Samuɛlə dɔlɔɔ 2:1 - Yálá laawoo hɛɓɛ (dc)

¹ Anə ə Yálá hvɛli yɛ mą: Yai-Laa nwɔ lúwɔ́ haalai, gwə́inɛ̨ɛ̨i; Yai-Laa nwɔ lúwɔ́ haalai, ŋą́ą́ nwún muhəɠə, Gɛ́ pɛli yɛ́lɛ́i ɲówoɠaa diɛ. Gwə́inɛ̨ɛ̨i! Yálá aa kpɔnmąą tɛɛ bɔ́.

Yálá laawoo hɛɓɛ

¹ Anə ə Yálá hvɛli yɛ mą: Yai-Laa nwɔ lúwɔ́ haalai, gwə́inɛ̨ɛ̨i; Yai-Laa nwɔ lúwɔ́ haalai, ŋą́ą́ nwún muhəɠə, Gɛ́ pɛli yɛ́lɛ́i ɲówoɠaa diɛ. Gwə́inɛ̨ɛ̨i! Yálá aa kpɔnmąą tɛɛ bɔ́.

Bible

¹ Ana è Ɣâla láa maa tɛ̀ ǹyɛɛi, “Ńii nɛ̃ɛ̂i Ɣâla Yâwɛɛ sârai. A ŋuŋ ma ƃô tɛ̀ɛ ḿbɔ. Mɛni ma ŋa pɔri lii-nɛ̃ɛ kulâi, ŋá ɣɛ́lɛ ŋ́gbɔara-ƃelai dîa.

Samuɛlə dɔlɔɔ 2:1 Iomraidhean Croise

Kɔlɔnikɔ Veerɛi 20:27

Ɉuda nuą, Ɉerusalɛmə nuą Ɉosafatə ə ɓo di nwun na, di di pulu pənə, diɛ li Ɉerusalɛmə daai a kwəinɛ̨ɛ̨, mąąhɔlɔɓo, Yai-Laa ə kwəinɛ̨ɛ̨ tɛɛ di pɔ, di yowoɠaa mɛ̨i.

Nehemi 11:17

Matania nąn mąą: Mika, yili nwɔ nąn mąą: Ɉavdi, yili nwɔ nąn mąą: Asafə yaai nwələ toɔ mąą la tɛɛ kɛ bɔ, Matania ɓə vɛli ɓo woo ɓoɔ kɔ́wɔ tɔɔ nąąlɔwai; da Matania nəɠə Bakbukia, da Samua lon Avda, yai kɛ a Galalə lon, a Yedutun lon.

Zôo 16:15

Ŋą́ą́ mąąwɛli həɠə too gwáną. Aa nwɔ́ huwalawala too pɔlɔ hu.

Mąątɛ̨nɛ̨ 118:14

«Ya ɓə gaa a nwɔ́ huwalawala, da nwɔ́ kɔ́ wələ! Yaa lɔ ɓə a málomun!»

Mąątɛ̨nɛ̨ 13:5

Ɲówó hvo pa nəi kɛ diɛ: «Ɲéé aa tɛɛ mą», ɛlɛɛ ɲówóɠaa diɛ kɛa kwəinɛ̨ɛ̨ kulɔ, dóó mɛ̨nį hu.

Mąątɛ̨nɛ̨ 148:14

Aa nwɔ nu huwui hvaŋą tɛ, aa ɲɛ̨i pɔ̨nɔ̨, ɲee pɔnuą kəlee nwun muhəɠə mɛ̨nį li, diɛi ɓaa a Israɛlə lonnii, a nu huwui tii nɛɠɛɛ mą. 'Kánikookwəi!

Mąątɛ̨nɛ̨ 18:2

Yɛ diɛ: Ə́ wɛli kaa mą́ą́ Yai-Laa, yɛ́i a nwɔ́ huwalawala.

Mąątɛ̨nɛ̨ 20:5

Hɛn kpɔ ə́ kaa bɔ, ə dɛɛ ə́ pɔ, ə ə́ kɛ mɛ̨nįɠaa kəlee hu nɛ̨ɛ̨.

