Samuɛlə dɔlɔɔ 26:21 - Yálá laawoo hɛɓɛ (dc)

²¹ Saulə yɛ mą: «Ŋą́ą́ nɛ̨ŋɛ̨n ɉəɠə, pənə ə pa nón Davidə. Vá kɛa mɛ̨nį ɲɔ̨n gɛ a yɛ́. Mąąhɔlɔɓo, yáá nwɔ́ yɛnɛ̨ɛ̨ kaa a hɛn mąąwiaa háákələi. A tɛ̨ą, ŋą́ą́ túwɔ́ yɛ ɓowo mun, ŋą́ą́ lan gbɔ kɛnɛ̨.»

Yálá laawoo hɛɓɛ

²¹ Saulə yɛ mą: «Ŋą́ą́ nɛ̨ŋɛ̨n ɉəɠə, pənə ə pa nón Davidə. Vá kɛa mɛ̨nį ɲɔ̨n gɛ a yɛ́. Mąąhɔlɔɓo, yáá nwɔ́ yɛnɛ̨ɛ̨ kaa a hɛn mąąwiaa háákələi. A tɛ̨ą, ŋą́ą́ túwɔ́ yɛ ɓowo mun, ŋą́ą́ lan gbɔ kɛnɛ̨.»

Bible

²¹ Nya ƃe Gâloŋ Sɔ̂ɔ è mò Deeƃé ma ǹyɛɛi, “Pɔri mâa è sâa kɛ̀ íyêei a gɛ́ɛ í ḿbaa. Kɛ́lɛ ífe gɛ́ ní. Ŋa mɛni nyɔ́mɔɔ támaa kɛ́ a yá. È kɛ̀ a pɔara mâa kɛ́tɛ a gɛ́ɛ ŋ́gɛ ŋwɛ̀li ŋá ípaa. Ŋa tûa yɛ̂ɛ ƃoo-nûu. Kɛ́lɛ ḿve ŋɔ́nɔ pâi kɔ̂i a gɛ́ɛ ŋá í páa. Ŋa mɛni nyɔ́mɔɔ ŋánaa kɛ́”

Samuɛlə dɔlɔɔ 26:21 Iomraidhean Croise

Tɔɔɓɛlaa veelɛ 1:13

Tɔɔmun ə pənə nwɔ̨nɔ̨ ə kɔlaɠa nwun nąmu tɔ̨nɔ̨ tɔɔ a ɉaaɓa nąą, da kɔ́kuláá pow lɔɔli. Gɔ́laɠa nwun nąmu tii, ə tɛ ɲee nwuɔ̨, ə pu gbəlin na Eli lííla, ə nɛ̨ɛ̨mąą hvə mą, yɛ mą: «Yálá kwəi mɛ̨nį hukulɔ mun! Gɛ́ ə́ ɲɛ̨́i mąąwɛli kaa, kwa bɔ́ nuą, ə́ ku lɛɛ yɛnɛ̨ɛ̨!

Tɔɔɓɛlaa veelɛ 1:14

Gíli kaa ɉu, nwɔ̨n ə kulɔ yələi, aa gɔ́laɠa nwun nąmįną hveelɛi kələn, da di pɔ nuą. Kɛlaa, nɛ̨ɛ̨mąą ɓə gáá vəi yɛ́, gɛ́ ə́ nɛ́ɛ́ yɛnɛ̨ɛ̨!»

Mąątɛ̨nɛ̨ 116:15

Yai-Laa nwɔ nuą haa mɛ̨nį, a nwąną mą kpɔ kɛnɛ̨.

Mąątɛ̨nɛ̨ 49:8

Nu ta hva pɛli mɛlan nįį nwun mąąɓoi, nu ta hva pɛli nwɔ̨nɔ̨ nu nįįhɔ̨nwɔ̨ tɛɛi Yálá pɔ.

Mąątɛ̨nɛ̨ 72:14

Gaa pai di mąąkɔ̨nwɔ̨i wɛa nuą da heemɛ̨i kɛ nuą di yəi, yɛ di wɔ yɛnɛ̨ɛ̨ mąą mɛ̨nį nwąną kpɔ a neelee.

