Samuɛlə dɔlɔɔ 19:10 - Yálá laawoo hɛɓɛ (dc)

¹⁰ Saulə ə gɛ pələ kwɛli mą yɛ kɛ ə Davidə kpanwo bɛlɛ́ nwąną ɓa a nwɔ kpalai. Davidə ə həɠə Saulə nwɔ kpalai tɔwɔ, gbala ə kpanwo bɛlɛ́ nwąną ɓa. Davidə ə pu ə həɠə laa gbinįi tii hu.

Yálá laawoo hɛɓɛ

¹⁰ Saulə ə gɛ pələ kwɛli mą yɛ kɛ ə Davidə kpanwo bɛlɛ́ nwąną ɓa a nwɔ kpalai. Davidə ə həɠə Saulə nwɔ kpalai tɔwɔ, gbala ə kpanwo bɛlɛ́ nwąną ɓa. Davidə ə pu ə həɠə laa gbinįi tii hu.

Bible

¹⁰ Sɔ̂ɔ è kɛ̀ pâi Deeƃé kpamôi bɛ́rɛ-kaŋ ma a ŋɔkpálai. Kɛ́lɛ Deeƃé è kùla gbálai perei gbálai é kpàmo bɛ́rɛ-kaŋ ma. Deeƃé è pù é kúla Sɔ̂ɔ ŋɔpɛ́rɛi mu.

Samuɛlə dɔlɔɔ 19:10 Iomraidhean Croise

Mąątɛ̨nɛ̨ 124:7

Yɛ bələi nwɛ̨nį a ɓɔ la nwɛ̨nįkpɛmun nwɔ diŋɛ̨n nwolo ɓa, bələ kpɔlɔ ɓə ku kulɔ la ɉu, diŋɛ̨n nwolo ə tee mą, ku pu.

Mąątɛ̨nɛ̨ 18:17

Nąąlɔwai, ə lɛɛ yələi, ə ɲee haɲą, ə ɲéé hon, ə gúlɔ ɲá kpɛa kpɛai tii hu.

Mąątɛ̨nɛ̨ 34:19

Nuąi di lii yaliɛ di kwəi, Yai-Laa a mąąlɛɠɛ diɛ, nuąi di hviikpɛɛ kɛnɛ̨, a di nįilɔ.

Mąątɛ̨nɛ̨ 37:32

Nu ɲɔ̨nwɔ̨ɔ̨ɠaa da kɛ tələnmomun mąąhɛnŋįi, diɛ baa pələ kwɛli.

Hanwon 1:16

Mąąhɔlɔɓo, da gilɛ həɠə, diɛ li mɛ̨nį ɲɔ̨n gɛi. Di kɔ́wɔ mąą hulaa ɲąmą kulɔ mąą kɛi.

Hanwon 21:30

Kili mɛ̨nį ta hvo laa, da nwun gɛ ɉu ta, ə mą kɛ nwun dɔɔ ta yii ɲee a pɛli tɛɛi Yai-Laa ɓa.

Azaya 54:17

Kɔ kɔ́ hɛn lɔpee di bɛli ə́ mąą mɛ̨nį ɓa, hvo pai pɛlii mɛ̨nį ta kɛi yɛ́, nɛn lɔpee yɛ ə tɔɔ ə́ la kiti hu, yá pənə ə́ bulu kulɔ a ɉɔn. Bələ ɓə Yai-Laa nwɔ tínuą kɛ pələ kaa pai kɛi la. Di wɔ tələnmolaai tii a gɛ́ mɛ̨nįi, gɛ pələ kaa pai kɛi tii. Yai-Laa woo li.

Osia 6:4

Lə ɓə ŋą́ pɛli gɛi a yɛ́ Ɛfraimə? Lə kpɔ ɓə ŋą́ pɛli gɛi a yɛ́ Ɉuda? Ka wɔ tələnmolaa kaa lɔ yɛ nąląąn a pu yələ wala pɔ, ə ɓo yɛ yələ ɓɔi nɛ̨n ɲá, yai hva lamun laakpala ŋą.

Maafîu 10:23

Akɛ da ka ɓɛlɛkpɛɛ kaa daa yiihu, 'ka pu, ka li da kpɛli hu. Gáá tɛ̨ą ɓoi kaa, ka hvo pai kpɛɛi a Israɛlə lɔi taaɠaa kəlee hu hiaa Nu Lon yɛ pa.

Lukə 4:30

Kɛlaa, ə tɛɛ lɔ di lɔwai ɲąą, ə li.

Ɉaan 10:39

Di kɛ nwɔ̨nɔ̨ bɔ di ɉon, kɛlaa, ə kulɔ di yei.

Hebreu 11:34

diɛ nwɔ̨n gbɔluɠaa luwun, diɛ kulɔ ɓɔwa kwɛaaɠaa yee mu, diɛ kulɔ ɲɔ̨n nwalawalaɠaa hu, diɛ kuláálaa kɛ kɔ́ hu, di yee yɛ tɛɛ kɔlaɠaɠaa diɛ.

Samuɛlə dɔlɔɔ 18:10

Bulu ɓa yələ laa ɓoɔ, Yálá ə ɲįnɛ̨n da tɔɔ, ə hvilɛn Saulə pulu, hvo kɛi kɛa mɛ̨nį ta kɛ ɲəi bɛlɛ́n gbɔwɔ yee kɔ́ma. Davidə ə kɛi nwɔ gwɛnįn ɲɔw, yɛ bələi ə kɛi gɛ la a yələ takpɛliɠaa, Saulə nwɔ kpalai ə ɓo ɲee ŋą.

Samuɛlə dɔlɔɔ 18:11

Ɲąąɓa Saulə ə nwɔ kpalai tɛ ɲee mɛ̨i, yɛ diɛ: «Gáá Davidə kpanwoi bɛlɛ ɓa.» Kɛlaa gee mɛ̨i hveelɛ, Davidə ə kɛi həɠə gbala tɔwɔ.

Samuɛlə dɔlɔɔ 19:6

Saulə ə nwəli tɔɔ Ɉonatan woo ɓa, Saulə ə nwoo kwɛlɛ, yɛ mą: «Akɛ kpɔ Yai-Laa kaa laa, di hvo pai baai.»

Samuɛlə dɔlɔɔ 20:33

Saulə ə nwɔ kpalai tɛ ɲee mɛ̨i, yɛ kɛ ə bili ma, Ɉonatan ə gbaɠala kaa yɛ kɛ nąn aa Davidə paa mɛ̨nį mąą kili tee gwəi.