Samuɛlə dɔlɔɔ 13:14 - Yálá laawoo hɛɓɛ (dc)

¹⁴ Kɛlaa, yii laai hu, ə́ wɔ tɔɔlaai hvo pai lamuni ɉu. Yai-Laa aa nu kwɛli mą a niiɓa mun, ɛlɛɛ, Yai-Laa aa ɉee a nwɔ nu huwui ɲąąwooɓo mun. Hvo gaai, mɛ̨nįi Yai-Laa ə kɛ yɛ ə gɛ, hvo gɛ li.»

Yálá laawoo hɛɓɛ

¹⁴ Kɛlaa, yii laai hu, ə́ wɔ tɔɔlaai hvo pai lamuni ɉu. Yai-Laa aa nu kwɛli mą a niiɓa mun, ɛlɛɛ, Yai-Laa aa ɉee a nwɔ nu huwui ɲąąwooɓo mun. Hvo gaai, mɛ̨nįi Yai-Laa ə kɛ yɛ ə gɛ, hvo gɛ li.»

Bible

¹⁴ Kɛ́lɛ vé pâi kɛ̂i tí ŋɔ́nɔ, kpɛ́ni fêi, ífe íwoli tɔɔ ní. M̀ɛni ma, Yâwɛɛ fé pâi núu da kélee kulâi ísuui su a gɛ́ɛ é kɛ́ a kâloŋ. Aâ gbâa nuui síɣe a wɛ̂lii é kɛ́ a kâloŋ ŋɔnûai mɛi ípɔɔ ŋá.”

Samuɛlə dɔlɔɔ 13:14 Iomraidhean Croise

Samia Veerɛi 5:2

Saulə nwɔ tɔɔlaa yələi, yɛ́ ɓə kɛi tɔɔ Israɛlə ɲɛ̨i tɔwɔ kaa li, kaa pa. Ya ɓə Yai-Laa ə kɛ yɛ́: ‹Yɛ́ ɓə pai Israɛlə nwɔ́ nu huwui ŋaakɔn ɉii, ɛlɛɛ, yɛ́ ɓə pai kɛi Israɛlə nwun na.›»

Samia Veerɛi 6:21

Davidə yɛ Mikalə ɓa: «Yai-Laa ɲɛ̨i ɓa ɓə ŋą́ kɛi mąną laa, yaai tii ɉə́ɠə ɉu, ə gɛ́ a niiɓa mun, yɛ víɛlaɓo yɛ́ dɛ́ɛ́ ə́ nąn ma da ɲəi bɛlɛ́n nuą kəlee. Yɛ ɉéé a tɔɔmun, nwɔ nu huwui Israɛlə kəlee nwun na.

Tɔɔɓɛlaa veelɛ 20:5

yɛ mą: «Pənə ə́ li yɛ́ nwɔ́ lɔi Israɛlə nwun nąmu Ezekiasə ɓa: mɛ̨nįi Yai-Laa ə mo ya ka, yaai gaa a ə́ nąn Davidə nwɔ Yálá: ‹Ŋáá ə́ wɔ hvɛli ɓo woo mɛ̨n, ŋą́ą́ ə́ ɲɛ̨iya kaa, yili ɓa, gáá ə́ kulɔi ɲɔ̨n ŋɛ̨i hu. Hvóló haaɓa tɛɛ pulu, ə́ kaa pai lii Yai-Laa yəi bɛlɛ́n.

Kɔlɔnikɔ Maa-ŋuŋ 10:13

Saulə ə haa mąąhɔlɔɓo, nwooi da Yai-Laa di mo, hvo kɛ lɛɛ li bulu, mɛ̨nįi Yai-Laa ə mo mą, hvo bɔ mɛ̨nį kɛ li; ə lɛɛ, gɛ mɛ̨nį ə li tɔɔi, yɛ nwun dɔɔ a ɲąmuątaa tɔlikpɛ mun da,

Mąątɛ̨nɛ̨ 78:70

Ə nwɔ tímun Davidə həɠə ɉu a níiɓamun, ə ɉəɠə taatɛlɛɛ kumun ɉu;

Hanwon 27:24

Mąąhɔlɔɓo, hɛn gɔw hva lamun a yələ kəlee, ɛlɛɛ, tɔɔhvili hva həli mąnįn bulu mąnįn diɛ.

Azaya 39:5

Nąąlɔwai kɛa, Esai yɛ Ezekiasə ɓa: «Ə́ wəli tɔɔ Mɛ̨nį Kəlee ŋą Hééɓomun Yai-Laa woo ɓa, yɛ mą:

Gɛlaɠaa 13:22

Yálá ə Saulə kulɔ dɔɔlaa hu, ə Davidə tɛɛ di pɔ a tɔɔmun. Davidə tii, mąą mɛ̨nį ɓə ə mɛ̨nįi ŋɛ̨i ɓo la, yɛ kɛ: ‹Ŋą́ą́ Ɉɛse lon Davidə kaa a nííɓamun, ya ɓə pai nííɓa mɛ̨nįɠaa kəlee kɛi.›

Gɛlaɠaa 7:46

Yili yaan, Yálá ə ɲɛ̨i lɛlɛɛ hee mą, ə ɉu hvɛli, yɛ kɛ ə pɛlɛ́ tɔɔ a Ɉakɔbə nwɔ Yálái nwɔɔ.

