Samuɛlə dɔlɔɔ 12:3 - Yálá laawoo hɛɓɛ (dc)

³ Ɲą́ą́ ka tɔɔni ka lííla Yai-Laa ɲɛ̨i ɓa da nwɔ nui ə ɉəɠə ɉu, nui ɉɔ́n gaa gwəi, ə mo. Gbɛɛ ɓə ŋą́ Nįŋɛ̨ ɲəi? Gbɛɛ ɓə ŋą́ hoohvaalən ɉəɠə ɲəi? Gbɛɛ ɓə ŋą́ ɲéé pənə ɉu? Gbɛɛ ɓə ŋą́ too mɛ̨i hɛn ɉəɠə ɲəi? Gbɛɛ ɓə ŋą́ wali həɠə ɲəi a gili ŋapɛlɛ pələ? Nui ŋą́ yili kɛ la, mąą nu ə hvaa, ŋą́ pənə ŋą́ dɛɛ bɔ.»

Yálá laawoo hɛɓɛ

³ Ɲą́ą́ ka tɔɔni ka lííla Yai-Laa ɲɛ̨i ɓa da nwɔ nui ə ɉəɠə ɉu, nui ɉɔ́n gaa gwəi, ə mo. Gbɛɛ ɓə ŋą́ Nįŋɛ̨ ɲəi? Gbɛɛ ɓə ŋą́ hoohvaalən ɉəɠə ɲəi? Gbɛɛ ɓə ŋą́ ɲéé pənə ɉu? Gbɛɛ ɓə ŋą́ too mɛ̨i hɛn ɉəɠə ɲəi? Gbɛɛ ɓə ŋą́ wali həɠə ɲəi a gili ŋapɛlɛ pələ? Nui ŋą́ yili kɛ la, mąą nu ə hvaa, ŋą́ pənə ŋą́ dɛɛ bɔ.»

Bible

³ Ŋa kámarê kɛ̂i. Ŋa tá niŋa sîrɛ, kpaa máŋ wɛlɛ-sôo kula káta yêei a wála-wala laa? Ŋa tá mɛni ŋánaa kɛ́ a núu da kpaa máŋ ŋá yee-pɛlɛ ǹá-sɛŋ da soŋ núu da yêei a gɛ́ɛ ŋá mɛni ŋá-tee a wôya pere? Ká ŋ́oo su too a gɛ́ɛ Ǹuu-namui da gâloŋ nyíi aâ zìɣe zui da pɔri káwoo mɛnii. À kɛ̀ ŋa tá m̀ɛnii sîi-ŋai ŋí da kɛ́ ní a káa, ŋa pâi bɔɔ tɔ̂ɔ fêi.”

Samuɛlə dɔlɔɔ 12:3 Iomraidhean Croise

Samia Veerɛi 22:22

Mąąhɔlɔɓo, kpaaləi Yai-Laa ə kɛ yɛ ŋą́ hiɛ la, ya ɓə ŋą́ hiɛ laɉu. Və́ kɛ kulɔ li nwɔ́ Yálá woo mu.

Nehemi 5:11

Háákələi, ka di wɔ tíiɠaai tɛɛ di pɔ, da di wɔ viɲə yɛɛɠaai di wɔ pɛlɛ́ɠaai. Ɛlɛɛ di wɔ waliɠaai, da nɔɔ nįnɛ̨, da wulɔɠaai ka gwələtɔɔ diɛ, ka dɛɛ di pɔ.»

Mąątɛ̨nɛ̨ 15:5

Hva kwələ tɔɔ a tɔ̨nɔ̨ hɔlɔɓo pələ ɉu, hva kwəi kwələmun ŋą hɛn gulɔ ɲəi, əgɛ, yili yee ə lɛɛ ɉu. Nui a túwɔ́ tii, dɔɔi lɔ gbilin a yələ kəlee, hva dumo dɔɔi.

Lɛɛ gbɔwɔ ɓa 20:17

«'Ə́ ɲɛ̨i hvo kulɔ ə́ ɓɛlan gaalon nwɔ pɛ́lɛ́i pɔ, ə́ ɲɛ̨i hvo kulɔ nɛ̨ą pɔ, ə mą kɛ, a nwɔ luwɔ hilɛ da nwɔ luwɔ nɛ̨ą; ə kɛ a nwɔ nįŋɛ̨, ə mą kpɛli kɛ a nwɔ hoo hvaalən. Ə́ ɲɛ̨i hvo kulɔ ɲəi hɛn lɔpee ta pɔ.»

