Samuɛlə dɔlɔɔ 20:3 - Yálá laawoo hɛɓɛ (dc)

³ Davidə ə gwɛla ma, yɛ mą: «Ə́ nąn gili kaa ɉu, yɛ gwa yɛ́ gu nɛɛi. Gaa giliŋąhiɛ yɛ kɛ diɛ: ‹Maa hvo nɛ̨ɛ̨li Ɉonatan gili hvo pu ɉu; a nee ɉukulɔ Davidə ɓa.› Kɛlaa, gáá gwɛlai a Yai-Laa laa, da ə́ wɔ yii yɛnɛ̨ɛ̨ kpɔ-kpɔ, ɉáá mɛ̨nį mąą hvo kwɛa li mą́ą́ kpɛli tiikpə.»

Yálá laawoo hɛɓɛ

³ Davidə ə gwɛla ma, yɛ mą: «Ə́ nąn gili kaa ɉu, yɛ gwa yɛ́ gu nɛɛi. Gaa giliŋąhiɛ yɛ kɛ diɛ: ‹Maa hvo nɛ̨ɛ̨li Ɉonatan gili hvo pu ɉu; a nee ɉukulɔ Davidə ɓa.› Kɛlaa, gáá gwɛlai a Yai-Laa laa, da ə́ wɔ yii yɛnɛ̨ɛ̨ kpɔ-kpɔ, ɉáá mɛ̨nį mąą hvo kwɛa li mą́ą́ kpɛli tiikpə.»

Bible

³ “Zonetaŋ, tɔ̃yâ ƃe! Kɛ́lɛ ínâŋ è gɔ́lɔŋ berei í ŋ́wɛlini lai. M̀ɛni ma vé ŋ̀wɛ̂lii é ílii tóo pôlu. M̀ɛni ƃé vé m̀ó ní la yâ. Ŋa tɔ̃yâ ƃôi gɛ̀ ɣele ma Yâwɛɛi ŋɛ́i é pɛ́lɛ ƃía. Ŋ́gaa nâa saa wôlo la.”

Samuɛlə dɔlɔɔ 20:3 Iomraidhean Croise

Samia Veerɛi 15:21

Kɛlaa, Itai ə tɔɔmun nwoo pulu pənə yɛ mą: «Yii kpɔ Yai-Laa kaa a vulú, ə lɛɛ, nwɔ́ mɛ̨nį Nąmu ə ɓo a vulú, ɓɛi kpɔ nwɔ́ mɛ̨nį nąmu tɔɔmun a kɛ laa, ə haa-o, ə lɛɛ yɛnɛ̨ɛ̨-o, ə́ wɔ tímun a kɛ laa, ka yaa ka haa gee pɔ.»

Tɔɔɓɛlaa veelɛ 2:2

Di lɛɛ lɔ lii, Eli yɛ Elise ɓa: «'Lɛɛ ɓɛ, mąąhɔlɔɓo, Yai-Laa aa dɔ́ɔ́ kpɔ Betɛlə.» Kɛlaa Elise yɛ mą: «Yii kpɔ Yai-Laa kaa a vulú, ɛlɛɛ yɛ́ ɓo a ə́ hvulú, ŋą́ą́ gwɛla gɛ́ vá həɠə ə́ pulu.» Di lɛɛ di kee pɔ de li Betɛlə.

Tɔɔɓɛlaa veelɛ 2:4

Eli yɛ Elise ɓa: «Elise, nɛ̨ɛ̨mąą ɓə gáá vəi yɛ́, 'lɛɛ ɓɛ. Mąąhɔlɔɓo, Yai-Laa aa dɔ́ɔ́ Ɉeriko.» Elise yɛ mą: «Yii kpɔ Yai-Laa kaa a vulú, ɛlɛɛ, yɛ́ ɓo a ə́ hvulú, ŋą́ą́ gwɛla gɛ́, vá həɠə ə́ pulu.» Di lɛɛ di kee pɔ, di li Ɉeriko.

Tɔɔɓɛlaa veelɛ 2:6

Eli yɛ Elise ɓa: «Elise, nɛ̨ɛ̨mąą ɓə gáá vəi yɛ́, lɛɛ ɓɛ, mąąhɔlɔɓo, Yai-Laa aa dɔ́ɔ́ Ɉurdɛn kwɛlɛ.» Elise yɛ mą: «Yii kpɔ Yai-Laa kaa vulú, yɛ́ ɓo a ə́ hvulú, ŋą́ą́ gwɛ́la gɛ́, vá həɠə ə́ pulu.» Da lɛɛ di kee pɔ də li Ɉurdɛn kwɛlɛ.

Mąątɛ̨nɛ̨ 116:3

Ɲílɛɛi kɛ a haa nwɔ yɛliɠaa, ɲąmuątaa nwɔ kpɔ̨nɔ̨ɠaai daa kɛ ɉón, liihɛlɛn, liikələn gwəi, daa kɛ hee mą́ą́.

