Samuɛlə dɔlɔɔ 20:2 - Yálá laawoo hɛɓɛ (dc)

² Ɉonatan ə nwoo pulu pənə yɛ mą: «Yili kulɔ ə́ wɔɔ kiliŋąhiɛ hu, hvo pai haai. Nán va mɛ̨nįi lɔpee ta kɛ, akɛ hvo ɉukulɔ li mą́ą́. Lə mɛ̨nį ɓa yai ną́n ə mɛ̨nį yii loo mą́ą́? Hvo pai pɛlii.»

Yálá laawoo hɛɓɛ

² Ɉonatan ə nwoo pulu pənə yɛ mą: «Yili kulɔ ə́ wɔɔ kiliŋąhiɛ hu, hvo pai haai. Nán va mɛ̨nįi lɔpee ta kɛ, akɛ hvo ɉukulɔ li mą́ą́. Lə mɛ̨nį ɓa yai ną́n ə mɛ̨nį yii loo mą́ą́? Hvo pai pɛlii.»

Bible

² Zonetaŋ ǹyɛɛ mai, “Ńâŋ fa pɔ̂ri gbɛtɛ̂i gíli ŋá a gɛ́ɛ é ípaa! Va mɛni da kɛ̀ ŋɛ́i pôlu. Lé mɛni ƃé a pɔ̂ri m̀ɛnii ŋí loôi la ḿâi? Va pɔri kɛ̂i a tɔ̃yâ!”

Samuɛlə dɔlɔɔ 20:2 Iomraidhean Croise

Zɛnɛse 44:7

Yiliɠaai di nwoo ŋąąpənə, diɛ mą: «Lə mɛ̨nį ɓa ka pɛli ka mɛ̨nį taaləi tii nwulu lɛɛ ku nwuɔ̨? Ku hva pɛli ku hvo mɛ̨nį taaləi tii kɛ.

Mąątɛ̨nɛ̨ 40:6

Yai-Laa nwɔ́ Yálá, mɛ̨nįɠaai yáá giliŋąhiɛ kɛ yɛ hvilɛn na kuɔ, da gwɛlɛɛn mɛ̨nįɠaa, gbɛa kpɛai! Ə́ pɛli hva hɔlɔɓo. Gáá bɔ ŋą́ yili hukulɔ, gɛ́ mo lɔ a yələ kəlee; Kɛlaa, gəlee hva pɛli ɓoi, di tamą pələ ɓa.

Hanwon 29:24

Nui da nwuɔ̨mun da nwuɔ̨ hɛn ɲąąkwɛlɛ, a gbɔwɔ ɓɛlɛkpɛɛ gwəi, a nwuɔ̨ lolo woo mɛ̨n, hva pɛli nwuɔ̨mun nąą lɛ.

Azaya 50:5

Nąmu Yai-Laa, ə nwə́li wolo laa ɓo, ɛlɛɛ ɲą́ą́n və́ gwɛli tee ɲəi, və́ bulu tɔɔ mą.

Lukə 20:16

A pa, a nuą tii kəlee paa, ə ɉihɛn galihvaɓo nu takpɛliɠaa diɛ.» Nwoo tii mɛ̨n di mo, diɛ mą: «Ɲɔ̨nwɔ̨ɔ̨ ə hvóló!»

Ɉaan 15:15

Va kɛa ka təli a luwɔɠaa, mąąhɔlɔɓo, luwɔ hvo nąmu nwɔ kiliŋąhiɛ kɔ́lɔn, gáá pai kɛa ka laa heei a mɛ́laa, mąąhɔlɔɓo, mɛ̨nįɠaai ŋį́ həɠə la Ną́n pɔ, ŋą́ą́ gəlee lɛ kaa.

Ɉaan 17:8

Mąąhɔlɔɓo, nwooɠaai Ə́ dɔ́ɔ́ la, ŋį́ mo diɛ, di di yee hee mu daa laa na diɛ ŋį́ həɠə ə́ pɔ. Yili pulu, daa gɔlɔn diɛ yɛ́ ɓə dɔ́ɔ́.

