Samuɛlə dɔlɔɔ 2:2 - Yálá laawoo hɛɓɛ (dc)

² Gbɛɛ ɓə nwɔ mąąhəɠə laa kaa yɛ Yai-Laa? Da hvo laa, ə kulɔ Yɛ́ tanɔ̨n gbən ə́ pulu. Nu mąąkɔ̨nwɔ̨ kwɛni ta hvo laa, nwalawala yɛ həli ku wɔ Yálái pɔ.

Yálá laawoo hɛɓɛ

² Gbɛɛ ɓə nwɔ mąąhəɠə laa kaa yɛ Yai-Laa? Da hvo laa, ə kulɔ Yɛ́ tanɔ̨n gbən ə́ pulu. Nu mąąkɔ̨nwɔ̨ kwɛni ta hvo laa, nwalawala yɛ həli ku wɔ Yálái pɔ.

Bible

² “Sɛŋ da fé naa maa waa yɛ̂ɛ Yâwɛɛ. Sɛŋ da fé naa é kúla bôlu. Kɔni da fé naa é kpanaŋ yɛ̂ɛ ǹyaa.

Samuɛlə dɔlɔɔ 2:2 Iomraidhean Croise

Samia Veerɛi 22:3

Nwɔ́ Yálá kaa a kwɛnii ŋą́ mą́ą́kilɛ bulu. Gaa a nwɔ́ hə́mə́, yɛ ɓo a nwɔ́ yee tɛɛ mąą kwɛli hɛn. Gaa a nwɔ́ taa walawala yii ŋą́ mą́ą́kilɛ ɉu. Málomun ni, nwún mąąɓomun ni. Ya ɓə a gúlɔ toomɛ̨i kɛ nuą yee mu.

Samia Veerɛi 22:32

Gbɛɛ ɓə gaa a Yálá, akɛ Yai-Laa hvəi? Gbɛɛ ɓə gaa a kwɛni, akɛ kuɔ Yálái hvəi?

Samia Veerɛi 7:22

A tɛ̨ą ə́ kɛnɛ̨i, Ną́mu Yálá. Ə́ ɲɔ̨nwɔ̨mąn və laa, ɛlɛɛ, Yálá takpɛli hvo laa ə kulɔ ə́ pulu; yɛ bələi kpɔlɔ ə too la ku wəlii.

Tɔɔɓɛlaa dɔlɔɔ 8:23

yɛ diɛ: «Yai-Laa Israɛlə nwɔ Yálá, Yálá ta hvo laa, ka Yáá ka pɛliɛ, ə mą kɛ yələi, yələkɔlɔn ɉu ɓə, da lɔi mɛ̨i, yɛ pɛli mįnɛ̨i da nwɔ nuą di ɉəɠə, naahɔn moi yɛ gili kɛ di hu a wɛlikɛmąąlaa, ɓɛlɔwai da hiɛ la a ɉaŋąą ə́ ɲɛ̨i ɓa.

Mąątɛ̨nɛ̨ 111:9

Ə nwɔ nu huwui hvoloon na ɓo, ə nwɔ mįnɛ̨i laa di nwuɔ̨ a yələ kəlee mɛ̨nį; naa mąąhəɠɛɛi, mąą ɲɔwuɔ.

Mąątɛ̨nɛ̨ 18:2

Yɛ diɛ: Ə́ wɛli kaa mą́ą́ Yai-Laa, yɛ́i a nwɔ́ huwalawala.

Mąątɛ̨nɛ̨ 18:31

Mąą kulɔ hvo Yálá nwɔ pələi ɓa, Yai-Laa woo hu pɔ̨nɔ̨ɔ̨i. Nuąi kpɔ da di mąąkilɛ vaŋąn mu, gaa a di mąąkpɛ gbala.

Mąątɛ̨nɛ̨ 71:19

Ə́ wɔ tələnmolaa kɛnɛ̨ pələ hvo a yola, nwɔ́ Yálá! Yɛ́i ya mɛ̨nį ɲɛ̨ikɛnɛ̨ɠaa kɛ! Yálá, gbɛɛ kpɔɔ ɓə ka yaa ka pɛliɛ tii-yoo?

Mąątɛ̨nɛ̨ 71:3

'Kɛ́ a mą́ą́kilɛi kwɛni, a ɓɛi ŋą́ nóó laa a yələ kəlee; Ə́ naa ə́ kwəi yɛ́ ə́ kaa máloi, mą́ą́kɔ̨nwɔ̨ kwɛni ɓaa a yɛ́, da mą́ą́kpɛ hįi.

Mąątɛ̨nɛ̨ 73:25

Gbɛɛ takpɛli ɓə ɲə́i yələi pələ, ə kulɔ ə́ pulu? Ŋą́ kɛ ə́ yəi yɛnɛ̨ɛ̨ ɓɛi, lə kpɔ ɓə mąą kąnąn a hee mą́ą́?

