Samuɛlə dɔlɔɔ 24:9 - Yálá laawoo hɛɓɛ (dc)

⁹ Davidə ə muhəɠə kɛa, ə kulɔ gwɛni wolo hu, ə tomą Saulə pulu pələ, yɛ kɛ mą: «Nwɔ́ mɛ̨nį nąmu tɔɔmun!» Saulə ə tinɛ̨n ə nąą kaa, Davidə ə pɛlɛ nɔi ɓa niiɓa ə kwɛli hvilɛn mą.

Yálá laawoo hɛɓɛ

⁹ Davidə ə muhəɠə kɛa, ə kulɔ gwɛni wolo hu, ə tomą Saulə pulu pələ, yɛ kɛ mą: «Nwɔ́ mɛ̨nį nąmu tɔɔmun!» Saulə ə tinɛ̨n ə nąą kaa, Davidə ə pɛlɛ nɔi ɓa niiɓa ə kwɛli hvilɛn mą.

Bible

⁹ ǹyɛɛi, “Gâloŋ, lé mɛni ƃé ya íwoli tɔ́ɔ la nûa dîa nyíi-ŋai m̀ôi yâ a gɛ́ɛ ŋa ŋ̀wɛ̂lii ŋá mɛni nyɔ́mɔɔ kɛ́ a yái?

Samuɛlə dɔlɔɔ 24:9 Iomraidhean Croise

Mąątɛ̨nɛ̨ 101:5

Nui a mɛlaa laa kala loo pələi, gáá pai nwumɛ̨i, tɛɠɛɓoɉu kɛɛ kaa, ɲɛ̨i kulɔbɔ kili, vá pɛli niilaai di pɔ.

Mąątɛ̨nɛ̨ 141:6

Daa di ɲɛ̨itɔwɔ nuą hu wolo kwɛni kpuwulu ɓa, diɛi tii kɛi kwəinɛ̨ɛ̨ kulɔi, ɓɛlɔwai di kɛi nwóó mąn na, gɛ́ kɛ diɛ:

Hanwon 16:28

Gbąnąlaa ɲɔ̨nwɔ̨ɔ̨ kɛmun a hvaa too nuą lɔwai. Hiɛnɔwai yɛ ɓɛlan naa taɠa.

Hanwon 17:4

Nwąnąlɔmun ɉɛlɛn ŋąąi lɔ hvulumun nwoo ɓa, lɛɛmun nwəli tɔɔi mɛ̨nį kalamun nwoo ɓa.

Hanwon 18:8

Nui a mɛlaa laa ɓo, vaa woo kaa yɛ lówohɛn, a yɛɛ kpɔ nu lii pɔ, yɛ həli nu yɛlɛ ɓa.

Hanwon 25:23

Hvaŋąi a tɛɛ yɛ tɛ, a tulɔ pu, bələ lɔ ɓə laamąąhiɛ a hvaa too la.

Hanwon 26:28

Lɛɛmun a wɛlikpɛɛmąąlaa kulɔ a nuąi a lɛɛ pɛlɛ di nwuɔ̨. Woo hveelɛ laa a nu nwun na pili.

Hanwon 29:12

Ɲɛ̨itɔwɔmun a nwəli tɔɔ lɛɛ wooɠaa diɛ, nwɔ kalanɉonŋąą kəlee da ɲɔ̨nwɔ̨.

Ɉeremi 37:18

Yili pulu, Ɉeremi yɛ tɔɔmun Sedesiasə ɓa: «Hɔn nəi ɓə ŋą́ gɛ a yɛ́, awala kɛ ti, a ə́ wɔ tínuą, a wala kɛ ti, a nɔi lonnii, yai ka dóó gaho ŋą?

Levetekɔ 19:16

'Hvó ə́ kaayɔwɔ ta laa kala, ə́ ɓɛlan gaalon ɲąmą wulu hvo lɛɛ ə́ nwuɔ̨. Ɲą́ą́ ɓə gáá a Yai-Laa.

Zĩi 3:6

Nu nɛn yaa kpɛlimąn, gaa yɛ nwɔ̨n, a yɛnɛ̨ɛ̨ mɛ̨nį ɲɔ̨n. Nu nɛn gaa nu tɔɔ-tɔɔɠaa lɔwai, a pɛli ə kɔ́lɔ nąą kəlee mąąliɓi, ya lɔ ɓə a yɛnɛ̨ɛ̨ kələn nu kɔ́wɔ mu yɛ ɉahanąmą.

Samuɛlə dɔlɔɔ 20:1

Davidə ə pu ə həɠə Nayotə Rama kwɛlɛ, ə pa ə Ɉonatan kaa, yɛ mą: «Lə ɓə ŋą́ gɛ, ɉɔ́n maa lə, lə nɛ̨ŋɛ̨n gbɔ ɓə ŋą́ ɉəɠə ə́ nąn ma yaai gaa bɔ ə báá?»

Samuɛlə dɔlɔɔ 20:41

Nokoloi ə pənə ə li. Davidə ə muhəɠə ɓɛi tii ə kɛ laa ɉɛɠɛɛ pələ, ə pɛlɛ nɔi ɓa, ə gwɛli hvilɛn gee mɛ̨i haaɓa. Yili pulu, di di kee nɛ̨nɛ̨ɓo, di nu hvelɛi di wɔlɔ kpɔ kɛnɛ̨, Davidə nwɔ wɔlɔi yee ə tɛɛ mɛlan ɓa.

Samuɛlə dɔlɔɔ 24:10

Yɛ Saulə ɓa: «Lə mɛ̨nį ɓa nuąi da kɛ kɛi yɛ́: ‹Davidə kaa ə́ kwɛlii a mɛ̨nį ɲɔ̨n, ɛlɛɛ,› yɛ́n, ə́ wəli tɔɔ di woo ɓa?

Samuɛlə dɔlɔɔ 24:8

Nwooɠaa tii ɓə Davidə ə nwɔ nuąi kpɛla la bələi, hvo hvaa mą di hvo di yee pɛlɛ Saulə ɓa. Saulə ə muhəɠə, ə kulɔ gwɛni wolo hu, yɛ nwɔɔ li ɓo.

Samuɛlə dɔlɔɔ 26:18

Davidə yɛ nwɔ̨nɔ̨ mą: «Akɛtii, nwɔ́ mɛ̨nį Nąmu hvilɛn mɛ̨nį nwɔ tí mun bulu, nwun maa a lə? Lə ɓə ŋą́ gɛ, ɉɔ́n maa a lə?

Samuɛlə dɔlɔɔ 26:19

Nwɔ́ mɛ̨nį nąmu tɔɔmun, ə́ wəli tɔɔ yiihu ə́ wɔ tí mun woo ɓa: ‹Akɛ Yai-Laa ɓə ə́ ɲąątɔɔi mą́ą́, ə hvaa mą, haláá hɛn di kaa dɛɛi bɔ, yili ə niilaa. Kɛlaa, akɛ nuą ɓə, mąą nuąi di kɛ a nɛ̨ŋɛ̨n naa nuą Yai-Laa ɲɛ̨i ɓa. Hvo gai, daa gbɛ́ háákələi, yɛ́ gulɔ Yai-Laa nwɔ lɔi hu, diɛ kɛ mą́ą́: Li ə́ tí haliɠaa diɛ.›