Lɛɛ gbɔwɔ ɓa 9:27

Eziptə tɔɔmun ə Moisə da Aarɔn di təli, yɛ diɛ: «Yii ŋɛ̨i nwɛi, ŋą́ą́ nɛ̨ŋɛ̨n ɉəɠə, tɛ̨ą hvo bɔ́, Yai-Laa ya ɓə tɛ̨ą kaa ɓɔ. Kwa nwɔ́ lɔi hu nuą kəlee kwaa kɛ a hɔn mąą nuą.

Lonon mo 22:34

Balaamə yɛ Yai-laa nwɔ malakai ɓa: «Ŋą́ą́ nɛ̨ŋɛ̨n ɉəɠə, mąąhɔlɔɓo gbaɠala hvo kɛ mą́ą́, gɛ́ kɛ yɛ́ ɓə tɔɔni bələi dɔ́wɔ. Akɛ ka ni ɉiɛi ŋɛ̨i nąą wɛli hvo yɛ́, gáá yalii búlú.»

Maafîu 27:4

«Ŋą́ą́ nɛ̨ŋɛ̨n ɉəɠə mun, mąąhɔlɔɓo, nui hɔn və mą ŋą́ą́ dɛɛ diɛ li baai.» Kɛlaa, yiliɠaai di mo mą diɛ mą: «Ku mąą kpaan və ɉu! Ə́ kpɔɔ mɛ̨nį li.»

Samuɛlə dɔlɔɔ 13:13

Samuɛlə yɛ Saulə ɓa: «Yáá túwɔ́ yɛ ɓowo mun. Hvo Yai-Laa ə́ wɔ Yálá nwɔ tiɓoi kɛ li, a yai ə naa ə́ nwuɔ̨i, ə li kɛ túwɔ́ tii, Yai-Laa ə li ə́ wɔ tɔɔlaai huwalawala Israɛlə mɛ̨i a yələ kəlee.

Samuɛlə dɔlɔɔ 15:24

Saulə yɛ Samuɛlə ɓa: «Ŋą́ą́ nɛ̨ŋɛ̨n ɉəɠə, ŋą́ą́ kulɔ Yai-Laa woo mu, ŋą́ą́ ə́ woo pili. Ɲɔw ɓə ŋą́ kɛi mo nuą diɛ, gɛ́ hvaa di woo ɓa.

Samuɛlə dɔlɔɔ 15:30

Saulə yɛ mą: «Ŋą́ą́ nɛ̨ŋɛ̨n ɉəɠə, yiihu, gáá nɛ̨ɛ̨mąą hvəi yɛ́, gɛ́ ə́ hvaa mą, ə́ mą́ą́wiɛ nwɔ́ nuą da Israɛlə nuą di ɲɛ̨i ɓa. Pa gwə li, ŋą́ pɛlɛ Yai-Laa ə́ wɔ Yálái kɔ́wɔ mu.»

Samuɛlə dɔlɔɔ 18:30

Filisti kɔ́ nwun nąmįną di kɔ́ muhəɠə, kɛlaa, gɔ́ muhəɠə pələ tɛitɛi di yəi, gɔ́ ə kɛi nɛɛ Davidə ɓa, yɛ tɛɛ Saulə yee pɔ nuą kəlee diɛ. Davidə laa ə tɛ kpɔ kɛnɛ̨.

Samuɛlə dɔlɔɔ 24:17

Kpɛɛi Davidə ə mo, a mɛ̨nįɠaa tii ɓoɔ Saulə ɓa, Saulə yɛ Davidə ɓa: «Ə́ woo li nón Davidə!» Yili pulu, Saulə ə pola a wɔlɔ.

Samuɛlə dɔlɔɔ 26:22

Davidə ə pənə yɛ diɛ: «Tɔɔmun nwɔ kpalai ka, tɔɔmun bɔ hulɔnon dɔ̨nɔ̨ ə pa ə ɉəɠə.

Samuɛlə dɔlɔɔ 26:24

Bələi lɔi tii ŋą́ ə́ wɔ yɛnɛ̨ɛ̨ kaa la a hɛn mąą mɛ̨nį nwąnąą, nwei kaa lɔ tii a hɛn mąą mɛ̨nį nwąnąą Yai-Laa ɲɛ̨i ɓa. Ə lɛɛ, ə gúlɔ nwún napili mɛ̨nįɠaa kəlee hu.»

Samuɛlə dɔlɔɔ 27:4

Di ɉukulɔ Saulə ɓa, diɛ mą: Davidə aa pu, aa li Gatə, Saulə ə kpɛla kɛa gwɛliɛ ɓa.