Aƃisa ǹyɛɛ Deeƃé ǹyɛɛ mai, “Ɣâla aâ nâa ŋuŋ ma ƃo tɛɛ ípɔ a gɛ́ɛ í íyee pɛ́lɛ íkpɔara-nuui ma! Ŋa pâi gbamôi ǹɔii ma a gbɔ́ɔi kpâlai a ḿvîŋ tɔnɔ.”

Samuɛlə dɔlɔɔ 26:8 Iomraidhean Croise

Samia Veerɛi 16:9

Seruya lon Avisai yɛ tɔɔmun ma: «Lə mɛ̨nį ɓa, ɲilɛ powai ŋɛ̨i kaa nwɔ́ mɛ̨nį nąmu tɔɔmun nɛ̨ŋɛ̨n naai! Nɛ́ɛ́ tai laa, ŋą́ li ŋą́ nwun gulɔ ŋą.»

Mąątɛ̨nɛ̨ 31:8

Gáá pai mąnąi a kwəinɛ̨ɛ̨, ə́ wɔ tələnmolaa mąą mɛ̨nį ɓa, mąąhɔlɔɓo yáá nwɔ́ mɔ̨nɔ̨i kaa, da mą́ą́wɛli pələ.

Ɉeremi 40:15

Yili ɓə gɛ, Karea lon Yohanan ə mo Gedaliasə ɓa loo pələi Mispa, yɛ mą: «Hvaa mą ŋį́ li ŋį́ Netania lon Yismaɛlə paa, nu ta hva gili kɔ́lɔn. Ə́ kaa mɔ̨ɔ̨ lɔ bɔ ə ə́ paa? Ɉuda nuąi kpɔ tii daa di ɲąąkpɔn ə kwɛlɛ, da lee lɛɛ di kpɔɔ ɓa, ɛlɛɛ, nu gbəlii aa lɛɛ Ɉuda lɔi hu, nwuna ə pili.»

Nahumə 1:9

Lə kiliŋąhiɛ ɓə kaa yɛ hvilɛn na Yai-Laa ɓa? Nwɛi a hɛn gəlee kulɔ a nwun, mɔ̨nɔ̨ hva kɛa pənə hvo həli kaa.

Lomaŋ 11:32

Mąąhɔlɔɓo, Yálá ə nu kəlee lɔ kulɔ nwoo mu laa nwɔ kpono mu, əgɛ, ə nu kəlee ɲɛ̨imąąwɛli kaa tanɔ̨n.

Dutɛrɔnome 32:30

Nu tɔ̨nɔ̨ gbən a pɛli kɔ́kuláá waa tɔ̨nɔ̨ kpɛ pələ kɛi ləi? Nu hveelɛ da kɔ́ kɔ́kuláá waa pow kpɛ pələ kɛ ləi? Akɛ ɲą́ą́i a Israɛlə mɛ̨i kaa kwɛni və́ vaŋą tɛɛ li di pɔ, Akɛ ɲą́ą́i Yai-Laa və́ di lɔ di yee ŋą.

Zasua 21:44

Bələi lɔ Yai-Laa ə naakwɛlanmo la di nąnni diɛ, bələ ɓə ə gɛ la; a liilaa lɔi, ɲee kəlee hu. Di yowo ta hvo pɛli tɔɔi di la. Yai-Laa ə di yowoɠaa kəlee lɔ di yee ŋą.

Nwun mąąɓo 1:4

Ɉuda ə li ə gɔ́ too, Yai-Laa ə Kanaan nuą da Perizi nuą lɔ ɲee ŋą. Di nu waa pow paa gɔ́ hu, Bɛzɛkə daai.

Samuɛlə dɔlɔɔ 23:14

Davidə ə li ə hee nɔi pun ɉu yɛ noo; ə ɉeei kulɔ ɲee hɛŋɛlɛn ma Zifə nɔi pun ɉu. Volói tii kəlee yee mu, Saulə ə kɛi gwɛli. Kɛlaa, Yai-Laa hvo hvaa mą Saulə yee hvo pɛli Davidə ɓa.

Samuɛlə dɔlɔɔ 24:4

Ə həɠə Mɛlaa kumun gɛɛnąą, yaai tii bələ kwɛlɛ. Kwɛni wolo ta ə kɛ laa Saulə ə lɔ ɉu, yɛ li gala kwɛlɛ. Davidə yaan, da nwɔ nuą di kɛ laa gwɛni wolo kpon ɉu pələ.

Samuɛlə dɔlɔɔ 24:5

Davidə nwɔ nuą diɛ mą: «Ɲələi Yai-Laa ə vaa ɓo yɛ́, ya ka aa həli, yai ə kɛ mą: ‹Gáá pai ə́ yɔwɔ lɔi ə́ yee ŋą, ɛlɛɛ, bələi a nɛ̨ɛ̨ la yɛ́, ə́ ɉon di.›» Davidə ə muhəɠə, ə Saulə nwɔ həɠəi gbuɔ ta tee mą ɲąą.

Samuɛlə dɔlɔɔ 26:23

Yai-Laa kaa pai nu kəlee hvɛla kulɔi yɛ bələi dúwɔ́ pələ kaa la. Yai-Laa aa kɛ ə́ lɔ ɲéé ŋą háákələi, kɛlaa, və́ gɛ li və́ ɲéé pɛlɛ nui Yai-Laa aa dɔɔ wulɔ hiɛ mą.

Samuɛlə dɔlɔɔ 26:7

Davidə da Avisai di həli kwii hąą, ɓɛi gɔ́ laɠa ə kɛ laa, naa kwɛlɛ. Saulə ə kɛ laa ni yɛ yii nuą lɔwai. Nwɔ kpalai hvilɛn ŋąą nwun na nɔi ɓa. Avnɛrə da gɔ́kuláá kəlee di kɛi yii, di ɓo pu ni gwɛlɛ.

Samuɛlə dɔlɔɔ 26:9

Davidə yɛ Avisai ɓa: «Hvo baa. Nui Yai-Laa ə tɔɔ wulɔ lɔ mą, gbɛɛ ɓə a pɛli ɲee tunwɔ̨n ɉii mą, nu a yili kɛ, hvo kɛ li di mąą nu hutɔɔ.»