Zasua 22:29

Yálá ə ku kihiɓo, kuɔ li ku kwɛli teei Yai-Laa ɓa, ɛlɛɛ, kuɔ ku pulu tɔɔ háákələi Yai-Laa ɓa, kuɔ haláá kulɔi takpɛli pɛli, ɓɛi da haláá yii da gəlee kələn da liilaa haláá kulɔ laa; ə kulɔ Yai-Laa gu wɔ Yálá nwɔ haláá kon mɛ̨i pulu, yaai gaa heeni nwɔ pɛ́lɛ́i laaləi.»

Zasua 24:16

Israɛlə lonnii di Ɉosue woo pulu pənə, diɛ mą: «Ə hvóló kuɔ, kuɔ kɛ ku kaa həɠəi Yai-Laa pulu, kuɔ tí haliɠaa diɛ!

Samuɛlə dɔlɔɔ 14:45

Kɛlaa, nuą kəlee diɛ Saulə ɓa: «Ɉonatan a pɛli mɔ̨ɔ̨ haai, Yaai gɛ gɔ́ kɛnɛ̨i ŋɛ̨i yɛ nɛɛ guɔ? Yili hvo pɛli li ɉu. Yai-Laa kaa a vulú, akɛ yili a kɛ tii, kɛɛ kala mɛ̨nį kɛnɛ̨ kpɔ-kpɔɔ li. Ɉonatan nwun nəɠa tɔ̨nɔ̨ kpɛli hva kulɔ nwuɔ̨. Mąąhɔlɔɓo, Yálá ɓə kpɔnmąą tɛɛ bɔ, yɛ mɛ̨nįi ŋɛ̨i kɛ háákələi.» Bələ ɓə nuą di Ɉonatan nwun mąąɓo la diɛ gulɔ haa hu.

Samuɛlə dɔlɔɔ 20:1

Davidə ə pu ə həɠə Nayotə Rama kwɛlɛ, ə pa ə Ɉonatan kaa, yɛ mą: «Lə ɓə ŋą́ gɛ, ɉɔ́n maa lə, lə nɛ̨ŋɛ̨n gbɔ ɓə ŋą́ ɉəɠə ə́ nąn ma yaai gaa bɔ ə báá?»

Samuɛlə dɔlɔɔ 20:12

Ɉonatan yɛ Davidə ɓa: «Yai-Laa Israɛlə nwɔ Yálá laa hu, tínąą a wala kɛ tii hvəlaan, gáá pai ną́n gwəi mɛ̨nį kɔ́lɔn ɉii yɛ hvilɛn na yɛ́, mɛ̨nį kəlee a kɛ gwəi a nɛlɛɛ, yɛ hvilɛn na yɛ́, vá hvaa ə́ pɔ.

Samuɛlə dɔlɔɔ 20:3

Davidə ə gwɛla ma, yɛ mą: «Ə́ nąn gili kaa ɉu, yɛ gwa yɛ́ gu nɛɛi. Gaa giliŋąhiɛ yɛ kɛ diɛ: ‹Maa hvo nɛ̨ɛ̨li Ɉonatan gili hvo pu ɉu; a nee ɉukulɔ Davidə ɓa.› Kɛlaa, gáá gwɛlai a Yai-Laa laa, da ə́ wɔ yii yɛnɛ̨ɛ̨ kpɔ-kpɔ, ɉáá mɛ̨nį mąą hvo kwɛa li mą́ą́ kpɛli tiikpə.»

Samuɛlə dɔlɔɔ 9:15

Yan, Yai-Laa ə gbɛa kɛ Samuɛlə kiliŋą pono hvóló tɔ̨nɔ̨ ə kulɔ ɉu, Saulə hvo tɛɠa kɛ pai; Yai-Laa yɛ Samuɛlə ɓa: