Samuɛlə dɔlɔɔ 24:11 - Yálá laawoo hɛɓɛ (dc)

¹¹ Ə́ gbaɠala kaa yɛ́, yɛ́ kpįnįi yɛ́ kɛ, Yai-Laa ə́ ə́ lɔ ɲéé ŋą háákələi gwɛni wolo hu? Kɛlaa, və́ gɛ və́ ə́ paa; ŋą́ ə́ mąąwɛli kaa, gɛ́ kɛ diɛ: ‹Vá ɲéé pɛlɛ nwún nąmu ɓa, mąąhɔlɔɓo, nui Yai-Laa aa ɉəɠə ɉu, aa ɉee a tɔɔmun yaa li.›

Yálá laawoo hɛɓɛ

¹¹ Ə́ gbaɠala kaa yɛ́, yɛ́ kpįnįi yɛ́ kɛ, Yai-Laa ə́ ə́ lɔ ɲéé ŋą háákələi gwɛni wolo hu? Kɛlaa, və́ gɛ və́ ə́ paa; ŋą́ ə́ mąąwɛli kaa, gɛ́ kɛ diɛ: ‹Vá ɲéé pɛlɛ nwún nąmu ɓa, mąąhɔlɔɓo, nui Yai-Laa aa ɉəɠə ɉu, aa ɉee a tɔɔmun yaa li.›

Bible

¹¹ Gâloŋ, ƃɛ́ káa. Ŋá íseɣei gbua da tèe ma a tɔ̃yâ kɛ́lɛ fé ípaa ní. Gɔ́lɔŋ a gɛ́ɛ mɛni nyɔ́mɔɔ da fé ńii su é pîlaŋ yâ. Ḿve tá mɛni nyɔ́mɔɔ da kɛ́ ní a yá kɛ́lɛ yâ ŋ̀wɛ̂lii í ŋáfulu-laai su-kara.

Samuɛlə dɔlɔɔ 24:11 Iomraidhean Croise

Samia Veerɛi 1:14

Davidə yɛ mą: «Ə́ həɠə ləi yaai, hvo ɲɔw li, yɛ́ li ə́ yee pɛlɛi nui Yai-Laa ə dɔɔ wulɔ hiɛ mą, yɛ́ baa?»

Tɔɔɓɛlaa veelɛ 5:13

Bɔ nuą di lɛɠɛ mą, diɛ mą: «Nán, akɛti, Yálá kwəi mɛ̨nį hukulɔ mun a kɛ kɛ yɛ́ mɛ̨nį kɛnɛ̨ ta kɛ, hvə́li mɔ̨ɔ̨ gɛ? Gu hvomun kɛ, yii lɔ ŋɛ̨i ə kɛ la yɛ́: ‹'Lí ə́ ə́ waa volóɲɔ̨n a kpɛɛ yɛ́?›»

Zôo 10:16

Ŋą́ múhəɠə, yá hvilɛn búlu yɛ yala, yɛ́ ɉón bələ kwɛli a pələ tamąą.

Mąątɛ̨nɛ̨ 119:161

Tɔɔɓɛlaa di mɔ̨nɔ̨ ɓo, nwun və kɛ mą, Ə́ wooɠaa lɔ ɓə ŋą́ ɲɔw mą.

Mąątɛ̨nɛ̨ 140:11

Nwɔ̨n deŋą ə yɛɛ di mɛ̨i, yɛ tulɔ, di di pili ɓoloon gɛnɛ̨ hu, di hvo kulɔ laa.

Mąątɛ̨nɛ̨ 35:7

Di lɔwa tee dɔ́wɔ́, di mɛ̨i kpulu, yaan, ɉɔ́n və ɉu, dee nwun və kɛ mą, di dee kpɔlɔ náá ɓa.

Mąątɛ̨nɛ̨ 59:3

'Gúlɔ mɛ̨nį ɲɔ̨n gɛ nuą yəi, 'málo, nuąi di hva ɲɔw ɲąmą pui, di yəi.

Mąątɛ̨nɛ̨ 7:5

A kɛ kpɔ, ŋį́ mɛ̨inɛ̨ɛ̨ pɔɔ kulɔ a mɛ̨nį ɲɔ̨nwɔ̨ɔ̨, a kɛ kpɔ ŋį́ mɛ̨nį ɲɔ̨n-gɛmun nɛɛ laa, yɛ nwɔ li ɓo;

Hanwon 15:1

Woo ɲąąpənə lɛlɛɛ, a líi holi kpɛla bələi. Kɛlaa, woo ɲɔ̨n moɔ nu ɓa, a líi holi ta pɛlɛ mą.

Woolaa 4:18

Di kɛi ku kɔ́wɔ hvilɛn ɉii mąąhɛŋį, di kɛ kuɔ: 'Ká heei hvo ɓɛ! Ku wɔ yɛnɛ̨ɛ̨ ŋąąkpɛɛi aa lɛɠɛ, ku wɔ hvólóɠaa laa hvɛɛ yələ aa həli.

