Samuɛlə dɔlɔɔ 2:6 - Yálá laawoo hɛɓɛ (dc)

⁶ Yai-Laa ɓə a nu paa, Yaa lɔ ɓə a nu ɓalo, nu a yɛɛ ɲąmuątaa, nu ə kulɔ laa.

Yálá laawoo hɛɓɛ

⁶ Yai-Laa ɓə a nu paa, Yaa lɔ ɓə a nu ɓalo, nu a yɛɛ ɲąmuątaa, nu ə kulɔ laa.

Bible

⁶ Yâwɛɛ a fúlu-laa siɣe gɛ̀ pà pôlu a fúlu-laa. A núu tɛ̀ɛ saa táa, é ŋɔ́nɔ pá la pôlu fúlu-laa su.

Samuɛlə dɔlɔɔ 2:6 Iomraidhean Croise

Tɔɔɓɛlaa dɔlɔɔ 17:22

Yai-Laa ə ɲee hee Eli woo mu, nokoloi nįį ə pənə ə too ɉu, ə pənə ə kɛ a vulú.

Tɔɔɓɛlaa veelɛ 5:7

Yii lɔi Israɛlə tɔɔmun ə kpɛɛ a ɉɛɓɛ́ ɓoɔ, ə mąą həɠə hu ɓɛla, yɛ diɛ: «Akɛti Yálá ɓaa a ɲą́ą́, gɛ́ pɛli nu paai, a wala kɛ tii gɛ́ pɛli nu ɓaloi! Yai ɉulɔnui ŋɛ̨i kaa nwɔ tímun dɔɔi, yɛ kɛ ŋą́ hvólóɲɔ̨n ɉəɠə mą! Ka mɛ̨nį taaləi ŋɛ̨i kaa, ka gɔlɔn kaa diɛ, ɉulɔnui ŋɛ̨i kaa gwɛ́lii a hvaa.»

Zôo 5:18

Yálá ɓə a mɔ̨nɔ̨ laa nu mɛ̨i, yɛ ɉəɠə mɛ̨i; Yaai a kɛ hɛn dɔɔi yɛ a kɛi nwolo.

Mąątɛ̨nɛ̨ 116:3

Ɲílɛɛi kɛ a haa nwɔ yɛliɠaa, ɲąmuątaa nwɔ kpɔ̨nɔ̨ɠaai daa kɛ ɉón, liihɛlɛn, liikələn gwəi, daa kɛ hee mą́ą́.

Mąątɛ̨nɛ̨ 30:4

Yai-Laa, yáá nį́i kulɔ ɲąmuątaa yəi, yɛ́ ɓə pənə ə́ nɔ̨ɔ̨ too ɉú, ɓɛlɔwai ŋį́ kɛi yɛɛ laa kámąi.

Mąątɛ̨nɛ̨ 68:20

Mąąwiɛ ə kɛ Ną́mu ɓa, a yələ kəlee da-nwɔɔ! Ɲalái tii ɓə a gɔ́ nɛ̨ɛ̨ guɔ.

Mąątɛ̨nɛ̨ 71:20

A Yɛ́i, yáá ku ɲɛ̨ikɔw kpɔlu a mɔ̨nɔ̨ da kwəi pili mąą, ə́ kaa pai nwɔ̨nɔ̨ pənəi, ə́ hvaŋą nįnɛ̨ pu kuɔ; ə́ kaa nwɔ̨nɔ̨ pai gúlɔi ɲąmuątaa yəi lɔi mu.

Ikilisiati 3:3

Paa ɓo kɛ yələ kaa mą, pala hali kɛ yələ yɛ ɓo mą. Pɛlɛ́ woloi yələ kaa mą, pɛlɛ tɔɔi yələ yɛ ɓo mą.

