Samuɛlə dɔlɔɔ 2:10 - Yálá laawoo hɛɓɛ (dc)

¹⁰ Yai-Laa ɲowoɠaa hu kaa pai yalii. Gaa pai lɛɛi yələkɔlɔn ɉu yɛ nwɔ yələgbąnąą ɓɛla di mɛ̨i. Yai-Laa kaa pai lɔi pilɛɛ gee mɛ̨i kiti teei, gaa pai heeɓo laa tɛɛi nwɔ tɔɔmun bɔ. Nui a dɔɔi, ə́ mąątí a dɔɔ wulɔ, yɛ ɲɛ̨i pɔ̨nɔ̨.

Yálá laawoo hɛɓɛ

¹⁰ Yai-Laa ɲowoɠaa hu kaa pai yalii. Gaa pai lɛɛi yələkɔlɔn ɉu yɛ nwɔ yələgbąnąą ɓɛla di mɛ̨i. Yai-Laa kaa pai lɔi pilɛɛ gee mɛ̨i kiti teei, gaa pai heeɓo laa tɛɛi nwɔ tɔɔmun bɔ. Nui a dɔɔi, ə́ mąątí a dɔɔ wulɔ, yɛ ɲɛ̨i pɔ̨nɔ̨.

Bible

¹⁰ Yâwɛɛ a pâi ŋɔkpɔara-ƃelai su karâi. A pâi dísu karâi a ɣele gbâna ŋɔŋ. A pâi pâi a mɛni ŋá téɛɛ ŋ̀éniɛi gwaa kélee. A pâi wála-wala da kponoi-kpanaŋ tɛɛ̂i ŋɔwɛli kɛ́-maa-ƃelai pɔ́.”

Samuɛlə dɔlɔɔ 2:10 Iomraidhean Croise

Samia Veerɛi 22:14

Yai-Laa a tomą yələkɔlɔn ɉu, yɛ yələgbąnąąn, Hɛn Gəlee Nwun Mɛi Yálá woo kaa tɔɔi.

Samia Veerɛi 7:13

Ə́ lon tii ɓə pai pɛlɛ tɔɔi mą́ą́, ɲą́ą́n, ŋį́ nwɔ heeɓolaa kɔ́wɔ hvilɛn gbɔ tin-tin a yələ kəlee mɛ̨nį.

Samia Veerɛi 7:8

«Yiihu ŋɛ̨i, mɛ̨nįi ə́ kaa lii moi nwɔ tímun Davidə ɓa, ya ka; yá kɛ mą: Yai-Laa Mɛ̨nį Kəlee ŋą Hééɓomun woo ka, yɛ diɛ: Ɲą́ą́ ɓə ə́ həɠə taatɛlɛɛɠaa pulu lɔwɛi, ŋą́ ə́ hee nwɔ́ nu huwui Israɛlə nwun na.

Zôo 40:9

Huwalawala kaa ə́ yəi yɛ Yálá? Ə́ woo kaa yɛ yələ gbąląąn yɛ nwɛ́i.

Mąątɛ̨nɛ̨ 132:17

Gáá pai Davidə huwu hvaŋą tɛi ɓɛ Siɔn, ɛlɛɛ, nui ŋɛ̨i ŋą́ ɉəɠə ɉu, ŋą́ nwɔ nwɔ̨n ɲąątɛ yɛ lən.

Mąątɛ̨nɛ̨ 148:14

Aa nwɔ nu huwui hvaŋą tɛ, aa ɲɛ̨i pɔ̨nɔ̨, ɲee pɔnuą kəlee nwun muhəɠə mɛ̨nį li, diɛi ɓaa a Israɛlə lonnii, a nu huwui tii nɛɠɛɛ mą. 'Kánikookwəi!

Mąątɛ̨nɛ̨ 2:2

Yɛnɛ̨ɛ̨ tɔɔɓɛlaa daa di muhəɠə a kɔ́, lɔi ɲɛ̨itɔwɔ nuą diɛ nwun dɔɔ ɲɔ̨nwɔ̨ɔ̨ kɛ, a Yai-Laa da nui ə dɔɔwulɔ hiɛ mą, di laa.

Mąątɛ̨nɛ̨ 2:6

«Ɲą́ą́ ɓə nwɔ́ tɔɔmun hee Siɔn yee nwuɔ̨, yai a nwɔ́ yee mąąhəɠɛɛi.»