Lɛɛ gbɔwɔ ɓa 22:4

«‹Akɛ nu ta a nwɔ taatɛlɛɛ hvilɛn ɲəi gbomoi, yɛ gɔ̨nɔ̨n gwɛli laa, daatɛlɛɛi tii a pili tíi takpɛli hu ə nąą kala, mąąnɛ̨ɛ̨ ə bɔɔ kulɔ ɉu a nwɔ tíi nɛlɛɛmun gɛɛnąą, a wala kɛ ti nwɔ hihɛn nɛlɛɛmun gɛɛnąą.

Lɛɛ gbɔwɔ ɓa 23:8

Hvó ə́ yee hee nɔgwəi hɛn mu. Mąąhɔlɔɓo, nɔgwəi hɛn a mɛ̨nį kɔ́lɔnmun ɲɛ̨i kpinį mą, yɛ tələnmo nuą di wɔ tələnmolaa kpəlaan.

Hanwon 15:27

Nui ɲee kaa nwumɛ̨ mɛ̨nį hu, a nwɔ pɛ́lɛ́i huwu-huwu ɓo, nui nɔgwəi hɛn nwɛli hvo mą, gaa pai lamun ɉii.

Levetekɔ 6:4

Nąąlɔwai, a ɉaláá kulɔ həɠəɠaa kulɔ mą, ə həɠə takpɛli too gwąną ə li ə nuwu pili daa kpala kɛɛnąą mąąhəɠɛɛ ta ɓa.

Levetekɔ 6:5

Nwɔ̨n ŋɛ̨i a kɛ ɉaláá kulɔi, mąą hvo nɛ̨ɛ̨li hvo luwun. Yələwala kəlee ɉaláá laa həli mun a kwɛi tɔɔ nwɔ̨n ma, ɉaláá hɛn da gəlee kələn, gwɛiɠaa tii mɛ̨i ɓə da naa laa, gɛɛ di hvo kɛ pai liilaa haláá kulɔi, yaai gaa a ɉuwɔ wulɔɠaa.

Lonon mo 16:15

Moisə lii ə holi kpɔ kɛnɛ̨, yɛ Yai-Laa ɓa: «Hvó ə́ yee hee di wɔ kɔ́ɓo hɛn mu. Və́ ta kpɛli hoohvaalən gulɔ li di yəi, və́ ta hvulu mɛ̨nį kɛ li a di ta.»

Maafîu 22:21

Nuą di nwoo ŋąąpənə diɛ mą: «Sesarə ɓə!» Jesus yɛ diɛ: «A kɛ tii, ka Sesarə nwɛi tɛɛ Sesarə pɔ, ka Yálá nwɛi tɛɛ Yálá pɔ.»

Lukə 19:8

Zase ə́ muhəɠə yɛ Ną́mu Jesus ɓa: «Ną́mu! Gáá ɲə́i hɛn gɔw bələ tɔ̨nɔ̨ tɛɛi yeehvowolo nuą pɔ, ɛlɛɛ, akɛ ŋą nu ta hulu, ŋą hɛn gulɔ ɲəi, ŋą bɔɔi tɛɛ mąą nu pɔ gee mɛ̨i nąąn.»

Gɛlaɠaa 20:33

Ɲɛ̨́i hvo kɛ kulɔ li, wali pɔ, hɛni pɔ, ə mą kɛ, nu nwɔ həɠə.

Korɛntə veelɛ 12:14

Ŋą́ą́ gbɔ́wɔ́ pɛli yiihu, bá mɛ̨nį ɓa ká pɔɔli, a ɉaaɓanąn, ɛlɛɛ, və́ pai kɛi ka nwuɔ̨ a tiɛ̨. Mąąhɔlɔɓo, ká yəi hɛn vəi gáá gwɛlii, kɛlaa ká kpinį lee ɓə gáá bɔ. Lɛapɛlɛɛ hvəə da hɛnŋąa laaikɛ di kaa nuą mąą mɛ̨nį ɓa; kɛlaa, lon gaa nuą ɓə da di lonnii tɔwɔ hee.

Dutɛrɔnome 16:19

Mąą hvo nɛ̨ɛ̨li, ka hvo tɛ̨ąą mɛ̨nį pili ɉu, ka hvo tɔɔ hulu mun da pulu. Ka hvə ka yee hee nɔ gwəi hɛn mu. Mąąhɔlɔɓo, nɔ gwəi hɛn a mɛ̨nį kɔ́lɔn nuą ɲɛ̨ipu, yɛ tələnmomun nwɔ tɛ̨ąą mąą mɛ̨nį pili ɉu.