Ɉeremi 38:16

Tɔɔmun Sedesiasə ə nwoo kwɛlɛ kpɔ a nwalawalaa, loo pələi Ɉeremi ɓa, yɛ mą: «Yii kpɔ Yai-Laa kaa vulú, yai ɲɛnɛ̨ɛ̨ ŋɛ̨i tɛɛ ku pɔ, vá ə́ paa. Vá nwɔ̨nɔ̨ ə́ tɛɛ nuąi di hvilɛn ŋąą ə́ pulu, di pɔ.»

Ɉeremi 4:2

Akɛ, yá ə́ woo kwɛlɛ mɛ̨nį ta hu a Yai-Laa, ə́ gɛ a tɛ̨ą, a tələnmoɔ laa, a ə́ kwəi kwɛlɛɛ; lɔiɠaa kaa pai lúwɔ́ tooi di kpɔɔ ɓa náá hu, diɛ di kpɔɔ mąątɛ̨nɛ̨ náá hu.

Dutɛrɔnome 28:66

Ka yii hvóló kaa lɔ pai kɛi yɛ a kɛ a ɉɛlɛnŋąą ka ɲɛ̨i mu; Ka mąą yɛ kpɛlin a hvóló da kpinį, ka kili hva kɛ ɉu kaa kɛ ka káá yɛnɛ̨ɛ̨.

Dutɛrɔnome 6:13

Yai-Laa ka wɔ Yálái ɓə mąąnɛ̨ɛ̨ ka ɲɔw mą. Ya ɓə mąąnɛ̨ɛ̨ ka tí mą. Naa hu ɓə mąąnɛ̨ɛ̨ ka ka kwɛla la.

Hebreu 6:16

Nu kanŋaa da di kwɛla a hɛn gɛnɛ̨ dɛɛ diɛ, əgɛ, di hɛa mɛ̨nį kulɔ di wɔ mɛ̨nį ta hu, da mɛ̨nįi tii ŋą tɛ̨ą lɛ a di kwɛla woo.

Samuɛlə dɔlɔɔ 1:26

Anə yɛ Eli ɓa: «Nwɔ́ mɛ̨nį nąmu, ə́ nwun di báá nɛ̨ɛ̨nui tii ta kɛ ɓɛ, a yələ ta yɛ Yai-Laa hvɛli, kpɔɔlɔɔ gɛɛnąą ŋɛ̨i ɓa, ə́ kili kaa ɉu? Nwɔ mɛ̨nį nąmu, ə hvulú mąą ə lɛɛ, ɲą́ą́ ka tii kɛ.

Samuɛlə dɔlɔɔ 17:55

Davidə kaai Saulə ə mo yɛ li pɛlɛi Goliatə ɓa, ə mo gɔ́laɠa nwun nąmu Avnɛrə ɓa, yɛ mą: «Avnɛrə! Gbɛɛ lon maa ɉulɔnon ŋɛ̨i?» Avnɛrə yɛ mą: «Tɔɔmun! Ə́ nwun tii báá, və́ gɔlɔn.»

Samuɛlə dɔlɔɔ 20:2

Ɉonatan ə nwoo pulu pənə yɛ mą: «Yili kulɔ ə́ wɔɔ kiliŋąhiɛ hu, hvo pai haai. Nán va mɛ̨nįi lɔpee ta kɛ, akɛ hvo ɉukulɔ li mą́ą́. Lə mɛ̨nį ɓa yai ną́n ə mɛ̨nį yii loo mą́ą́? Hvo pai pɛlii.»

Samuɛlə dɔlɔɔ 20:4

Ɉonatan yɛ Davidə ɓa: «Mɛ̨nįi kpɔ ə́ kaa bɔ ŋą́ gɛ, ŋą́ pɛli gɛi; yii kpɔ ə́ mąą mɛ̨nį ɓə.»

Samuɛlə dɔlɔɔ 25:26

Kɛlaa, nwɔ́ mɛ́ni nąmu, Yai-Laa laa hu, ɛlɛɛ, yɛ́ kpįnįi ə́ laa mąą mɛ̨nį ɓa, Yai-Laa ka tii kpəɲąn ə́ tɔwɔ, hvo ə́ yee lɔ li nu paa mɛ̨nį hu. Hvo ə́ lɛɛ li laa yɛ́ ə́ nwąną kulɔ yɛ kpįnįi. Yálá ə gɛ, ə́ yowowɠaa da nuąi mɛ̨nį ɲɔ̨n gili kaa di kwəi yɛ hvilɛn na yɛ́, di ɲąąkpɛɛi ə kɛ yɛ Navalə.

Samuɛlə dɔlɔɔ 27:1

Davidə ə mo gwəi pələ, yɛ kɛ mą: «yələ ta, ə kɛ a pələ lɔpee, gbəli hu, Saulə kaa pai báái, mɛ̨nįi ŋɛ̨i hon bələ takpɛli hvo laa, hvo kɛ li lɔ ŋą́ mą́ą́kilɛ Filisti nuą pɔɔli, Saulə kaa pai kpɛlai gwɛ́liɛ ɓa Israɛlə lɔi kɔ́lɔ kəlee, gúlɔ pələ lɔ ka tii ɲəi.»