Samuɛlə dɔlɔɔ 11:6 - Yálá laawoo hɛɓɛ (dc)

⁶ Yálá nwɔ Kilii ə pa Saulə pɔ, nwooɠaa tii mɛn ə mo nii ə holi kpɔ kɛnɛ̨.

Yálá laawoo hɛɓɛ

⁶ Yálá nwɔ Nįį ə pa Saulə pɔ, nwooɠaa tii mɛn ə mo nii ə holi kpɔ kɛnɛ̨.

Bible

⁶ Naa kɛ́ɛ tii, Ɣâla ŋɔmɔ̂leŋ è pìli Sɔ̂ɔ kponôi a maa félaa é gɛ́ Sɔ̂ɔ é ǹíi ŋwána kpɔ́ a ŋ̀ánaa.

Samuɛlə dɔlɔɔ 11:6 Iomraidhean Croise

Lɛɛ gbɔwɔ ɓa 32:19

Di kɛɛ lɛɠɛi muwu la, di nįŋɛ̨ lon gaa, nuą daa wələ yɛli tinɛ̨n mą. Moisə lii ə holi kpɔ kɛnɛ̨, gwɛni ɓɛlaɠaa ti kɛ ɲəi, ə bili, gəlee hu ə yali ɲee kɔ́wɔ la.

Lonon mo 12:3

Moisə ə kɛ a nui a gbɔwɔ mąą yɛɛ ə tɛɛ nu kəlee ɓa ɓɛ yɛnɛ̨ɛ̨.

Markə 3:5

Jesus ə di kaa, níí ə holi di wɔ kiliŋąhiɛ ɲɔ̨nwɔ tii kɛ di diɛ mąą mɛ̨nį ɓa. Ə nɛ̨ɛ̨mą, ə mo ɉulɔnu tii ɓa yɛ mą: «Ə yee haŋą.» Ɉulɔnui tii ə́ ɲee haŋą, ɲee ŋąą ə́ pɛli.

Ifisiɛŋ 4:26

Ká líí a holi, 'ká hvo nɛ̨ŋɛ̨n ɉəɠə; hvóló hvo laa kpɔlɔ ɲą, ká wɔ lííholi ə ɓo ni ɉu.

Nwun mąąɓo 11:29

Yai-Laa ə nwɔ Kilii tɛɛ Ɉɛfte pɔ, ə Galaadə lɔi da Manase lɔi hu hiɛ, ə li Mispa, həɠəi ə mo Mispa, ə li Amɔn nuą di wɔ lɔi hu.

Nwun mąąɓo 13:25

Ɓɛlɔwai Samsɔn ə kɛ la Mahane-Dan, Sorea da Ɛstaɔlə di lɔwai, Yai-Laa nwɔ Kilii ə gɔwɔ tɔɔ, yɛ too ɉu.

Nwun mąąɓo 14:6

Nąąlɔwai, Yai-Laa nwɔ Kilii ə too Samsɔn hu, hɛn da hvo kɛ ɲəi. Ə ɲalai tii hu ɓɛla, yɛ bələi da ɓolu lon ɉu ɓɛla la. Kɛlaa, mɛ̨nįi tii ə gɛ, hvo ɉukulɔ nee da nąn diɛ.

Nwun mąąɓo 15:14

Ɓɛlɔwai di həli la Lɛhi daai, Filisti nuą di pa naakwiɛn ɉii, diɛ tomą a kwəinɛ̨ɛ̨. Kɛlaa, Yai-Laa nwɔ Kilii ə too ɉu, ɲɛli tii di ɲili la, ə kɛ lɔ yɛ nwɔ̨n a yeekali kələn, ə tee ɲeeɠaa diɛ.

Nwun mąąɓo 3:10

Yai-Laa nwɔ Kilii ə kɛ ɲəi, ə Israɛlə ɲąąwooɓo, ə kɔ́ pɛlɛ Kusan-Riseataimə ɓa, yai kɛ a Aramə tɔɔmun, Yai-Laa ə yeetɛɛmąą laa tɛɛ bɔ Kusan-Riseataimə mɛ̨i.

Nwun mąąɓo 6:34

Yai-Laa nwɔ Kilii ə pa Zedeɔn pɔ, Zedeɔn ə túlú hvɛɛ, ə gɛ, Aviɛzɛrə nu huwu di hvilɛn bulu.

Samuɛlə dɔlɔɔ 10:10

Həli di mo Givea, da Yálá kwəi mɛ̨nį hukulɔ nuą di kwiɛn. Nąąlɔwai, Yálá nwɔ Kilii ə pa bɔ, hvo kɛa kɛ gbɔwɔ yee kɔ́nma lɔ yɛ pələi yiiɠaai tii di kɛ la.

Samuɛlə dɔlɔɔ 10:6

Nąąlɔwai Yai-Laa nwɔ Kilii kaa pai tɛɛi ə́ pɔ, yɛ́ mɛ̨nįɠaa kɛ ka diɛni, Gilii tii kaa pai ə́ kɛ pələ mąąhvalin ɉii.

Samuɛlə dɔlɔɔ 16:13

Samuɛlə ə nɛɛ mą, ə nwulɔ həɠə, ə ɉulɔnon tii mąątí la niɛni lɔwai, Yai-Laa nwɔ Kilii ə pa Davidə pɔ a volói tii, ə həɠə ɲələ ɓa yɛ li la tɔwɔ pələ. Samuɛlə ə həɠə ə hvilɛn bələ ɓa, yɛ li Rama daai.

Samuɛlə dɔlɔɔ 16:14

Yai-Laa nwɔ Kilii ə kulɔ Saulə yəi, ə lɛɛ, Yai-Laa ə ɲįnɛ̨n vilɛn Saulə pulu, yɛ mɔ̨nɔ̨ɓo.