Samuɛlə dɔlɔɔ 24:22 - Yálá laawoo hɛɓɛ (dc)

²² Yii hu kɛa, ə́ kwɛla mą́ą́ a Yai-Laa laa, yɛ́ kɛ hvo pai ɉúwu pui, ɉáá pulu, yɛ́ kɛ hvo pai náá kpɛɛi ną́n ɲəi bɛlɛ́n nuą lɔwai.»

Yálá laawoo hɛɓɛ

²² Yii hu kɛa, ə́ kwɛla mą́ą́ a Yai-Laa laa, yɛ́ kɛ hvo pai ɉúwu pui, ɉáá pulu, yɛ́ kɛ hvo pai náá kpɛɛi ną́n ɲəi bɛlɛ́n nuą lɔwai.»

Bible

²² Nya ƃe Deeƃé è góno tèe Sɔ̂ɔ yêei. Sɔ̂ɔ ǹyaŋ è nâa lì pôlu bɔ́-naa. Deeƃé ǹyaŋ da ŋɔkɔ-kuluƃa-ŋai dí lène pôlu dí lí ƃɛ́i da kâa dí lòo naai.

Samuɛlə dɔlɔɔ 24:22 Iomraidhean Croise

Zɛnɛse 21:22

Gwɛlan dɔ̨nɔ̨ tii hu, Abimelɛkə, da nwɔ kɔ́kuláá nwun nąmu Pikɔlə, di pa Abrahamə pɔ. Abimelɛkə yɛ Abrahamə ɓa: «Gílí kaa ɉu, gɛ́ diɛ: Mɛ̨nįɠaai ya ə́ yee too ɉu, Yálá kaa ə́ pɔ gəlee hu.

Zɛnɛse 21:23

Yii hu kɛa, ə́ kwɛla a Yálá, yɛ diɛ: ‹Hvo pai mówoi, ɲą́ą́ kwa nónii, ə mą kɛ kwa ɉúwuhu nuą kəlee.› Pələi ŋɛ̨i ŋį́ gɛ la a yɛ́ a nɛlɛɛ, gɛ́ tii a ɲą́ą́ kwa nɔi ŋɛ̨i ə́ kaa ɉu, ɉu nuą kəlee.»

Samia Veerɛi 21:6

nu mɛ̨ihveelɛ tɛɛ ku pɔ ɉuwu hu nuą lɔwai, ku di hɛlɛn Yai-Laa lííla, Saulə ŋɛ̨i Yai-Laa ə ɉee a tɔɔmun bɔ taai Givea.» Tɔɔmun yɛ mą: «Gáá di tɛɛi ka pɔ.»

Samia Veerɛi 21:7

Kɛlaa, tɔɔmun ə Ɉonatan lon ɉulɔnu Mefibosɛtə, yai kɛ a Saulə mąnįn, ə naa kulɔ ɉu; mįnɛ̨i wɔlɔ Davidə da Ɉonatan di ɉəɠə mąą mɛ̨nį ɓa.

Ɉaan 2:24

Kɛlaa, hvo kɛ Jesus ɲɛ̨i ɓa a tɛ̨ą, mąąhɔlɔɓo, ə kɛ di kwəi mɛ̨nį kɔ́lɔn.

Samuɛlə dɔlɔɔ 26:25

Saulə yɛ Davidə ɓa: «Nón! Yálá ə lúwɔ́ too yɛ́. A tɛ̨ą, ə́ kaa pai mɛ̨nį kpɛa-kpɛaa kɛi, ə́ kɛ mɛ̨nįɠaa hu kaa pai nɛ̨ɛ̨i, hea hvo ɉu.» Davidə ə tɛɛ yɛ li, Saulə ə pənə ə li bɔɔli.