Samuɛlə dɔlɔɔ 10:6 - Yálá laawoo hɛɓɛ (dc)

⁶ Nąąlɔwai Yai-Laa nwɔ Kilii kaa pai tɛɛi ə́ pɔ, yɛ́ mɛ̨nįɠaa kɛ ka diɛni, Gilii tii kaa pai ə́ kɛ pələ mąąhvalin ɉii.

Yálá laawoo hɛɓɛ

⁶ Nąąlɔwai Yai-Laa nwɔ Nįį kaa pai tɛɛi ə́ pɔ, yɛ́ mɛ̨nįɠaa kɛ ka diɛni, Nįį tii kaa pai ə́ kɛ pələ mąąhvalin ɉii.

Bible

⁶ À kɛ̀ tí, Ǹuu-namui ŋɔmɔlêŋ a pâi pâi kpɔ́ ímɛi a m̀aa félaa. Ǹyaŋ a pâi íkɛ̂i kpɔ́ a núu da kpɛ́ni. Nyíŋi à kɛ̀, yâ pâi nâa kɛ̂i tuɛ-mɛni ƃôi ka dîa-ni.

Samuɛlə dɔlɔɔ 10:6 Iomraidhean Croise

Lonon mo 11:17

Gáá pai yɛɛi, ŋą́ mɛ̨nį ɓo yɛ́. Gilii tii ə́ yəi, gáá pai da wolo həɠəi, ŋį́ dɛɛ di pɔ, ka diɛni ɓə pai kɛi nuą ŋɛ̨i lɔwai mɛ̨nį hutɔɔi, yɛ́ tɔ̨nɔ̨ hvəi kɛa di kaa pai lɛɛi ə́ nwuɔ̨.

Lonon mo 11:25

Yai-Laa ə yɛɛ da Moisə di lono kɛ. Yili pulu, ə Moisə nwɔ kilii tawolo həɠə, ə dɛɛ nu pow mɛ̨ihveelɛi tii pɔ. Yii kɛa ə dɛɛ tii di pɔ, di hvo kɛa kɛ di kpɔɔ yee kɔ́nma, diɛ kɛa Yálá kwəi mɛ̨nį ɓo; kɛlaa, di hvo lamun ɉu.

Lonon mo 11:26

Nu hveelɛ di lɛɛ muwu la, diɛ kɛ dɔ̨nɔ̨ laa ɓaa Ɛldadə, diɛ kɛ dɔ̨nɔ̨ ɓa Medadə, Gilii tii ə pa di pɔ, di laa ə kɛ galanɉonŋąąi tii pɔ; di wɛi, di hvo gɛ di hvo li gee kaa kələ laaləi. Di kɛ laa diɛ kpɛli, diɛ Yálá kwəi mɛ̨nį ɓo.

Lonon mo 11:29

Moisə yɛ Ɉosue ɓa: «A kɛ tii ə́ kaa mą́ą́ toló kulɔi? Ə li kɛ mun, Yai-Laa a hvaa mą, ə nwɔ Kilii tɛɛ nwɔ nu kpului ŋɛ̨i kəlee pɔ, gəlee di kɛ a Yálá kwəi mɛ̨nį hukulɔ nuą!»

Maafîu 7:22

Volói tii, nu tamąą kaa pai kɛi mą́ą́: ‹Ną́mu, Ną́mu. Kɛlɛi, ku kɛi Yálá mąą mɛ̨nį ɓo nuą diɛ, ə́ laa hu? Ku kɛi ɲį́nɛ̨nŋąą kpɛ nuą pulu ə́ laa hu? Kuɔ kpalo mɛ̨nį tamąą kɛ ə́ laa hu?›

Nwun mąąɓo 14:6

Nąąlɔwai, Yai-Laa nwɔ Kilii ə too Samsɔn hu, hɛn da hvo kɛ ɲəi. Ə ɲalai tii hu ɓɛla, yɛ bələi da ɓolu lon ɉu ɓɛla la. Kɛlaa, mɛ̨nįi tii ə gɛ, hvo ɉukulɔ nee da nąn diɛ.

Nwun mąąɓo 15:14

Ɓɛlɔwai di həli la Lɛhi daai, Filisti nuą di pa naakwiɛn ɉii, diɛ tomą a kwəinɛ̨ɛ̨. Kɛlaa, Yai-Laa nwɔ Kilii ə too ɉu, ɲɛli tii di ɲili la, ə kɛ lɔ yɛ nwɔ̨n a yeekali kələn, ə tee ɲeeɠaa diɛ.

Nwun mąąɓo 3:10

Yai-Laa nwɔ Kilii ə kɛ ɲəi, ə Israɛlə ɲąąwooɓo, ə kɔ́ pɛlɛ Kusan-Riseataimə ɓa, yai kɛ a Aramə tɔɔmun, Yai-Laa ə yeetɛɛmąą laa tɛɛ bɔ Kusan-Riseataimə mɛ̨i.

Samuɛlə dɔlɔɔ 10:10

Həli di mo Givea, da Yálá kwəi mɛ̨nį hukulɔ nuą di kwiɛn. Nąąlɔwai, Yálá nwɔ Kilii ə pa bɔ, hvo kɛa kɛ gbɔwɔ yee kɔ́nma lɔ yɛ pələi yiiɠaai tii di kɛ la.

Samuɛlə dɔlɔɔ 10:9

Saulə ə lɛɛ lɔ bulu tɔɔ Samuɛlə ɓa yɛ li, Yálá ə gili mąą pənə gwəi; mɛ̨nįɠaa tii di həli Saulə ɓa a mąą yələ.

Samuɛlə dɔlɔɔ 11:6

Yálá nwɔ Kilii ə pa Saulə pɔ, nwooɠaa tii mɛn ə mo nii ə holi kpɔ kɛnɛ̨.

Samuɛlə dɔlɔɔ 16:13

Samuɛlə ə nɛɛ mą, ə nwulɔ həɠə, ə ɉulɔnon tii mąątí la niɛni lɔwai, Yai-Laa nwɔ Kilii ə pa Davidə pɔ a volói tii, ə həɠə ɲələ ɓa yɛ li la tɔwɔ pələ. Samuɛlə ə həɠə ə hvilɛn bələ ɓa, yɛ li Rama daai.

Samuɛlə dɔlɔɔ 19:20

Saulə ə nuą tɔɔ Davidə hon mɛ̨nį ɓa. Di Yálá kwəi mɛ̨nį hukulɔ nuą kpulu kaa, diɛ mɛ̨nįɠaa ɓo Yálá yee kɔ́nma. Samuɛlə ə kɛ di ɲɛ̨itɔwɔ. Yálá nwɔ Kilii ə too Saulə nwɔ nuąi ə di tɔɔ di hu; diɛ kpɛli mąn diɛ mɛ̨nįɠaa ɓo, di hvo kɛ di kpɔɔ yee kɔ́nma.