Azaya 26:19

Ə́ wɔ nuąi daa haa di kaa pai pənəi di yɛnɛ̨ɛ̨ kɛ, di pɔwaɠaa kaa pai pənəi di nwun. 'Ka ka muhəɠə! 'Ka tómą a kwəinɛ̨ɛ̨! Kaai ŋɛ̨i munuun ɉu puunii! Mąąhɔlɔɓo, yɛ́ nɛ̨n-ɲái kaa a kɛɛpono nɛ̨nɲá, ɛlɛɛ, lɔi kaa pai yɛnɛ̨ɛ̨ tɛɛi haa nuą pɔ.

Izikiɛ 37:12

Yili ɓə gaa mą, gwə́i mɛ̨nį hukulɔ diɛ, yɛ́ diɛ: Mɛ̨nįi Mɛ̨nį kəlee ŋą Hééɓomun Yálá kaa moi, ya ka, yɛ diɛ: Gáá pai ka kámąɠaa laa ɓoi, ŋą́ ka kulɔ laa, kaai ɓaa nwɔ́ nuąi, gáá pai pənəi ŋą́ pa a kaa Israɛlə lɔi hu.

Izikiɛ 37:3

Nąąlɔwai, Yai-Laa yɛ mą́ą́: «Hulɔnu lon, nu kɔ́wɠaai ŋɛ̨i di nɔ̨ɔ̨ a pɛli mɔɔ tooi di hu?» Ŋą́ nwoo ɲąąpənə, gɛ́ mą: «Mɛ̨nį kəlee ŋą Hééɓomun Yálá, yɛ́ ɓə yili kpaɠala kɔ́lɔn.»

Maafîu 12:40

Mąąhɔlɔɓo, bələi lɔ Ɉonasə ə hvóló haaɓa da kpinį haaɓa kɛ la hɔ̨nwɔ̨lee kwəi, gboloyá hu, bələ lɔ ɓə Nu Lon gaa pai hvóló haaɓa da kpinį haaɓa kɛi la kámą hu.

Ɉaan 11:25

Jesus ə mo Martə ɓa yɛ mą: «Ɲą́ą́ ɓə gáá a haaɓɛlaa muhəɠə mɛ̨nį, ə lɛɛ, gɛ́ ɓo a yɛnɛ̨ɛ̨ kpɛɛ hvo mą. Nui a laa na, ə mą haa, a pənə ə kɛ a vulu.

Dutɛrɔnome 32:39

Ka ka ɲɛ̨i hee kani, yiihu, ɲą́ą́ lɔ ɓə, ɲą́ą́ dɔ̨nɔ̨ gbən nɔ ɓə, kwa hɛn da ku hvo kpɔn ni ma. Ɲą́ą́ ɓə ŋą́ nu paa, Ɲą́ą́ ɓə ŋą́ nu lɛɛ yɛnɛ̨ɛ̨. Ŋą́ nwolo, ɲą́ą́ ɓə ŋą́ dɔɔ; Nu hvo mą, yii a gulɔ ɲə́i.

M̀ɛni-lɛɛi 1:18

Ɛlɛɛ, a Vúlúmąą; ŋą́ wɔlɔ haa, kɛlaa yiihu, 'ɓɛ káá, gáá kɛa a vúlú a yələ kəlee da nwɔɔ, ɛlɛɛ, ɲą́ą́ ɓə haa ŋą kpon gwɛliɠaa kaa ɲə́i, ɛlɛɛ da ɲąmuątaa.

Samuɛlə dɔlɔɔ 20:3

Davidə ə gwɛla ma, yɛ mą: «Ə́ nąn gili kaa ɉu, yɛ gwa yɛ́ gu nɛɛi. Gaa giliŋąhiɛ yɛ kɛ diɛ: ‹Maa hvo nɛ̨ɛ̨li Ɉonatan gili hvo pu ɉu; a nee ɉukulɔ Davidə ɓa.› Kɛlaa, gáá gwɛlai a Yai-Laa laa, da ə́ wɔ yii yɛnɛ̨ɛ̨ kpɔ-kpɔ, ɉáá mɛ̨nį mąą hvo kwɛa li mą́ą́ kpɛli tiikpə.»