Mąątɛ̨nɛ̨ 86:8

Nwɔ́ mɛ̨nį Nąmu, yáláɠaa lɔwai, nɛlɛ kpɔ kpɔɔ ɓə gulaa yɛ́, Yálá! Ə́ kɛ mɛ̨nįɠaa, gɔɔn mąą hvo laa.

Mąątɛ̨nɛ̨ 89:6

Yai-Laa, yələkɔlɔn ə Ə́ hɛɠɛɛɓo, mɛ̨nį ɲɛ̨i kɛnɛ̨ɛ̨i tii mąą mɛ̨nį ɓa; nu mąąhəɠɛɛɠaa di wɔ ɲąąkpɔn ɉu, di ə́ wɔ tɛ̨ą mɛ̨nį hukulɔ.

Mąątɛ̨nɛ̨ 89:8

Nu mąąhəɠɛɛɠaa di wɔ ɲąąkpɔn hu, da ɲɔw Yálá ɓa diɛ nwumɛ̨ mą, ɲɛ̨i mąą ɲɔwuɔi dɛɛ hɛn kpɔ gwɛlɛ gəlee diɛ.

Mąątɛ̨nɛ̨ 99:3

Gəlee di ə laa mąąwiɛ kan, a Ə́ laa gɛnɛ̨ɛ̨, Mąąɲɔwuɔ, Mąąhəɠɛɛ.

Mąątɛ̨nɛ̨ 99:5

'Ka Yai-Laa, gu wɔ Yálái laa tɛ. 'Ka kwɛli hvilɛn mą, nwɔ kpəlin liila. Mąąhəɠɛɛi

Mąątɛ̨nɛ̨ 99:9

'Ka Yai-Laai gu wɔ Yálái laa tɛ. 'Ka kwɛli hvilɛn nwɔ yee mąąhəɠɛɛi pɔ pələ, mąąhɔlɔɓo, Yai-Laa, gu wɔ Yálái Mąąhəɠɛɛi!

Lɛɛ gbɔwɔ ɓa 15:11

Yai-Laa, yáláɠaa lɔwai gbɛɛ gaa yɛ Yɛ́? Gbɛɛ ɓə gaa yɛ Yɛ́ mąąhəɠəlaa hu! Gɛ mɛ̨nįɠaa kɛnɛ̨ pələ mąąɲɔwuɔi, yɛ pɛli kwɛlɛɛn mɛ̨nįɠaa kɛi?

Azaya 40:18

Ka pɛli Yálá kɔ́ɔn ɉi gbɛɛ ɓa, gulɔ mąą hɛn nɛlɛ ɓə ka pɛli dɔɔi gwɛlɛ?

Azaya 44:6

Israɛlə nwɔ Mɛ̨nį Kəlee ŋą Hééɓomun Yai-Laa, woo ka, yai a Israɛlə nwun mąąɓomun, Yai-Laa, huwalawala kəlee Nąmu, yɛ diɛ: ɲą́ą́ ɓə a dɔlɔɔ, ɲą́ą́ ɓə a ɲąąkpɛɛi, ə kulɔ ɲą́ą́ búlu, yálá takpɛli hvo laa.

Azaya 44:8

'Ka mąą hvo kpɛlin, 'ka hvo ɲɔw! Kɛlɛi ɉu aa kwɛa, ŋą́ą́ mo kaa, gɛ́ ɉu pɔ̨nɔ̨ a kaa, Ka hvo mɔ̨ɔ̨ kɛa a nwɔ́ kɛlaɠaa? Yálá takpɛli kaa mɔ̨ɔ̨ laa, ə kulɔ Ɲą́ą́ búlú? Gíli kaa kpɔ ɉu, gɛ́ Kwɛni takpɛli hvo laa, Və́ dakpɛli kɔlɔn.

Azaya 57:15

Mąąhɔlɔɓo, nui kpɔ gaa yələi kwɛala, mɛ̨nįi gaa moi ya ka, yai gaa laa a yələ kəlee, ɛlɛɛ naa kaa a mąąhəɠɛɛ. Gáá yələi kwɛaala, mą́ą́həɠɛɛ, ŋą́ ɓo lɔ nwɔ̨nɔ̨ a nui daa hee mɛ̨i, dɔɔ bulu, yai a kɛ giliɲąhiɛi, yɛ kɛ daa mɛlɛ kpɛɛ mą, nuąi yiiɠaai di kaa di nwumɛ̨i, gɛ́ di hvąŋąlɔ, nuąi daa di lii yali di kwəi, gɛ́ di nįįlɔ.

Azaya 6:3

Di kɛi pələ pili di kee ɓa, diɛ kɛ mą: «Yai-Laa Mɛ̨nį Kəlee ŋą Hééɓomun, ə́ mąąhəɠɛɛi, ə́ mąąhəɠɛɛi, ə́ mąąhəɠɛɛi, ə́ wɔ mąąwiɛ aa lɔi mɛ̨i nąą kəlee laahvɛɛ!»

