Samuɛlə dɔlɔɔ 14:23 - Yálá laawoo hɛɓɛ (dc)

²³ Yai-Laa ə gɔ́ nɛɛ Israɛlə ɓa a volói tii. Gɔ hu ə kɛnɛ̨ kpɔ, ə həli Bɛtə-Awɛn pulu pələ.

Yálá laawoo hɛɓɛ

²³ Yai-Laa ə gɔ́ nɛɛ Israɛlə ɓa a volói tii. Gɔ hu ə kɛnɛ̨ kpɔ, ə həli Bɛtə-Awɛn pulu pələ.

Bible

²³ Yâwɛɛ è kpɔ̀ŋ Eezuɛ ma é Felesia-ŋai yée mɛi ɣále a ŋ̀elei tí.

Samuɛlə dɔlɔɔ 14:23 Iomraidhean Croise

Tɔɔɓɛlaa veelɛ 14:27

Yai-Laa hvo kɛ kɛ li diɛ gaa Israɛlə laa kpɛɛi yələkɔlɔn mu. Ə di nwun mąąɓo a Ɉoasə lon Ɉeroboamə ɲee hu.

Kɔlɔnikɔ Maa-ŋuŋ 11:14

Eleazarə da nwɔ nuąi di di loo ɲɛɛ hamąi, di kulɔ, di Filisti nuą paa kpɔ kpąąn, gɔ ə nɛ̨ɛ̨ laa Yai-Laa ɓa kpɔ kɛnɛ̨.

Kɔlɔnikɔ Veerɛi 32:22

Bələ ɓə Yai-Laa ə Ezekiasə da Ɉerusalɛmə nuą ɓalo la, yɛ di kulɔ di Asiri tɔɔmun Senakeribə yəi, da di yowoɠaa kəlee. Yili pulu, ə liilaa yɛnɛ̨ɛ̨ tɛɛ di pɔ bələ kəlee.

Lɛɛ gbɔwɔ ɓa 14:30

Volói tii ɓə Yai-Laa ə Israɛlə lonnii nwun mąąɓo la, ə di kulɔ Eziptə nuą yəi. Ɛlɛɛ, Israɛlə lonnii ɲɛ̨i heɛ Eziptə nuą diɛ, diɛ haa gboloyá hu.

Osia 1:7

«Ɉuda nwɔ pɛlɛ́i nwɛi, ŋą́ nwɛlilakɛ, gɛ́ di nwun mąąɓo, ɲą́ą́ Yai-Laa di wɔ Yálái, və́ pai di nwun mąąɓoi a kilɛn, a wala kɛ tii kɔ́ kɔ́ ɓɔwa, a wala kɛ tii a kɔ́, ə mą kɛ hoo da hoo mɛ̨i kɔ́ kɔ́ nuą.»

Dutɛrɔnome 20:4

Mąąhɔlɔɓo, Yai-Laa ka wɔ Yálái ɓə vilɛn ŋąą ka tɔwɔ, yɛ gɔ́ kɔ́ da ka yowoɠaa, yɛ kpɔnmąą tɛɛ ka pɔ.»

Zasua 7:2

Ɉosue ə lɛɛ Ɉeriko, ə nuą tɔɔ, diɛ li Ai daai, yii kɛ Bɛtə-Awɛn kwɛlɛ, Betɛlə taa voló həɠəi pələ, yɛ diɛ: Ka li ka nɛ̨lɛ̨ɛ̨n naa kɛ nɔi. Nuą tii, də li, di nɛ̨lɛ̨ɛ̨n naa kɛ Ai daai,

Nwun mąąɓo 2:18

Ɓɛlɔwai lɔpee kɛ Yai-Laa a kuláá ta tɔɔ la, a kɛ bɔ yaa kpinįi, yɛ di nwun mąąɓo di yowoɠaa yəi, guláái tii nwɔ lɔwai hu. Mąąhɔlɔɓo, ɓɛlɔwai da di ɓɛlɛkpɛɛ la diɛ, diɛ di laanɔ̨nwɔ̨ ɓo, di ɲɛ̨imąąwɛli a too Yai-Laa ɓa.

Samuɛlə dɔlɔɔ 10:19

Ya ka tii, háákələi, kaa ka kili kulɔ ka wɔ Yálái hu, yaa tii a ka kulɔ ka wɔɔ mɔ̨nɔ̨ɠaa kəlee hu, da ka wɔɔ kwəi pili mąą mɛ̨nįɠaa kəlee. Ya ɓə kaa diɛ: «Ə tɔɔmun dɛɛ ka pɔ.» A kɛ tii kani, ka pa Yai-Laa lííla a ka huwuɠaa laa, da gwəliɠaa laa.›»

Samuɛlə dɔlɔɔ 13:5

Filisti nuą di di muhəɠə di kɔ́ pɛlɛ Israɛlə ɓa. Kɔ kɔ́ wotolo waa pow haaɓa ə kɛ di yəi. Nu waa mɛ̨ida di ɓo hoo mɛ̨i, ə lɛɛ, gɔ́laɠa kɛnɛ̨ yɛ gboloyá kwɛlɛ ɲɛa kɔ́w. Di tɛ di di tɔɔi kulɔ Mikmasə Bɛtə-Awɛn voló həɠəi pələ.

Samuɛlə dɔlɔɔ 9:16

«Tínąą ɓɛlɔwai ɲɔ̨nwɔ̨mąn, gáá pai Bɛnɉamɛn lɔi hu mun da tɛɛi yɛ́, ə́ nwulɔ mąąhəɠɛɛ lɔ ma, ə́ gɛ a nwɔ́ nu huwu Israɛlə ɲąąwooɓomun, ya ɓə pai nwɔ́ nu huwui kulɔi Filisti nuą yee mu. Ŋą́ą́ nwɔ́ nu huwui kaa, nwɔlɔ woo aa həli mą́ą́.»