Samuɛlə dɔlɔɔ 16:1 - Yálá laawoo hɛɓɛ (dc)

¹ Yai-Laa yɛ Samuɛlə ɓa: «Ə kaa pai lɛɛi Saulə mąą wɔlɔ ɓoi, ə lɛɛ la ɉu mįnɛ̨ lɔwai? Ɲą́ą́ gbinįi ɓə nɛɛ laa, hvo kɛa a Israɛlə tɔɔmun. Ə́ wɔ huwɔ mįnɛ̨i həɠə, ə́ wulɔ pu vɛɛ. Gáá ə́ tɔɔi Ɉɛse pɔɔli, yai gaa a Bɛtleɛmə daai mun; mąąhɔlɔɓo, nonnii lɔwai, ŋą́ą́ da kaa laa, yii mąąnɛ̨ɛ̨ ŋą́ gɛ a tɔɔmun.»

Yálá laawoo hɛɓɛ

¹ Yai-Laa yɛ Samuɛlə ɓa: «Ə kaa pai lɛɛi Saulə mąą wɔlɔ ɓoi, ə lɛɛ la ɉu mįnɛ̨ lɔwai? Ɲą́ą́ gbinįi ɓə nɛɛ laa, hvo kɛa a Israɛlə tɔɔmun. Ə́ wɔ huwɔ mįnɛ̨i həɠə, ə́ wulɔ pu vɛɛ. Gáá ə́ tɔɔi Ɉɛse pɔɔli, yai gaa a Bɛtleɛmə daai mun; mąąhɔlɔɓo, nonnii lɔwai, ŋą́ą́ da kaa laa, yii mąąnɛ̨ɛ̨ ŋą́ gɛ a tɔɔmun.»

Bible

¹ Malôŋ è tòo Ǹuu-namui ma a gɛ́ɛ è Sɔ̂ɔ sìɣe a kâloŋ Eezuɛ mɛni ma. Ɣele tɔnɔ ta è mò ǹyɛɛ, “Samia, ŋaâ nâa ńyee kúla Sɔ̂ɔ mu. Fé fáa ní ma a gɛ́ɛ é kɛ́ ŋɔ́nɔ a kâloŋ. Ífe ŋɔ́nɔ m̀alôŋ sèe. Ye wúlɔ pú sɛŋ-folo loŋ su í lí í naloŋ tɔnɔ naa káa nyíi da dòli a Zɛsei. Zeɛ́ɛ káa Bɛpeleɣɛ̃ɛ. Ŋaâ ǹóŋ dɔnɔ siɣe zu a gɛ́ɛ é kɛ́ a ŋákâloŋ.”

Samuɛlə dɔlɔɔ 16:1 Iomraidhean Croise

Tɔɔɓɛlaa dɔlɔɔ 8:16

Ə kɛ ną́n ma: ‹Ə həɠə volói ŋɛ̨i ə nwɔ nu huwu Israɛlə kulɔ la Eziptə lɔi hu ɓa, və́ kɛi taa ta həɠə ɉu Israɛlə nuą lɔwai ɓɛi ŋą pɛlɛ́ tɔɔ laa a náá mąąwiɛ pɛlɛ́. Kɛlaa ŋą́ Davidə həɠə ɉu ŋą́ ɉee nwɔ́ nu huwu Israɛlə nwun na.›

Tɔɔɓɛlaa veelɛ 9:1

Yálá kwəi mɛ̨nį hukulɔ mun Elise ə nwɔ kalan non dɔ̨nɔ̨ təli, yɛ mą: «Ə́ hąą yili, ə́ nwulɔ kpowo həɠə, ə́ li la Ramotə Galaadə lɔi hu.

Tɔɔɓɛlaa veelɛ 9:3

Ə́ nwulɔ kpowo həɠə, ə́ nwulɔ pu nwuɔ̨, ə́ mąąti la; yɛ́ mą: ‹Mɛ̨nįi Yai-Laa ə mo ya ka: «Nwulɔi ŋɛ̨i gáá nɔi yɛ́, ɉaalai, yáá kɛ a Israɛlə tɔɔmun.»› Yili pulu, ə́ bɛlɛ́ laa ɓo, ə́ tɛɛ a gilɛ, hvo nąą mąąkpɔn.»

Tɔɔɓɛlaa veelɛ 9:6

Ɉehu ə muhəɠə da yaa di lɔ bɛlɛ́n. Ɉulɔnon tii ə nwulɔ pu Ɉehu nwun mą, ə mąąti, yɛ mą: «Nwooi Yai-Laa Israɛlə nwɔ Yálá ə mo, ya ka, yɛ diɛ: ‹Nwulɔi ŋɛ̨i haalai, gáá ə́ kɛi a nwɔ́ nu huwui Israɛlə nwɔ tɔɔmun.