Mąątɛ̨nɛ̨ 21:2

Yai-Laa, tɔɔmun a kwəinɛ̨ɛ̨ hɔlɔɓo ə́ hvąŋąn mu. Ee kə! Gɔ́ nɛ̨ɛ̨ mɛ̨nį yɛ́ aa gwə́inɛ̨ɛ̨ kɛnɛ̨ ee!

Mąątɛ̨nɛ̨ 35:9

Nąąlɔwai, gáá pai pilii yələi a kwənɛ̨ɛ̨, Yai-Laa laa hu, gɛ́ mąną a kwəinɛ̨ɛ̨ málo mɛ̨nį ɓa.

Mąątɛ̨nɛ̨ 51:15

Ŋą́ yɛ́ pələi lɛ hɔn ɲɔ̨n gɛ nuą diɛ, nɛ̨ŋɛ̨n ɉəɠə nuą diɛ pɛli pənəi, diɛ pa ə́ pɔ.

Mąątɛ̨nɛ̨ 71:8

Ə́ mąątɛ̨nɛ̨ woo lɔ ɓə ná, gɛ́ túwɔ ə́ mąąwiɛ mɛ̨ni noloɓoi a yələ kəlee.

Mąątɛ̨nɛ̨ 75:10

Ɲą́ą́ nwɛ́i, gáá pai kɛi Ɉakɔbə Yálái laa tɛi a yələ kəlee, gɛ́ wələ too mą.

Mąątɛ̨nɛ̨ 89:17

A tɛ̨ą, di kaa pai kɛi túwɔ́i mąną kaai ə́ laa hu, di ɲɛ̨i yɛ pɔ̨nɔ̨, ə́ haŋą pələ ɓa.

Mąątɛ̨nɛ̨ 89:18

A tɛ̨ą, yɛ́ ɓə a di wɔ huwalawalalaai hɛn da hva tɔɔ na. Yɛ́ ku ɲɛ̨i pono a ə́ yəi mɛ̨inɛ̨ɛ̨ɠaa.

Mąątɛ̨nɛ̨ 89:24

Mąąhɔlɔɓo, gáá pai ɲowoɠaa hu taɠai dɔwɔ, nuąi da wɛlikpɛɛmąąlaa kulɔ la, gɛ́ di kɛlɛ.

Mąątɛ̨nɛ̨ 9:14

'Mą́ą́wɛli kaa, Yai-Laa! Nwɔ́ mɔ̨nɔ̨i kaa! Yai ɲówóɠaa daa naa mą́ą́! Yɛ́i ya gúlɔ haa wolo la.

Mąątɛ̨nɛ̨ 92:10

Yai-Laa! Ə́ yowoɠaa kaa li! Ə́ yowoɠaa kaa li, di nwun na pili hiɛ li; mɛ̨nį ɲɔ̨n gɛ nuą kəlee taɠa hiɛ li.

Lɛɛ gbɔwɔ ɓa 15:1

Moisə da Israɛlə lonnii di nwələi ŋɛ̨i too Yai-Laa ɓa, diɛ kɛ mą: Gáá wələ tooi Yai-Laa ɓa, aa yeetɛɛmąą walawala kɛ, aa hoo da mɛ̨i nuą pili gboloyá hu.

Lɛɛ gbɔwɔ ɓa 15:21

Miriamə yɛ nwələ pili mą, mɛlaa diɛ hvaa mu; yɛ kɛ mą: Ka Yai-Laa mąą wələ too. Aa yeetɛɛmąą kɛ, Aa gbɔwɔ ɲɛ̨i pɔ̨nɔ̨. Ɉoo da mɛ̨i nuą, Aa di pili gboloyá hu.

Habakukə 3:1

Hvɛliɓo yii Yálá kwəi mɛ̨nį hukulɔ mun Habakukə ə gɛ a woolaa wələ, ya ka:

Habakukə 3:18

Kɛlaa, nwɛ́i, ŋą gwə́inɛ̨ɛ̨ mɛ̨nį hɔlɔɓo Yai-Laa yəi. Ŋą́ pili yələi a kwəinɛ̨ɛ̨ nwun mąąɓo Yálái mąą mɛ̨nį ɓa.