Izikiɛ 13:18

Yá kɛ diɛ: Mɛ̨nį kəlee ŋą Hééɓomun Yálá woo ka: Kpalo ɓɛlaai nɛ̨ąąi ti diɛ; diɛi da həɠə-ɓɛlaɠaa hɔlɔɔn nu a yeekwąną kəlee nwɔɔ; diɛ nɛ̨ąą nwuɔ̨-ɓɔlɔ pɛli a nu tɔɔ nwun ɲą kəlee nwɔɔ; ə gɛ, diɛ pɛli nuą nį́į́ɠaa hon ɉi; ka káá bɔ ka nwɔ́ nu huwui nį́į́ hon? Ɛlɛɛ ka ka wɔɔ nį́į́ɠaai laa hɔnmo yɛnɛ̨ɛ̨?

Mise 7:2

Kulɔ nwooɓamun aa kpɛɛ nɔi hu, tələnmomun və kɛa nuą lɔwai; di kəlee daa hɛlɛn dɛ ɲąmą pu mɛ̨nį ɓa, nu kəlee yɛ ɓaalə tɛ gaayɔwɔ tɔwɔ.

Ɉaan 15:25

Kɛlaa, yili ə kɛ tii, ə gɛ, mɛ̨nįi bɛ̨ɛ̨ di wɔ tɔ́n ɉɛɓɛ́i hu naa ə hon, yaai da kɛ mą: ‹Daa nwɛ́li kpɛɛ diɛ, nwun və mą.›

Samuɛlə dɔlɔɔ 12:3

Ɲą́ą́ ka tɔɔni ka lííla Yai-Laa ɲɛ̨i ɓa da nwɔ nui ə ɉəɠə ɉu, nui ɉɔ́n gaa gwəi, ə mo. Gbɛɛ ɓə ŋą́ Nįŋɛ̨ ɲəi? Gbɛɛ ɓə ŋą́ hoohvaalən ɉəɠə ɲəi? Gbɛɛ ɓə ŋą́ ɲéé pənə ɉu? Gbɛɛ ɓə ŋą́ too mɛ̨i hɛn ɉəɠə ɲəi? Gbɛɛ ɓə ŋą́ wali həɠə ɲəi a gili ŋapɛlɛ pələ? Nui ŋą́ yili kɛ la, mąą nu ə hvaa, ŋą́ pənə ŋą́ dɛɛ bɔ.»

Samuɛlə dɔlɔɔ 18:27

Davidə ə muhəɠə, da nwɔ nuą diɛ li, ə Filisti nwun veelɛ paa, ə pa a di towo piɲɛ̨nɠaa, ə di lono Saulə ɲɛ̨i ɓa; ə kɛ kɛa a tɔɔmun mɔlɔ, Saulə ə non Mikalə tɛɛ pɔ a nɛ̨ą.

Samuɛlə dɔlɔɔ 23:14

Davidə ə li ə hee nɔi pun ɉu yɛ noo; ə ɉeei kulɔ ɲee hɛŋɛlɛn ma Zifə nɔi pun ɉu. Volói tii kəlee yee mu, Saulə ə kɛi gwɛli. Kɛlaa, Yai-Laa hvo hvaa mą Saulə yee hvo pɛli Davidə ɓa.

Samuɛlə dɔlɔɔ 23:23

'Ka ká ɲɛ̨ilaa, gɛɛnąąɠaai kpɔ a kɛ nooi laa, ka nąąɠaa kaa, ka kɛ a nąą kəlee kɔ́lɔn ŋąą, ka pa ka mo mą́ą́. Nąąlɔwai, gwa gaani gwa li, a kɛ nɔi hu, ŋą́ hvilɛn Ɉuda lɔi nąą kəlee ŋą́ gaa.»

Samuɛlə dɔlɔɔ 25:28

Ə́ wɔ luwɔnɛ̨ąi mąąhvaalɛɛ, nɛ̨ɛ̨ yɛ́. Mąąhɔlɔɓo, Yai-Laa kaa pai lamun bɛlɛ́ tɔɔi nwɔ́ mɛ̨nį nąmu ɓa, yili hvo pai ɉəɠəi mą. Hvo gaai nwɔ́ mɛ̨nį nąmu kaa Yai-Laa nwɔ kɔ́ɠaa kɔ́i, ɛlɛɛ di hvo pai hɔn ɲɔ̨n gaai ə́ yíi hvóló kəlee hu.

Samuɛlə dɔlɔɔ 26:18

Davidə yɛ nwɔ̨nɔ̨ mą: «Akɛtii, nwɔ́ mɛ̨nį Nąmu hvilɛn mɛ̨nį nwɔ tí mun bulu, nwun maa a lə? Lə ɓə ŋą́ gɛ, ɉɔ́n maa a lə?

Samuɛlə dɔlɔɔ 26:20

Yálá hvo gɛ ɲą́mą hvo pu lɔi ɓa, mą́ą́ kwɛa Yai-Laa ɓa. Mąąhɔlɔɓo, Israɛlə tɔɔmun aa kɔ́ muhəɠə, vilɛn ŋąą la kpə-kpə pulu, yɛ da kɛi haɉali kpɛ yeeɠaa lɔwai.»

Samuɛlə dɔlɔɔ 26:23

Yai-Laa kaa pai nu kəlee hvɛla kulɔi yɛ bələi dúwɔ́ pələ kaa la. Yai-Laa aa kɛ ə́ lɔ ɲéé ŋą háákələi, kɛlaa, və́ gɛ li və́ ɲéé pɛlɛ nui Yai-Laa aa dɔɔ wulɔ hiɛ mą.