Kɔlɔnikɔ Maa-ŋuŋ 11:3

Israɛlə kalanɉonŋaa kəlee di pa di həli tɔɔmun ma Hebrɔn, ɛlɛɛ, da tɔɔmun Davidə ni di mįnɛ̨ həɠə Hebrɔn Yai-Laa lííla. Di dɔɔ wulɔ lɔ Davidə ɓa, di gɛ a Israɛlə tɔɔmun, yɛ bələi Yai-Laa ə mo la Samuɛlə ɓa.

Kɔlɔnikɔ Maa-ŋuŋ 28:4

Yai-Laa Israɛlə nwɔ Yálá ə ɉə́ɠə ɉu, ɲə́i bɛlɛ́n nuą kəlee lɔwai, ə gɛ́ a Israɛlə tɔɔmun, a yələ kəlee mɛ̨nį. Hvó gaai, ə ɉə́ɠə Ɉuda yəi bɛlɛ́n, ɓɛi ną́n ə kulɔ laa, ŋą́ kɛ a Ɉuda tənən dɔɔ mun. Ną́n nonnii lɔwai, ɲą́ą́ ɓə laa a Yálá lii, yɛ gɛ́ a heeɓomun Israɛlə kəlee nwun na.

Azaya 11:1

Ɉɛse nwɔ nwungbəi mąą kaa pai pooi, ɉamu kaa pai kpuwun ɉii.

Azaya 11:10

Mąą yələi tii, Ɉɛse mąąpoo, a kɛ a dɛɛ yələi yɛ, Ɉilɛyili, yɛnɛ̨ɛ̨ nuą kəlee ɲɛ̨i ɓa, lɔi kəlee yɛ mąą gilɛ həɠə, ɓɛi a kɛ laa heeni, nąą laahvɛɛ a nwɔ mąąwiɛ.

Azaya 55:4

Hvo gaai ŋą́ą́ gɛ a kɛlahvaa ɓomun nu takpɛliɠaa diɛ, a ɲąąwooɓo kɛ mun, a lɔiɠaa tənən dɔɔ mun.

Ɉeremi 11:14

Ɉeremi! Ə́ wɛi, hvó kɛ ə́ kaa nu huwui ŋɛ̨i mąą nɛɛmąą hvəi mą́ą́, hvó kpɛli ə́ woolaa di mąą mɛ̨nį ɓa; hvó vɛ́li di mąą mɛ̨nį ɓa, ɓɛlɔwai mąąwɛli mɛ̨nį kaa pai laai laa diɛ, və́ pai nwə́li tɔɔi di woo ɓa.

Ɉeremi 15:1

Yai-Laa yɛ mą́ą́: Ə mą kɛ Moisə da Samuɛlə daa tɔɔ nííla, nwɔ́ kiliŋąhiɛ hva kɛa hvilɛn nuą ŋɛ̨i diɛ a nɛlɛɛ. Ka di kpɛ di həɠə nííla, də li!

Ɉeremi 6:30

Di kaa pai kɛi nuą tii laa ɓaa: «Walə kwɛli yii mɛlɛ hvo mą.» Yai-Laa hvó di pɔ. Gwɛli gbo hvo gɛi hvo kulɔ mą.

Ɉeremi 7:16

Yɛ́ Ɉeremi! Ə́ wɛi, və́ kɛ li ə́ nuą ŋɛ̨i mąą nɛɛmąą hvə mą́ą́! Və́ kɛ li ə́ di wɔ woola kɛ mą́ą́, hvo kɛ ə́ kaa wɔlɔi mą́ą́ di mąą mɛ̨nį ɓa. Mąąhɔlɔɓo, və́ pai nwəli tɔɔi ə́ wɔ nɛɛmąą hvə woo ɓa.

Zakari 4:14

Yɛ mą́ą́: «Nu hveelɛi nwulɔ mɛ̨nį nwun na, di ɓo tɔɔni lɔi pilɛɛ gee mɛ̨i Nąmu lííla, diɛ li.»

Lomaŋ 15:12

Esai yaa kpɛli yɛ mą: «Ɉɛse lon gaa pai, gaa pai tɔɔlaa kɛi hįi kəlee nwun na; ɛlɛɛ, hįi kəlee yɛ gilitɔimą.»