Ɉeremi 10:6

Yai-Laa! Nu ta hvo laa gulaa yɛ́! Ə́ kɛnɛ̨i, ə́ laa kɛnɛ̨i, Ə́ kɛ mɛ̨nį ɲɛ̨i kɛnɛ̨ɠaai ə́ di kɛ, mąą mɛ̨nį ɓa.

Levetekɔ 11:44

Mąąhɔlɔɓo, ɲą́ą́ ɓə a Yai-Laa ka wɔ Yálá, mąąnɛ̨ɛ̨ ka ka kpɔwɔ mąąhəɠə, mąąhɔlɔɓo, mą́ą́həɠɛɛi. Ka hvo ka mąąliɓi a ɉuwɔ pɛlɛɛɠaai tii da tala lɔi mɛ̨i.

Levetekɔ 11:45

Mąąhɔlɔɓo, ɲą́ą́ Yai-Laa, ɲą́ą́ ɓə ka kulɔ Eziptə lɔi hu, ə gɛ, ŋį́ kɛ a ka wɔ Yálá; mąąnɛ̨ɛ̨ ka mąą ə həɠə, mąąhɔlɔɓo, mą́ą́həɠɛɛi.»

Levetekɔ 19:2

«'Mo Israɛlə lonnii diɛ, yɛ diɛ: Ɲą́ą́ Yálá mą́ą́ həɠɛɛi, kaa kpɛli mąn, ka mąą ə həɠə tii.

Lomaŋ 15:4

Yaan mɛ̨nįɠaai kpɔ bɛ̨ɛ̨ Yálá lawoo hɛɓɛ́ hu, di gəlee pɛ̨ɛ̨ gu mąąkwɛli mɛ̨nį ɓa. Ya ɓə a gɛ, liikpələ da hvaŋąlɔi Yálá lawoo a dɛɛ gu pɔ ɉaalai, gu kilitɔɔmąąlaa hɔlɔɓo.

Lomaŋ 4:8

Nui Nąmu aa lɛ̨ą nwɔ nɛ̨ŋɛ̨nŋaa diɛ, nwun na nɛ̨ɛ̨ ɓə.»

Dutɛrɔnome 3:24

«Yai-Laa yáá gɔwɔ tɔɔ yɛ́ ə́ kɛnɛ̨ pələ da ə́ yee wala wala pələ lɛ ə́ wɔ tímun ɓa. Yálá ta kaa mɔ̨ɔ̨ yələi da lɔi mɛ̨i, gɛ mɛ̨nįɠaa da nwɔ heeɓolaa diɛ həli Ə́ pɔ?

Dutɛrɔnome 32:20

Ə mo kɛa yɛ kɛ diɛ: «A yiiɠaai-yoo! Nu hva pɛli ə́ kilitɔɔi diɛ! Mąąwiɛ laa hvo di yəi! Gáá ɲɛ̨i lɛlɛɛ həɠəi diɛ, kɛlaa di wɔ yɛnɛ̨ɛ̨ kaa pai kɛi ləi tɔwɔ pələ?

Dutɛrɔnome 32:39

Ka ka ɲɛ̨i hee kani, yiihu, ɲą́ą́ lɔ ɓə, ɲą́ą́ dɔ̨nɔ̨ gbən nɔ ɓə, kwa hɛn da ku hvo kpɔn ni ma. Ɲą́ą́ ɓə ŋą́ nu paa, Ɲą́ą́ ɓə ŋą́ nu lɛɛ yɛnɛ̨ɛ̨. Ŋą́ nwolo, ɲą́ą́ ɓə ŋą́ dɔɔ; Nu hvo mą, yii a gulɔ ɲə́i.

Dutɛrɔnome 32:4

Yaa ɓə gaa a gu mąą kɔ́nwɔ̨ kwɛni kpuwulu. Mąą kulɔ hvo gɛ mɛ̨nį ta ɓa, nwɔ pələɠaa kəlee haŋąąi. Gaa a Yálái a kulɔ nwoo ɓa. Hvulu mɛ̨nį hvo ɲee pɔ. Dələnmoɔ, ɉaŋąą.

Dutɛrɔnome 4:35

Ka wɛi, ka mąąnɛ̨ɛ̨ ka gɔlɔn kaa diɛ: Yai-Laa ɓə gaa a Yálá, yálá takpɛli hvo tɛɛ li yaa tii mą.

Dutɛrɔnome 4:39

Kaa kpinįi ka mɛ̨nįɠaa tii hukpɛ kɛa háákələi ka kwəi, ka gbaɠala kaa, kaa diɛ: Yai-Laa ɓə gaa a Yálá yələkɔlɔn ɉu, ə mą kɛ lɔi mɛ̨i, yɛnɛ̨ɛ̨ ɓɛ, dakpɛli hvo laa Yaa bulu.

Piɛrə dɔlɔɔ 1:16

hvo gaai, bɛ̨ɛ̨i yɛ mą: Mą́ą́həɠɛɛi, káá kpɛlimąn, ká mąą ə həɠə tii…