Samuɛlə dɔlɔɔ 22:3 - Yálá laawoo hɛɓɛ (dc)

³ Davidə ə həɠə laa, ə li Moabə lɔi hu Mispe daai; yɛ Moabə tɔɔmun ma: «Gɛ́ ə́ hvaa mą, nán da néé di pa di lɛɛ ɓɛ ka kwɛlɛ, ə lɛɛ la ɉu, mɛ̨nįi Yálá yɛ ə gɛ mą́ą́ ŋą́ gbaɠala kaa.»

Yálá laawoo hɛɓɛ

³ Davidə ə həɠə laa, ə li Moabə lɔi hu Mispe daai; yɛ Moabə tɔɔmun ma: «Gɛ́ ə́ hvaa mą, nán da néé di pa di lɛɛ ɓɛ ka kwɛlɛ, ə lɛɛ la ɉu, mɛ̨nįi Yálá yɛ ə gɛ mą́ą́ ŋą́ gbaɠala kaa.»

Bible

³ Deeƃé è kùla Adulaŋ-kɔni woloi su é lí Meepa-taai su nyíi kɛ̀ Môa lɔii su. Naa ƃé è lòno naa Môa Kaloŋ pɔ́ ǹyɛɛ m̀ai, “Ye kpera yɛ̂ nɛ̀ɛ naa ńâŋ da ńee dí pá ƃɛ́ ípɔ-naa dí lɛ́ɛ naa é lɛ́ɛ la zu ŋá m̀ɛnii káa Ɣâla a pâi gɛ̂i ḿîi.”

Samuɛlə dɔlɔɔ 22:3 Iomraidhean Croise

Zɛnɛse 47:11

Ɉosɛfə ə li, ə nąn da niɛni hee Eziptə lɔi nɛlɛɛmun ɉu, Ramsɛsə pələ, yɛ bələi tɔɔmun ə mo la. Ɉosɛfə ə lɔi ta tee mą, ə dɛɛ di pɔ a di wɔɔ.

Samia Veerɛi 8:2

Davidə ə Moabə nuą hon a kɔ́; ə di pɛlɛ nɔi ɓa, ə di heei kɛ haaɓa, ə ɉeei hveelɛ paa, ə ɉeei tɔ̨nɔ̨ lɛɛ a vulú. Moabə nuą di lɛɛ Davidə yee mu, diɛ nįįhɔ̨nwɔ̨ kulɔ mą.

Lɛɛ gbɔwɔ ɓa 20:12

«'Ə́ lee da ə́ nąn di mąąwiɛ; ya ɓə a gɛ, nɔi ŋɛ̨i Yai-Laa ə́ wɔ Yálá ə dɛɛ ə́ pɔ, ə́ yíi ə kwɛa ɉu.

Timote dɔlɔɔ 5:4

Akɛ lonŋaa da kɛ galanin da yəi, a wala kɛ ti mąnįnni, diɛi ti ɓə tɔlɔɔ mąąnɛ̨ɛ̨ di Yálá mɛ̨nį lɛ di yəi bɛlɛ́n nuą diɛ, gwələi di kaa-nuą di bili diɛ, di da kulɔ. Yili kpɔ ɓə nɛlɛɛ Yálá ɲɛ̨i ɓa.

Nwun mąąɓo 11:29

Yai-Laa ə nwɔ Kilii tɛɛ Ɉɛfte pɔ, ə Galaadə lɔi da Manase lɔi hu hiɛ, ə li Mispa, həɠəi ə mo Mispa, ə li Amɔn nuą di wɔ lɔi hu.

Rutə 4:10

Yili pulu, Moabə nɛ̨ɛ̨nui ŋɛ̨i a Rutə, yai kɛ a Malɔn nɛ̨ą, ŋą́ą́ ɉəɠə, ə gɛ, ŋą́ Malɔn huwu kulɔ, naa hvo pa kpɛɛ gaayɔwɔɠaa lɔwai di pɔ taai. Ka káá háákələi a mąą kɛla.»

Rutə 4:17

Naomi mɛlaa nɛ̨ąą di kɛi kɛ mą: «Naomi aa lon ɉulɔnu hɔlɔɓo.» Nɛ̨ąą tii di nokoloi tii laa hee a: Ovɛdə. Ovɛdə tii ɓə kɛ a Ɉɛse nąn, Ɉɛse yɛ ɓo a tɔɔmun Davidə nąn.

Samuɛlə dɔlɔɔ 14:47

Dɔɔlaa hɔlɔɓoi Saulə ə mo Israɛlə lɔi hu, ə kɔ́ pɛlɛ ɲowoɠaai kɛ gwɛ diɛ, diɛ ɓaa: Moabə lɔi, Amɔn lɔi, Edɔmə lɔi, Sova tɔɔɓɛlaa, Filisti nuą. Gɔ tɛitɛi kəlee hu, ə kɛi nɛɛ Saulə ɓa.

Samuɛlə dɔlɔɔ 22:2

Nuąi kpɔ mɛ̨nį ə kɛ di wəli pulu, nuąi kpɔ kwələ ə kɛ diɛ, da nuąi di kwəi hvo kɛ nɛ̨ɛ̨li, di di ɲąąkpɔn gwɛlɛ, ə kɛ aa di nwun nąmu. Nuą tii di kɛ a nu nwun nąąn (400).

Samuɛlə dɔlɔɔ 22:4

Davidə ə li a gaa nuą Moabə tɔɔmun bɔɔli, di lɛɛ yili kɔ́wɔ mɛ̨i ɓɛlɔwai Davidə ə kɛ la mąąkilɛ pələi.

Samuɛlə dɔlɔɔ 3:18

Samuɛlə ə mɛ̨nįɠaai tii kəlee hukulɔ mą, hvə da loo ma. Eli yɛ mą: «Ya ɓə a Yai-Laa, yii a nɛ̨ɛ̨ mą, ə gɛ.»