Samuɛlə dɔlɔɔ 13:5 - Yálá laawoo hɛɓɛ (dc)

⁵ Filisti nuą di di muhəɠə di kɔ́ pɛlɛ Israɛlə ɓa. Kɔ kɔ́ wotolo waa pow haaɓa ə kɛ di yəi. Nu waa mɛ̨ida di ɓo hoo mɛ̨i, ə lɛɛ, gɔ́laɠa kɛnɛ̨ yɛ gboloyá kwɛlɛ ɲɛa kɔ́w. Di tɛ di di tɔɔi kulɔ Mikmasə Bɛtə-Awɛn voló həɠəi pələ.

Yálá laawoo hɛɓɛ

⁵ Filisti nuą di di muhəɠə di kɔ́ pɛlɛ Israɛlə ɓa. Kɔ kɔ́ wotolo waa pow haaɓa ə kɛ di yəi. Nu waa mɛ̨ida di ɓo hoo mɛ̨i, ə lɛɛ, gɔ́laɠa kɛnɛ̨ yɛ gboloyá kwɛlɛ ɲɛa kɔ́w. Di tɛ di di tɔɔi kulɔ Mikmasə Bɛtə-Awɛn voló həɠəi pələ.

Bible

⁵ Nya ƃe Felesia-ŋai dí díkɔ kɔ́-ƃelai ŋáa tɛ̀ gîe ma a gɛ́ɛ dí kɔ́ Eezuɛ-ŋai pɔ́. Kɔ́ kɔ́-keleŋ wála saaƃa è kɛ̀ díyêei. Núu wála lɔ́ɔlu mɛi da dí kɛ́ kîrɛ siɣêi dítuɛ pere. Naa pôlu ma, gɔ́ kɔ́-ƃelai kɛ̀ siâi díkɔɔ-ŋai díkɛ kpɔ́ a dí támaa yɛ̂ɛ ŋãyai gáa yúo kpono mai. Dí lì Mesima dí díƃûui pú vóloi kulai pere Bɛɛ-Avɛŋ kɔlɛ ma.

Samuɛlə dɔlɔɔ 13:5 Iomraidhean Croise

Zɛnɛse 22:17

gáá lúwɔ́ tooi yɛ́, ŋį́ ə́ huwu ɓɛɛlɛ; gbulu hu a kɛnɛ̨ yɛ gboloyá kwɛlɛ ɲɛa kɔ́w. Ə́ huwuhu nuą yee a tɛɛ di yowoɠaa diɛ, diɛ di wɔ taaɠaai həɠə di yəi.

Samia Veerɛi 17:11

Yili ɓa, niɛwooi gaa ná, ya ka: Israɛlə nuą kəlee di di ɲąąkpɔn ə́ kwɛlɛ, ə həɠə Dan ə həli Beɛrə-Seva, di tamą yɛ gboloyá kwɛlɛ ɲeakɔw, ə lɛɛ, ə́ hvilɛn di ɲɛ̨i tɔwɔ, kaa li gɔ́ ɓa.

Tɔɔɓɛlaa dɔlɔɔ 20:27

Israɛlə nuą kəlee di di ɲąąkpɔn, diɛ li Aramə nuą laakwiɛn ɉii a kɔ́. Israɛlə nuą di di wɔ kɔ́laɠi hee Aramə nuą tənən ma, a gbulu pɛlɛɛ hveelɛ yɛ ɓɛlaaɠaa; ya pa, Aramə nuą daa kɛ nɔi kəlee kpɛɛ mą a di kpulu.

Kɔlɔnikɔ Veerɛi 1:9

Yii hui ŋɛ̨i Yai-Laa, mɛ̨nįi ta ə́ mo ną́n Davidə ɓa, bɔ mɛ̨nį kɛ kɛa. Hvó gaai, Yɛ́ ɓə yáá ɉéé a tɔɔmun nɔi kɛnɛ̨i ŋɛ̨i mɛ̨i, ɉu nuą tamąą yɛ muluun.

Azaya 10:28

Daa həli Ayatə, aa tɛɛ Migrɔn, ə nwɔ tiɛ̨ɠaai lɛɛ Mikmasə,

Azaya 48:19

ə́ huwu ə li kɛ yɛ ɲɛa kɔ́w, ɉu lonnii di ɓo yɛ kwɛni wean, naa hvo li kpɛɛ ɲɛ̨́i mu a yələ lɔpee ta, di hvo li kɛ naa waa laa.

Ɉeremi 15:8

Ŋą́ galanin damą di lɔwai, dɛɛ gboloyá kwɛlɛ ɲɛa kɔ́w ɓa. Ŋą́ lɔi kalamun dɔɔ, kɔ́kuláá laŋaaɠaa di tɔɔ di leeni mɛ̨i, a hvoló ŋą ɉə-ɉə; ŋį́ ɲɔw yɛɛ a di nwun di tɛɠii pələ, yɛ di hu pu diɛ.

Osia 10:5

Samari nuą kaa ɲɔwi Bɛtə-Awɛn haliɠaai a nįŋɛ̨ kpəlaaɠaa, di mąą mɛ̨nį ɓa, mąąhɔlɔɓo, nɔi nuą, da ɉaláá laa həli nuą, diɛi kɛi di ɲąąnɛ̨ɛ̨ kulɔ ŋą kɛnɛ̨ laa hu, di kəlee, di mąą kaa kpɛlin ɉii, diɛ wɔlɔ pu di wɔ halii mɛ̨i, yai a nįŋɛ̨ lon, yiihu, yii kɛa daa li la tii kwɛaa la, ka gwəinɛ̨ɛ̨ ta kulɔ wɛ kan!

