Samuɛlə dɔlɔɔ 26:16 - Yálá laawoo hɛɓɛ (dc)

¹⁶ Mɛ̨nįi tii yáá gɛ, hvo lɛlɛ li. Yɛ bələi Yai-Laa kaa la a vulú, mąąnɛ̨ɛ̨ kɛ di ka kəlee ka paa, mąąhɔlɔɓo, ka hvo ka ɲɛ̨i kɛ li ka wɔ tɔɔmun ma, yai Yai-Laa aa dɔɔ wulɔ hiɛ mą. Naa kaa tai, tɔɔmun nwɔ kpalai da nwɔ ya pu hɛn di kaa mį?»

Yálá laawoo hɛɓɛ

¹⁶ Mɛ̨nįi tii yáá gɛ, hvo lɛlɛ li. Yɛ bələi Yai-Laa kaa la a vulú, mąąnɛ̨ɛ̨ kɛ di ka kəlee ka paa, mąąhɔlɔɓo, ka hvo ka ɲɛ̨i kɛ li ka wɔ tɔɔmun ma, yai Yai-Laa aa dɔɔ wulɔ hiɛ mą. Naa kaa tai, tɔɔmun nwɔ kpalai da nwɔ ya pu hɛn di kaa mį?»

Bible

¹⁶ Ya fɛɣɛ a zu-kɛ́tɛ! Tɔ̃yâ kpîŋ ma, Yâwɛɛ ŋɛ́i, m̀aa nɛ̃ɛ̂i a ka ínûai ká kélee ká sáa, kpɛ́ni fêi, káfe pɔri ní Yâwɛɛ ŋɔkâloŋ mɛi kâai. Ka gáa à kɛ̀ Gâloŋ ŋɔkpálai da ŋɔya ƃaa-ƃɔrɔŋ kɛ̀ ŋuŋ mɛi perei gáa naa”

Samuɛlə dɔlɔɔ 26:16 Iomraidhean Croise

Samia Veerɛi 12:5

Davidə lii ə kələn gbɔ gwəi kɛnɛ̨ yɛ hvilɛn na ɉulɔnui tii ɓa. Ə nɛɛ mą yɛ Natan ɓa: «Yii kpɔ Yai-Laa kaa a vulú, ɉulɔnui mɛ̨nįi tii kɛ, aa haa kwɛli gbɔwɔ ɓa.

Samia Veerɛi 19:28

Ya ka tii, nwɔ́ kóló kɛ mun ə li lɛɛ kɛi tɔɔmun ma a náá. Kɛlaa, nwɔ́ mɛ̨nį nąmu tɔɔmun kaa yɛ Yálá nwɔ malaka, mɛ̨nįi lɔpee a nɛɛ yɛ́, gɛ.

Tɔɔɓɛlaa dɔlɔɔ 2:26

Yii ɓaa a ɉaláá laa həli mun Abiatarə nwɛi, tɔɔmun ə kɛ mą: «Li Anatotə, ɓɛi ə́ yəi hɛnŋąą kaa laa. Mąąhɔlɔɓo, Yai-Laa yai a ną́n Davidə nwɔ Yálá, yɛ́ ɓə kɛi nwɔ mįnɛ̨ kəhii həɠə, ka ną́n kaa mɔ̨nɔ̨ mįi gee pɔ.»

Mąątɛ̨nɛ̨ 102:20

Yai-Laa yɛ lɛɛ ɲəi bɛ́lɛ́n yələ kɔlɔn ɉu, yɛ nwun mąą ląŋąn, yɛ lɛɛ yələi, yɛ ɲɛ̨i pili lɔi mɛ̨i.

Mąątɛ̨nɛ̨ 79:11

Gaho nąmįną wɔlɔwoo ə həli yɛ́, yɛ́i huwalawala kaa ə́ yə́i, nuąi daa di paa mɛ̨nį gili tee di kwəi, yiliɠaai nwun mąąɓo.

Ifisiɛŋ 2:3

Gu kəlee gu kɛ a di ta, gu kəlee gu kɛi gu kpɔwɔ tɛɛ gu kɔlɔ liiɓa mɛ̨nįɠaa pɔ, guɔ niiɓa mɛ̨nįɠaa kɛ, gu hvilɛnŋąą kɔlɔ liiɓa mɛ̨ni pulu; ɛlɛɛ, gu kaa pələ hu, gu kɛ a nuąi Yálá ŋą liiholui hvilɛnŋąą di pulu, lɔ yɛ nu takpɛliɠaa.

Samuɛlə dɔlɔɔ 20:31

Mąąhɔlɔɓo, yii kpɔ Ɉɛse lon gaa ni a vulú lɔi mɛ̨i, hvo pai kɛi liilaa hu, ə mą kɛ ká ə́ wɔ tɔɔlaai. Aa həli yɛ́! Mo di ɉon di paa la bɔ́ aa ɉɔn gɛ, mąąnɛ̨ɛ̨ ə haa.»

Samuɛlə dɔlɔɔ 24:6

Kɛlaa, yili pulu, Davidə lii ə kulɔ ma, mąąhɔlɔɓo, aa kɛ Saulə nwɔ həɠəi ta tee mą.

Samuɛlə dɔlɔɔ 26:11

Yai-Laa ə gɛ́ a hɔn maa mun, akɛ ŋą́ ɲéé pɛlɛ nui Yai-Laa ə ɉee a tɔɔmun ma. Gbalai tii gwɛlɛ, da nwɔ ya pu hɛn həɠə gwə li.»

Samuɛlə dɔlɔɔ 26:15

Davidə yɛ Avnɛrə ɓa: «Kɛlɛi kpakolo ɓaa a yɛ́-e! Ə lɛɛ, ə́ ɲɔ̨nwɔ̨mąn və Israɛlə lɔi hu-e, lə ɓə kɛ yai hvo ə́ ɲɛ̨i kɛ li ə́ nwun nąmu tɔɔmun ma? Nɔi lon da ə pa, yɛ kɛ ə tɔɔmun ə́ nwun nąmu paa.

Samuɛlə dɔlɔɔ 26:9

Davidə yɛ Avisai ɓa: «Hvo baa. Nui Yai-Laa ə tɔɔ wulɔ lɔ mą, gbɛɛ ɓə a pɛli ɲee tunwɔ̨n ɉii mą, nu a yili kɛ, hvo kɛ li di mąą nu hutɔɔ.»