Samuɛlə dɔlɔɔ 14:44 - Yálá laawoo hɛɓɛ (dc)

⁴⁴ Saulə yɛ Ɉonatan ɓa: «Ɉonatan, ya wala haa Yálá ə mɛ̨nį nwąnąą kɛnɛ̨ laa mą́ą́.»

Yálá laawoo hɛɓɛ

⁴⁴ Saulə yɛ Ɉonatan ɓa: «Ɉonatan, ya wala haa Yálá ə mɛ̨nį nwąnąą kɛnɛ̨ laa mą́ą́.»

Bible

⁴⁴ Ǹyɛɛ m̀ai, “Zonetaŋ, Ɣâla fé ḿɛi kâa, fɛ̂ɛ nɔ́ ya saa!”

Samuɛlə dɔlɔɔ 14:44 Iomraidhean Croise

Zɛnɛse 38:24

Ɲąnįn ɉaaɓa tɛɛ pulu, nu ta ə pa, yɛ Ɉuda ɓa: «Ə́ lon nɛ̨ą Tamarə aa gbɔwɔ kɛ a wɛli kɛ mun, aa lɛɛ ɉu aa koo həɠə.» Ɉuda yɛ diɛ: «Ka ɉon ka li la, ka nɛɛ a vulú, ka gələn.»

Samia Veerɛi 12:31

Yii ɓaa daa tii hu nuą di wɛi, ə di hon a kɔluwɔɠaa, daɠaa diɛ wulu haɠa, diɛ kwɛni haɠa, daɠaa diɛ kwɛi kwɛli, daɠaa diɛ pɔlɔkɔw kɛ. Pələ ɓə ə gɛ la a Amɔn lonnii di wɔ taaɠaai kəlee da ɉu nuą. Davidə da nuą kəlee di pənə di pa Ɉerusalɛmə daai.

Samia Veerɛi 12:5

Davidə lii ə kələn gbɔ gwəi kɛnɛ̨ yɛ hvilɛn na ɉulɔnui tii ɓa. Ə nɛɛ mą yɛ Natan ɓa: «Yii kpɔ Yai-Laa kaa a vulú, ɉulɔnui mɛ̨nįi tii kɛ, aa haa kwɛli gbɔwɔ ɓa.

Samia Veerɛi 19:13

Ka káá a gááyɔwɔa, gu kaa a nu huwu tɔ̨nɔ̨. Lə mɛ̨nį ɓa, ka lɛɛ pulu, tɔɔmun bulu pənə mɛ̨nį hu, yɛ pa bɔɔli?›»

Samia Veerɛi 3:9

Yálá ə Avnɛrə hon a pələi lɔpee, akɛ mɛ̨nįi Yai-Laa ə gwɛla la Davidə ɓa, ŋą́ wala gɛ ma.

Hanwon 25:16

Yá kwiɛn a kwɛ̨n nwulɔ, yii a pɛli yɛ́, yili kɔ̨mɔ̨, əgɛ, hvo pa lɛɛ kɔ̨mɔ̨i hvó ɓaɠi la.

Nwun mąąɓo 11:35

Ɓɛlɔwai Ɉɛfte ə non gaa la yɛ pa naakwiɛn ɉii, Ɉɛfte lii ə kələn gwəi, ə mąą həɠə hu ɓɛla, ə tomą kpɔ kɛnɛ̨, yɛ mą: «Ee nón! Yáá kpalo ɓɛla mą́ą́, yáá kɛ a nwɔ́ lii too pulu mɛ̨nį nwun; ŋą́ nwóó kwɛlɛ Yai-Laa ɓa, vá pɛli nwóó tii kalai.»

Rutə 1:17

Ɓɛi yá haa laa, nąą ɓə ŋą́ haa la di nóó laa. Akɛ haa a wala gu ɓɛlaɓo, ŋą́ həɠə ə́ pulu, Yai-Laa hvo mɛ̨́i kaa, akɛ ŋą́ həɠə ə́ pulu, ŋą́ həɠə gbə́lə yá ɲɛ̨i tɔwɔ.»

Samuɛlə dɔlɔɔ 14:39

A tɛ̨ą Yai-Laa Israɛlə nwun mąąɓomun, kaa a vulú, ə mą kɛ nón Ɉonatan mə nɛ̨ŋɛ̨n tii həɠə, a haa.» Nui lɔpee ta hvo nwoo pulu pənə.

Samuɛlə dɔlɔɔ 25:22

Mɛ̨nįi mąąnɛ̨ɛ̨ Yálá ə naa Davidə ɲowoɠaa diɛ, ə naa Davidə ɓa, akɛ Navalə yəi bɛlɛ́n mun dɔ̨nɔ̨ kpɛli a lɛɛ a vulú yələ ə ɓɔ.»

Samuɛlə dɔlɔɔ 3:17

Eli yɛ mą: «Lə mɛ̨nį ɓə ə mo yɛ́, hvo ɲɔw mą́ą́, nɛ̨ɛ̨ yɛ́ mɛ̨nįɠaai Yálá ə mo yɛ, Yá wala gəlee hukulɔ mą́ą́, yá dɔ̨nɔ̨ kpɛli lɛɛ pulu, Yálá ə mɛ̨nį huwu lɔpee gəlee laa yɛ́.»