Samuɛlə dɔlɔɔ 21:7 - Yálá laawoo hɛɓɛ (dc)

⁷ Ɉaláá laa həli mun ə ɉaláá lɛɠɛ ta tɛɛ bɔ. Mąąhɔlɔɓo, lɛɠɛ takpɛli hvo kɛ laa, hvo kɛli lɔ lɛɠɛi kɛ a Yálá kɔ́ hɛn. Daa kɛ ɉəɠə Yai-Laa lííla, diɛ lɛɠɛ mɔnŋąą nįnɛ̨ laa laa a mąąhvalin.

Yálá laawoo hɛɓɛ

⁷ Ɉaláá laa həli mun ə ɉaláá lɛɠɛ ta tɛɛ bɔ. Mąąhɔlɔɓo, lɛɠɛ takpɛli hvo kɛ laa, hvo kɛli lɔ lɛɠɛi kɛ a Yálá kɔ́ hɛn. Daa kɛ ɉəɠə Yai-Laa lííla, diɛ lɛɠɛ mɔnŋąą nįnɛ̨ laa laa a mąąhvalin.

Bible

⁷ Ǹyaŋ maa tãi tɔnɔi tí, Sɔ̂ɔ ŋɔtíi kɛ́-nuu kɛ́tɛi dɔnɔ è kɛ̀ naa gɛ́ Yâwɛɛ fɛli. Naloŋ kpîŋ láa ƃé kɛ̀ a Doɛɛ. È kɛ̀ a Idɔŋ nuu suu sui. È kɛ̀ a Sɔ̂ɔ ŋɔƃála mɛi káa nuu kɛ́tɛi.

Samuɛlə dɔlɔɔ 21:7 Iomraidhean Croise

Zɛnɛse 26:20

Gerarə daai ɓɛlaa mɛ̨i kaa nuą, di hvaa tee Isaakə nwɛiɠaa diɛ, diɛ kɛ yiliɠaai diɛ: «Ɲai ŋɛ̨i kaa a ku wɔɔ.» Yili ɓə gɛ, Isaakə ə nąą laa hee a: Esɛkə, mukulaa ɓaa: «hvaa». Mąąhɔlɔɓo, di hvaa tee laa diɛ.

Kɔlɔnikɔ Maa-ŋuŋ 27:29

Nįŋɛ̨ kpului kɛ Sarɔn yɛɛkɔwɔ hu, Sitrai Sarɔn mun, ya ɓə kɛ nwun na. Yiiɠaai kɛ ɲee lɔwai lɔiɠaa hu, Adlai Safatə lon mə kɛ nwun na.

Kɔlɔnikɔ Maa-ŋuŋ 27:31

Yazizə Hagri mun mə kɛ daatɛlɛɛ pɛlɛɛɠaa nwun na. Nuąi kpɔ tii ɓə kɛ heeni tɔɔmun Davidə nwɔ hɛngɔwɠaai nwun na.

Kɔlɔnikɔ Veerɛi 26:10

Yili pulu, ə kɔ́-pɛlɛɠaa tɔɔ nɔi pun ɉu, ə yálɔwa tamąą tee, mąąhɔlɔɓo, taatɛlɛɛ kpulu tamąą di kɛ ɲəi; tíikɛnuą di kɛ ɲəi nɛ̨ŋɛ̨ lɔi hu da ɉɛɠɛɛ pələ. Viɲə yɛɛ laa nuą di kɛ ɲəi ɲeeɠaa ɓa da Karmɛlə yee ɓa. Mąąhɔlɔɓo, tíi kɛɛ wɛli ə kɛ mą.

Izikiɛ 33:31

Di kaa pai pai ə́ pɔ, yɛ a kɛ a nuą ɲąąkpɔn ɲələ; Di kaa pai heei ə́ hu, diɛi tii a nwɔ́ nuą, di kaa pai ə́ woo mɛ̨n ɉii, kɛlaa di hva bɔ mɛ̨nį kɛ. Mąąhɔlɔɓo, di laahvɛɛi a kiliŋąhiɛ ɲɔ̨nwɔ̨ɔ̨, ɛlɛɛ di kaa bɔ di yili pɔ túwɔ ɓo, di wɔ kiliŋąhiɛ hvilɛn ŋaai hɛn gɔw ɓa.

Levetekɔ 22:10

«Nui hvo ɓaa ɉaláá laa həli mun da, hva ɉaláá hɛn mąą həɠɛɛ ta mįi, ə mą kɛ ɉaláá laa həli mun mąą nwɛ̨ą, a wala kɛ tii, nwɔ kóló kɛmun yai da vɛla kulɔ, di ta lɔpee di hva hɛn mąą həɠɛɛ ta mįi.

