Samuɛlə dɔlɔɔ 10:5 - Yálá laawoo hɛɓɛ (dc)

⁵ Yili pulu, ə́ kaa pai həli Givea Yálá taa, ɓɛi Filisti tɔɔɓɛlaa kaa laa. Yá həli daa kwɛlɛ, ə́ kaa pai kulɔi Yálá kwəi mɛ̨nį hukulɔ nuą kpulu mɛ̨i, diɛ həɠə ɉaláá kulɔi, diɛ tɛ taai, hvɛli kɛ nuą di ɓo di tɔwɔ, diɛ gwɛnįn ɲɔw, da ɓala, diɛ ɓɔɔ hvɛɛ, diɛ bɛlɛgwəi gwɛnįn ɲɔw. Di kaa pai kɛi Yálá-Nįi yee kɔ́nma.

Yálá laawoo hɛɓɛ

⁵ Yili pulu, ə́ kaa pai həli Givea Yálá taa, ɓɛi Filisti tɔɔɓɛlaa kaa laa. Yá həli daa kwɛlɛ, ə́ kaa pai kulɔi Yálá kwəi mɛ̨nį hukulɔ nuą kpulu mɛ̨i, diɛ həɠə ɉaláá kulɔi, diɛ tɛ taai, hvɛli kɛ nuą di ɓo di tɔwɔ, diɛ gwɛnįn ɲɔw, da ɓala, diɛ ɓɔɔ hvɛɛ, diɛ bɛlɛgwəi gwɛnįn ɲɔw. Di kaa pai kɛi Yálá-Nįi yee kɔ́nma.

Bible

⁵ Ǹaa pôlu ma, lí Gii-baa ƃɛ́i Felesia-ŋai da kɔ́ kɔ́-ƃelai díƃûui káa naai. Yà kɛ̀ pâi serîi daai su, yâ pâi Ɣâla ŋɔlóno kɛ́-ƃelai kpulu kâai naa díkɛ yèŋ da kûla ŋ̀âla fɛli kwaai ma. Dà kɛ̀ siâi, da pâi kɛ̂i tuɛ-mɛni ƃôi. Díƃarâai da pâi kɛ̂i dítuɛ pere díkɛ gɔnîŋ ɣàle, díkɛ gbuŋ-gbuŋ tua, díkɛ ŋɔ́nɔ ƃɔ̀ɔ fɛ̂ɛ.

Samuɛlə dɔlɔɔ 10:5 Iomraidhean Croise

Tɔɔɓɛlaa dɔlɔɔ 18:29

Hvóló paa kɛa nwun ma, di kɛi lɔ tomą, ə lɛɛ ɉu ə həli la yələwulii haláá kulɔi lɔwai ɓa. Kɛlaa woo ta hvo tɔɔ, di hvo woo ɲąą pənə hɔlɔɓo, mɛ̨nį ta hvo kɛ.

Tɔɔɓɛlaa veelɛ 2:15

Yálá kwəi mɛ̨nį hukulɔ nuą di wɔ kalan nɛa ŋɛ̨i kɛ Ɉeriko, yii kɛa di gaa tii, diɛ di kee ɓa: «Yálá nwɔ Kilii ŋɛ̨i kɛ Eli yəi, yɛ Yálá kwəi mɛ̨nį ɓo la, aa lɔ Elise hu.» Di nɛɛ mą, di pa, di Elise laakwiɛn, di pɛlɛ nɔi ɓa di kwɛli hvilɛn mą;

Tɔɔɓɛlaa veelɛ 2:3

Yálá kwəi mɛ̨nį hukulɔ nuą di wɔ kalan nəai kɛ Betɛlə, di di mąą lɛɠɛ Elise ɓa, diɛ mą: «Ə kili kaa ɉu yɛ́ kələi ɓə Yai-Laa kaa ə́ kalamɔ̨ɔ̨ həɠəi la ə́ mɛ̨i?» Yɛ diɛ: «Gíli kaa tii ɉu; ka ka laa pilɛ.»

Tɔɔɓɛlaa veelɛ 2:5

Yálá kwəi mɛ̨nį hukulɔ nuą di wɔ kalan nɛa di kɛ Ɉeriko, diɛ Elise ɓa: «Ə́ kili kaa ɉu yɛ́ kɛ háákələi ɓə Yai-Laa kaa ə́ wɔ kalamɔ̨ɔ̨ həɠəi la ə́ nwun mɛ̨i?» Elise yɛ diɛ: «Gíli kaa kpɔ tii ɉu, ka ka laa pilɛ.»

Tɔɔɓɛlaa veelɛ 2:7

Yálá kwəi mɛ̨nį hukulɔ nuą nu pow lɔɔli di li di hee Ɉurdɛn kwɛlɛ, di mąą ta wolo kwɛaa Eli da Elise diɛ.

Tɔɔɓɛlaa veelɛ 3:15

Yɛ diɛ, 'ka hvɛli kɛmun dɔ̨nɔ̨ təli ə pa.» Yii kɛa vɛli kɛmun ə kɛi vɛli kɛ, Yai-Laa yee ə yɛɛ Elise mɛ̨i;

Tɔɔɓɛlaa veelɛ 4:38

Elise ə li Gilgalə ɓɛlɔwai pulu toɔ kɛ la nɔi. Yɛ bələi Yálá kwəi mɛ̨nį hukulɔ nuą di wɔ kalan nɛa di kɛ la laa, di kɛ heeni Elise lííla, Elise ə mo nwɔ tímun mą, yɛ mą: «Nəɠi kɛnɛ̨i tii hee nwɔ̨n ɲą, ə́ kɔ̨nɔ̨n ɲili Yálá kwəi mɛ̨nį hukulɔ nuą di wɔ kalan nɛai mąą mɛ̨nį ɓa.

