Samuɛlə dɔlɔɔ 2:8 - Yálá laawoo hɛɓɛ (dc)

⁸ A mąąwɛli mun muhəɠə, ə gulɔ muluun ɉu. Yɛ yeehowolo mun gulɔ tulun ŋą. Yɛ di heei gulɔ tɔɔbɛlaa lɔwai, yɛ di hee kpəlin mąąwia mɛ̨i. Mąąhɔlɔɓo, Yai-Laa ɓə lɔi nąą kəlee kaa ɲəi. Ya ɓə lɔi kɔ́wɔ hvilɛn.

Yálá laawoo hɛɓɛ

⁸ A mąąwɛli mun muhəɠə, ə gulɔ muluun ɉu. Yɛ yeehowolo mun gulɔ tulun ŋą. Yɛ di heei gulɔ tɔɔbɛlaa lɔwai, yɛ di hee kpəlin mąąwia mɛ̨i. Mąąhɔlɔɓo, Yai-Laa ɓə lɔi nąą kəlee kaa ɲəi. Ya ɓə lɔi kɔ́wɔ hvilɛn.

Bible

⁸ A gôlo-ƃelai tɛ̀ ɣelêi. A kwaa ma tɛ̀ɛ dîai pɔ́ díkɛ̂i fé mai. A dísiɣe yɛ̂ɛ kâloŋ lonii é dísee ƃaa-kɛ́-maa see-sɛŋ ŋá. Yâwɛɛ ƃé ǹɔii kpɛ̀tɛ, ǹyaŋ zãâi kélee zui, gáa a bɔ́ɔ.

Samuɛlə dɔlɔɔ 2:8 Iomraidhean Croise

Zɛnɛse 41:14

Tɔɔmun ə mo di li di Ɉosɛfə təli, di gulɔ gaho pɛlɛ́ mu kpɔ ɉa-ɉa. Di nwun bu a nɛlɛɛ, di mąąhəɠə mąąhvalin, di paa la tɔɔmun nííla.

Zɛnɛse 41:40

Yɛ́ ɓə gáá ə́ heei nwɔ́ lɔi nwun na, yɛ́ mɛ̨́i kaa, yii kpɔ ya moi, ya ɓə nɔi nuą da gɛ. Dɔɔlaa ŋɛ̨i gaa ɲə́i, yaa lɔ ɓə a gɛ́nɛ̨ ə dɛ́ɛ́ yɛ́, ɓɛ nɔi.

Samia Veerɛi 7:8

«Yiihu ŋɛ̨i, mɛ̨nįi ə́ kaa lii moi nwɔ tímun Davidə ɓa, ya ka; yá kɛ mą: Yai-Laa Mɛ̨nį Kəlee ŋą Hééɓomun woo ka, yɛ diɛ: Ɲą́ą́ ɓə ə́ həɠə taatɛlɛɛɠaa pulu lɔwɛi, ŋą́ ə́ hee nwɔ́ nu huwui Israɛlə nwun na.

Tɔɔɓɛlaa dɔlɔɔ 16:2

«Ɲą́ą́ ɓə ə́ kulɔ muluun ɉu, gɛ́ ə́ hee nwɔ́ nu huwu Israɛlə nwun na a tɔɔmun, kɛlaa, yáá hvilɛn Ɉeroboamə hiɛ pələ hu, yáá gɛ nwɔ́ nu huwui Israɛlə aa nɛ̨ŋɛ̨n ɉəɠə, diɛ nwɔ́ lii kələn gwəi muhəɠə a di kɛ nɛ̨ŋɛ̨n.

Tɔɔɓɛlaa veelɛ 9:6

Ɉehu ə muhəɠə da yaa di lɔ bɛlɛ́n. Ɉulɔnon tii ə nwulɔ pu Ɉehu nwun mą, ə mąąti, yɛ mą: «Nwooi Yai-Laa Israɛlə nwɔ Yálá ə mo, ya ka, yɛ diɛ: ‹Nwulɔi ŋɛ̨i haalai, gáá ə́ kɛi a nwɔ́ nu huwui Israɛlə nwɔ tɔɔmun.

Zôo 1:21

Yɛ diɛ: «Bələi lɔ néé ə gaa la a gbúwulu, bələ lɔ ɓə gáá pai pənəi la. Yai-Laa ɓə gɔ́. Yai-Laa ɓə pənə ə ɉəɠə. Mąąwiɛ ə kɛ Yai-Laa laa ɓa.»

Zôo 2:8

Nąąlɔwai, kwɛli ləɠi kalan mə Ɉobə ə kɛi mąą wɔlɔ la, ɉeɛ luwu hu.

Mąątɛ̨nɛ̨ 102:25

Yili ɓə gɛ, gɛ́ kɛ mą: Nwɔ́ Yálá, ŋį́ kɛ Yɛ́: 'Hvó nwɔ́ yɛnɛ̨ɛ̨ lɛɛ ɉamąi, hvó ɉə́ɠə́!

Mąątɛ̨nɛ̨ 104:5

Ə lɔi kpalan naa kpɔ tin-tin, tumun və mą a yələi lɔpee ta.

Mąątɛ̨nɛ̨ 107:41

Kɛlaa yɛ mąąwɛli nuą mąą kɔ̨nwɔ̨, yɛ di huwu hu kɛ̨nɛ̨, yɛ taatɛlɛɛ kpulu.

Mąątɛ̨nɛ̨ 24:2

Yaa ɓə lɔi kpalan naa gboloyá mɛ̨i, yɛ gɔwɔ hvilɛn gbilin ɲáɠaa mɛ̨i.