Tɛsalonikə dɔlɔɔ 2:10

Ká káá a yili mąą kɛla, ə mą kɛ, Yálá yaa kpɛli yaa kpinįi, káái a laa na nuą, ku túwɔ́ ká ɲɛ̨i mu, mąąhəɠə laa hu, tələnmo laa hu, mąąkulɔi hvo kɛ mą.

Tɛsalonikə dɔlɔɔ 2:5

Yili ɓə gɛ, ku hvo gɛ li a gbąnąlaa woo, káá kpinįi ká kili kaa tii ɉu, tɔlɔ kwɛli kili hvo kɛli kuɔ, Yálá kpinįi kaa a gɛla.

Piɛrə dɔlɔɔ 5:2

'Ká Yálá ŋą kpɔn ŋɛ̨i ə galihvaɓo káá, 'ká mɛ̨i kaa a nɛlɛɛ, 'ká hvo gɛ a yee tɔɔ gwąną mɛ̨nį, kɛlaa, ká gɛ a kwəinɛ̨ɛ̨, yɛ bələi Yálá kaa la bɔ, 'ká hvo gɛ yɛ kaa kɛi tɔ̨nɔ̨ kwɛli, ká gɛ liinɛ̨ɛ̨ gwəi laa hu.

Samuɛlə dɔlɔɔ 10:1

Samuɛlə ə nwulɔ kpowo həɠə, ə bu Saulə nwuɔ̨, ə nɛ̨nɛ̨ɓo, yɛ mą: «Yai-Laa ka tii aa ə́ həɠə, ə gɛ, ə́ kɛ a gwɛlin ɲąąwooɓomun.

Samuɛlə dɔlɔɔ 12:4

Nuą diɛ Samuɛlə ɓa: «Hvo ə yee pənə li ku hu, hvo too li ku mɛ̨i, hvo hɛn gulɔ li nu ta yəi.»

Samuɛlə dɔlɔɔ 12:5

Samuɛlə yɛ diɛ: «Yai-Laa ɓə a ka gu lɔwai kɛla; da nui ə ɉee a tɔɔmun, háákələi, ka hvo hɛn da kaa li ɲə́i.» Di kəlee diɛ mą: «Ya kpɔ ɓə a gɛla.»

Samuɛlə dɔlɔɔ 2:35

Yili pulu, gáá pai nwɔ́ hala laahəli mun nɛlɛɛ həɠəi, gaa pai túwɔ́i a nííɓa, yɛ bələi gáá la bɔ. Gáá pai pɛlɛ́ tɔɔi mą, vilɛn ŋąą kpilin, gaa pai kɛi hiɛi a yələ kəlee nwɔ́ nui ŋɛ̨i ŋą́ mąątí a dɔɔ wulɔ, nií la.

Samuɛlə dɔlɔɔ 24:11

Ə́ gbaɠala kaa yɛ́, yɛ́ kpįnįi yɛ́ kɛ, Yai-Laa ə́ ə́ lɔ ɲéé ŋą háákələi gwɛni wolo hu? Kɛlaa, və́ gɛ və́ ə́ paa; ŋą́ ə́ mąąwɛli kaa, gɛ́ kɛ diɛ: ‹Vá ɲéé pɛlɛ nwún nąmu ɓa, mąąhɔlɔɓo, nui Yai-Laa aa ɉəɠə ɉu, aa ɉee a tɔɔmun yaa li.›

Samuɛlə dɔlɔɔ 24:6

Kɛlaa, yili pulu, Davidə lii ə kulɔ ma, mąąhɔlɔɓo, aa kɛ Saulə nwɔ həɠəi ta tee mą.

Samuɛlə dɔlɔɔ 24:7

Yɛ nwɔ nuąi diɛ: «Yai-Laa ə gíhiɓo, gɛ́ dúwɔ́ yili ɓo a nwɔ́ mɛ̨nį nąmu. Mąąhɔlɔɓo, ya ɓə Yai-Laa ə dɔɔ wulɔ lɔ mą.»

Samuɛlə dɔlɔɔ 26:11

Yai-Laa ə gɛ́ a hɔn maa mun, akɛ ŋą́ ɲéé pɛlɛ nui Yai-Laa ə ɉee a tɔɔmun ma. Gbalai tii gwɛlɛ, da nwɔ ya pu hɛn həɠə gwə li.»

Samuɛlə dɔlɔɔ 26:9

Davidə yɛ Avisai ɓa: «Hvo baa. Nui Yai-Laa ə tɔɔ wulɔ lɔ mą, gbɛɛ ɓə a pɛli ɲee tunwɔ̨n ɉii mą, nu a yili kɛ, hvo kɛ li di mąą nu hutɔɔ.»