Samuɛlə dɔlɔɔ 22:19 - Yálá laawoo hɛɓɛ (dc)

¹⁹ Ɉaláá laa həli nuą pɔ taai Nɔvə nwɛi, ɉinąą mąn, nɛ̨ąą mąn, nɛapɛlɛɛ da yiiɠaai di laa kaa ɲįnį ɓa, di gəlee paa; yɛi kɛ a nįŋɛ̨, hoohvaalən, da ɓɛlaa, ə gəlee kɛ a ɓɔwa kwəaa kɔ̨nɔ̨n.

Yálá laawoo hɛɓɛ

¹⁹ Ɉaláá laa həli nuą pɔ taai Nɔvə nwɛi, ɉinąą mąn, nɛ̨ąą mąn, nɛapɛlɛɛ da yiiɠaai di laa kaa ɲįnį ɓa, di gəlee paa; yɛi kɛ a nįŋɛ̨, hoohvaalən, da ɓɛlaa, ə gəlee kɛ a ɓɔwa kwəaa kɔ̨nɔ̨n.

Bible

¹⁹ È lì é kɔ́ pɛ́lɛ Ǹɔɔ taai ma ƃɛ́i zâla láa soŋ-ƃelai díkɛ naai é nàa-ƃela kélee páa, sinâa, nɛyâa, nîa-pɛlɛɛ da gwatala-ŋai. È máŋ díwɛlɛ soo-ŋai, díniŋa-ŋai da díƃala-ŋai kélee pàa.

Samuɛlə dɔlɔɔ 22:19 Iomraidhean Croise

Nehemi 11:32

diɛ ɓo Anatotə, Nɔvə, Anania,

Azaya 10:32

Voló tɔ̨nɔ̨i tii yeemu, a Nɔvə hon, ə nɛɛ mą ə Siɔn nɛ̨ɛ̨gbɛla nwɔ yeei mąą ɲɔw a ɲee, yai a Ɉerusalɛmə yee kpukpu.

Osia 10:14

Tin gaa pai tooi ə́ wɔ lɔi hu, di ə́ wɔ taa kpɛa kpɛaɠaai kəlee pu, yɛ bələi Salman ə Bɛtə-Arvɛlə pu lai, a ɲələi tii di kɛi gɔ́ kɔ́ la, diɛ lon gaa lee nwun nwolo nonnii mɛ̨i.

Maafîu 21:16

Diɛ Jesus ɓa: «Akɛti mɛ̨nį ŋɛ̨i di kaa moi ə kaa mɛ̨n ɉi?» Jesus ə di woo ŋąąpənə yɛ diɛ: «Gáá mɛ̨n ɉii.» Yili pulu yɛ diɛ: «Ka hvo nii galan ni Yálá laawoo hɛɓɛ́ hu diɛ kɛ mą: ‹Yaa gɛ kpɔ lɛapɛlɛɛɠaa da ɲįnį kpələ lonnii diɛ mąąwiɛ tɛɛ ə́ pɔ.›»

Zĩi 2:13

A tɛ̨ą, gitii laa, nui a wala nu ɲɛ̨imąąwɛli kaa, hva mąą nu ɲɛ̨imąąwɛli kaa. Ɲɛ̨imąąwɛli yee tɛɛi kiti ɓa.

Zasua 6:17

'Ka daa ŋɛ̨i hu hɛnŋąą kəlee kala kpɔ tɛ̨ɛ̨tɛ̨ɛ̨, Yai-Laa mąą mɛ̨nį ɓa; daa ŋɛ̨i da ɉu hɛnŋąą kəlee dɔ̨nɔ̨ kpɛli hvo kulɔ, hvo kɛ li lɔ nwɛlikɛnɛ̨ɛ̨nui ŋɛ̨i da kɛ mą: Rahabə, ka nɛɛ a vúlu, da hɛn kpɔ gaa ɲəi bɛlɛ́n. Mąąhɔlɔɓo, gɔ́ nɛ̨lɛ̨ɛ̨nŋąąi ku di tɔɔ, yaa tii ɓə di mɛ̨i kpulu.

Zasua 6:21

Hɛnŋąą kpɔ kɛ daai, di gəlee hu kala kpɔ tɛ̨ɛ̨tɛ̨ɛ̨?: Ɉinąą mąn, nɛ̨ąą mąn, nu nwunuɠaa, ə mą kɛ, nu pɔlɔ pɔlɔɠaa, Nįŋɛ̨, ɓɛlaa, ɉoohvaalənŋąą, di gəlee paa.

Samuɛlə dɔlɔɔ 15:3

Yili ɓa, li, ə́ Amalɛkə nuą kəlee paa, hvo dɔ̨nɔ̨ kpɛli lɛɛ, da ɉɛnŋaai kpɔ gaa laa gəlee; ə kɛ a hulɔnu, nɛ̨ɛ̨nu, lokolo, ə mą kɛ a ɲįnį kpələ lon, nįŋɛ̨ɠaa, ɓɛlaaɠaa, ɲɔ̨nwɔmɛɛɠaa, da hoohvaalənŋaa.›»

Samuɛlə dɔlɔɔ 15:8

Ə Amalɛkə tɔɔmun Agagə hon a vulú; ə nu kpəliɠaa kəlee paa di lɛɛ a kɔ́ kɔ́ ɓɔwa kɔ̨nɔ̨n.

Samuɛlə dɔlɔɔ 15:9

Kɛlaa, Saulə da nwɔ nuąi di Agagə lɛɛ a vúlu; ə mą kɛ, daatɛlɛɛ kpɛa-kpɛa da bɛlɛɛɠaa, yiiɠaa kɛ di yolaa. Mɛlaa lonnii yiiɠaa kpɔ kɛ ɉu a nɛlɛɛ di hvo gɛ di hvo gəlee paa. Kɛlaa, yiiɠaa kɛ di kpala-kpalaa diɛ lɔ ɓə di di paa.

Samuɛlə dɔlɔɔ 21:1

Davidə ə kɛi li, Ɉonatan yaan yɛ pa taai.

Samuɛlə dɔlɔɔ 22:11

Tɔɔmun ə ɉaláá laa həli mun Ahituvə lon Ahimelɛkə təli, da ɲəi bɛlɛ́n nuą, da Nɔvə haláá kulɔ nuą kəlee, di kəlee di pa tɔɔmun bɔɔli.

Samuɛlə dɔlɔɔ 22:9

Edɔmə mun Doɛgə ə kɛ tɔɔni Saulə yee pɔ nuą kwɛlɛ, ə Saulə woo pulu pənə, yɛ mą: «Ŋą́ Ɉɛse lon gaa Nɔvə, Ahituvə lon Ahimelɛkə pɔɔli.