Mąątɛ̨nɛ̨ 2:9

Ə́ kaa pai di kɛlɛi a kwɛli hvaɠa, yɛ́ di wolo yɛ ləɠi tɔɔ mun a kɛi nwɔ ləɠi wolo.»

Mąątɛ̨nɛ̨ 20:6

Akɛtii kwa yɛ́ yeetɛɛmąąlaa mąą kwəinɛ̨ɛ̨ kulɔ. Kuɔ kɛa ɉilɛyili tɛ ɲələi ku wɔ Yálái laa hu. Gɛ́, mɛ̨nįi ə́ kaa vɛlii, Yai-Laa ə gəlee kɛ yɛ́!

Mąątɛ̨nɛ̨ 20:7

Yiihu kɛa, gíli kaa ɉu gɛ́: Yai-Laa a yeetɛɛmąąlaa tɛɛ nwɔ nui ə dɔɔ wulɔ lɔ mą, bɔ, a lɛɛ nwɔ pɛlɛ́ mąąhəɠɛɛi mu yələkɔlɔn ɉu, ə nwoo mu hon, a gulɔi a mo ɉu a mamįiyee.

Mąątɛ̨nɛ̨ 21:1

Nwələ ɲɛ̨i tɔwɔmun. Davidə nwɔ wələ.

Mąątɛ̨nɛ̨ 28:8

Yai-Laa ɓə a nwɔ nu huwui di wɔ huwalawala, a nui ə ɉəɠə ɉu, mąąkpɛ taa wala wala.

Mąątɛ̨nɛ̨ 45:7

Ee kə Yálá! Yɛ́i yɛ́ Heeɓolaa kpɛlai hvo mą, yɛ́ tɔɔ-hvilii, tələnmo hvili li!

Mąątɛ̨nɛ̨ 89:17

A tɛ̨ą, di kaa pai kɛi túwɔ́i mąną kaai ə́ laa hu, di ɲɛ̨i yɛ pɔ̨nɔ̨, ə́ haŋą pələ ɓa.

Mąątɛ̨nɛ̨ 89:24

Mąąhɔlɔɓo, gáá pai ɲowoɠaa hu taɠai dɔwɔ, nuąi da wɛlikpɛɛmąąlaa kulɔ la, gɛ́ di kɛlɛ.

Mąątɛ̨nɛ̨ 89:25

Nwɔ́ tɛ̨ą mɛ̨nį da nwɔ́ kulɔ nwooɓalaa da kɛ gwɛlɛ, yɛ nwun muhəɠə náá hu.

Mąątɛ̨nɛ̨ 96:13

'ka gɛ tii Yai-Laa tɔwɔ, mąąhɔlɔɓo, gaa pai, gaa pai lɔi ɲąąwooɓoi. Gaa pai yɛnɛ̨ɛ̨ ɲąąwooɓoi a tələnmolaa, da nu huwuɠaa, yɛ bələi ɉąŋąąi la.

Mąątɛ̨nɛ̨ 98:9

'Ka gɛ tii Yai-Laa tɔwɔ, mąąhɔlɔɓo, gaa pai lɔi kiti teei, gaa pai yɛnɛ̨ɛ̨ kiti teei a tələnmolaa, ə mą kɛ nu huwuɠaa.

Lɛɛ gbɔwɔ ɓa 15:6

Ee! Yai-Laa Ə́ ɓa-mįi-yee aa gbɔwɔ lɛ a huwalawala laa, Yai-Laa Ə́ ɓa-mįi-yee aa Ə́ yowoɠaa hu wolo.

Ikilisiati 11:9

Yɛ́i a nunwunu, ə́ wɔ nunwunulaa ɲąąnɛ̨ɛ̨ kulɔ, ə́ ɲąąnɛ̨ɛ̨ kulɔ nąąlɔwai. Yii kpɔ a nɛ̨ɛ̨ yɛ́, gɛ. Yii yá gaa a nɛlɛɛ, yili kɛ. Kɛlaa, ə́ kili lɛɛ ɉu a nɛlɛɛ, yɛ́ kɛ: Yálá kaa pai ə́ kɛ mɛ̨nįɠaa tii kəlee kiti teei.

