Samuɛlə dɔlɔɔ 18:27 - Yálá laawoo hɛɓɛ (dc)

²⁷ Davidə ə muhəɠə, da nwɔ nuą diɛ li, ə Filisti nwun veelɛ paa, ə pa a di towo piɲɛ̨nɠaa, ə di lono Saulə ɲɛ̨i ɓa; ə kɛ kɛa a tɔɔmun mɔlɔ, Saulə ə non Mikalə tɛɛ pɔ a nɛ̨ą.

Yálá laawoo hɛɓɛ

²⁷ Davidə ə muhəɠə, da nwɔ nuą diɛ li, ə Filisti nwun veelɛ paa, ə pa a di towo piɲɛ̨nɠaa, ə di lono Saulə ɲɛ̨i ɓa; ə kɛ kɛa a tɔɔmun mɔlɔ, Saulə ə non Mikalə tɛɛ pɔ a nɛ̨ą.

Bible

²⁷ Deeƃé da ŋɔkɔ-kuluƃa-ŋai dí lì dí Felesia-ŋai ŋuŋ-feerɛ páa. È pà pôlu é zêrei lɛ́ Sɔ̂ɔ ma a gɛ́ɛ é Maka kula a ŋɔnɛnî. Sɔ̂ɔ è fàa ma.

Samuɛlə dɔlɔɔ 18:27 Iomraidhean Croise

Samia Veerɛi 3:13

Davidə yɛ mą: «Váái ma, gwa yɛ́ gu kaa mįnɛ̨ həɠəi. Mɛ̨nį tɔlɔɔ gáá vɛlii yɛ́, ya ɓaa: Hvo həli gbíni ɓa, yii hvo pa li bɔ́ a Saulə lon nɛ̨ɛ̨nu Mikalə, ɓɛlɔwai ə́ kaa paikɛi pai la bɔ́ɔ́li.»

Samia Veerɛi 3:14

Davidə ə nuą tɔɔ Saulə lon Isbosɛtə pɔɔli, yɛ kɛ mą: «Nɛ́a Mikalə tɛɛ bɔ́, ŋą́ wɔlɔ ɲa a Filisti towo kpuɔ nwun dɔ̨nɔ̨.»

Nwun mąąɓo 14:19

Yai-Laa nwɔ Kilii ə too Samsɔn hu nąąlɔwai, ə həɠə, yɛ li Askelɔn. Ə hinąą pow haaɓa paa, ə di mąą həɠəɠaa kulɔ diɛ, ə dɛɛ ɉanwon mukulɔ nuą pɔ. Yili pulu, níi ə kələn gwəi, ə pənə ə li nąn bɔ.

Samuɛlə dɔlɔɔ 14:49

Saulə lon ɉinąą laa ka: Ɉonatan, Yiswi, da Malki-Sua. Nonnii nɛ̨ąą hveelɛi laa ka: Nu pɔlɔ ɓa kɛ a: Meravə. Nogolo laa mun laa ka: Mikalə.

Samuɛlə dɔlɔɔ 18:13

Yili ɓə gɛ, Saulə ə Davidə mąą kwɛa mą, ə ɉee kuláá waa tɔ̨nɔ̨ na. Ə həɠə ɲələ ɓa, Davidə ə kɛ nuą tii nwun na.

Samuɛlə dɔlɔɔ 18:17

Saulə yɛ Davidə ɓa: «Nón nɛ̨ɛ̨nu nu pɔlɔ laa mun ga a Meravə ya ɓə gáá pai dɛɛi ə́ pɔ a ə́ nɛ̨ą. Kɛlaa, tɔɔ a ə́ nwąnąąi nwɔ kólói ɓa; Yai-Laa nwɔ kɔ́ɠaai kɔ́.» Saulə ə kɛi mo gwəi pələ yɛ kɛ diɛ: «Hɛn vəli, və́ baa ɲą́ą́ gbinįi, gaa yili lɛɛi Filisti nuą yee kɔ́nma.»

Samuɛlə dɔlɔɔ 18:28

Saulə ə gbaɠala kaa, gili ə pu ɉu yɛ Yai-Laa kaa Davidə pulu, ə lɛɛ, nwɛli ə kɛ Mikalə ɓa, yai kɛ a Saulə non nɛ̨ɛ̨nu.

Samuɛlə dɔlɔɔ 25:44

Saulə aa kɛ non nɛ̨ɛ̨nu Mikalə ŋɛ̨i kɛ a Davidə nɛ̨ą, tɛɛ Laisə lon Palti pɔ a nɛ̨ą, yai kɛ a Galimə mun da.