Samuɛlə dɔlɔɔ 18:10 - Yálá laawoo hɛɓɛ (dc)

¹⁰ Bulu ɓa yələ laa ɓoɔ, Yálá ə ɲįnɛ̨n da tɔɔ, ə hvilɛn Saulə pulu, hvo kɛi kɛa mɛ̨nį ta kɛ ɲəi bɛlɛ́n gbɔwɔ yee kɔ́ma. Davidə ə kɛi nwɔ gwɛnįn ɲɔw, yɛ bələi ə kɛi gɛ la a yələ takpɛliɠaa, Saulə nwɔ kpalai ə ɓo ɲee ŋą.

Yálá laawoo hɛɓɛ

¹⁰ Bulu ɓa yələ laa ɓoɔ, Yálá ə ɲįnɛ̨n da tɔɔ, ə hvilɛn Saulə pulu, hvo kɛi kɛa mɛ̨nį ta kɛ ɲəi bɛlɛ́n gbɔwɔ yee kɔ́ma. Davidə ə kɛi nwɔ gwɛnįn ɲɔw, yɛ bələi ə kɛi gɛ la a yələ takpɛliɠaa, Saulə nwɔ kpalai ə ɓo ɲee ŋą.

Bible

¹⁰ Bôlu ma ɣelei Yâwɛɛ è gɛ̀ nyînaŋ nyɔ́mɔɔ é pìlaŋ Sɔ̂ɔ pôlu. È pɛ̀lɛ tûai yɛ̂ɛ ƃoo-nuu ŋɔpɛ́rɛi mu. Deeƃé è pà gɛ́ gɔnîŋ ɣâle ma yɛ̂ɛ berei a kâa gɛ̀ la a bɔlɔi. Kɛ́lɛ tãi ŋí ma Sɔ̂ɔ ŋɔkpálai è kɛ̀ ǹyée ŋá.

Samuɛlə dɔlɔɔ 18:10 Iomraidhean Croise

Tɔɔɓɛlaa dɔlɔɔ 18:29

Hvóló paa kɛa nwun ma, di kɛi lɔ tomą, ə lɛɛ ɉu ə həli la yələwulii haláá kulɔi lɔwai ɓa. Kɛlaa woo ta hvo tɔɔ, di hvo woo ɲąą pənə hɔlɔɓo, mɛ̨nį ta hvo kɛ.

Tɔɔɓɛlaa dɔlɔɔ 22:12

Yálá kwəi mɛ̨nį hukulɔ nuą tii kəlee di kɛi mo tii, diɛ kɛ mą: «Li! Ə́ kɔ́ pɛlɛ Ramotə taa ɓa yai gaa Galaadə, ə́ yee kaa lii lɔi, Yai-Laa aa dɔɔmun tii lɔ ə́ yee ŋą.»

Ɉeremi 28:11

Yili pulu, Hanania ə mo nɔi lonnii kəlee ɲɛ̨i ɓa, yɛ diɛ: «Yai-Laa woo ka, yɛ diɛ: ‹Gɛɛ kwɛlan veelɛ hvo tɛɛ, kpɔlɔɔ ɲą́ą́lee, bələ ɓə gáá pai Babilonə tɔɔmun Nabukodonosorə nwɔ kpɔ̨nɔ̨i hu yalii la, gɛ́ ɉəɠə nɔi kəlee mɛ̨i!›» Yai-Laa kwəi mɛ̨nį hukulɔ mun Ɉeremi ə li!

Gɛlaɠaa 16:16

Yələ ta, ku kɛɛ lii Yálá hvɛlii, kolo-kɛ nɛ̨ɛ̨non da ə pa ku laakwiɛn ɉii, ɲɛ̨ąkpɛ ɲįnɛ̨n da ə kɛ bulu. Ɲɛ̨ąkpɛ ɲįnɛ̨n ti, ə kɛli hɛn gɔw tiɛ̨ nąmįną diɛ kpɔ kɛnɛ̨.

Tɛsalonikə veelɛ 2:11

Yili ɓə a gɛ, Yálá ə lɛɛ-hvaŋą lɛɛ laa yɛ di ɓowo, di laa na.

Nwun mąąɓo 16:20

Yili pulu, yɛ Samsɔn ɓa: «Samsɔn, Filisti nuą kaa pai.» Samsɔn ə ɲįnąąɓo, yɛ kɛ nwɔ kwəi pələ: «Gáá pai kulɔi ɉu, yɛ bələi hiɛ ŋą́ kɛ kulɔi la ɉu.» Kɛlaa, hvo kɛ gɔlɔn yɛ kɛ Yai-Laa aa mąą kwɛa mą.

Samuɛlə dɔlɔɔ 16:23

Ɓɛlɔwai ɲįnɛ̨n Yálá ə dɔɔ, a pa la Saulə pɔ, Davidə a nwɔ gwɛnįn həɠə yɛ ɲɔw, a kɛ tii Saulə lii a laa mą ɲįnɛ̨n dii ə həɠə bulu.

Samuɛlə dɔlɔɔ 18:9

Ə həɠə kɛa ɲələi tii ɓa, Saulə hvo kɛa kɛi Davidə kaa a ɲɛ̨i lɛlɛɛ.

Samuɛlə dɔlɔɔ 19:10

Saulə ə gɛ pələ kwɛli mą yɛ kɛ ə Davidə kpanwo bɛlɛ́ nwąną ɓa a nwɔ kpalai. Davidə ə həɠə Saulə nwɔ kpalai tɔwɔ, gbala ə kpanwo bɛlɛ́ nwąną ɓa. Davidə ə pu ə həɠə laa gbinįi tii hu.

Samuɛlə dɔlɔɔ 19:7

Ɉonatan ə Davidə təli, ə nwooɠaa tii kəlee hukulɔ mą. Yili pulu, Ɉonatan ə pa a Davidə Saulə pɔ, ə lɛɛ, Davidə ə nwɔ kólói həɠə, yɛ pələi ə kɛi gɛ la a bɔlɔ.

Samuɛlə dɔlɔɔ 19:9

Yálá ə ɲįnɛ̨n da tɔɔ, ə hvilɛn Saulə pulu. Saulə ə kɛ heni ɲəi bɛlɛ́n, nwɔ kpalai ə ɓo ɲəi, Davidə yaan, yɛ nwɔ gwɛnįn ɲɔw.

Samuɛlə dɔlɔɔ 26:19

Nwɔ́ mɛ̨nį nąmu tɔɔmun, ə́ wəli tɔɔ yiihu ə́ wɔ tí mun woo ɓa: ‹Akɛ Yai-Laa ɓə ə́ ɲąątɔɔi mą́ą́, ə hvaa mą, haláá hɛn di kaa dɛɛi bɔ, yili ə niilaa. Kɛlaa, akɛ nuą ɓə, mąą nuąi di kɛ a nɛ̨ŋɛ̨n naa nuą Yai-Laa ɲɛ̨i ɓa. Hvo gai, daa gbɛ́ háákələi, yɛ́ gulɔ Yai-Laa nwɔ lɔi hu, diɛ kɛ mą́ą́: Li ə́ tí haliɠaa diɛ.›