Tɔɔɓɛlaa veelɛ 6:1

Yálá kwəi mɛ̨nį hukulɔ nuą di wɔ kalan nɛa di mo Elise ɓa, diɛ mą: «Ɓɛi ŋɛ̨i kwa ŋąąkpɔn gɛi laa, nąą hvo kɛnɛ̨ li ku mąą mɛ̨nį ɓa.

Kɔlɔnikɔ Maa-ŋuŋ 11:16

Davidə ə kɛ mąąkilɛ pələi, Filisti nuą di wɔ kɔ́ ɓuwui ta ə kɛ Bɛtleɛmə daai.

Kɔlɔnikɔ Maa-ŋuŋ 13:8

Davidə da Israɛlə lonnii kəlee diɛ mąną kpɔ kɛnɛ̨ Yálá lííla, diɛ wələ too di pulu, diɛ gwɛnįn ɲɔw, bɛlɛgwəi, ɓala da túlú.

Kɔlɔnikɔ Maa-ŋuŋ 16:42

Nuąi kɛ di pɔ, diɛ ɓaa: Heman da Yedutun, ə pɛlɛ la, túlúɠaa diɛ, nalóɠaa, ə mą kɛ, hvɛli kɛ hɛnŋąą, diɛ Yálá mąątɛ̨nɛ̨ wələ mu hee la. Yedutun lonnii ɓə kɛ bɛlɛ́ laaləi.

Kɔlɔnikɔ Maa-ŋuŋ 16:5

Di nwun nąmu Asafə da ɉee gwɛlɛmun Ɉekaria, yili pulu, Aziɛlə, Semiramotə, Yeriɛlə, Matitia, Eliavə, Benayahu da Ovɛdə-Edomə; Yériɛlə ɓə gwɛnįnŋąą da bɛlɛgwəi gwɛnįnŋąą ə kɛ ɲəi, Asafə ɓə kɛi náloɠaa yɔw.

Mąątɛ̨nɛ̨ 49:4

Kilimąą woo lɔ ɓə a kulɔ ná, kili mɛ̨nį ɓə nį́i kaa moi.

Mąątɛ̨nɛ̨ 92:3

Ɛlɛɛ, nu yɛ humo, yɛ ə́ wɔ wɛlikɛmąąlaa loloɓo, yɛ yíi ə́ wɔ tɛ̨ą mɛ̨nį hukulɔi,

Korɛntə dɔlɔɔ 14:1

'Ká wɛlikɛmąąlaa kwɛli, Kili yəi mɛ̨inɛ̨ɛ̨ɠaa mąą lii ə too ká kwəi; gəlee ə mą kɛ, Yálá kwəi mɛ̨nį hukulaa.

Samuɛlə dɔlɔɔ 10:10

Həli di mo Givea, da Yálá kwəi mɛ̨nį hukulɔ nuą di kwiɛn. Nąąlɔwai, Yálá nwɔ Kilii ə pa bɔ, hvo kɛa kɛ gbɔwɔ yee kɔ́nma lɔ yɛ pələi yiiɠaai tii di kɛ la.

Samuɛlə dɔlɔɔ 10:4

Di kaa pai di woo pilii yɛ́, di lɛɠɛ hveelɛ tɛɛ ə́ pɔ, ɉon di yəi.

Samuɛlə dɔlɔɔ 13:2

Saulə ə nu waa haaɓa həɠə ɉu Israɛlə lɔi hu. Saulə da nu waa hveelɛ ɓə kɛ Mikmasə da Betɛlə yee ɓa, nu waa tɔ̨nɔ̨ da Ɉonatan ni di ɓo Givea Bɛnɉamɛn lɔi hu, ə nu kpəliɠaa lɛɛ laa diɛ li di bɔɔli.

Samuɛlə dɔlɔɔ 13:3

Ɉonatan ə Filisti nuą di wɔɔ nwun nąmu paa Gɛva. Filisti nuą di bələ mɛ̨n, diɛ mą Hebreuɠaa daa di muhəɠə. Saulə ə tulu hvɛɛ nąąlɔwai, nɔi nąą kəlee.

Samuɛlə dɔlɔɔ 19:20

Saulə ə nuą tɔɔ Davidə hon mɛ̨nį ɓa. Di Yálá kwəi mɛ̨nį hukulɔ nuą kpulu kaa, diɛ mɛ̨nįɠaa ɓo Yálá yee kɔ́nma. Samuɛlə ə kɛ di ɲɛ̨itɔwɔ. Yálá nwɔ Kilii ə too Saulə nwɔ nuąi ə di tɔɔ di hu; diɛ kpɛli mąn diɛ mɛ̨nįɠaa ɓo, di hvo kɛ di kpɔɔ yee kɔ́nma.

Samuɛlə dɔlɔɔ 9:12

Yiliɠaa diɛ mą: «Ee! Lɛɛ lɔ ə́ ɲɛ̨i tɔwɔ ə́ li, kɛlaa, ə́ mąąhulɔ ə́ li, mąąhɔlɔɓo, ə pa taai háákələi, gbala ə tɔɔ, taa haláá kulɔ mɛ̨nį kaa laa ɉaláá kulɔi.