Samuɛlə dɔlɔɔ 15:24 - Yálá laawoo hɛɓɛ (dc)

²⁴ Saulə yɛ Samuɛlə ɓa: «Ŋą́ą́ nɛ̨ŋɛ̨n ɉəɠə, ŋą́ą́ kulɔ Yai-Laa woo mu, ŋą́ą́ ə́ woo pili. Ɲɔw ɓə ŋą́ kɛi mo nuą diɛ, gɛ́ hvaa di woo ɓa.

Yálá laawoo hɛɓɛ

²⁴ Saulə yɛ Samuɛlə ɓa: «Ŋą́ą́ nɛ̨ŋɛ̨n ɉəɠə, ŋą́ą́ kulɔ Yai-Laa woo mu, ŋą́ą́ ə́ woo pili. Ɲɔw ɓə ŋą́ kɛi mo nuą diɛ, gɛ́ hvaa di woo ɓa.

Bible

²⁴ Sɔ̂ɔ è fàa ma ǹyɛɛi, “Ŋaâ sɔnyɔ̂ŋ kɛ́. Ŋá ka Yâwɛɛ wóo pìli. Ŋá kɛ̀ yaôi gɔ-kuluƃa-ŋai dîa. M̀ɛni ma, ŋá ŋ́oli tɔ̀ɔ dîa é tɛ́ɛ kâa.

Samuɛlə dɔlɔɔ 15:24 Iomraidhean Croise

Zɛnɛse 3:12

Nu yɛ Yálá ɓa: «Nɛ̨ɛ̨nu ŋɛ̨i ə́ gɛ a ɉíɛ gee pulu, ya ɓə nwului tii ma ta tɛɛ bɔ́, ɲą́ą́n, ŋį́ mį́i kɛa.»

Zɛnɛse 3:17

Yai-Laa yɛ kɛa hulɔnu ɓa: «Yii kpɔ ə́ ə́ wəli tɔɔ ə́ nɛ̨ą woo ɓa, ɛlɛɛ, nwului ŋɛ̨i ŋą́ kɛ yɛ́: ‹Hvó má ta mį́i›, ə́ da mį́i, ə́ hɔn tii mąąi mɛ̨nį ɓa, lɔi kaa pai kɛi a nɛ̨ŋɛ̨n naa. Ə́ kaa pai kɛi mɔ̨nɔ̨ mį́i ə kɔ̨nɔ̨n gwɛliɛ hu, lɔi ɓa, ə́ yíi hvóló kəlee hu.

Samia Veerɛi 12:13

Nąąlɔwai Davidə yɛ Natan ɓa: «Ŋą́ą́ nɛ̨ŋɛ̨n ɉəɠə Yai-Laa ɓa.» Natan yɛ Davidə ɓa: «Yai-Laa aa ə́ kɛ nɛ̨ŋɛ̨n mąąhvaalɛɛ, hvo pai haai.

Zôo 31:34

Gɛ́ yili kɛ mąąhɔlɔɓo, və́ laa li nuą woo la, gɛ ɲɔw pɛlɛ takpɛli mu nuą di wɔ ɓɛlɛkpɛɛ mąą ɓa, gɛ́ pɛli náá pilɛi, yii vá kulɔ ɲə́i bɛlɛ́n.

Mąątɛ̨nɛ̨ 51:4

'Nwɔ́ túwɔ́ pələ ɲɔ̨n nwaa kpɔ mą́ą́ tɛ̨ɛ̨tɛ̨ɛ̨, 'nwɔ́ nɛ̨ŋɛ̨n nwaa mą́ą́ ə́ mą́ą́həɠə.

Lɛɛ gbɔwɔ ɓa 10:16

Tɔɔmun ə Moisə da Aarɔn di təli kpɔ a mąąhulaa, yɛ diɛ: «Ŋą́ą́ nɛ̨ŋɛ̨n ɉəɠə Yai-Laa ka wɔ Yálái ɓa, ŋą́ą́ mɛ̨nį ɲɔ̨n gɛ a kaa.

Lɛɛ gbɔwɔ ɓa 23:2

Hvó hvilɛn mɛ̨nį ɲɔ̨n gɛ nuą kpulu pulu. Hvo ə́ laa too kiti mɛ̨nį hu, nu kpului tɛ̨ą hvo bɔ, hvo tɔɔ di pulu.

Lɛɛ gbɔwɔ ɓa 9:27

Eziptə tɔɔmun ə Moisə da Aarɔn di təli, yɛ diɛ: «Yii ŋɛ̨i nwɛi, ŋą́ą́ nɛ̨ŋɛ̨n ɉəɠə, tɛ̨ą hvo bɔ́, Yai-Laa ya ɓə tɛ̨ą kaa ɓɔ. Kwa nwɔ́ lɔi hu nuą kəlee kwaa kɛ a hɔn mąą nuą.

Hanwon 29:25

Ɲɔw kɛnɛ̨ a hɛlɛn dɛ nuą tɔwɔ. Kɛlaa, nui a gilitɔɔ Yai-Laa ɓa, a mąą nu mɛ̨i kaa.

