Samuɛlə dɔlɔɔ 13:9 - Yálá laawoo hɛɓɛ (dc)

⁹ Saulə yɛ diɛ: ka pa ɉaláá hɛnŋaa da gəlee kələn Yálá ɓa, ka dɛɛ bɔ́, da liilaa halááɠaa, ə Yálá mąąwiɛ haláá kulɔ.

Yálá laawoo hɛɓɛ

⁹ Saulə yɛ diɛ: ka pa ɉaláá hɛnŋaa da gəlee kələn Yálá ɓa, ka dɛɛ bɔ́, da liilaa halááɠaa, ə Yálá mąąwiɛ haláá kulɔ.

Bible

⁹ Sɔ̂ɔ kɛ́ɛ naai, è ŋ̀óo tɛ̀ɛ Samia pɔ́-naa ǹyɛɛ m̀ai, “Pá ḿî a daa-tulɛ-ŋai, a gɛ́ɛ kú sâla kula a dia Ǹuu-namui ma é ǹíi láa kú m̀arê kɛ́ kpɔŋ ḿâi mɛni ma.”

Samuɛlə dɔlɔɔ 13:9 Iomraidhean Croise

Samia Veerɛi 24:25

Davidə ə haláá kulɔi pɛli laa Yai-Laa ɓa. Haláá hɛn da gəlee kələn, da pɔnaa kulɔ haláá, ə gəlee kulɔ laa Yai-Laa ɓa. Yai-Laa ə ɲɛ̨i lɛlɛɛ hee nɔi nuą diɛ, ə ɲɔ̨n ɲɔ̨nwɔ̨ɔ̨ tii mąą kwɛa Israɛlə nuą diɛ.

Tɔɔɓɛlaa dɔlɔɔ 3:4

Yələ ta, tɔɔmun ə li Gabaɔn, ə gɛ ə haláá kulɔ laa, mąąhɔlɔɓo, nąą ɓə kɛ a nuą di wɔ haláá kulɔi walawala. Haláái da gəlee kələn Salomɔn ə yili ɲɔ̨nwɔ̨mąn nwaa tɔ̨nɔ̨ kulɔ laa Yai-Laa ɓa.

Mąątɛ̨nɛ̨ 37:7

Yá kɛ Yai-Laa kwɛlɛ, 'kɔlɔhaa yɛ́! Ə́ kilitɔɔ mą; 'ə́ líi hvo kələn ə́ kwəi nui ɲeepɔɔ kaa lɛlɛi bɔ, da nui gbąną-gbąną mɛ̨nįɠaa kɛi.

Hanwon 15:8

Nwąnąlɔ nuą di wɔ haláá wɛli kpɛɛi Yai-Laa ɓa kpɔ tɛ-tɛ, Kɛlaa, nuąi di haŋą, di wɔ hvɛ́li woo a nii hon.

Hanwon 20:22

'Hvó kɛ diɛ: «Mɛ̨ni ɲɔ̨n di naa mą́ą́, gáá gwələ kulɔi.» Ə́ kilitɔɔ lɔ Yai-Laa ɓa, gaa pai ə́ ɓaloi.

Hanwon 21:27

Nwąnąlɔ nuą di wɔ haláá wɛli kpɛɛi Yai-Laa ɓa kpɔ tɛ-tɛ, mąąhɔlɔɓo, da gulɔ a líiɲɔ̨nwɔ̨ɔ̨.

Hanwon 21:3

Tələnmolaa da tɛ̨ą mɛ̨nį kɛɛ, hviɛlaɓoɔ ɓə Yai-Laa ɲɛ̨i ɓa haláá kulaa ɓa.

Azaya 66:3

Da kɛ niŋɛ̨ kulɔi a haláá, ɛlɛɛ nwɔ̨nɔ̨, diɛ nu paa! Da kɛ ɓɛlaa haa kulɔi a haláá, ɛlɛɛ nwɔ̨nɔ̨, diɛ yilɛ lon baa a gbɔn! Diɛ ɓɛlaa laa həli, kɛlaa ɓoi ɲąmą ɓə da bu! Da lansan kələn, kɛlaa hali mąąwiɛ mɛ̨nį ɓə! Nuąi tii, daa di liiɓa pələ həɠə, ɛlɛɛ, gbɛli kpɛli mɛ̨nįɠaai tii, di ɓo a di kwəinɛ̨ɛ̨ mɛ̨nį,

Dutɛrɔnome 12:5

Kɛɛnąą lɔpee Yai-Laa ka wɔ Yálá kaa pai ɲeekpiɛ lɛi nąą, Israɛlə huwu kəlee lɔwai, yɛ naa hee laa, yɛ daa tɔɔ laa, gɛɛnąą tii lɔ ɓə ka káá pai kɛi lii laa, kaa hvaa bɔ.

Dutɛrɔnome 12:6

Nąą ɓə ka káá pai kɛi lii laa a ka wɔ haláá hɛnŋąąi da gəlee kələn, da ka wɔ nɛ̨ɛ̨yɔwɔ laa haláá, ə mą kɛ, ka wɔ hihɛnŋąą má bow nąą, ə mą kɛ, ɉɛnŋąąi ka káá pai kɛi lɛɛi ka kpɔɔ ɓa, kaa Yálá kɔ́ la, ə mą kɛ, yiiɠaai ka káá pai kɛi di laakwɛlanmoi, yɛ bələi: ka wɔ nįŋɛ̨ lonnii dɔlɔɔɠaa kaa la, da mɛlaa lonnii dɔlɔɔɠaa.

Samuɛlə dɔlɔɔ 14:18

Saulə yɛ Ahiya ɓa: «Yai-Laa nwɔ kəhii lɛɠɛ ɓɛ!» Volói tii Yálá nwɔ kəhii ə kɛ Israɛlə lonnii pɔ.