Lukə 1:69

Aa Nwun mąąɓomun nwala-walaa tɛɛ ku pɔ, nwɔ kɛla, tɔɔmun Davidə huwu hu mun da.

Lomaŋ 5:11

Yili pulu yii gaa laa ya ɓaa: Gwa gu kpɔwɔɲąą Yálá mɛ̨nį hu gu Nąmu Jesus Kristə háálai, yaai gwa diɛ ni gu yee lɔ gee hu.

Dutɛrɔnome 33:17

Ɓáá ə lɔ Ɉosɛfə ɓa, ya ɓə gaa a nįŋɛ̨ hilɛ lon dɔlɔɔ tɔlɔɔ. Mįnɛ̨ɠaa kaa yɛ lán mįnɛ̨, ya ɓə gaa pai kɛi nuą tuwɔi la, yɛ nuą kpala kpɛ yɛ li a diɛ lɔi kpɛlai. Mįnɛ̨ tɔ̨nɔ̨ kaa a Ɛfraimə nwɔ kɔlaɠa waa nwun damaa, dɔ̨nɔ̨ yɛ ɓo a Manase nwɔ nu kpulu.»

Filipə 3:3

Guɔ ɓə gu kaa a gɛ́nɛ̨-lonni leeleeɠaa, mąąhɔlɔɓo, gwa tí Yálá ɓa, Yálá nwɔ Kilii háálai, a guɔi gu wɔ kwəinɛ̨ɛ̨ kaa Jesus Kristə hu, gu kili hvo tɔɔ li gu kpɔwɔ ɓa.

Filipə 4:4

Ká ká kwəinɛ̨ɛ̨ gu Ną́mu hu, gáá kpɔ pənəi ŋį́ mo, 'ká kwəinɛ̨ɛ̨ kulɔ.

Filipə 4:6

'Ká hvo ka liihɛlɛn a mɛ̨nį lɔpee ta, kɛlaa mɛ̨nį kəlee hu, ká ká mąąkąnŋaa laa həli Yálá ɓa, a nɛ̨ɛ̨mąą woo, 'káá mąąnɛ̨ɛ̨, 'káá mąątɛ̨nɛ̨, káá ɉɛɠɛɛ ɓo.

Piɛrə dɔlɔɔ 1:8

a yaa tii káá nwɛli la kɛ, ká ɲɛ̨i hvo mąi ɛlɛɛ, káá laa na, ká hvo nwɔ̨nɔ̨ gaai; 'ká pili kani yələi a kwəinɛ̨ɛ̨i ɲɛ̨n deei hvo mą, a mąąwia,

M̀ɛni-lɛɛi 18:20

Yələkɔlɔn, 'kwəinɛ̨ɛ̨ kulɔ ɉukala mɛ̨nį hu! Ɛlɛɛ, káá kpɛlimąn a, nu mąąhəɠɛɛɠaa, a gɛlaɠaa, ɛlɛɛ, a Yálá kwəi mɛ̨nį hukulɔ nuą, mąąhɔlɔɓo, giti teei Yálá ə mo, aa ká mąą mɛ̨nį hu haŋąn.

Samuɛlə dɔlɔɔ 1:6

Kɛi ə mo tii dɔwɔi ə kɛi lɔ nwoo həɓə mą, a nwumɛ̨ tɛ pələ mą, mąąhɔlɔɓo, Yai-Laa aa kɛ gɛ a kpomąnɛ̨ą.

Samuɛlə dɔlɔɔ 1:7

Bələ ɓə Ɛlkana ə kɛi gɛ la a kwɛlan gəlee di li pələ tɛitɛi Yai-Laa hvɛli pɛlɛ́ mu. Penina ə kɛi kpɔlɔ nwoo həɓə Anə ɓa. Anə ə tɔɔ kɛa yɛ wɔlɔ, ə lənə kɔ̨nɔ̨n ma.