Samuɛlə dɔlɔɔ 12:12 - Yálá laawoo hɛɓɛ (dc)

¹² Kɛlaa, Nahasə yai kɛ a Amɔn nuą di wɔ tɔɔmun, gaai ka mo yɛ pa kɔ́ pɛlɛi kaa, ka kɛ mą́ą́: ‹Kpələ! Tɔɔmun mə mąąnɛ̨ɛ̨ ə ku ɲąąwooɓo.› Ya pa Yai-Laa ka wɔ Yálái ɓə gaa a ka wɔ tɔɔmun.

Yálá laawoo hɛɓɛ

¹² Kɛlaa, Nahasə yai kɛ a Amɔn nuą di wɔ tɔɔmun, gaai ka mo yɛ pa kɔ́ pɛlɛi kaa, ka kɛ mą́ą́: ‹Kpələ! Tɔɔmun mə mąąnɛ̨ɛ̨ ə ku ɲąąwooɓo.› Ya pa Yai-Laa ka wɔ Yálái ɓə gaa a ka wɔ tɔɔmun.

Bible

¹² Gɛ́ɛ ká gàa a gɛ́ɛ Nãai nyíi kɛ̀ a kâloŋ Amɔŋ è kɛ̀ pâi kɔ́ pɛlɛ̂i kâai, berei máŋ Ǹuu-namui Káɣâlai è kɛ̀ la a kákâloŋ, ká mò ḿâ kâai, ‘Tãi da kpɛ́ni ká ŋí. Kwa kúkpɔɔi kaloŋ wɛ̂lii é kɛ́ kúmɛi kâai.’

Samuɛlə dɔlɔɔ 12:12 Iomraidhean Croise

Zɛnɛse 17:7

Gáá nwóó kwɛlɛi yɛ́ ka ə́ huwuhu kaa a lɔwai lɔpee gəlee, yili ɓa, gáá a ə́ wɔ Yálá ka ə́ huwuhu nuą.

Mąątɛ̨nɛ̨ 74:12

Ya pa ə həɠə wɔlɔ wɔlɔ ɓa, Yálá, yɛ́ lɔ ɓə a nwɔ́ tɔɔmun, yɛ́ kɔ́ɠaa nɛ̨ɛ̨ nɔi ŋɛ̨i ɓa.

Azaya 33:22

Tɛ̨ą li Yai-Laa ɓə a ku kiti tee mun, ya ɓə gaa a ku ɲąąwooɓomun, Yai-Laa ɓə ɓaa kuɔ tɔɔmun, ya ɓə a ku nwun mąąɓo.

Ɉeremi 40:11

Ə mą kɛ, Ɉuda nuąi Moabə lɔi hu, Amɔn nuą lɔwai Edɔmə da nɔi kəlee hu; di bələ mɛ̨n diɛ kɛ Babilonə tɔɔmun aa kɛ nuą lɛɛ Ɉuda lɔi hu; ɛlɛɛ, aa kɛ Ahikamə lon Gedaliasə, yai kɛ a Safan lon ɉee, yɛ ɲɛ̨i kɛ nɔi ɓa.

Osia 13:10

Ə́ wɔ tɔɔmun gaa mį, ə ə́ ɓalo ə́ wɔ taaɠaai kəlee hu, ə́ nwun mąąɓo nuą, a diɛi ə́ kɛli kɛ diɛ: «Tɔɔmun dɛɛ bɔ́ da ɲɛ̨itɔwɔ nuą»?

Lonon mo 23:21

Və́ mɛ̨nį ɲąąnwąnąą kaai Ɉakɔbə pɔɔli. Və́ mɔ̨nɔ̨ kaai Israɛlə nwɔ lɔi hu. Yai-Laa yai a nwɔ Yálá, gaa bulu, di kaa di yee lɔwai mą yɛ tɔɔmun.

Nwun mąąɓo 8:23

Zedeɔn yɛ diɛ: «Və́ pai kɛi a ka ɲɛ̨itɔwɔ mun, nón və pai kɛi la, Yai-Laa ɓə pai kɛi a ka ɲɛ̨itɔwɔ mun.»

Nwun mąąɓo 9:18

háákələi hvólói ŋɛ̨i, kaa ka muhəɠə, kaa pɛlɛ ną́n ɲəi bɛlɛ́n nuą diɛ, kaa non ɉinąą pow mɛ̨ihveelɛi kəlee paa kwɛni tɔ̨nɔ̨ mɛ̨i, yili pulu, kaa nwɔ luwɔ nɛ̨ą lon Abimelɛkə kɛ a tɔɔmun Sisɛmə daai kalanɉonŋaa nwun na, mąąhɔlɔɓo, ka kaayɔwɔ li!

Samuɛlə dɔlɔɔ 10:19

Ya ka tii, háákələi, kaa ka kili kulɔ ka wɔ Yálái hu, yaa tii a ka kulɔ ka wɔɔ mɔ̨nɔ̨ɠaa kəlee hu, da ka wɔɔ kwəi pili mąą mɛ̨nįɠaa kəlee. Ya ɓə kaa diɛ: «Ə tɔɔmun dɛɛ ka pɔ.» A kɛ tii kani, ka pa Yai-Laa lííla a ka huwuɠaa laa, da gwəliɠaa laa.›»

Samuɛlə dɔlɔɔ 8:3

Kɛlaa, non ɉinąąi tii, di hvo hvilɛn bɔɔ ŋą, hɛn nwɛlilaa ə di kili kala di kwəi, diɛ nɔgwəi mɛ̨inɛ̨ɛ̨ɠaa hon, diɛ tɛ̨ą mąą mɛ̨nį pili ɉu.