Hebreu 11:32

Lə mɛ̨nį kpɔ ɓə nwɔ̨nɔ̨ kɛa ŋą́ pɛli moi? Lɔwai hvo ɲə́i, gɛ́ pɛli mɛ̨nį tamąą huyɛɠɛi káá, yɛ bələi: Zedeɔn mąą mɛ̨nį kaa la, Barakə, Samsɔn, Ɉɛfte, Davidə, Samuɛlə da Yálá kwəi mɛ̨nį hukulɔ nuą,

Zɔ̂ŋ Maa-ŋuŋ 5:16

Nu ta a nąn non ɲee kaa nɛ̨ŋɛ̨n ɉui, a nɛ̨ŋɛ̨n yii hva nɔ haa hui, ə hvɛliɓo kɛ mą, ɛlɛɛ, Yálá ə yɛnɛ̨ɛ̨ tɛɛ bɔ, Akɛ gaa kpɔ a nɛ̨ŋɛ̨n, nu a ɉəɠə hva nɔ haa hu. Nɛ̨ŋɛ̨n da kaa laa, yɛ nu lɔ haa hu; yili hvəə gáá kɛi mą, di hvɛliɓo kɛ ɉəɠəmun ma;

Samuɛlə dɔlɔɔ 10:1

Samuɛlə ə nwulɔ kpowo həɠə, ə bu Saulə nwuɔ̨, ə nɛ̨nɛ̨ɓo, yɛ mą: «Yai-Laa ka tii aa ə́ həɠə, ə gɛ, ə́ kɛ a gwɛlin ɲąąwooɓomun.

Samuɛlə dɔlɔɔ 15:11

«Saulə heei ŋɛ̨i ŋą́ mo a tɔɔmun, ŋą́ą́ nwóó yali bulu. Mąąhɔlɔɓo, aa bulu tɔɔ mą́ą́, wooi ŋą́ mo mą, hva ɉon.» Samuɛlə kwəi ə pili mą, gbinįi tii yee mu, yɛ nwoo tɛ Yai-Laa ɓa.

Samuɛlə dɔlɔɔ 15:23

Kɛlaa, nu kulaa Yálá woo mu nɛ̨ŋɛ̨n gaa lɔ yɛ, kwɛli hvilɛn ŋąą hali ɓa nwɔ nɛ̨ŋɛ̨n, da wəli kpɔlɔ nɛ̨ŋɛ̨n, ə mą kɛ tɔlu kpɛ nɛ̨ŋɛ̨n. Yii kpɔ yáá lənə Yai-Laa woo ɓa, yaa kpɛli aa lənə yɛ́, hvó kɛa a tɔɔmun.»

Samuɛlə dɔlɔɔ 15:26

Samuɛlə yɛ Saulə ɓa: «Və́ hvilɛn ɉii ə́ pulu, gwa yɛ́ gu hvo li, mąąhɔlɔɓo, yáá lənə Yai-Laa woo ɓa, Yai-Laa aa lənə yɛ́, hvo kɛa a Israɛlə tɔɔmun.»

Samuɛlə dɔlɔɔ 15:35

Samuɛlə hvə kɛa ɲɛ̨i tɔɔ Saulə ɓa, ə lɛɛ la ɉu ə haa. Samuɛlə ə kɛi Saulə mąą wɔlɔ ɓo, mąąhɔlɔɓo, Saulə kɛ mɛ̨nį a Israɛlə tɔɔmun, Yai-Laa aa kɛ nwoo yali bulu.

Samuɛlə dɔlɔɔ 16:15

Saulə nwɔ kóló kɛ nuąi di mo mą, diɛ mą: «Ə́ kaa gaai, Yálá aa ɲįnɛ̨n vilɛn ə́ pulu yɛ ə́ mɔ̨nɔ̨ɓo.

Samuɛlə dɔlɔɔ 16:23

Ɓɛlɔwai ɲįnɛ̨n Yálá ə dɔɔ, a pa la Saulə pɔ, Davidə a nwɔ gwɛnįn həɠə yɛ ɲɔw, a kɛ tii Saulə lii a laa mą ɲįnɛ̨n dii ə həɠə bulu.

Samuɛlə dɔlɔɔ 17:12

Davidə ə kɛ a Ɛfrata yəi gwəlii mun Ɉɛse lon, yai bɔ taai ɓaa Bɛtleɛmə Ɉuda lɔi hu. Ɉɛse lon ɉinąą di kɛ a nu mɛ̨ihaaɓa. Ɉɛse ə kɛ a nu mąą pɔlɔɔ, a Saulə nwɔ tɔɔlaa yələi.

Samuɛlə dɔlɔɔ 9:16

«Tínąą ɓɛlɔwai ɲɔ̨nwɔ̨mąn, gáá pai Bɛnɉamɛn lɔi hu mun da tɛɛi yɛ́, ə́ nwulɔ mąąhəɠɛɛ lɔ ma, ə́ gɛ a nwɔ́ nu huwu Israɛlə ɲąąwooɓomun, ya ɓə pai nwɔ́ nu huwui kulɔi Filisti nuą yee mu. Ŋą́ą́ nwɔ́ nu huwui kaa, nwɔlɔ woo aa həli mą́ą́.»