Samuɛlə dɔlɔɔ 10:3 - Yálá laawoo hɛɓɛ (dc)

³ Ya pa həɠəi laa, ə́ ka pai həlii Tabɔrə nwɔ kpitilii kwɛlɛ, ə́ nu haaɓa kaa diɛ li Betɛlə daa. Ɓooli lon ɉaaɓa kaa pai kɛi dɔ̨nɔ̨ yəi, lɛɠɛ haaɓa ə ɓo dɔ̨nɔ̨ yəi, lɔɔ ɓala ə ɓo ɉaaɓa naa yəi.

Yálá laawoo hɛɓɛ

³ Ya pa həɠəi laa, ə́ ka pai həlii Tabɔrə nwɔ kpitilii kwɛlɛ, ə́ nu haaɓa kaa diɛ li Betɛlə daa. Ɓooli lon ɉaaɓa kaa pai kɛi dɔ̨nɔ̨ yəi, lɛɠɛ haaɓa ə ɓo dɔ̨nɔ̨ yəi, lɔɔ ɓala ə ɓo ɉaaɓa naa yəi.

Bible

³ Ye tɛɛ dîa í lí é lɛ́ɛ la zu í seri ŋ̀úru ƃɔlɔ maa waai ma nyíi gáa Tabɔ. Ya pâi kpakolo saaƃa kâai berei ma díkɛ lì sâla kulâi Ɣâla ma Bɛtɛ. Ǹúui dɔnɔ a pâi kɛ̂i liî a ƃoli-lônii saaƃa, dɔnɔ kɛ́ lì a kpólo kane saaƃa. Sua-kɔlɔ sane láa fɛ́ɛ a ŋwã̂ai a zaaƃa ɣelei yêei.

Samuɛlə dɔlɔɔ 10:3 Iomraidhean Croise

Zɛnɛse 28:19

Ɉakɔbə ə gɛɛnąąi tii laa hee a Betɛlə. Mukulaa ɓaa: Yálá nwɔ pɛlɛ́. Tɔlɔɔ, gɛɛnąąi tii laa ɓaa kɛ Luzə.

Zɛnɛse 28:22

Gwɛni ŋɛ̨i ŋą́ dɔɔ ɓɛ, gaa pai kɛi a Yálá nwɔ pɛlɛ́, hɛn kpɔ Yálá a hvaa mą ŋą́ ɉɔlɔɓo, ŋą́ bow nąą tɛɛ bɔ.

Zɛnɛse 35:1

Yələ ta Yálá yɛ Ɉakɔbə ɓa: «Ə́ muhəɠə, ə́ li Betɛlə ə́ hee laa, ə́ haláá kulɔi pɛli laa Yálá ɓa, yai gbɔwɔ lɛ yɛ́, ɓɛlɔwai ə́ kɛi pu la ə́ liɛ Esau ɓa.»

Zɛnɛse 35:3

Ka ka muhəɠə ka gwə li Betɛlə, Yálái a gúlɔi gánąn mɛ̨nįɠaa hu, ŋį́ haláá kulɔi bɛli laa mą. Ya ɓə gaa bɔ́ nwɔ́ hiɛɠaa kəlee hu.»

Mąątɛ̨nɛ̨ 89:12

Ə́ pɔɔ ɓaa a Yələkɔlɔn! Ə́ pɔɔ ɓaa a lɔi! Yɛnɛ̨ɛ̨ bili-pili gee mɛ̨i da ɉu hɛn gɔwɠaa, yɛ́ ɓə di pɛli.

Ɉeremi 32:8

Bələi kpɔlɔɔ tii Yai-Laa ə mo la mą́ą́, bələ lɔ ɓə ə kɛ la; gálá lon ə pa, ə həli mą́ą́ tɔɔmun mą́ą́kpɛ kulááɠaa yəi gwəlii, yɛ mą́ą́: «Nwɔ́ tíi tii Anatotə, Bɛnɉamɛn nwɔ lɔi hu, ɲá. Mąąhɔlɔɓo, gu kaa bələ hu, da ɉɛnŋaa nwun mąąɓo tɔ́n nąą pələ, yɛ́ ɓə mąąnɛ̨ɛ̨ ə lɛɛ ə́ yəi, yili ɓa, ɲa kani. Ŋą́ gɔlɔn gɛ́ kɛ diɛ, Yai-Laa woo li.»

Levetekɔ 1:10

«Akɛ, taatɛlɛɛ pɛlɛɛ ta ɓə di paa la a Yálá kɔ́ hɛn, diɛ gəlee kələn, ə kɛ a ɓɛlaa, ə kɛ a ɓolu, mąąnɛ̨ɛ̨ ə kɛ a ɉilɛ, nąą ta hvo kɛ mą.