Ɉeremi 38:5

Tɔɔmun Sedesiasə yɛ diɛ: «Gaa ka yee kɔ́nma, tɔɔmun va pɛli kpəɲąn ɉii ka tɔwɔ.»

Lonon mo 22:34

Balaamə yɛ Yai-laa nwɔ malakai ɓa: «Ŋą́ą́ nɛ̨ŋɛ̨n ɉəɠə, mąąhɔlɔɓo gbaɠala hvo kɛ mą́ą́, gɛ́ kɛ yɛ́ ɓə tɔɔni bələi dɔ́wɔ. Akɛ ka ni ɉiɛi ŋɛ̨i nąą wɛli hvo yɛ́, gáá yalii búlú.»

Maafîu 27:4

«Ŋą́ą́ nɛ̨ŋɛ̨n ɉəɠə mun, mąąhɔlɔɓo, nui hɔn və mą ŋą́ą́ dɛɛ diɛ li baai.» Kɛlaa, yiliɠaai di mo mą diɛ mą: «Ku mąą kpaan və ɉu! Ə́ kpɔɔ mɛ̨nį li.»

Galatə 1:10

Gaa ká kwəi nuą di di ɲɛ̨i lɛlɛɛ hee mą́ą́ mɛ̨nį ɓə, a wala kɛ tii, Yálá nwɛi? Gaa ká kwəi nu liiɓa ɓə gáá gwɛlii? Akɛ yili ɓə, vá pɛli kɛ kɛi a Kristə ŋą tímun.

M̀ɛni-lɛɛi 21:8

Yii ɓaa ɲɔw nuą, diɛi di hvo kulɔ di woo ɓa, diɛi a tuwɔ pələ ɲɔ̨n gulɔ nuą, a nu paa nuą, a hiɛnɔwai kɛ nuą, a kaahɛn ɉəɠə nuą, a hali kɔ nuą, ɛlɛɛ, da lɛɛ nuą; di wɛi nąą ɓaa nwɔ̨n máɠa hu; yili ɓə a haa veelɛnąą.»

Samuɛlə dɔlɔɔ 15:15

Saulə yɛ Samuɛlə ɓa: «Nuą di daatɛlɛɛɠaai tii hon Amalɛkə nuą pɔɔli, mɛlaa kɔ́lɔ lɛlɛɛ mąɠaai tii da nįŋɛ̨ɠaa, di yiliɠaai lɛɛ di yee pulu, ə gɛ di pa gulɔ a haláá, Yai-Laa ə́ wɔ Yálái ɓa. Gbəliɠaai tii nwɛi, ku gəlee kulɔ a haláá.»

Samuɛlə dɔlɔɔ 15:30

Saulə yɛ mą: «Ŋą́ą́ nɛ̨ŋɛ̨n ɉəɠə, yiihu, gáá nɛ̨ɛ̨mąą hvəi yɛ́, gɛ́ ə́ hvaa mą, ə́ mą́ą́wiɛ nwɔ́ nuą da Israɛlə nuą di ɲɛ̨i ɓa. Pa gwə li, ŋą́ pɛlɛ Yai-Laa ə́ wɔ Yálái kɔ́wɔ mu.»

Samuɛlə dɔlɔɔ 15:9

Kɛlaa, Saulə da nwɔ nuąi di Agagə lɛɛ a vúlu; ə mą kɛ, daatɛlɛɛ kpɛa-kpɛa da bɛlɛɛɠaa, yiiɠaa kɛ di yolaa. Mɛlaa lonnii yiiɠaa kpɔ kɛ ɉu a nɛlɛɛ di hvo gɛ di hvo gəlee paa. Kɛlaa, yiiɠaa kɛ di kpala-kpalaa diɛ lɔ ɓə di di paa.

Samuɛlə dɔlɔɔ 2:29

Lə ɓə kɛ yai ka káá tɛɠɛɓoi nwɔ́ haláái hu, da gɔ́ hɛnŋaai ŋą́ vaaɓo nuą diɛ ɲəi bɛlɛ́n? Lə ɓə kɛ yai, yá nwumɛ̨ ə́ lonnii diɛ, yɛ di hviɛlaɓo mą́ą́? Lə mɛ̨nį ɓa ka koo kaa laai ka ŋą a nwɔ́ nu huwui Israɛlə nwɔ haláá hɛn nɛ̨ɛ̨mun?

Samuɛlə dɔlɔɔ 26:21

Saulə yɛ mą: «Ŋą́ą́ nɛ̨ŋɛ̨n ɉəɠə, pənə ə pa nón Davidə. Vá kɛa mɛ̨nį ɲɔ̨n gɛ a yɛ́. Mąąhɔlɔɓo, yáá nwɔ́ yɛnɛ̨ɛ̨ kaa a hɛn mąąwiaa háákələi. A tɛ̨ą, ŋą́ą́ túwɔ́ yɛ ɓowo mun, ŋą́ą́ lan gbɔ kɛnɛ̨.»