Ikilisiati 12:14

Yálá kaa tínąą nu kəlee da di kwɛlanmo Yálá ɓa; yii kpɔ hvilɛn na nu kɛ mɛ̨nįɠaa diɛ, ə kɛ a nɛlɛɛ, ə kɛ a ɲɔ̨nwɔ̨ɔ̨, ə mą kɛ, yiiɠaai di gɛ loo hu, da tínąą gəlee gwɛlanmo kɛ Yálá ɓa.

Azaya 29:6

Yai-Laa Mɛ̨nį Kəlee ŋą Hééɓomun, kaa pai woloi lɔ yɛ́ kpulu, yələgbąnąą hu, lɔi kpɛlinŋąą hu, tin gɛnɛ̨ɛ hu, hvaŋą kɛnɛ̨ɛ̨ hu, a tulɔ hvaŋą kɛnɛ̨, da kɛɛ kala nwɔ̨n nən ɉu.

Azaya 32:1

A kɛ tii tɔɔmun gaa pai kɛi dɔɔlaa kɛi a tələnmolaa, nɔi ɲɛ̨i tɔwɔ nuą diɛ nɔi ɲąąwooɓo a tɛ̨ą pələ.

Azaya 45:24

Yɛ kɛ diɛ: Yai-Laa, yaa tanɔ̨n gbən, ɲəi ɲą lɔ ɓə, tələnmolaa, da huwalawalalaa, da kulɔ laa.» Nuąi kpɔ da di kwɛli tee mą, di kaa pai pɛ̨nɛ̨i diɛ pa bɔ.

Izikiɛ 29:21

«A mąą yələ, ŋą́ Israɛlə nwɔ pɛlɛ́i vąŋąn ta pɛlɛ mą; ɛlɛɛ, ə mą kɛ yɛ́, hulɔnu lon, gáá pai gɛi yɛ́ pɛli mɛ̨nį ɓoi diɛ, di lɔwai. A mąą yələ, da gili kɔ́lɔ, diɛ kɛ Yai-Laa ɓaa a ɲą́ą́.»

Maafîu 25:34

Nąąlɔwai, tɔɔmun a mo mamįiyee hu nuą diɛ yɛ diɛ: ‹Kaa yiiɠaai a Ną́n nwɔ lúwɔ́ lonnii, ka pa ka lɔ nwɔ tɔɔlaai hu, ɓɛi aa kɛ nąą pɛli ka mąą mɛ̨nį ɓa gɛɛ yɛnɛ̨ɛ̨ kɔ́wɔ hvo tɔɔ.

Maafîu 28:18

Jesus ə lɛɠɛ diɛ yɛ diɛ: «Daa hééɓolaa kəlee tɛɛ bɔ́ yələkɔlɔn ɉu ə mą kɛ lɔi mɛ̨i.

Lukə 1:69

Aa Nwun mąąɓomun nwala-walaa tɛɛ ku pɔ, nwɔ kɛla, tɔɔmun Davidə huwu hu mun da.

Lukə 19:27

Yii ɓaa nuą tii kɛ diɛ, di hvo nwɔ́ tɔɔlaa pɔi, ka pa a diɛ ɓɛ, ka di paa ɲɛ̨́i ɓa.›»

Gɛlaɠaa 10:38

Jesus ti həɠə Nazarɛtə, bələi Yálá ə ɉəɠə la ɉu ə maati a Kili-Mąąhəɠɛɛ da huwalawalalaa, ə tɛɛ kɛɛ nąą kəlee ɓa, yɛ mɛ̨inɛ̨ɛ̨ kɛ, nuąi kpɔ kɛ nąnį yee kɔnma yɛ di ɓalo, mąąhɔlɔɓo, Yálá ə kɛ bɔ.

Gɛlaɠaa 4:27

«Mąąhɔlɔɓo, gaa a tɛ̨ą, Herodə da Pɔnsə Pilatə di di yee lɔ gee hu ɓɛ daai, da nwea, ə mą kɛ da Israɛlə nu huwu, ə gɛ, di kɔ́ pɛlɛ Yálá nwɔ tímun Jesus ɓa, yaai Yálá ə ɉəɠə ɉu ə gɛ a nuą Nwun mąąɓomun.

Korɛntə veelɛ 5:10

Mąąhɔlɔɓo, hvo kɛli gu kəlee gu tɔɔ Kristə ŋą kitii lííla, ə gɛ, mɛ̨nįi nu tɛitɛi ə gɛ nwɔ yɛnɛ̨ɛ̨ yee mu, yɛ ə kɛ a nɛlɛɛ, yɛ ə kɛ a ɲɔ̨nwɔ̨ɔ̨, yɛ mąą hvɛla hɔlɔɓo.