Levetekɔ 22:13

Kɛlaa, ɉaláá laa həli mun lon nɛ̨ɛ̨nu ta a kɛ a kalanin, a wala kɛ tii, ɉilɛ aa gulɔ lɔwɛi, lon a wala kɛ di lɔwai, a pənə a pa nąn bɔɔli, yɛ bələi ə kɛ la laa a nɛ̨ɛ̨non ɲələ, a pɛli nąn gɔ̨nɔ̨n da mįi. Yili a həɠə laa kɛa, nui hvo ɓaa ɉaláá laa həli mun, mąą hvo nɛ̨ɛ̨li hvo da mįi.

Levetekɔ 24:5

«'Lɛɠɛ hunwɔ̨ həɠə, ə́ bilɛkɛ pow kɔ́w hveelɛ, ə́ mɔ̨n. Gəgən ɲąą mɛ̨ida lɛɠɛ hunwɔ̨ ɓə a kɛ a nɛɠɛ kpinįn dɔ̨nɔ̨ nwɔɔ.

Levetekɔ 24:8

«Hviitɔɔ yələ tɛitɛi kəlee, da di laa tii Yai-Laa lííla. Yili a həɠə Israɛlə lonnii yəi, mįnɛ̨ ka tii a yələ kəlee mɛ̨nį, hva ɉəɠə mą.

Amɔsə 8:5

Ka kɛ kɛi diɛ: «Mįnɛ̨ lɔwai ɓə ɲąnin nįnɛ̨ nwɔ hɛli puɔ kaa pai tɛɛi la, ə gɛ, ku ku wɔ mɔ̨nunŋaai lɔwɔ́tɔɔ? Ɛlɛɛ, mįnɛ̨ lɔwai ɓə túwɔ́ lɔwɔ a kpɛɛ la, ə gɛ, ku ku wɔ kɔ̨nɔ̨n gələɠaai laa ɓo? Ka kɛ ɉɛnŋąą kɔ́ɔn gəgənŋąą kpon dɛi ɉu, ə gɛ ɉu ɛlɛɛ tiikpə.

Maafîu 15:8

«‹Nu huwui ŋɛ̨i a mą́ą́wiɛ lɔ a naaləi, Kɛlaa, di wɔ kiliŋąhiɛ mąą kwɛaa mą́ą́.

Samuɛlə dɔlɔɔ 11:5

Nąąlɔwai kpɔlɔɔ ɓə Saulə ə kɛi həɠə la ɲəi ɲɛa, ə ɓo nwɔ nįŋɛ̨ɠaa pulu. Saulə yɛ diɛ: «Lə ɓə kɛ nuą diɛ, yaai di kaa wɔlɔi?» Di Yavɛsə nuą woo hu kulɔ ma,

Samuɛlə dɔlɔɔ 14:47

Dɔɔlaa hɔlɔɓoi Saulə ə mo Israɛlə lɔi hu, ə kɔ́ pɛlɛ ɲowoɠaai kɛ gwɛ diɛ, diɛ ɓaa: Moabə lɔi, Amɔn lɔi, Edɔmə lɔi, Sova tɔɔɓɛlaa, Filisti nuą. Gɔ tɛitɛi kəlee hu, ə kɛi nɛɛ Saulə ɓa.

Samuɛlə dɔlɔɔ 21:8

Mąą yələ lɔ, Saulə nwɔ tí mun da ə kɛ la Yai-Laa hee pɛlɛ́ mu, yɛ kóló kɛ diɛ kɛ naa ɓa: Doɛgə, Edɔmə mun da li kɛ; ya ɓə kɛ Saulə nwɔ taatɛlɛɛ mɛ̨i kaa nuą nwun na.

Samuɛlə dɔlɔɔ 22:10

Ahimelɛkə ə Yai-Laa mąąnin gɛ Davidə mąą mɛ̨nį hu, yili pulu, ə kɔ̨nɔ̨n dɛɛ bɔ, ə Filisti hulɔnu Goliatə nwɔ kɔ́ kɔ́ ɓɔwai tɛɛ bɔ.»

Samuɛlə dɔlɔɔ 22:22

Davidə yɛ Abiatarə ɓa: «Gíli ə kɛ ɉu a ɲələi tii, ŋą́ gaa kpɔ gɛ́ kɛ Edɔmə mun Doɛgə ə kɛ Nɔvə daai. Gíli ə kɛ ɉu, gɛ́ kɛ, gaa pai mɛ̨nį kəlee ɓoi Saulə ɓa yili hva pɛli kɛ ɉəɠəi mą. Mɛ̨nįi tii ə́ nąn nwɔ pɛlɛ́i kəlee ə lɛɛ ɉu, ɲą́ą́ náá pɔɔ kaa ɉu.

Samuɛlə dɔlɔɔ 22:9

Edɔmə mun Doɛgə ə kɛ tɔɔni Saulə yee pɔ nuą kwɛlɛ, ə Saulə woo pulu pənə, yɛ mą: «Ŋą́ Ɉɛse lon gaa Nɔvə, Ahituvə lon Ahimelɛkə pɔɔli.