Hebreu 2:10

Bələ ɓə, ə nɛ̨ɛ̨ la tii, nui hɛn gəlee pɛli, yai hɛn gəlee kaa ɲəi, mą, ə hvaa mą, ə pələ kulɔ a lon damąą, ə di lɔ mąąwiɛlaa hu, ə mɛ̨nį kəlee laa kulɔ a nui ɓalo mɛ̨nį bələ kulɔ, ŋą mɔ̨nɔ̨.

Samuɛlə dɔlɔɔ 15:23

Kɛlaa, nu kulaa Yálá woo mu nɛ̨ŋɛ̨n gaa lɔ yɛ, kwɛli hvilɛn ŋąą hali ɓa nwɔ nɛ̨ŋɛ̨n, da wəli kpɔlɔ nɛ̨ŋɛ̨n, ə mą kɛ tɔlu kpɛ nɛ̨ŋɛ̨n. Yii kpɔ yáá lənə Yai-Laa woo ɓa, yaa kpɛli aa lənə yɛ́, hvó kɛa a tɔɔmun.»

Samuɛlə dɔlɔɔ 15:26

Samuɛlə yɛ Saulə ɓa: «Və́ hvilɛn ɉii ə́ pulu, gwa yɛ́ gu hvo li, mąąhɔlɔɓo, yáá lənə Yai-Laa woo ɓa, Yai-Laa aa lənə yɛ́, hvo kɛa a Israɛlə tɔɔmun.»

Samuɛlə dɔlɔɔ 15:28

Samuɛlə yɛ Saulə ɓa: «Yai-Laa aa ə́ wɔɔ naa tee Israɛlə tɔɔlaa ɓa háákələi, aa dɔɔlaa tɛɛ nu takpɛli pɔ, yii viɛlaɓoɔ yɛ́.

Samuɛlə dɔlɔɔ 16:1

Yai-Laa yɛ Samuɛlə ɓa: «Ə kaa pai lɛɛi Saulə mąą wɔlɔ ɓoi, ə lɛɛ la ɉu mįnɛ̨ lɔwai? Ɲą́ą́ gbinįi ɓə nɛɛ laa, hvo kɛa a Israɛlə tɔɔmun. Ə́ wɔ huwɔ mįnɛ̨i həɠə, ə́ wulɔ pu vɛɛ. Gáá ə́ tɔɔi Ɉɛse pɔɔli, yai gaa a Bɛtleɛmə daai mun; mąąhɔlɔɓo, nonnii lɔwai, ŋą́ą́ da kaa laa, yii mąąnɛ̨ɛ̨ ŋą́ gɛ a tɔɔmun.»

Samuɛlə dɔlɔɔ 16:12

Ɉɛse ə mo, di dəli ə pa. Ɉulɔnon tii nwɔ kɔ́lɔ kwələ mu kpɔluɔ kɛ, ɲɛ̨i laa lɛlɛɛ, mąąhəɠɛɛ. Yai-Laa yɛ Samuɛlə ɓa: «'Ə́ muhəɠə, 'li ə́ nwulɔ lɔ mą, ya ɓə!»

Samuɛlə dɔlɔɔ 2:30

Yili mąą mɛ̨nį ɓa, Yai-Laa Israɛlə nwɔ Yálá woo ka: Ŋą́ ta mo tii, gɛ́ kɛ diɛ, ə́ wɔ pɛlɛ́i da ə́ nąn nwɔ pɛlɛ́i di kaa pai hiɛi ɲɛ̨i ɓa a yələ kəlee, kɛlaa, yiihu, Yai-Laa woo yili aa həɠə mą. Mąąhɔlɔɓo, nuąi da mą́ą́wiɛ, ŋą́ di mąąwiɛ, nuąi da tɛɠɛɓo ɉú, di ɓɛlɛ aa kpɛɛ diɛ.

Samuɛlə dɔlɔɔ 24:20

Nu da ɲowo da kwiɛn, a mɔ̨ɔ̨ nɛɛ laa a nwəli pulu laɠiɛ yɛ li. Mɛ̨nįi yáá gɛ mą́ą́ háákələi, Yai-Laa ə mąą hvɛla tɛɛ ə́ pɔ.

Samuɛlə dɔlɔɔ 25:30

Ɓɛlɔwai Yai-Laa kaa pai mɛ̨nį lɛlɛɛɠaai ə vaa ɓo ə́ mąą mɛ̨nį hu, a gəlee kɛ, gaa pai ə́ heeii Israɛlə nwun na.

Samuɛlə dɔlɔɔ 9:16

«Tínąą ɓɛlɔwai ɲɔ̨nwɔ̨mąn, gáá pai Bɛnɉamɛn lɔi hu mun da tɛɛi yɛ́, ə́ nwulɔ mąąhəɠɛɛ lɔ ma, ə́ gɛ a nwɔ́ nu huwu Israɛlə ɲąąwooɓomun, ya ɓə pai nwɔ́ nu huwui kulɔi Filisti nuą yee mu. Ŋą́ą́ nwɔ́ nu huwui kaa, nwɔlɔ woo aa həli mą́ą́.»