Nwun mąąɓo 5:31

«Yai-Laa, pələ ɓə ə́ yowoɠaa kəlee nwun na a pili la, Kɛlaa, ə́ wɛlikɛmąą nuą, da lən yɛ hvóló a tɛ nwun ma.» Bələ ɓə Israɛlə lonnii di líilaa hɔlɔɓo la, kwɛlan bow nąąn ɲee mu.

Samuɛlə dɔlɔɔ 12:13

Yili ɓa, yiihu, tɔɔmun ka vɛli a ka liiɓa, yaai ka ɉəɠə a ka liiɓa, ya ka. Yai-Laa aa tɔɔmun dɛɛ ka pɔ.

Samuɛlə dɔlɔɔ 12:17

Kɛlɛi mɔ̨nun deei lɔwai ka kɛa-e, gáá Yai-Laa hvɛlii, yələgbąnąą tulɔ ə pu, mɛ̨nį ɲɔ̨nwɔ̨ɔ̨i ka gɛ, ka a gɛnɛ̨ pələ kaa, gɛ mɛ̨nį ka tɔɔmun vɛli yɛ hee ka nwun mɛ̨i.»

Samuɛlə dɔlɔɔ 12:18

Samuɛlə ə Yai-Laa hvɛli. Yai-Laa ə yələgbąnąą tulɔ pu, a mąą yələi tii. Nɔi lonnii kəlee di ɲɔw Yai-Laa da Samuɛlə diɛ.

Samuɛlə dɔlɔɔ 12:3

Ɲą́ą́ ka tɔɔni ka lííla Yai-Laa ɲɛ̨i ɓa da nwɔ nui ə ɉəɠə ɉu, nui ɉɔ́n gaa gwəi, ə mo. Gbɛɛ ɓə ŋą́ Nįŋɛ̨ ɲəi? Gbɛɛ ɓə ŋą́ hoohvaalən ɉəɠə ɲəi? Gbɛɛ ɓə ŋą́ ɲéé pənə ɉu? Gbɛɛ ɓə ŋą́ too mɛ̨i hɛn ɉəɠə ɲəi? Gbɛɛ ɓə ŋą́ wali həɠə ɲəi a gili ŋapɛlɛ pələ? Nui ŋą́ yili kɛ la, mąą nu ə hvaa, ŋą́ pənə ŋą́ dɛɛ bɔ.»

Samuɛlə dɔlɔɔ 15:28

Samuɛlə yɛ Saulə ɓa: «Yai-Laa aa ə́ wɔɔ naa tee Israɛlə tɔɔlaa ɓa háákələi, aa dɔɔlaa tɛɛ nu takpɛli pɔ, yii viɛlaɓoɔ yɛ́.

Samuɛlə dɔlɔɔ 16:1

Yai-Laa yɛ Samuɛlə ɓa: «Ə kaa pai lɛɛi Saulə mąą wɔlɔ ɓoi, ə lɛɛ la ɉu mįnɛ̨ lɔwai? Ɲą́ą́ gbinįi ɓə nɛɛ laa, hvo kɛa a Israɛlə tɔɔmun. Ə́ wɔ huwɔ mįnɛ̨i həɠə, ə́ wulɔ pu vɛɛ. Gáá ə́ tɔɔi Ɉɛse pɔɔli, yai gaa a Bɛtleɛmə daai mun; mąąhɔlɔɓo, nonnii lɔwai, ŋą́ą́ da kaa laa, yii mąąnɛ̨ɛ̨ ŋą́ gɛ a tɔɔmun.»

Samuɛlə dɔlɔɔ 7:10

Ɓɛlɔwai Samuɛlə ə kɛi gwɛli hvilɛn ɉaláái tii kulɔ la, Filisti nuą, di kɛi kɛa pa kɔ́ pɛlɛi Israɛlə nuą diɛ, kɛlaa, volói tii Yai-Laa ə nwɔ yələgbąnąąn ɓɛla Filisti nuą mɛ̨i a nwoo kɛnɛ̨, ə ɲɔw too di hu, gɔ́ ə kala diɛ, ə nɛ̨ɛ̨ Israɛlə ɓa.