Mąątɛ̨nɛ̨ 75:3

Yálá yɛ diɛi: Guui ŋą́ dɔɔ, ɲələ a ɉəlii, ɲą́ą́ gbinįi ɓə ŋą́ kiti kpɔ kpɔɔ tee tɛ̨ą pələ mɛ̨i.

Mąątɛ̨nɛ̨ 75:4

Lɔi kaa pai heɠeen ɉii, da ɉu nuą. Ɲą́ą́ hvəi mɔ̨ɔ̨ naa?

Mąątɛ̨nɛ̨ 75:7

Nu kpɔwɔ hɔlɔɓo mɛ̨nį, hva həɠə hvóló ɓɛlai bələ, hva həɠə hvoló tooi bələ, hva həɠə lɔi pun ɉu pələ.

Ikilisiati 4:14

Mąąhɔlɔɓo, ɉulɔnon tii a pɛli kulɔi gaho pɛlɛ́ mu ə kɛ a tɔɔmun, a wala kɛ tii, ə kɛ a yeehvowolomun nwɔ tɔɔlaai gaa pai gɛi ɉu.

Azaya 22:23

Gáá pai gbanwoi yɛ wulukpiɛn, lɔi wala wala hu yɛ kɛ a nąn nwɔ pɛ́lɛ́i ɲɛ̨i pɔ̨nɔ̨ tɔɔkpəlin.

Danîa 2:48

Yili pulu, tɔɔmun ə heei kɛnɛ̨ tɛɛ Daniɛlə pɔ, ə bɛlɛ hɛn gɔw kɛnɛ̨ ɓa. Tɔɔmun ə Daniɛlə kɛ a Guvɛnɛɛli Babilonə lɔi nwun na, ə pənə ə gɛ a gilimaa nuą kpɔ di kaa Babilonə lɔi hu di nwun nąmu.

Danîa 4:17

Nwului tii ə́ gaa, yaai tii kɛ gɛnɛ̨i, nwalawalaa, gweaa yɛ tɛ yələkɔlɔn ma, yaai yɛnɛ̨ɛ̨ naakəlee nuą da pɛli kɛ gaai;

Danîa 6:3

Ə nwun nąmįnąa haaɓa hee nuąi tii kəlee nwun na. Nu haaɓai tii dɔ̨nɔ̨ ɓa kɛ a Daniɛlə. Daniɛlə tii ɓə mąąnɛ̨ɛ̨ kɛ nu kpɛa-kpɛaɠaai tii kəlee diɛ pa diɛ nɔi mɛ̨nįɠaa hu lɛ mą, ə gɛ, nuą di hvo pa kɛ tɔɔmun ɲəi hɛnŋaa kalai.

Hebreu 1:3

Non ti ɓə a Yaa kpinįi ŋą mąąwiɛlaa too pono ŋą, bələi lɔ gaa la, bələ lɔ ɓə Non gaa la, ɛlɛɛ Naa woo ŋą hvaŋą ɓə ɉeɛ yɛnɛ̨ɛ̨ kəlee mu. Yii kɛa, ə nuą kəlee di wɔɔ nɛ̨ŋɛ̨nŋaa waa diɛ, ə tɛ ə hee Hééɓolaa ɓa-mįi-yee hu.

Zĩi 2:5

Ną́n nonnii, nwɛ́likɛmąą nuą, 'ká ká wəli tɔɔ kpɔ tai a nɛlɛɛ, kɛlɛi nuąi yeehowolo laa hu yɛnɛ̨ɛ̨ ɓɛ, diɛ ɓə Yálá ə di həɠə ɉu, ə di kɛ a hɛn gɔw nąmįną, a Yələkɔlɔn ɉu tɔɔlaa hɔlɔɓo nuą, yai ə naakwɛlanmo nwɛlikɛmąą nuą diɛ-e?

M̀ɛni-lɛɛi 1:6

ə gu kɛ a tɔɔ nu huwu, a haláá laa həli nuą kpɛa-kpɛaa a Nąn Yálá nwɔɔ, yai mąąwiɛlaa, da huwalawalalaa di kaa ɲəi a kwɛlan gəlee, ɲɛ̨n deei hvo mą. Mįiną!

M̀ɛni-lɛɛi 22:5

Kpinį hva kɛa pɛlɛ laa, di mąą kpaan və pai kɛi laa kpalan nən ma, ə mą kɛ, hvóló lən, mąąhɔlɔɓo, gu Nąmu Yálá kaa pai di mɛ̨i ponoi a ŋą kɛɛponoi, ɛlɛɛ, di kaa pai tɔɔlaa kɛi, ɲɛ̨n deei hvo mą.

M̀ɛni-lɛɛi 3:21

«Nui ɲee a tɛɛ mɛ̨nįɠaa tii ɓa, kwa yaa kwa hee tɔɔkpəlin danɔ̨n ɉu, yɛ bələi ɲą́ą́ kpɛlimąn ɲéé ə tɛɛ la mɛ̨nįɠaa tii diɛ, ɛlɛɛ, ŋį́ li, ŋį́ hee Ną́n Yálá kwɛlɛ nwɔ tɔɔkpəlin hu.

M̀ɛni-lɛɛi 5:10

Yáá di kɛ a tɔɔɓɛlaa da haláá laa həli nuą, a ku wɔ Yálái nwɔɔ. Ɛlɛɛ, di kaa pai tɔɔlaa kɛi lɔi mɛ̨i.»

Samuɛlə dɔlɔɔ 15:17

Samuɛlə yɛ mą: «Pələi mąn hvo kɛnɛ̨ li la ə́ kpɔɔ ɲɛ̨i ɓa, hvo mɔ̨ɔ̨ heeni Israɛlə nuą kəlee nwun na? Yai-Laa ə́ ə́ mąątí, ə́ ə́ kɛ a Israɛlə tɔɔmun.