Samuɛlə dɔlɔɔ 12:2 - Yálá laawoo hɛɓɛ (dc)

² Ə həɠə yiihu ɓa, dɔɔmun tii ɓə pai kɛi tɔɔi ka ɲɛ̨i tɔwɔ; nwɛ́i, ŋą́ą́ pɔlɔ, kɔ́lɔ hvo kɛa mą́ą́, nónnii kaa ka pɔ, di kaa nu kpalaan ɉeɛɠaa. Ɲą́ą́ ɓə kɛi tɔɔ ka ɲɛ̨i tɔwɔ, ə həɠə náŋą yələ ɓa, ə həli la háákələi ɓa.

Yálá laawoo hɛɓɛ

² Ə həɠə yiihu ɓa, dɔɔmun tii ɓə pai kɛi tɔɔi ka ɲɛ̨i tɔwɔ; nwɛ́i, ŋą́ą́ pɔlɔ, kɔ́lɔ hvo kɛa mą́ą́, nónnii kaa ka pɔ, di kaa nu kpalaan ɉeɛɠaa. Ɲą́ą́ ɓə kɛi tɔɔ ka ɲɛ̨i tɔwɔ, ə həɠə náŋą yələ ɓa, ə həli la háákələi ɓa.

Bible

² Ká gɔ́lɔŋ berei ŋá kɛ̀ la kálaa túɛ é síɣe tãi ma ŋá kɛ̀ la a ǹyaŋkpai. Ǹyaŋ ŋa gbâa pɔlɔ, ŋ́uŋ poa, ńônii-sinaai da nâa ƃɔlɔ da kɛ́ díkpɔɔi yee ma. Ka gáa berei kákâloŋ a pâi kámɛi kâai lai.

Samuɛlə dɔlɔɔ 12:2 Iomraidhean Croise

Mąątɛ̨nɛ̨ 71:18

Bələi mąn ŋą́ą́ pɔlɔ la nwún aa powa, Yálá, 'hvó ə́ kili kulɔ ɉú hvó nɛ́ɛ́ gbɔ́wɔ yee kɔ́nma; 'gɛ, gɛ́ pɛli ə́ wɔ huwalawala kɛ mɛ̨nįɠaa hukulɔi nuąi yɛnɛ̨ɛ̨ yiihu diɛ, da nuąi pai lɛɛi di pulu, ŋį́ ə́ wɔ kpakololaa lɛ diɛ.

Lonon mo 27:17

Mąą nu yɛ li, yɛ pa, yɛ ɓo nuą ɲɛ̨i tɔwɔ, yɛ di lɔ, yɛ di kulɔ; ə gɛ, Yai-Laa nwɔ nu kpului hvo pa lɛɛ lɔ yɛ taatɛlɛɛi mɛ̨i kaa mun və mą.»

Timote veelɛ 4:6

Yii ɲą́ą́ nwɛ́i, daa náákwɛlanmo a haláá hɛn, ɛlɛɛ, ní yələ aa həli.

Zasua 23:1

Yai-Laa ə liilaa yɛnɛ̨ɛ̨ tɛɛ Israɛlə lonnii pɔ ɲowoɠaa kəlee lɔwai, ɉu kwɛa, Ɉosue ə pɔlɔ. Gɛɛ kɛa a hulɔgolo,

Zasua 23:2

nąąlɔwai ɓə ə Israɛlə lonnii kəlee ɲąąkpɔn na; nwɔ kalanɉonŋąą, ɲɛ̨itɔwɔ nuą, nwɔ kiti tee nuą, ə mą kɛ, nwɔ hɛɓɛ́ kɛ nuą, yɛ diɛ: «Ŋą́ą́ pɔlɔ kɛa,

Piɛrə veelɛ 1:14

Mąąhɔlɔɓo, gílí kaa ɉu gɛ́ diɛ: Və́ pai lɛɛi gɔlɔi ŋɛ̨i hu, ɉáái lɔwai aa gbɛa həli, yɛ pələi Ną́mu Jesus Kristə ə nɛ la mą́ą́.

Samuɛlə dɔlɔɔ 2:22

Eli pɔlɔɔ kɛa kɛ kɛnɛ̨, dúwɔ́ taaləi nonnii di kɛ gɛ a Israɛlə nuą kəlee, ə kɛi bələ mɛ̨n; Ə mą kɛ laai ŋɛ̨i di kɛi mo a nɛ̨ąąi ŋɛ̨i kɛi pa gee kaa kələ laaləi.

Samuɛlə dɔlɔɔ 2:29

Lə ɓə kɛ yai ka káá tɛɠɛɓoi nwɔ́ haláái hu, da gɔ́ hɛnŋaai ŋą́ vaaɓo nuą diɛ ɲəi bɛlɛ́n? Lə ɓə kɛ yai, yá nwumɛ̨ ə́ lonnii diɛ, yɛ di hviɛlaɓo mą́ą́? Lə mɛ̨nį ɓa ka koo kaa laai ka ŋą a nwɔ́ nu huwui Israɛlə nwɔ haláá hɛn nɛ̨ɛ̨mun?

Samuɛlə dɔlɔɔ 3:10

Yai-Laa ə pa, ə tɔɔ Samuɛlə lííla, ə dəli yɛ bələi ə kɛi yiiɠaa tii kɛ la, yɛ mą: «Samuɛlə! Samuɛlə!» Samuɛlə yɛ mą: «Ną́mu, yii yɛ́ mo mą́ą́, mo; yɛ́ luwɔ hilɛ wəli tɔɔi.»

Samuɛlə dɔlɔɔ 3:13

Ŋą́ mo mą, gɛ́ mą: Nwɔ pɛlɛ́i kiti tee hiɛ li, nwun na ə pili a yələ kəlee; dúwɔ́ hɔn mąą mɛ̨nį ɓa. Mąąhɔlɔɓo, gili ə kɛ ɉu yɛ kɛ non ɉinąą kaa Yálá ɓɛlɛ too mɛ̨nį kɛi, yaan hvo di hutɔɔ.

Samuɛlə dɔlɔɔ 3:16

Eli ə Samuɛlə təli, yɛ mą: «Nón Samuɛlə!» Samuɛlə yɛ mą: «Nán, ŋą́ą́ ka!»

Samuɛlə dɔlɔɔ 8:1

Samuɛlə ə pɔlɔ, ə non ɉinąą hee a Israɛlə ɲąąwooɓo nuą.

Samuɛlə dɔlɔɔ 8:20

Ku kaa bɔ ku kɛ yɛ lɔi takpɛliɠaa, kuɔ tɔɔmun kaa pai kɛi ku ɲąąwooɓoi, yɛ tɔɔ ku nwun na, yɛ ku nwun mąąkɔ̨nwɔ̨ kɔ́ɠaa ɓa.»

Samuɛlə dɔlɔɔ 8:3

Kɛlaa, non ɉinąąi tii, di hvo hvilɛn bɔɔ ŋą, hɛn nwɛlilaa ə di kili kala di kwəi, diɛ nɔgwəi mɛ̨inɛ̨ɛ̨ɠaa hon, diɛ tɛ̨ą mąą mɛ̨nį pili ɉu.

Samuɛlə dɔlɔɔ 8:5

Diɛ mą: «Yɛ́ ka, yaa pɔlɔ, ə́ lon ɉinąą diɛn, di hvo hiɛ li ə́ pɔɔ ŋą. Mɛ̨nį a kɛ tii, tɔɔmun dɛɛ ku pɔ, yɛ ku ɲąąwooɓo, yɛ pələi gaa la lɔi takpɛliɠaa hu.»