Levetekɔ 23:13

Ka Yai-Laa kɔ́ hɛn bɛlɛ mą a lɛɠɛ hunwɔ̨ gəgən ɉu mɛ̨ida, ɲɔwɔɔ a wulɔ, yili kaa a haláá kɔ̨nɔ̨n mąą kun nɛ̨ɛ̨ a Yai-Laa nwɔɔ, yɛ niilaa, da nɔɔi ka bu nɔi ɓa, ɓɛi ka ɉaláá kulɔ laa, yii a kɛ a múluun gbulɔ.

Levetekɔ 3:12

«Akɛ ɓolu ɓə di paa la, da naa həli Yai-Laa ɓa;

Levetekɔ 3:6

«Akɛ taatɛlɛɛ pɛlɛɛ ta ɓə, daa paa la Yai-Laa pɔ, a liilaa haláá; mąąnɛ̨ɛ̨ ə kɛ a ɉilɛ, awala kɛ tii ɉaa, kpɛɠii hvo kɛ mą.

Levetekɔ 7:13

Mąąnɛ̨ɛ̨ di pa a lɛɠɛ tɛɛ, a Yálá kɔ́ hɛn, di bɛlɛ Yálá hɛɠɛɛɓo nwɔmįi ɓa.

Zasua 19:12

Ə kɛi həɠə Saridə, ə kpəlaan voló həɠəi pələ, ɓa-mįi-yee hu, Kislotə-Tabɔrə ɲɛ̨n ma, yɛ ɉaŋą a Daveratə pələ, yɛ tɛ Yafia.

Zasua 19:22

Di ɲɛ̨n ə kɛi hee Tabɔrə yee ɓa, da Sahasima, Bɛtə-Sɛmɛsə, yɛ hvilɛn na Ɉurdɛn ɓa; taa kpɛa-kpɛaa pow kɔ́w mɛ̨ida, da di yee mu taa pɛlɛɛɠaa.

Nwun mąąɓo 20:18

Israɛlə nuą kəlee də li Betɛlə, di Yálá mąąni kɛ, diɛ mą: «Ku lɔwai, ɉuwu nɛlɛ ɓə pai tɛɛi tɔwɔ, yɛ li pɛlɛi Bɛnɉamɛn nu huwu ɓa?» Yai-Laa yɛ diɛ: «Ɉuda nu huwu ɓə tɛɛi tɔwɔ.»

Nwun mąąɓo 20:23

Israɛlə nuą di tɛɛ, də li di wɔlɔ Yai-Laa ɓa, ə lɛɛ la ɉu, yələwulii pɔ. Di Yai-Laa mąąni kɛ, diɛ mą: «A kɛ tii, mąąnɛ̨ɛ̨ kwəli ku kɔ́ pɛlɛ Bɛnɉamɛn nu huwu ɓa nwɔ̨nɔ̨, diɛi di kaa a ku kayɔwɔɠaa?» Yai-Laa yɛ diɛ: «'Ka li.»

Nwun mąąɓo 20:27

Di pənə di Yai-Laa mąąni kɛ, mąąhɔlɔɓo, Betɛlə ɓə Yálá nwɔ mįnɛ̨ kəhi ə kɛ laa,

Nwun mąąɓo 4:12

Di mo Sisera ɓa, diɛ mą: «Avinoamə lon Barakə aa tɛ Tabɔrə yee ɓa.»

Nwun mąąɓo 4:6

Debora ə Avinoamə lon Barakə təli, yai kɛ a Kɛdɛsə, Nɛftali lɔi hu mun. Yɛ mą: «Yai-Laa Israɛlə nwɔ Yálá, yii ə mo ya ka, yɛ: ‹Ə́ li ə́ nu waa pow ŋąąkpɔn Tabɔrə yee ɓa, ya di həɠə Nɛftali lonnii da Zabulɔn lonnii di lɔwai.

Nwun mąąɓo 8:18

Nąąlɔwai, Zedeɔn ə Ɉɛva da Salmuna di mąąni kɛ, yɛ diɛ: «Nuąi ka di paa Tabɔrə, di kɛ pələ ə kɛ ləi?» Ɉɛva da Salmuna diɛ mą: «Di kɛ pələ ə kɛ, yɛ bələi ə́ kaa la, di ɲɛ̨ilai ə kɛ a tɔɔkwəlii lonnii.»

Samuɛlə dɔlɔɔ 10:4

Di kaa pai di woo pilii yɛ́, di lɛɠɛ hveelɛ tɛɛ ə́ pɔ, ɉon di yəi.