Samuɛlə dɔlɔɔ 12:17 - Yálá laawoo hɛɓɛ (dc)

¹⁷ Kɛlɛi mɔ̨nun deei lɔwai ka kɛa-e, gáá Yai-Laa hvɛlii, yələgbąnąą tulɔ ə pu, mɛ̨nį ɲɔ̨nwɔ̨ɔ̨i ka gɛ, ka a gɛnɛ̨ pələ kaa, gɛ mɛ̨nį ka tɔɔmun vɛli yɛ hee ka nwun mɛ̨i.»

Yálá laawoo hɛɓɛ

¹⁷ Kɛlɛi mɔ̨nun deei lɔwai ka kɛa-e, gáá Yai-Laa hvɛlii, yələgbąnąą tulɔ ə pu, mɛ̨nį ɲɔ̨nwɔ̨ɔ̨i ka gɛ, ka a gɛnɛ̨ pələ kaa, gɛ mɛ̨nį ka tɔɔmun vɛli yɛ hee ka nwun mɛ̨i.»

Bible

¹⁷ Kɛrɛe fólo láa ƃó ɣele ƃe ŋí? Ŋa pâi Ǹuu-namui marê kɛ̂i a gɛ́ɛ é ɣele-gbana too da tuna. Ǹyaŋ ka naa kàa, ka pâi gɔ̂lɔnii a gɛ́ɛ mɛni nyɔ́mɔɔ ká tí ká gɛi, a kákɛɛ Ǹuu-namui marê kɛ̂i kâloŋ mɛni ma kákpîŋ mɛni mai.”

Samuɛlə dɔlɔɔ 12:17 Iomraidhean Croise

Mąątɛ̨nɛ̨ 99:6

Moisə da Aarɔn di kɛ nwɔ haláái kulɔ nuą lɔwai, ɛlɛɛ Samuɛlə ə ɓo nuąi kɛi naa təli di pɔ, di kəlee di kɛi wɔlɔ Yai-Laa ɓa, yɛ di woo mu hon.

Lɛɛ gbɔwɔ ɓa 32:30

Mąą yələ laa ɓoɔ, Moisə yɛ nuą diɛ: «Kaa nɛ̨ŋɛ̨n gɛnɛ̨ həɠə, kɛlaa, dɛ́ hiɛ ka yiihu Yai-Laa pɔ pələ, gbəli hu, gaa lii hvaai mą ə ka wɔ nɛ̨ŋɛ̨n mąą hvaalɛɛ.»

Hanwon 26:1

Nwɔ̨n da yá di hva doo geeɓa mįi, tulɔ wɛli hvo mɔ̨nun deemun ma, bələ lə kpɔlɔɔ ɓə ɓɛlɛ hva kilikpɛɛgwəi mun mąą hon na.

Ɉeremi 15:1

Yai-Laa yɛ mą́ą́: Ə mą kɛ Moisə da Samuɛlə daa tɔɔ nííla, nwɔ́ kiliŋąhiɛ hva kɛa hvilɛn nuą ŋɛ̨i diɛ a nɛlɛɛ. Ka di kpɛ di həɠə nííla, də li!

Zasua 10:12

Ɲələi tii Yai-Laa ə Amɔrə nuą too la Israɛlə lonnii yee ŋą, Ɉosue ə mɛ̨nį ɓo Yai-Laa ɓa Israɛlə lonnii kəlee ɲɛ̨i ɓa, yɛ mą: «Hvóló tɔɔ Gabaɔn taa mɛ̨i! Ɲąnin tɔɔ Ayalɔn nɛ̨ŋɛ̨ hu.»

Samuɛlə dɔlɔɔ 12:13

Yili ɓa, yiihu, tɔɔmun ka vɛli a ka liiɓa, yaai ka ɉəɠə a ka liiɓa, ya ka. Yai-Laa aa tɔɔmun dɛɛ ka pɔ.

Samuɛlə dɔlɔɔ 12:19

Nɔi lonnii kəlee diɛ Samuɛlə ɓa: «Ə́ wɔɔ luwɔɠaai maa nɛ̨ɛ̨mąą hvə Yai-Laa ɓa, ə gɛ, ku hvo ləi pa haa. Hvo gaai, kwaa ku kɛ nɛ̨ŋɛ̨nŋaa ta laa mɛ̨i, gɛ mɛ̨nį ku tɔɔ nwɔ̨nɔ̨, kuɔ tɔɔmun ɉu hvəli, kuɔ ɉee, yɛ ku ɲąąwooɓo.»

Samuɛlə dɔlɔɔ 2:10

Yai-Laa ɲowoɠaa hu kaa pai yalii. Gaa pai lɛɛi yələkɔlɔn ɉu yɛ nwɔ yələgbąnąą ɓɛla di mɛ̨i. Yai-Laa kaa pai lɔi pilɛɛ gee mɛ̨i kiti teei, gaa pai heeɓo laa tɛɛi nwɔ tɔɔmun bɔ. Nui a dɔɔi, ə́ mąątí a dɔɔ wulɔ, yɛ ɲɛ̨i pɔ̨nɔ̨.

Samuɛlə dɔlɔɔ 7:5

Samuɛlə yɛ diɛ: «Israɛlə nuą, ka kəlee ka ká ŋąąkpɔn Mispa daai, ŋą́ ka mąąnɛ̨ɛ̨ maa hvə Yai-Laa ɓa.»

Samuɛlə dɔlɔɔ 8:6

Nwooi tii ə nwąną Samuɛlə ɓa, di kɛ mɛ̨nį ma tɔɔmun dɛɛ ku pɔ, yɛ ku ɲąąwooɓo. Ə lɛɛ Samuɛlə ə Yai-Laa hvɛli,

Samuɛlə dɔlɔɔ 8:7

Yai-Laa yɛ Samuɛlə ɓa: «Ə́ wəli tɔɔ nɔi lonnii kəlee woo ɓa, yii lɔpee da mo yɛ́, gɛ. Yɛ́ hvəi di kaa ə́ pilii, di hvo kɛa bɔ və́ di ɲąąwooɓo.