Osia 4:15

Yii kpɔ yɛ́, Israɛlə, yá kɛ wɛli hon ɉii, Mąą hvo nɛ̨ɛ̨li Ɉuda yaa kpɛlimąn, hvo tɔɔ yɛ ɉɔn gɛ. 'Ka hvo li Gilgalə, 'ka hvo tɛ Bɛtə-Awɛn, 'ka hvo ka kwɛla, kaa kɛ diɛ: «A kɛ kpɔ Yai-Laa kaa a vulú.»

Osia 5:8

'Ka tulu hvɛɛ Givea, 'ka nįŋɛ̨ mįnɛ̨ hvɛɛ Rama, 'ka təluɓo kɛ Bɛtə-Awɛn. Daa ə́ hon, ə́ kɔ́n bulu pələ, Bɛnɉamɛn!

Lomaŋ 9:27

Esai nwɛi, ə mo yɛ: «Israɛlə lonnii di mąn tamąą yɛ gboloyá hu ɲɛa kɔw, da wolo lɔ ɓə pai ɓaloi.»

Zasua 11:4

Nuąi tii di kulɔ da di wɔ kɔlaɠaɠaa kəlee, nu kpulu hu kɛnɛ̨i kɛ yɛ gboloyá kwɛlɛ ɲɛ̨ą kɔ́w. Hoo kpulu kɛnɛ̨ da kɔ́ kɔ́ wotolo kpulu kɛnɛ̨ ə kɛ di yəi.

Zasua 18:12

Di ɲɛ̨n ə kɛi həɠə Ɉurdɛn ya ɓa ɲələi pələ, yɛ laa a Ɉeriko koo, yɛ tɛ ɲələi pələ, yɛ tɛ ɲee ɓa, voló ɓɛlai pələ, yɛ pu nɔi pun ma Bɛtə-Awɛn daai.

Zasua 7:2

Ɉosue ə lɛɛ Ɉeriko, ə nuą tɔɔ, diɛ li Ai daai, yii kɛ Bɛtə-Awɛn kwɛlɛ, Betɛlə taa voló həɠəi pələ, yɛ diɛ: Ka li ka nɛ̨lɛ̨ɛ̨n naa kɛ nɔi. Nuą tii, də li, di nɛ̨lɛ̨ɛ̨n naa kɛ Ai daai,

Nwun mąąɓo 7:12

Madian nuą, Amalɛkə nuą, da doonwunma nuąi həɠə voló həɠəi pələ, di hu hiaa kpɔ kɛ nɛ̨ŋɛ̨ hu laa yɛ peeləɠaa. Di wɔ ɲɔ̨nwɔmɛ̨ɛ̨ɠaai, kwɛdɛn və kɛ mą, ə kɛ yɛ gboloyá kwɛlɛ ɲɛ̨ąkɔw.

Samuɛlə dɔlɔɔ 13:11

Samuɛlə yɛ mą: «Lə ɓə ŋɛ̨i ə́ gɛi?» Saulə yɛ mą: «Ŋą́ą́ gaa nuą diɛ kulɔ búlu, diɛ taɠa taɠa; ə lɛɛ, yɛ́ kpɛli, hvo kɛi pa a guui gu ɉee, yili pulu, Filisti nuą daa kɛ di ŋąąkpɔn Mikmasə.

Samuɛlə dɔlɔɔ 13:2

Saulə ə nu waa haaɓa həɠə ɉu Israɛlə lɔi hu. Saulə da nu waa hveelɛ ɓə kɛ Mikmasə da Betɛlə yee ɓa, nu waa tɔ̨nɔ̨ da Ɉonatan ni di ɓo Givea Bɛnɉamɛn lɔi hu, ə nu kpəliɠaa lɛɛ laa diɛ li di bɔɔli.

Samuɛlə dɔlɔɔ 14:23

Yai-Laa ə gɔ́ nɛɛ Israɛlə ɓa a volói tii. Gɔ hu ə kɛnɛ̨ kpɔ, ə həli Bɛtə-Awɛn pulu pələ.

Samuɛlə dɔlɔɔ 14:52

Filisti kɔ́ ə kpɔlu Saulə nwɔ yɛnɛ̨ɛ̨ kəlee yee mu. Ya lɔ ɓaa kɛ Saulə, a huwalawala mun da kaa Israɛlə nuą lɔwai, a mąą nu həɠə, da yaa di tɔɔi ə kɛ tɔ̨nɔ̨.

Samuɛlə dɔlɔɔ 17:1

Filisti nuą di di wɔ kɔ́ kɔ́ nuą ɲąąkpɔn, kɔ́ kɔ́ mɛ̨nį ɓa. Di di ɲąąkpɔn Soko, Ɉuda lɔi hu. Di di wɔ kɔ́ ɓuwui pɛlɛ Soko da Azeka di lɔwai Efɛsə-Damimə daai.

Samuɛlə dɔlɔɔ 7:13

Filisti nuą ŋɛ̨i ə paa, di hvo kɛa pənə di hvo lɔ Israɛlə lɔi hu, Yai-Laa yee ə kɛ Filisti nuą mɛ̨i Samuɛlə nwɔ yɛnɛ̨ɛ̨ kəlee yee mu.